Dagur 143 ár 6 (dagur 2335, færzla nr. 934):

Jæja, þá er loksins kominn tími fyrir nýja kvikmynd kvöldsins... en eins og venjulega:

Treilerar:



Drive angry 3D



Mirrormask



The Shining. (OK, svo þetta er pínu öðruvísi treiler... hvenær hefur treiler svsosem verið 100% heiðarlegur?)

Þetta er svo "little shop of Horrors:"



Roger Corman gerði þessa sextíu og eitthvað, að eigin sögn á tveimur dögum, bara til að sýna að það væri hægt. Gekk bara vel sýnist mér.

Já, þessi var svo gerð að söngleik á broadway, sem aftur varð að annarri kvikmynd - nema ekki með Jack Nicholson. Án laganna er þetta rétt yfir klukkutími að lengd, sem er alveg nóg.

Ágætis ræma, merkilegt nokk. Skárri en söngleikurinn.

Dagur 136 ár 6 (dagur 2328, færzla nr. 933):

Ætli maður verði ekki að skrifa eitthvað hérna...



Þetta sá ég uppi á hrauni.



Þetta var uppi á fjalli.



Og þetta, á sama fjalli.



Þetta er skotæfingasvæðið í eyjum.



Þangað fer maður til að skjóta úr rifflum.



Meira en einum, þ.e.



K11 skýtur patrónunum svo langt upp í loft að þær beyglast í lendingu. Ég veit ekki af hverju svissararanir vilja skjóta patrónunum hálfa leið á sporbaug, en það er það sem skeður.



Hér er skotmarkið.



Hér er það upp stillt.



Hér er það eftir.

Það er gaman að þessu.

Dagur 130 ár 6 (dagur 2322, færzla nr. 932):

Þetta er 1978 módel Still rafbíll.



Sjáið þessar rennilegu línur.

Svona bíll vegur í kringum 1800 kíló, og kemst frá 0- ... eitthvað, á svona 5 sekúndum. Gera má ráð fyrir að svona bíll nái kannski 60 kmh sé honum ekið fram af vestari brautarendanum.

Bensíneyðzla á hundraðið er... uhm... þetta er jú rafmagnsbíll.

Það eru 2 gírar: áfram og afturábak.

Staðalbúnaður í svona bíl er sæti. Bæði hægra og vinstra megin. Loftkæling er aukabúnaður, svo og 6 diska spilari, spinnerar, HUD mælaborð og spoilerkitt.

Sjáum nútímalegan framendann:



Fjöðrunin í þessu væri sjálfstæð á öllum hjólum ef það væri fjöðrun. En í stað hennar er nokkurnvegin ekkert. Sem veldur því að þessi bíll hefur verri aksturseiginleika en Mitsubishi Pajero.

Það er frekar ömurlegt að aka út á möl á þessu. Maður finnur fyrir hverri ójöfnu, svipað og í Ferrari.

Bíllinn er að auki búinn vöðvastýri, svo hver sem honum ekur verður afar stæltur - amk í sumum vöðvum - eftir tveggja mánaða akstur.

Sökum þess að ekkert þak er á ökutækinu, engar hurðir eða framrúða, þá er aukabúnaður eins og rafdrifnar rúður, sóllúga og upphituð afturrúða hálf tilgangslaus.



Fyrir utan slík smáatriði er bíllinn afar vel búinn: á þessari mynd má sjá báða mælana, annar sem mælir hve lengi bíllinn hefur verið í gangi, hinn hve mikið rafmagn er enn á honum. Einnig má sjá hvar fjarstýringin að bílskúrnum hefur verið haganlega felld inn í mælaborðið.

Hann væri kannski töff á '33 dekkjum, en það er hætt við að slík breyting gæti endanlega gengið frá aksturseiginleikunum.

Dagur 126 ár 6 (dagur 2318, færzla nr. 931):

Björn fór upp á land til að láta laga á sér nefið eftir að einhver þrjótur stangaði hann. Nú er hann kannski kominn með nef eins og Owen Wilson.... eða ekki.

Hérna, horfið á þetta:



Illugi að dansa og borða umbúðir utan af verkjalyfjum.

Related videos: teletubbies... jæja. Hvernig skeði það? Það er ekkert tagg á þessu. Jæja... það er amk ekki Airi & Meiri. ... og the gummi bear song?!? HVAÐ?

Dagur 121 ár 6 (dagur 2313, færzla nr. 930):

Þá er árið um það bil hálfnað. Hingað til hefur verið aksjón: 2 eldgos uppi á landi, annað var bara upp á showið, hitt rústaði flugsamgöngum í Evrópu og jós ryki yfir eyjar, og víðar, sem verður viðloðandi vandamál út árið - minnst.

Úti í heimi: Grikkland fór á hausinn. Það er ekki á hverjum degi sem heilt land fer á hausinn. Allt fullt af jarðskjálftum. Það er eins og allir skjálftar hafi safnast saman til að verða á þessu ári. Chile, Haíti, Kína... osfrv. Mesta olíuslys sögunnar er í gangi í þessum skrifuðum orðum. Það verður áhugavert þegar það er allt loksins komið upp. Kannski hrynur lindin, og þá kemur allt upp í einu. Gæti gerst. Eins og er er flekkurinn stærri en Ísland. Og svo kynntist heimurinn Vúvúzelanu. Sumir segja að það sé það versta sem hefur gerst á árinu enn sem komið er.

Meðal frekari hörmunga eru vetrarólympíuleikarnir í kanada, HM í Vuvuzela og Heimssýningin í Shanghæ. Allt í lagi, þetta síðasta var kannski ekki svo slæmt.

Þetta hefur verið vont ár fyrir fræg fólk - samt aðallega tónlistarmenn. Eins og venjulega veit maður aldrei hvað þeir heita, þó maður hafi heyrt helstu verk:

Peter T. Ratajczyk, dauður í Apríl, ekkert úr neinu spes, bara útbrunninn:



Type O negative. (Það getur verið að þú hafir aldrei heyrt neitt með þessari hljómsveit, en ef þú hefur ekki heryt af henni, þá hefur þú hlustað of mikið á gömlu gufuna.)

Ronnie Dio dó svo í Maí, úr krabba, sem er mjög ó-rokklegur dauðdagi.



Tóndæmi.

Paul Gray hrökk uppaf í sama mánuði úr eiturlyfjaneyzlu. Sem er mjög mikið rokk, auðvitað.



Slipknot. Þið bjuggust við einhverju öflugra, er það ekki?

Jæja. Að lokum er hér fótboltaleikur sem fór fram fyrir skömmu:



Næstum jafn leim og alvöru fótbolti.