Dagur 25 ár 5 (dagur 1850, færzla nr. 778):

Nú sýnist mér Ísland vera orðið umsvifamesti frmaleiðandi Marijúana í heimi - jafnvel án þess að tekið sé tillit til höfðatölu. Það líður varla sá dagur að löggan rústi ekki einni verksmiðju, minnst.

Hugsum nú augnablik um þetta, svona praktískt: geriði ykkur grein fyrir hve miklu tjóni lögreglan er mögulega að valda á hagkerfinu?

Ég meina, það er ekki möguleiki að þetta sé allt á innanlandsmarkað. Sem þýðir að núna er Þjóðin sem heild að missa af afleiddum tekjum út af þessu. Já, jafnvel þó ræktunin sem slík sé kolólögleg, stunduð með stolnum græjum og hvaðeina, þá er samt 17% söluskattur á matvælum og 25% á öðru.

Gerum okkur nú grein fyrir að dópdílerar þurfa líka að borða, og sumir hverjir ganga um í fötum sem þeir hafa keypt í Hagkaupum, jafnvel. Sumir eiga bíl - meira en 50% af bensínkostnaði þeirra fer beint í Ríkið, að ég tali nú ekki um bifreiðagjöldin...

Ríkið var að stórgræða á þessu. Þetta var peningur beint í hagkerfið.

En nú...

Gefum okkur að þeir hafi grætt þessar 3000 krónur á grammið. Hvað framleiddi þessi síðasta mörg grömm? 15.000? Nenni ekki að stúdera það, en mig minnir það. Það gerir 45.000.000 krónur. Af því hefði líklega 30% farið inn í Ríkissjóð gegnum bara söluskatt og bensíngjald. Sem gerir 15.000.000. Bara af þessum eina bílskúr.

Höfum nú í huga eitt augnablik að þeir eru búnir að taka 24 svona skúra, hver hefur að öllum líkindum verið að gefa Ríkissjóði 10 milljónir, varlega áætlað, svona þrisvar á ári. Gefið að sjálfsögðu að einhver hafi keypt öll efnin, og innlendir dílerar hafi eytt 80% af peningunum hér heima.

Það gerir 240.000.000 milljónir, held ég. Þrisvar - fjórum sinnum á ári.

Þeir hefðu bara átt að líta í hina áttina, held ég.



Mynd fyrir ykkur.

Dagur 23 ár 5 (dagur 1849, færzla nr. 777 - 2):

Jæja, þá er komið að kvikmynd kvöldsins; en fyrst: treilerar!



Kenny begins. (Já, þetta er alvöru kvikmynd. Ég tékkaði.)



Cat shit one.



Tokyo Gore Police. Bara treilerinn er blóðugri en 3 síðustu myndir Quentin Tarantino samanlagt.

Þá er komið nóg af þessu.

Kvikmynd kvöldsins er 5 minutes to live, AKA Door to door maniac, AKA Johnny Cash kills everybody in the world.

Allt í lagi, þetta síðasta er kannski tilbúningur. Og ýkjur. Johnny Cash drepur bara helminginn af öllum í heiminum í þessari mynd. Eða svo gott sem.

Jæja, komið ykkur vel fyrir með tölvuna og passið að sulla ekki kóki á lyklaborðið, poppi á gólfið eða Maríúnana í hátalarana.



Góða helgi.

Dagur 23 ár 5 (dagur 1848, færzla nr. 776):

Þá er ég búinn að sjá afkvæmi Guðlaugar. Hann gretti sig bara.

Það er annars voða fátt að segja um svona krakka. Þeir eru allir eins; liggja bara og baða út öllum öngum.

***

Það eru páskar í næsta mánuði. Páskaeggin eru búin að vera til í mánuð - ef ekki lengur.

Hvernig er það nú með þessa hátíðisdaga, eiga þeir allir að fara að teygja sig yifr í næsta mánuð á undan? Jólin dyrja næstum í október, nú á að byrja að undirbúa Páska í mars. Hvað næst? Verður byrjað að selja rjómabollur í byrjun Janúar?

Gæti verið að það þurfi bara fleiri svona hátíðisdaga með einhverri sér neyzluvöru?

Hmmm....

Hvernig væri að allir byrjuði að borða 17 júní ís?
Eða 1. maí grillaðar pylsur?
Spes gos í tilefni af sumardeginum fyrsta?

Notum svo hvert tækifæri til að sprengja kínverja.

Það verður nóg af kínverjum til að sprengja eftir ekkert of langan tíma.

Dagur 19 ár 5 (dagur 1844, færzla nr. 775):

They might be giants:



Þar höfum við það.

Dagur 16 ár 5 (dagur 1841, færzla nr. 774):

Það fæddist um daginn lamb með tvo hausa. Ég sá það í fréttum. Þeir segja að það séu 30 ár síðan slíkt gerðist síðast.

Aha. Ég vissi ekki að það væru 30 ár síðan 1984 (eða var það 5?). Það var nefnilega þá sem seinast fæddist lamb sem leit svona út. Ég man eftir því. Ég sá það í sjónvarpinu þá. Varla biðu þeir með þá frétt í 5 ár áður en þeir ákváðu að segja frá þessu?

Svona eru fréttirnar.

***

Nú fer að líða að kosningum. Ég bíð eftir að því að lýðræði verði leitt inn í lög, svo 1/20 af þjóðinni þurfi ekki að kjósa til að fá 1/63 af þingsætunum. Það er þannig núna, og þykir af yfirvaldinu vera mjög sniðugt og lýðræðislegt fyrirkomulag.

Nei, maður þarf að vera sköllóttur rafvirki til að halda það.

Hvernig væri "einn maður, eitt atkvæði?" Þeir voru að berjast fyrir því í Suður Afríku fyrir 20 árum. Mandela og có. Og þeir fengu það. Við getum ekki verið eftirbátar Afríku, er það?

***

Það má búast við að bandaríkjadollar hrynji í verði á þessu ári. Um allt að 100%. Sem verður ágætt fyrir útflutningsatvinnuvegina hjá kananum. Það sem veldur er væntanlegt offramboð.

Reyndar grunar mig sterklega að í framtíðinni verði USA svona eins og Brasilía er núna. Slatti af ríkum köllum á brynvörðum bílum og heill helvítis hellingur af alvarlega fátæku liði, og glæpatíðnin þar alveg sky high.

Sko, iðnaðurinn er allur að slappast, atvinnuleysi er að aukast, löggum fer fækkandi af því skattgreiðendum fer fækkandi sem þýðir fleiri glæpir, skotvopnaeign verður kennt um það sem þýðir átök til að fækka þeim svo að að þeim fækkar aðeins í umferð sem þýðir fleiri glæpir sem þýðir meira vesen.

Smásala forðar sér náttúrlega úr sístækkandi glæpahverfum sem þýðir að það verður nokkuð ferðalag í búðir, sem gerir það meiri raun að búa í þeim en ella.

Það verður gott upp úr því að hafa að reka fangelsi. Og Blackwater (eða hvað sem það heitir núna) þarf ekki að leita að vinnu utan lands.

***

Hvað ætli það verði langt þar til það fer að bera á almennilegum óeirðum í Evrópu? Varla langt. Ekki nema allir þar séu of fullir til að nenna því.

So er bara spurning um tíma áður en Kínverju dettur í hug að fara með hernaði eitthvert. Taivan, til dæmis. Eitthvað verða atvinnuleysingjar þar að gera.

Eftir svona hundrað ár verður Asía svo búin að taka við af vesturlöndum. Þau verða öll bara eins og Suður Ameríka er núna, öll bjöguð, ofbeldisfull og skrýtin, á meðan einhverjir Indverjar og Kínamenn eiga alla peningana. Það verður samt svolítið Suður Ameríkulegt.

Við getum farið að framleiða brynvarða bíla fyrir þá gaura fljótlega, held ég.

Dagur 12 ár 5 (dagur 1837, færzla nr. 773):

Það er farinn að berast mikill ruslpóstur frá frambjóðendum. Leiðinlegir eru þeir. Ætlast þessir lúðar til þess að ég trúi því að þeir séu ekki bara einhverjar sokkabrúður fyrir gömlu gaurana? Þið munið, þessa sem settu allt á hausinn.

Við erum eilíflega föst með hálfgerða fasista.

***

Sjónvarpið hefur verið að sýna einhverja þætti um ... leikara held ég. Gamalt efni, hvernig þættir voru unnir í gamla daga.

Það kemur á daginn að allt efni sem var gert fyrir árið 2000 var meira og minna einhverjir einkabrandarar. Já, sumt af þessu átti að vera ógurlega fyndið, en var það ekki nema maður væri leikari, og þekkti þá sem gerðu verkið persónulega.

Glatað lið.

Afgangurinn var allt eitthvert stofudrama, þar sem voru allskyns tákn og vitleysa, sem varla nokkur maður skildi. Og ekki bötnuðu verkin við það að maður skildi um hvað þau í raun fjölluðu, því það var ekkert frekar aksjón í þeim fyrir vikið.

Svo eru menn hissa á að kaninn eigi bíó-markaðinn.

Síðasta mynd Bruckheimers táknaði ekki shit, en það var gaman að horfa á allt þetta dót springa í loft upp.



Það þarf ekki að þýða shit. Það þarf bara að dreyfa huganum áður en maður sofnar.

Dagur 9 ár 5 (dagur 1834, færzla nr. 772):

Hvað er skemmtilegt í heiminum í dag?

Ja, við höfum Mexíkana. Þeir drepa hvorn annan þar hraðar en Palestínumenn & Ísraelar núna, en það er minna talað um það. Af hverju?

Kannski er vandamálið of auðvelt viðureignar - gengin sækjast eftir yfirráðum yfir smyglleiðum og hverfum, á meðan lögreglan hindrar bæði gengin í að verða nógu stór og öflug.

Á meðan hvorugt gengið getur almennilega gengið frá hinu, þá halda óeirðirnar áfram. Og nú er herinn kominn í spilið. Vissuð þið að 150.000 manns hlupust úr mexíkanska hernum í fyrra?

Þeir fá ekki nóg borgað fyrir þetta.

Ef gengin yrðu látin í friði, þá myndu þau berjast á fullu þar til einungis eitt yrði eftir, og það gengi myndi stjórna með harðri hendi - en umtalsvert færri morðum. Kannski svona 1000 á ári vs. 6000 núna.

Eða Mexíkó gæti einfaldlega lögleitt fíkniefnin sem þeir eru að rífast um. Það er alveg vilji til þess. Vandinn liggur í hverjir nágrannarnir eru: Bandaríkjamenn. þeir yrðu brjálaðir ef allt dópið yrði lögleitt í mið & suður-ameríku. Og þeir dæla pening í suður-ameríku á fullu til þess að uppræta dóp-starfsemina.

Ég sé það ekki virka. Mexíkanar sjá það ekki virka. Kólumbíumenn sjá það ekki virka. Bandaríkjamenn sjá það ekki virka.

Þetta hljóta að vera vitleysingar. Meðalgreindur maður væri búinn að skifta um taktík núna. Fyrir löngu.

Skothríðin myndi minnka, og þetta myndi breytast í heilbrigðisvandamál, minna um sig en alkóhólismi.

Hvað um það.

Búumst við auknum glæpum um allan heim í framtíðinni. Það er kreppa. Svoleiðis lagað fylgir efnahagslægðum. Fleiri morð. Allur pakkinn. Viðbrögðin verða bönn við hinu og þessu.

Það er þegar búið að banna eiturlyf. Það má búast við að þau verði bönnuð meira. Skotvopn verða sennilega bönnuð meira en orðið er (sem ýtir undir ofbeldi - merkilegt nokk, það þýðir ekkert að fjölga bara lögreglunni, ekki nema það eigi að vera ein lögga á hverju horni, og það mun bara draga kreppuna á langinn,) svo verður allur vopnaburður bannaður - það er stefnan í Danmörku - með sömu áhrifum og í Bretlandi hér fyrir skömmu held ég.

Kannski á fólkið þetta bara skilið. Að vera nauðgað af hópi ofbeldismanna. Rollur, allt saman.

Ætli bjórinn verði ekki bannaður aftur á meðan ég lifi?

Miðað við greindarstigið í heiminum þá yrði ég ekkert of hissa.

Dagur 4 ár 5 (dagur 1829, færzla nr. 771):

Ég var að spá í að mæta í veisluna hjá Fáfni, en það var í Hafnarfirðinum... svolítið langt. Að vísu hefði ég geta keyrt - þetta virðast vera miklir templarar. Bjóða upp á gos og pylsur, en ekki bjór eins og annað fólk. Sem sagt, í hæsta máta óvenjulegt fólk, engin furða að Ríkið vilji ekki fá þá til landsins.

***

Var í einhverju skralli á föstudaginn. Fékk bók þar, sem ég mun lesa þegar ég hef til þess tíma.

Fékk bók um daginn líka, frá gæjanum á efri hæðinni. Hann var svo ánægður með það að ég hjálpaði honum á fætur eftir að hann datt á hausinn og valt alla leið niður í kjallara þegar hann kom heim eftir eitthvert fylleríið.

Skoða það í góðu tómi.

***

Já...

Dagur 364 ár 4 (dagur 1824, færzla nr. 770):

Ammæli hjá Brynju um daginn. Ammæli hjá Guðlaugarkrakka á næsta ári. Er hann með augu sitthvoru megin á hausnum?

***

Jæja... þá skulum við skoða kvikmynd kvöldsins:



Bucket of blood.

Þessi fjallar um náunga sem langar alveg óskaplega til að vera listamaður. Svo tekst honum það...

Þetta er akkúrat myndin um 101 listamannaelítuna. Fullt af skrítnu liði sem hangir í reykfylltum kjöllurum og þykist búa til list. Sem kemur svo á daginn að er bara dauður köttur þakinn gifsi, eða eitthvað þaðan af verra.

Skemmtið ykkur vel.