Dagur 50 ár 9 (dagur 3336, færzla nr. 1192)
Ragnar Óskarsson, hvar á ég að byrja...
Byrjum bara á byrjuninni:
Komum í veg fyrir slys; Ragnar Óskarsson skrifar
Skoðanakannanir benda nær allar til þess nú dagana fyrir kosningar að ómenguð hægri stjórn taki við völdum á Íslandi innan skamms.
Hægri? Á Íslandi? Ef bara að við værum svo heppin. Seinast þegar ég tékkaði var vinstri stjórn búin að vera við líði frá stofnun lýðveldis. Það sjáum við með því að skoða meðal-verðbólgu á tímabilinu, en hún er ca 15%, sem bendir eindregið til þess að hér hafi alla tíð verið við líði menn sem hafa ekki hundsvit á peningum.
Sem sagt vinstri menn.
Annað sem bendir eindregið til sósílaískra tendensa er stærð ríkisins. Hve margir vinna fyrir ríki? Meira en 20% núna. Það er mjög vinstri.
Ríkið rekur alla bankana. Það gerist ekki meira sósíal.
Ríkið hefur einkaleyfi til að selja brennivín.
Það má ekki bara dreifa ösku þinn hvar sem er né jarða þig í garðinum heima. Sósíal.
Og þannig má lengi halda áfram.
Það verður engin hægri stjórn, því það hafa aldrei verið neinir hægri flokkar.
"Vissulega eru þetta alvarleg tíðindi"
Nei, þetta væri of gott til að vera satt.
"almenningur á Íslandi þarf allt annað nú en samstjórn Sjálfstæðis- og Framsóknarflokks."
Eftir undanfarin 4 ár myndum við flest sætta okkur ágætlega við Adolf Hitler & Nazistana. Þeir væru framför. Það yrði næg vinna, fullt af iðnaði, höfuðborgin yrði mikið endurbætt sem og vegakerfið.
Þessir tveir flokkar bíða eftir því að fá að:
Þetta þurfum við að fara yfir lið fyrir lið:
• Einkavinavæða sameiginlegar eignir þjóðarinnar eins og bankana forðum.
Ef fólk vill ekki einkavinavæðingu má alltaf skoða bandaríkin, en svoleiðis lagað tíðkast minna þar. Á Íslandi er hún hinsvegar landlæg, og allir taka þátt í henni, óháð flokkum.
• Lækka skatta á þá ríku.
Þeir ríku virðast hér vera þeir sem hafa einhverjar tekjur. Svo það er bara jákvætt, og ég get stutt það heils hugar.
• Einkavæða heilbrigðiskerfi í þágu þeirra sem best geta borgað fyrir þjónustuna og á kostnað venjulegs fólks.
Ég er ekki viss um að okkar maður skilji merkingu orðsins "einkafyrirtæki."
Sko, tökum sem dæmi Bæjarins bestu. Það er einkafyrirtæki. Þegar einhver kaupir pylsu hjá bæjarins bestu, er hann að borga það úr eigin vasa (hægri) (nema menn sem borga með kreditkorti ráðuneytisins, en þeir eru að borga úr okkar vasa (vinstri)).
Þegar einhver fer til einkarekinnar læknastofu, gefið að þar sem það sé gert sé ekkert ríki og allt sé fullkomlega einka, er hann að borga það úr eigin vasa. Ekki fæ ég séð hvernig það er á kostnað neins annars, hvað þá fólksins, nema viðkomandi hafi safnað, til dæmis með því að spila á gítar í kringlunni eða eitthvað.
Reyndar veit ég ekki betur en flestar tannlæknastifur séu einkareknar. Ekki hef ég heyrt neinn nöldra, nema meira svona almennt vegna ótta við tannlækna per se.
Hvað er vandamálið?
• Virkja náttúruperlurnar í þágu stóriðju og á kostnað íslenskrar náttúru og almennings.
Jæja...
1: þetta er rökvilla. Höfðun til tilfinninga. "Æ nei! Það á að breyta geysi í kjarnorkuver! Hugsið um börnin!" eða "Ó nei! það á að breyta Gullfoss í olíuhreinsunarstöð til þess að búa til ofbeldisfullt klá fyrir börn! Hugsið um börnin!" osfrv.
2: þetta er sagt með víðsýni manns sem horfir í gegnum rör, og með ímyndunaraflu dauðs íkorna. Í alvöru? Er allt ísland svo fullt af ómetanlegum náttúruperlum að hvergi má virkja? Eða stendur kannski bara til boða að virkja náttúruperlur, vegna þess að allar tilgangslausu auðnirnar eru í umhverfismati að eilífu?
3: Hvernig er þetta á kostnað almennings? Virkjanir yrðu til mikilla hagsbóta fyrir almenning. Þegar menn virkja, er það ekki bara upp á punt, eins og Harpan.
• Selja rafmagn til stóriðju á spottprís en til almennings á okurverði.
Ég veit ekki betur en rafmagn sé frekar ódýrt hérna, svona miðað við allt. En hey, gæti það verið ódýrara?
• Veikja allar eftirlitsstofnanir þannig að fjármálamenn t.d. fái að valsa um með eignir að vild á kostnað almennings í landinu.
Það er hálf tilgangslaust að eiga eignir ef maður má ekki valsa með þær að vild. Og seinast þegar ég valsaði með einhverja af mínum eignum að vild, þá vera það víst á minn kostnað, amk man ég ekki eftir að almenningur hafi greitt mér neitt fyrir það.
Þetta þarftu að skýra nánar.
Enn getum við komið í veg fyrir hægri stjórn
Ég skoða það, þegar ég hef hindrað uppgang falangista í kolakjallaranum hjá mér.
og tryggt áframhaldandi uppbyggingu í þágu almennings.
Hvaða uppbyggingu? Fyrst þurfum við að losna við þessa óþolandi niðurrifsstjórn, svo getum við bara vonað að sú næsta verði ögn skárri.
Það gerum við með því að kjósa X V á laugardaginn.
Mitt atkvæði er til sölu fyrir flugmiða til Norge eða Canada, aðra leiðina, og 25.000.000 króna að jafnvirði í gjaldmiðli viðkomandi lands. Annars geta þeir bara stokkið í Kaplagjótu.
Og svo er önnur grein:
Þegar núverandi ríkisstjórn settist að völdum fyrir góðum 4 árum tók hún við samfélagi í rúst.
Verra var að hún reyndi hvað hún gat að skemma það meira, og hefur tekist að viðhalda kreppunni mjög vel.
Það var ekki öfundsvert að taka við búinu.
Annað en núna, þar sem það verður allt mjög auðvelt næstu 4 árin. Allt sem þarf er að taka til baka allt sem niðurrifsstjórnin hefur gert undanfarin 4 ár, og allt mun batna, hægt en örugglega.
Vinstrihreyfingin- grænt framboð og Samfylkingin sýndu hins vegar mikinn kjark og þor að takast á við það heljarstóra verkefni að reisa þjófélagið upp úr þeim gífurlegu þrengingum sem hér hafa verið nefndar.
Þessi lyf sem þú ert á, hvar fæ ég þau?
Flokkarnir vissu að það sem gera þyrfti yrði ekki vinsælt og óhjákvæmilegt væri jafnvel að fylgistap fylgdi í kjölfarið.
Það var náttúrlega ekki vinsælt að stöðva allar framkvæmdir í landinu. Það var ekki óhjákvæmilegt heldur.
Það var ekki vinsælt að auka verðbólguna með fleiri nýjum sköttum og gjöldum en talin verða á fingrum annarrar handar, né óhjákvæmilegt.
Það var hvorki vinsælt né óhjákvæmilegt að reyna að láta almenning borga skuldir einkafyrirtækja.
Og svo framvegis. Og svo gáfu þessir asnar palestínumönnum 130 milljíonir.... ég sé eftir þeim pening.
Allt kjörtímabilið sem nú er að líða hefur ríkisstjórnin unnið kappsamlega að því að reisa samfélagið úr rústunum.
Og þurrt vatn rennur úr sjónum til fjalla.
Nú er reyndar svo komið að efnahagsmál landsins hafa tekið algerum stakkaskiptum
Við erum á hvínandi kúpinni ennþá.
allir erlendir sérfræðingar sem fylgst hafa með endurreisninni hafa borðið lofsorð á árangur stjórnvalda.
Nefndu nöfn. Eða bara eitt. Þar er sauður sem ég þarf að hella mér yfir og hæða, að eilífu.
Fulltrúar þeirra flokka sem komu landinu á hausinn, þ.e. Sjálfstæðisflokks og Framsóknarflokks, halda hins vegar áfram að gaspra um að allt sé ómögulegt þótt þeir auðvitað viti betur.
Afsakið, en ég man ekki betur en SAMFYLKINGIN hafi verið hinn hrunflokkurinn. En ég man þetta náttúrlega svo vel, því ég var þar. Ímyndið ykkur bara hve hissa ég var þegar fólk kaus hana yfir sig aftur.
En hvað svo? Hvað tekur við eftir kosningar?
Annað hrun? Vegna þess að skuldirnar sem Samspillingin og VitGrannir er óviðráðanlegar. Það á amk eftir að taka mörg ár að moka skítinn eftir þau.
Á næsta kjörtímabili er afar mikilvægt að í stjórn landsins verði í höndum félagshyggjuafla
Afsakið, það hefur reynst með afbrigðum illa. Síðan 1944. 15% verðbólga að jafnaði, manstu?
En félagshyggju fáum við, þó hún verði á formi semi-nazista í formi Framsóknar, og sósíaldemókrata í formi Sjálfstæðisflokks.
sem haldi uppbyggingunni áfram í nafni jafnaðar og réttlætis.
Niðurbrjótandi er þeirra uppbygging og rangt er þeirra réttlæti.
Á sama hátt og yfirstandandi kjörtímabil hefur einkennst af varnarleik
Við fólkið höfum oft þurft að verjast yfirgangi stjórnvalda, tvisvar unnum við mikinn sigur á þeim, þegar okkur tókst með harðfylgi að kría þjóðaratkvæðagreiðzlu út úr Óla Fosseta. En ekki hefur alltaf gengið svo vel... því miður. Við höfum misst mörgþúsund manns til Noregs.
þarf það næsta að einkennast af lífskjarasókn sem byggir á traustum grunni og sem nær til allra landsmanna en ekki aðeins til útvalinna eins og raunin var í stjórnartíð Sjálfstæðis- og Framsóknarflokks.
Öll þessi öfugmæli hjá þér láta þá líta svo vel út.
Lygarnar eru of augljósar, þú mátt ekki gleyma, ég var hérna allan tímann, ég sá þetta.
Þess vegna er rökrétt, ábyrgt og skynsamlegt að fela Vinstrihreyfingunni- grænu framboði áframhaldandi umboð til góðra verka.
Hey, þeir fengu umboð til góðra verka hér fyrir 4 árum. Þeir nýttu það til illvirkja eingöngu.
Köstum ekki frá okkur þeim árangri sem náðst hefur.
Þessi árangur... enginn nýr iðnaður, nokkur útgerðarfyrirtæki eru á leiðinni á hausinn, fólk flytur til Noregs, atvinnuleysið er meira en tölur gefa til kynna vegna bókhaldssvindls, sífellt hækkandi verðlag og lækkandi laun.... Köstum þeim árangri sem lengst. Fáum ólýmpíu-sleggjukastara til þess.
Tryggjum áframhaldandi framfarir. Kjósum X V laugardaginn 27. apríl 2013
Nei. Þeir eru illmenni hin mestu. Réttast væri að kjósa þá af eyjunni, en það stendur víst ekki til boða, svo... það eru þarna 12 aðrir flokkar sem vert er að kíkja á í staðinn.
