Dagur 234 ár 3 (dagur 964, færzla nr. 470):

Í fréttum er þessi gæi, sem heldur fram athyglisverðum hlutum: að kvenfólk sem sé ekki í kufli sem hylur þær frá hvirfli til ilja sé ins og óvarið kjöt.

Það var nú ágætt. Hann vill þá hafa sitt kjöt... ég meina kvenfólk í umbúðum. Allt í lagi, en það er svolítið heitt þarna í Arabalandi, sérstaklega undir svona svörtum kuflum. Mega þær ekki ráfa um naktar smá stund hvern dag?

Sennilega ekki, þar sem refsingin við því er nauðgun. Og hér er ég haldandi að nauðgun sé bara eitthvað sem menn skemmta sér við því þeir eru haldnir einhverjum kvalalosta, og séu kannski svolítið sósíópatískir með. Ég hef náttúrlega ekki á hreinu hvort nauðganir eru fleiri á nektarströndum, en skv þessum gæa þá hlýtur svo að vera.

Fyndið.

***

Þetta er sniðug síða: Í kanada eru að jafnaði framin 550 morð á ári, hér raðað eftir aðferð. Ég rakst einusinni á svipaða síðu annarsstaðar, tekið saman af einhverju dagblaði. Held það hafi verið 2004, eða 3. Hvað um það, þar var útlistað hvað þetta "other" þýðir. Það gat verið ansi skrautlegt.

Þar kom líka fram af meiri nákvæmni af hverju kanadamenn voru að kála hver öðrum, og það hafði í lang flestum tilfellum eitthvað með bar að gera. Tveir menn mætast á bar, fara að rífast, eitt leiðir að öðru, hnefar rekast óvart í nef, brotnar flöskur stingast óvart í augu... svo stíga menn fyrir slysni á bananahýði og reka einhvern á hol með hníf svo innyflin leka út og flæða út á götu.

(Ég þarf að orða svona hluti varlega, því íslendingar lesa þessa síðu, og hér tíðkast ekki að menn beri ábyrgð á gjörðum sínum. Það er einfaldlega of sjokkerandi.)

***

Fyndnustu síðustu orð?

Að þessum lestri loknum varð mér hugsað til framtíðar löggæzlu á íslandi: löggan fer að ganga um vopnuð, sem leiðir til þess að glæpamenn vopnast líka og byrja að plaffa á lögguna. Að auki eru altaf svona sadískar týpur sem hafa ekkert þroskast síðan í barnó og finna alltaf hjá sér þörf til að misþyrma fólki.

Það mun hér á fróni fara svona: misyndismaður eltir þig, svo þú hringir í lögguna. Misyndismaðurinn nær þér, lemur þig, sparkar í þig og nauðgar þér. Misyndismaðurinn fer í burtu. Víkingasveitin mætir á svæðið, og eftir að þeir hafa lokið við að miða á þig byssum, og kannski sparka í þig og handjárna þig við staur, þá munu þeir fatta að það varst þú sem hringdir í þá.

Eftir nokkra legu á spítala, munt þú frétta að vinur þinn hafi verið tekinn af lögreglu, yfirheyrður, kærður, rukkaður um 300.000 kall sem hann er enginn borgunarmaður fyrir, og ríkið hefur því greitt þér af þínu eigin skattfé áður en honum er sleppt aftur. Þetta atvik verður svo notað til að fara frammá eflingu löggæzlu og stofnun leyniþjónustu, sem verður til þess að síminn þinn verður hleraður meira.

Enginn er skotinn með vélbyssu, ekkert einusinni nálægt því siviliserað gerist.