Dagur 54 ár 5 (dagur 1879, færzla nr. 789):

Hvernig komu svo kosningarnar út? Ja, fólk kaus allt það sama og venjulega sýnist mér - að mestu leiti. 90% af fólki er jú íhaldsmenn.

Sko: þeir sem kusu áður samfylkinguna gerðu það bara aftur. Hvaðan þeir fengu auka fylgi veit ég ekki, en grunar að fleiri hafi hreinlega mætt. Einhverjar örfáar hræður gætu hafa komið til þeirra frá Sjálfstæðisflokknum, D er jú líkari S en VG; báðir svona þrifalegir sósíalistaflokkar. Aðal munurinn er að annar hefur verið í stjórn, hinn ekki.

Sjálfstæðisflokkurinn tapaði miklu til Borgarahreyfingarinnar, alveg eins og þeir höfðu áður tapað fylgi til Frjálslyndra. Sjálfstæðisflokkurinn hefur líka alltaf dregið til sín fylgi frá hægri kantinum, og ef hann er ekki að standa sig þar þá má búast við að frjálshyggjuliðið reki annað.

VG var að stela fylgi frá Framsókn. Kannski ekki skrítið, því það er nánast eins flokkur. Þeir gætu allt eins runnið saman í einn, og verið þá með 35% fylgi, eða svo.

Nú situr allt þetta blessaða fólk heima og vonast eftir að sem minnst breytist. Ja, 90% af þeim, allavega. Dream on.