Dagur 67 ár 2:

Það lítur út fyrir að ég hafi fengið vinnu. Mæti á þriðjudaginn. Gott stöff.

Þegar ég lagði bílnum hér fyrir utan, þá varð ég var við að það hafa skotið upp kollunum tvær alveg nýjar gerðir af bílum. Engar nýjar tegundir samt. Eitthvað af því hefur borist til landsins með lágu gengi dollars.



Svona bílar. Fjögurra tonna flykki til þungaflutninga. Hræódýrir og rúmgóðir, að minnsta kosti miðað við Landcrusher jeppana sem allir virðast svo hrifnir af mér til mikillar og stöðugrar undrunar. Toyota Yaris er rúmbetri en Landcrusher.



Svona farartæki eru á svipuðu róli, bara kraftmeiri. Nú er víst hægt að fá þetta með kjarnaofnum. Hvernig væri það í smá spyrnu?



Og svona. Reyndar býst ég ekki við mörgum af akkúrat þessari gerð, en einhverjir hljóta að slæðast með. Ég býst hinsvegar við miklu flóði af Cherokee.

Og hvað á maður að hugsa? Er fólk orðið ruglað? Afhverju flytur enginn inn flotta bíla? Ég skil vel að allt of stórir pallbílar geti verið ágætlega þægileg farartæki á slíkri langferð sem út í bónus er, en þarf einhver virkilega svona bíl?

Afhverju flytur enginn inn til dæmis Lincoln Town car?



Það eru ólíkt þægilegari - og sparneytnari - farartæki en allt þetta sem ég hef mynnst á hér að ofan. Síðustu alvöru amerísku fólksbílarnir.

Chrysler er í grunninn Benz núorðið, Chevrolet er... ég veit ekkert hvað þeir eru að æfa, of Cadillak líta allir út eins og straujárn. Ef ég væri að flytja inn nýjan bíl, þá myndi ég flytja inn Town car.

En annars... man einhver eftir því þegar bílar litu vel út?



Þegar þessi 800-1000 auka kíló voru flott?



Þegar menn gerðu sér grein fyrir því að bíll verður aldrei neitt straumlínulagaðri en múrsteinn, svo það er til lítils að reyna að berjast gegn því?



Það er ekki þannig lengur. Nú eru menn að ströggla við að láta farartæki á stærð við steypubíl hafa airflow á við flugvél. Eins og þeir eigi nokkurntíma eftir að fara svo hratt. Það er ekki eins og það skifti máli fyrir eyðsluna. Það eina sem skiftir raunverulegu máli þar, með öllum þessum ofur-tæknigræjum sem eru komnar í alla bíla, er þyngdin.

Það eru allir heilvita menn hættir að setja Holley-blöndunga í bílana sína. Það var líka ávísun á 40 lítra á hundraðið. Nú sætta menn sig við beina innspýtingu. Margir hafa líka vit á því að fjarlægja hvarfakútinn. Þar erum við stundum að tala um heilan lítra á hundraðið aukalega.

Afhverju þurfa farartækin okkar endilega að líta út eins og rottur? Ég bara spyr.

Dagur 66 ár 2:

Er enn að leyta að vinnu. Ég er líka aftur að reyna að fá borgað í dollurum. Mig grunar sterklega að ég geti ekki lifað af því, en... eitthvað er betra en ekkert.

Fór í flytjanda í gær. Það leit ekkert illa út. Fæ að heyra frá þeim í vikunni. Bölvað bögg að komast ekki í álverið. Kannski fer að skorta mannskap í þetta eftir sem álverum fjölgar á landinu. Þá fæ ég vinnu þar líka.

Eða kannski enda ég á bótum. Held mig í einhverju ódýru húsnæði, og þá gæti ég lifað góðu lífi. Kannski unnið svart með, til að lifa betur.

Skoða það allt seinna.

Dagur 64 ár 2:

$22. Það er sá peningur sem mér hefur tekist að vinna mér inn í sumar til þessa. $22. Í erlendri mynd. það var nú ágætt. Það er svona 13-1400 krónur skilst mér. Það er betra en ekkert býst ég við, en mig grunar samt að ég þurfi meira.

Dagur 63 ár 2:



Getraun dagsins: hvaða fáni er þetta?

Já, ég finn að ég hef lítið að gera í dag. Svo ég stunda bara óþarfa, eins og að illskumæla heimasíðuna:



Svo fann ég þetta drasl:

Your Birthdate: February 5

With a birthday on the 5th of the month you are inclined to work well with people and enjoy them. You are talented and versatile, very good at presenting ideas. You may have a tendency to get itchy feet at times and need change and travel. You tend to be very progressive, imaginative and adaptable. Your mind is quick, clever and analytical. A restlessness in your nature may make you a bit impatient and easily bored with routine. You may have a tendency to shirk responsibility

What Does Your Birth Date Mean?

"inclined to work well with people and enjoy them." ??? Uhm... einmitt.

Svo er náttúrlega alltaf hægt að fikta í þessu:

Asgrimur Although the name Asgrimur creates the urge to be both logical and technical, we emphasize that it limits self-expression and friendly congeniality with a moody disposition. This name, when combined with the last name, can frustrate happiness, contentment, and success, as well as cause health weaknesses in the elimination system, heart, lungs and bronchial area. Your name of Asgrimur has created a practical, patient, scientific nature able to concentrate on the finer details of a project or undertaking. You would function best in settled conditions where you are not called upon to meet and mix too closely with others, but are able to work on your own. This name restricts congenial expression and association, creating much aloneness.

Aha? Við skulum prófa þetta aðeins betur:

Cthulhu Although the name Cthulhu creates the urge to be reliable and responsible, we emphasize that it frustrates you through a scattered and emotional nature. This name, when combined with the last name, can frustrate happiness, contentment, and success, as well as cause health weaknesses in the liver, bloodstream, and through worry and mental tension. As Cthulhu, you have a natural interest in the welfare of your fellow man, and a desire to help and serve others in a humanitarian way. You are responsible and generous, although somewhat scattering and disorganized at times. Any jobs requiring systematic and conscientious effort, or involving any form of drudgery, dismay you. In your work, you would seek a position offering self-expression through contact with people, such as sales or teaching, or a position giving scope to your creative, artistic talents. You are good-natured and likeable, and people tend to confide in you and seek your advice in personal problems. Others sense your sincere interest and desire to help, and you can always be counted on to see the bright side of any problem.

Gaman af þessu.

Dagur 62 ár 2:

Hvað er þetta með að "sýna ofbeldi rauða spjaldið"? Ég bara spyr. Hver tekur mark á þessu?

Ég meina, það eru þessir fimm ofbeldismenn á Akureyri sem starfa við það að lemja hvorn annan, og það er ástæðan fyrir að það er byrjað á þessum... fjöldasamkomum. Og já, þeir eru að lemja hvorn annan, og kannski einstaka kunningja sinn líka. Ef maður býr á Akureyri, og þekkir þessa gaura ekki neitt, þá eru góðar líkur á að maður komist gegnum lífið án þess að vera nokkurntíma laminn.

Þetta er eins hér í Reykjavík. Ef maður vill verða fyrir ofbeldi, þá er viss hópur af fólki sem maður þarf að þekkja. Svo einfalt er það.

Ef þetta pakk sem mætti niður í bæ hefði ætlað að mótmæla á beinskeyttari hátt, þá hefði það bara þurft að banka uppá hjá þessum gaurum á einhverjum tíma þegar má búast við að þeir séu með meðvitund - td klukkan 5-6 um nótt, og sýnt þeim spjöldin sín í anddyrirnu hjá þeim.

Þeir hefðu ekki þurft að hitta nema svona 15-20 gaura.

Dagur 61 ár 2:



Það er sól úti. Sem er böggandi því það er glerþak á bílnum mínum. En ég fann ráð við því. Illugi skildi eftir derhúfu um daginn. Ef ég er með hana þá skín sólin ekki á mig.

Hef ég einhvertíma mynnst á það áður að mér er hálf illa við sólina?

Og það er að hlýna. Samkvæmt einni spá verður hlýtt í 20-40 ár, samkvæmt minni spá, byggðri á hvernig hlutirnir voru milli 750-1400, þá verður hlýtt þar til ársins 2500.

Sem er mjög gott fyrir gróðurinn. Kannski hverfur Evrópa undir laufþykkni. Það er svo mikill koltvísýringsútblástur þar að tréin hafa nóga næringu. Kannski laufgast öll Mexíkó. Svo verður meira af svifi í sjónum, sem þýðir fleiri fiskar, sem þýðir meiri veiði. Veit ekki hvort það verður endilega þorskur, en það verða einhverjir fiskar.

Já. Á síðasta hlýskeiði hvarf menning Mayanna undir græna torfu, bókstaflega.

Dagur 59 ár 2:

Í gær kom inn um lúguna hin heimsfræga dramatíska teiknimynd: "Litla ljóta lirfan".

Í stuttu máli fjallar hún um ljóta lirfu.

Meðal annarra persóna í myndinni eru:

Ljót maríuhæna, ljót býfluga, ljótur ánamaðkur, ljót könguló og nokkrir ljótir þrestir.

Öll þessi ljótu dýr búa í undarlegum heimi þar sem allt er í flúorescent litum, líkt og eftir kjarnorkustyrrjöld. (Sem myndi útskýra afhverju allar persónurnar eru svo afmyndaðar og ljótar).

Söguþráðurinn er svohljóðandi:

Ljóta lirfan vaknar, (ljóta lirfan er svona græn-glóandi á litinn) og byrjar að borða lauf, eins og lirfa er siður. Þá kemur aðvífandi ljót maríuhæna, og fer að fárast yfir hve ljóta lirfan borðar mikið lauf. Svo bendir hún lirfunni (ónauðsynlega) á hve ljót hún er. Sem kemur úr hörðustu átt með hliðsjón af hvernig maríuhænan lýtur út.

Svo hittir ljóta lirfan ljótan orm, og ormurinn talar við hana. Svo hittir ljóta lirfan aftur ljótu maríuhænuna, og í þetta skifti er með henni ljót randafluga. Og ljóta maríuhænan og ljóta randaflugan reka ljótu lirfuna í burt.

Þá hittir ljóta lirfan ljótu köngulóna. Ljóta köngulóin pakkar lirfunni inn, og skilur hana eftir á vefnum sínum.

Þá kemur við sögu ljótur þröstur. Hann tekur lirfuna, og fer með hana til sinnar ljótu fjölskildu. Sem er samt minnst ljótu karakterarnir í myndinni, en nógu ljót samt. Og þrösturinn tekur númer, sem er nú bara ekkert fallegt af honum.

En ljóti þrösturinn gleymir að éta ljótu lirfuna, og þá gefst henni tækifæri til að breytast í: Ljótt fiðrildi.

Já. Á tímabili hélt ég að ljóta köngulóin væri ljótasti karakterinn í myndinni. Það var að sjálfsögðu áður en ég sá ljóta fiðrildið.

Atburðarásin er mjög hæg í þessari mynd. Allar persónur tala mjög hægt. Og það var eitt sem ég velti mikið fyrir mér eftir á: fuglinn, eina persónan sem er ekki padda, var líka eina persónan sem var af tvö eintök: karlkyns og kvenkyns, og áttu þau unga. Allar aðrar persónur, fyrir utan orminn, voru kvenkyns. Og nú velti ég fyrir mér...

Þetta er sko örugglega við hliðina á Chernobyl.

Dagur 58 ár 2:

Ég gleymdi myndinni. Hér er hún:



Ég veit ekki hvað þetta á að tákna, en það er ég viss um að það er eitthvað listrænt. Æ, ég veit það ekki... ég verð svangur af því að horfa á þetta.

Og enn ekki búinn að fá vinnu. Lét setja mig á biðlista hjá vinnueftirlitinu. Ég stefni á að fá opinbert plagg þess efnis að ég fái að aka gaffallyftara. Ég ætti kannski að reyna að gerast sprengjusérfræðingur í leiðinni? Það væri athugandi.

Dagur 57 ár 2:

Í blaðinu í gær rakst ég á frétt sem mér fannst kunnugleg:

Það fannst þessi fjöldagröf í Írak, og í henni voru flest líkin af konum og börnum.

Auðvitað! Alveg á sama hátt og það eru samanlagt fleyri konur og börn en fullvaxnir karlmenn í heiminum. Viljiði rök? Sko, kvenkyns mannfólk er ca 50% af öllum jarðarbúin. Enn sem komið er eru meira en 1/3 af öllum karlkyns jarðarbúum börn. Sem þýðir: mera en helmingur mannkyns er konur og börn.

Ég gróf þessa frétt upp á vísi.is núna áðan, og þaðan er þetta kvót: "Þegar hafa 133 lík verið grafin upp. Öll, utan fimm, eru lík kvenna og barna. Af klæðaburði þeirra má merkja að þau voru Kúrdar. Að minnsta kosti eitt líkið er talið vera af gamalli konu, en í höfuðkúpunni fundust falskar tennur."

(frétt á vísi.is)

Þetta hljómar ólíkt minna fáránlegt en "flest líkin voru af konum og börnum".

Ef þeir þurftu endilega að stytta þetta, af hverju sögðu þeir ekki að líkin hefðu verið nær eingöngu af konum og krökkum?

En nei. Næst segja þeir örugglega að allt þetta fólk hafi verið lifandi allt fram að því að það var drepið.

Dagur 55 ár 2:

Þá er kominn tími til að dusta rykið af illskumælinum:



Hmm...

Jæja.

Ég fékk áheyrn hjá þeim í álverinu. Þeir sögðu mér að ég yrði að læra á lyftara. Frábært. Svo ég tékka á því. Það er náttúrlega allt útréttað af ríkinu, svo það gæti tekið smá tíma. Hvað um það, það getur ekki verið slæmt að kunna á lyftara.

Mig fer að vanta pening á hverri stundu núna. Áður en ég þarf að fara að innleysa skuldabréf og selja hluti í hinu og þessu.

Hvað um það. Uppi á vegg í skrifstofunni þar sem ég mætti hjá þeim í gær er svona sjónvarp í staðinn fyrir málverk. Þar er loftmynd af landinu á stöðugu lúppi. Sjór, klettar, fossar og stöku rolla. Mjög svo framtíðarlegt.

Það er mikið af oddhvössum klettum á landinu, vitiði það?

Dagur 52 ár 2:

Þegar ég vaknaði í morgun var einhver brjáluð kelling niðri að þrífa. Hún gargaði hástöfum á ömmu. Mig grunar sterklega að hér hafi verið á ferðinni nágrannakellingin. Hún á það til að vera fremur hávær. Sennilega verið mikið innan um gamalt fólk.

Samt heyrir amma ekki það illa. Málið er að hún heyrir bara það sem hún vill heyra. Svipað og afi gerði. Sem gerir það að verkum að það er ekki talandi við hana, frekar en það er talandi við hund.

Svo hringdi Alcan í mig. Varð að fara á fætur þá, þó ég nennti því eiginlega ekki. Það væri fínt að fá vinnu í álverinu. Þessu sem er nær okkur, þ.e. Mér skilst það sé boðið upp á rútuferðri þangað. Gott stöff. Sé til... sé til...

Dagur 50 ár 2 (dagur 415, færzla nr. 275):

Það er slæm hugmynd að fara á elliheimili skilst mér. Ef það brotna í þér beinin á elliheimili fá þau að vera brotin þartil þú færð þér gistingu á garði, skilst mér. Ef þú átt einhvern pening þegar þú ferð inn, og hlýtur af hunum góðan lífeyri, mun hann allur verða tekinn af þér og notaður til að halda uppi þeim sem ekki hafa neinn lífeyri.

Þannig er það. Svo það er best að sleppa því alveg að fara á elliheimili í framtíðinni. Sleppa bara þeim hluta alveg, og fara í staðinn beint á garðinn.

Gisting á garði er samt ekki að eilífu. Þegar ekki hefur verið hirt um leiðið í nokkur ár verður grafið aftur , og þá mun hræið af ykkur fá smá félagsskap, þ.e. ef eitthvað er eftir af því.

Dagur 48 ár 2 (dagur 413, færzla nr. 274):

Nú veit ég afhverju páfar taka sér nöfn. Það er ekkert af neinum merkilegum orsökum. Þetta er bara hefð síðan sjöhundruðogeitthvað.

Þá komst í stól maður að nafni Merkúríus. Nú var það svo að ekki þótti við hæfi að páfinn, æðsti maður hinnar kristnu kirkju héti nafni sem dregið er úr Rómverskri goðafræði, svo okkar maður skifti einfaldlega um nafn, og kallaði sig í staðinn Jón 2.

Næsti páfi á eftir honum sá ástæðu til að apa það eftir honum.

Það er nú öll sagan.

Hálf fúlt, ekki satt. Maður bjóst við einhverju rosalegu, eins og þeir tækju sér nýtt nafn því Guð Almáttugur hefði sagt þeim það persónulega, komið að þeim inni í dimmu skoti einn daginn og hvíslað að þeim: "Þú átt að heita Loðvík XIV".

Nei. Ekkert slíkt. Týpískt.

Dagur 47 ár 2 (dagur 412, færzla nr. 273):

Ég botna ekkert í þessu með páfann. Hef aldrei gert. Af hverju þarm maðurinn að skifta um nafn þegar hann gerist páfi? Er það ekki ruglingslegt fyrir hann? Ég meina, hann er 78 ára, og allt í einu heitir hann ekki það sem hann heitir, heldur einhverju funky páfanafni, sem 15 aðrir hafa heitið á undan honum. Hvað er eiginlega með það?

Ég veit, að amma myndi aldrei fatta ef einhver myndi til dæmis breyta litnum á mjólkurumbúðum úr gulu og bláu yfir í grænt. Það er sama hve oft það væri sagt við hana, hún myndi ekki ná því. Hugsið ykkur nú nýja páfann, sem hefur heitið sama nafninu í 78 ár. Hvað haldið þið að hann verði lengi að ná því að hann heitir skyndilega Benedict 16?

Hugsið ykkur bara ef Boggi yrði skyndilega valinn forseti, og yrði að breyta nafninu sínu í Vigdís 2. Það væri svona svipað.

Dagur 44 ár 2 (dagur 409, færzla nr. 272):

Hér er svo ný og endurbætt útgáfa af sama kafla í sömu sögu, síðan ca. 1995:

Upphaf

Sir Alex Bach, feitur maður bæði og skorpinn, sextíu og sjö ára, þingmaður í efri deild breska þingsins, og hafði verið í hálfa öld. Hann var með þeim ósköpum fæddur að hafa sex fingur á vinstri fæti og hann var því í verkamannaflokknum. Maður þessi gekk út að bifreið sinni, silfurgráum BMW, ættardýrgrips frá tíð Groliers XXIV, en hann var mikill höfðingi Búa, og öðlaðist mikinn og góðan orðstír í Búastríðunum 1984-6, þar sem hann meðal annarra frægðarverka sem og stórvirkja réði niðurlögum hinnar alræmdu ókindar Rowlands Westwood, betur þekktur sem Epsononwa, sem lauslega snarað útleggst Skallablettarotta. Hann, þ.e Sir Alex, opnaði ættardýrgripinn og steig inn. Þegar hann ræsti bílinn varð hann var við ljós á himni sem nálgaðist óðfluga. Ljós þetta var í öllum litum regnbogans, og virtist breyta um lögun í hvívetna og mynnti einna helst í útliti á fjóra uppblásna líknarbelgi úr rauðskjöldóttri belju bundna saman með þæfðri kattargörn. Skyndilega var ljósið aðeins um 10 metra frá ökutæki Sir Alexar. Eftir að hafa sveimað um yfir ökutækinu þónokkra tíð, líkt og blindfullur kólibrífugl með astrónómískar geðflækjur og á meskalíni, sendi þessi furðulegi ljósgjafi frá sér rauðleitan geisla sem hitti bílinn miðsvæðis í gegnum topplúguna. Ægileg sprenging rauf næturkyrrðina. En um tíu mínútum síðar þegar fyrsti lögreglubíllinn kom á vettvang var ljósið skæra á bak og burt og bifreið Sir Alex Bach hafði fuðrað upp.

Þetta er miklu flottara svona, ekki satt?

Dagur 41 ár 2 (dagur 406, færzla nr. 271):

Harðjaxlar í London

Höfundar: Ásgrímur Hartmannsson & Haukur Guðmundsson

1. kafli.

Upphaf

Sir Alex Bach gekk út að bifreið sinni, silfurgráum BMW. Hann opnaði bílinn og steig inn. Þegar hann ræsti bílinn varð hann var við ljós á himni sem nálgaðist óðfluga. Skyndilega var ljósið aðeins um 1o metra frá ökutæki Sir Alexar. Þá sendi þessi furðulegi ljósgjafi frá sér rauðleitan geisla sem hitti bílinn. Ægileg sprenging rauf næturkyrrðina. En um tíu mínútum síðar þegar fyrsti lögreglubíllinn kom á vettvang var ljósið skæra á bak og burt og bifreið Sir Alex Bach hafði fuðrað upp. Albert Lucas var lögreglufulltrúi hjá Scotland yard í London, honum var falin rannsókn þessa furðulega og ógnvekjandi máls.

***

Já. Við byrjuðum á þessu 1993 held ég. Héldum áfram til 1998. Parturinn sem ég er með er 30.000 orð, allur meira og minna í þessum anda.

Skrollið nú niður og horfið á myndina. Gerið það bara, engar óþarfa spurningar.

Dagur 39 ár 2 (dagur 404, færzla nr. 270):

Erótíska mynd vikunnar:



Þetta kemur vel út svona rétt hjá páfanum. Ég er að spá í að halda þessu áfram, þ.e. að setja upp nýja erótíska mynd í hvert skifti sem sú seinasta fellur niður. Maður verður að halda í við klámvæðinguna.

Annars er vafamál hvort þessi ákveðna mynd er klám. Hvað er klám? Það er að skiljast á feministanum Catharine MacKinnon, að til dæmis erótískt myndefni af lesbíum sé ekki klám. Eða var það Dworkin? Þetta rennur allt saman.

Ekki er þessi mynd neitt meira klám en til dæmis Glitnisauglýsingin, er það?

En hugsið ekkert um það. Horfið bara á myndina.

Dagur 38 ár 2 (dagur 403, færzla nr. 269):



Páfinn. Ég virðist alveg hafa gleymt að tjá mig um páfann. Já. Þeir voru farnir að rúlla gamla kallinum út í glugga undir það síðasta svo hann gæti dæst á fólkið, og gefið kannski frá sér ógnvekjandi hryglukennd hljóð ef þannig lá á honum.

Já. Persónulega, þá hefði ég ekkert verið að segja fólkinu eitthvað frá því að páfinn væri fallinn frá. Ég hefði bara fest í hann strengi og notast við hann svolítið lengur til að skemmta fólkinu úr glugganum.

Það hefði verið hægt að sjóða saman eitthvað fyrir hann að segja úr gömlum upptökum síðan hann var en á lífi.

Já. Það hefði verið flott.

Kastró, þú ert næstur.

Dagur 37 ár 2 (dagur 402, færzla nr. 268):

Skólinn er að verða búinn. Gott eða slæmt? Veit ekki. Þurfti að vera með framsögu um eitthvað í gær. Tókst að troða Aztekum inní það, sem er gott. Reyndar veit ég fátt eitt um Azteka. Ég veit meira um Maya.

Blómaskeið Maya ver nefnilega milli 600-900. Svo virðist sem allt loft hafi bara lekið úr þeim, og þeir hættu að vera merkilegir. Afkomendur þeirra eru enn í Mexíkó, en þeir reisa ekki lengur flott hof eða skera hjörtu úr fórnarlömbum.

Síðasta áletrun sem Mayarnir skildu eftir sig áður en þeir hrörnuðu að fullu var letruð árið 909.

Fall Mayaveldisins kemur á sama tíma og hlýindaskeiðið sem Víkingarnir notfærðu sér til að leggja undir sig Evrópu, eða amak Írland og England. En sá er munurinn, að Mayarnir voru umkringdir regnskógi, sem hlýtur að hafa tekið mikinn vaxtarkipp þegar hlýnaði, og þá höfðu Mayarnir ekki undan að höggva það sem óx, enda voru þeir uppteknir við að fórna fólki til að róa guðina. Þá auðvitað fóru allar þeirra byggingar á kaf í skóg, og sumar eru þar enn.

Þið getið örugglega farið til miðameríku og hjálpað til að moka ofanaf eins og einu hofi ef þið nennið.


"Hver ætli sé að klóra mér á hausnum?"

Dagur 34 ár 2 (dagur 399, færzla nr. 267):

Þetta er AMC Matador. Mér hefur alltaf líkað við útlitið á þeim.





Tveggja dyra týpan leit aðeins öðruvísi út:





Þetta voru mjög öflugir bílar. Virkuðu töluvert betur en aðrir sambærilegir bílar á þeim tíma. Eitthvað fór útlitið samt fyrir brjóstið á fólki. Ég man að þegar pabbi átti svona einhverntíma á bilinu 1984-86, þá notuðum við krakkarnir í hverfinu þennan fyrir rennibraut - þartil okkur var bannað að gera það. Sem var slæmt. Þessi bíll var svo helvíti góð rennibraut.

Það er 304 V-8 þarna einhversstaðar:

Dagur 32 ár 2 (dagur 397, færzla nr. 266):

Nú þarf að skrá sig á annað tímabil. Og svo þarf að fá vinnu. Á lager vona ég. Lagerar eru mjög kósý staðir. Fullt af kössum sem hvorki segja né gera neitt. Sem mynnir mig á það: ég ætti kannski að rölta niður í flytjanda líka á eftir, og fylla inn nokkur umsóknareyðublöð. Og eimskip, það er þarna rétt hjá. Og svara einhverjum af þessum atvinnumiðlunarumsóknum sem heimta að ég sé þrítugur.

Lít ég ekki út fyrir að vera þrítugur?

Dagur 30 ár 2:

Var í Skálholti á sunnudag. Ég sagði ömmu áður en ég fór að ég væri að fara í Skálholt. Samt ákvað amma að elda. Jája. Henni hafði verið sagt að ég væri á leið út í langan langan tíma, og væri ekkert væntanlegur fyrr en eftir dúk og disk, en samt tók hún sig til og eldaði, á venjulegum matartíma eins og ekkert hefði í skorist.

Í Skálholti eru neðanjarðargöng sem liggja eins og staðan er ekki neitt. Þau eru dimm og köld, og þar er lágt til lofts. Þar er líka turn sem ég hefði þurft að ráfa uppí. Varð að láta mér nægja að læðast uppá hanabjálka.

Tók eftir því að það sést miklu meira af stjörnum við Skálholt en í útjaðri RKV. Miklu meira. Við sjáum ekki nema 1/2 % af þeim úr Heiðmörk.

Dagur 26 ár 2:

Sá árekstur áðan. Einhver asni ók yfir á rauðu, og einhver kelling keyrði í hliðina á honum. Beint í hægra afturdekkið. Bíllinn snerist 90°. Skemmdist ekki mikið. Subaru station. Felgan tók við mestu af högginu, svo mig grunar að það komi til með að kosta eitthvað að gera við þetta. Ekki það mikið högg samt. Bara rétt nóg til að snúa 1500 kílóa bíl 90°.

En það var ekki allt. Nei. Svo námu þau bæði staðar, úti á miðri götu. Auðvitað.

***

Hlupuð þið fyrsta apríl? Ég hlustaði á fréttirnar til að reyna að ná aprílgabbinu, en það var ekkert sem hefði getað fengið neinn til að hlaupa.

Ég bjóst við einhverju flottu, einhverju of augljósu, eins og td: Bobby Fisher teflir fjöltefli í Smáralind, eða eitthvað svoleiðis.

Dagur 25 ár 2:

Það snjóaði smá áðan. Bara til að minna á að það er víst enn vetur, tæknilega séð. Svo rakst ég á þetta: þessi óþolandi áróður sem vissir trúarhópar eru alltaf að reyna að troða uppá saklausa vegfarendur. Þetta er að vísu grín-útgáfan, en alveg eins. Það var líka búið að setja lögbann á þetta, en, þegar það er einusinni komið inn á netið...

Þegar þið hafið skoðað þennan bækling, þá getið þið teiknað svín. Það hvernig maður teiknar svín segir víst margt um þinn innri mann. Ég persónulega er samt hrifnastur af hamborgarhrygg. Og maltöl með. Gott stöff.

Dagur 23 ár 2:

Fischer. þvílík snilld er að hafa fengið hann til landsins. Þvílík gífurleg snilld, en þó snilld einungis fyrir slysni.

Nú situr geurinn hér heima, orðinn íslenskur ríkisborgari, og hvað er hans fyrsta verk?

Ju, hann brýtur gegn hegningarlögum. Sem er mikil snilld, óafvitandi, og ég skal útskýra hvernig: Það fæst enginn til að kæra hann fyrir opinber ummæli sín, þó vissulega séu þau refsiverð, þannig að næst þegar einhver er böstaður fyrir refsiverð ummæli í fjölmiðlum, þá getur sá hinn sami bara bent á Fischer og spurt: "Afhverju má hann en ekki ég? Þetta er ljóslega brot á jafnræðisreglu." Og þeir neyðast til að sleppa honum ef þeir vilja ekki vera uppvísir að mjög svo óréttarríkislegu athæfi.

Já, Fischer, málsvari málfrelsis á íslandi, án þess að vita það. Ég heilsa honum: Sæll.

Dagur 20 ár 2: Færzla nr. 261.



Páskaegg á morgun. Ætlið þið að borða þartil þið ælið? Það ætla ég ekki að gera. Ég ætla bara að halda áfram að velta fyrir mér hvað þessi kvenmaður á myndinni hér fyrir neðan er að gera alsber uppi í tré.

Páskaegg...

Dagur 17 ár 2 (dagur 382):



Nú hafiði eitthvað til að hugsa um.

Dagur 15 ár 2:

Sá þetta. Velt fyrir mér hve slæmt þetta er í raun og veru. Þegar fólk er dautt, og hefur gefið leyfi til að nota hræið af sér til vísindatilrauna, nú, hvað er vandamálið?

Þetta eru vísindatilraunir. Eru þetta eitthvað óæðri tilraunir en t.d að saga líkin í þynnur? Ég spyr?

Ég persónulega er að vonast til að enginn taki eftir því þegar ég hrekk uppaf. Fynnist ekki fyrr en ári seinna, og þá verði rottur búnar að snæða líkið og dreyfa beinunum um allt. Það væri flott. Þá væri ég búinn að koma af stað svona urban legend sem mundi lifa lengur en ég.

Já, nei, venjulegt fólk er bara grafið hvort sem þeim líkar það betur eða verr í lifanda lífi. Dauðir menn fá aldrei að ráða neinu. Á endanum munum við öll gista á garði.

Dagur 13 ár 2:

Ég fer út alltaf öðru hvoru til að hreyfa blóðið. Niður í Elliðaárdal, eftir myrkur. Það er svo sjaldan að ég hitti fólk þar - þó stundum finn ég lyktina af því. Já. Dópistar, lyktsterkir andskotar segi ég.

Þeir fela sig inn á meðal trjánna og reykja hass. Sterk vindlalyktin berst undan vindi langa vegu. Ég gæti auðvitað runnið á lyktina, en til hvers?

Það sést ekkert milli trjánna. Dópistarnir fá alveg að vera í friði í skóginum. Þeir einu sem vilja eitthvað ræða við þá eru lögreglan.

Bráðum verður bjart. Hvað gera þeir þá? Það er ekki eins og þeir sjáist eitthvað frekar inni í kjarrinu, en þeir munu miklu frekar halda það. Mönnum líður betur að stunda myrkraverk í myrkri, þið vitið. Menn eru ekki jafn skuggalegir ef það stafar ekki af þeim skuggi.

Það eru líka kanínur í Elliðaárdalnum. Ég hef séð til þeirra, heyrt í þeim. Lítil dýr.

Kannski reykja kanínur kannabis?

Dagur 11 ár 2:

Nú á að losa symfóníuna frá RÚV. Ég mæli með því hún verði losuð alveg frá ríkinu, að öllu leyti, svo ég og þú þurfum ekki að borga fyrir hobbý þessara aðila sem eru í symfóníunni.

Til hvers erum við að borga? Ekki er mér borgað fyrir að stunda mín áhugamál.

Já. Ég mæli með því að symfónían standi undir sér sjálf eins og góð hljómsveit. Þeir geta stofnað séreignastofnun undir sig, kallað sig "Musical group" Vinsælt.

Það er ekki eins og symfónían sé mjög menningarleg heldur. Seinast þegar ég hlustaði á hljómsveit performa læv, þá voru það ef ég man rétt, Hjálmar. Ég þekki engan sem hefur minnsta áhuga á að hlusta á symfóníuna. Og ég þekki heldur engan sem vill borga sig inn á tónleika með symfóníunni.

***

Ég vil ekki heldur borga fyrir RÚV. 1100 kall á mánuði, á það að kosta mig, þökk sé Þorgerði Katrínu. Þessi kellingartrunta vill stela af mér peningum persónulega, er ég viss um. Ég kýs hana aldrei. Hún getur gleymt því. Hún og allur hennar flokkur.

Fyrir 1100 kall gæti ég keypt 18 lítra af pepsí, meira ef ég verzla í Bónus, eða efni í spaghetti sem myndi endast 3 daga, eða 11 lítra af bensíni, sem myndu endast í viku eða svo, eða strætóferð til hafnarfjarðar og til baka 2 daga í röð, eða 13 lítra af mjólk, eða áskrift af skjá 1 að eilífu + mánaðarbyrgðir af poppi.

RÚV má leggja niður mín vegna. Nei, ég fer frammá að RÚV verði lögð niður sem stofnun, og ekkert komi í staðinn. RÚV deyi.

***

Meira um RÚV: þessir fávitar sem eru að rífa sig vegna þess að fréttastjórinn er "pólitískt ráðinn". Hvernig haldiði að þeir sjálfir hafi verið ráðnir? Af eigin verðleikum?

Ég mæli með að þessum gæja verði haldið inni. Sjáum hvort fíflin hætta. Ég þarf ekkert 2 fréttatíma hvort eð er, né langar mig að borga fyrir þá.

Dagur 10 ár 2:

Ég var að spá í hvort ég er ekki með góða hugmynd að tölvuleik: einskonar sambland af Mortal Kombat og... hmm... Doom. Og kannski chessmaster 2000.

Já. Köllum hann "Bobby Fischer í Japan". Einmitt. Þetta á allt að fjalla um hvernig Fischer laumast um þetta japanska fangelsi, og berst öðru hvoru við fangaverði. Það er sko Mortal Kombat hlutinn. Doom hlutinn er þegar hann er að laumast um. Hann getur meðal annars hent skóm, sushi, peðum... ýmsu tilfallandi.

Svo mun vera í þessu svona fítus þar sme maður getur teflt skák a la Fischer, með taflmönnunum bara raðað upp einhvernvegin og einhvernvegin á borðinu, og kannski eins mörgum eða fáum peðum og maður kærir sig um. Frá engu up í 24.

Snilld. Hver tekur að sér að búa þetta til?

Dagur 8 ár 2:

Ég gleymdi að endurnýja te-birgðirnar mínar í gær. Te, hef ég fundið, er gott. Fer töluvert betur í maga en kaffi, og þarfnast ekki jafn mikils sykurs til að vera drekkandi. Það er samt ódrekkandi sykurlaust.

Hmm... hugsa um að það væri gott að draga úr gosdrykkju í staðinn. Ég drekk allt of mikið gos, sérstaklega á kvöldin. En á móti kemur að það er miklu meira vesen að drekka te. Það þarf að sjóða vatn, eiga til sítrónuvökva, smá sykur...

Spurning að skella smá koníaki í það líka, úr því ég á það til...



Óttars-koníak.

Dagur 7 ár 2:

Suma daga vakna ég bara vegna þess að ég get ekki sofið lengur. Þá er að finna sér eitthvað að gera, eitthvað til að drepa tímann.

Þá er bara að pæla í verðstríðinu. Hvaða tölur hef ég um það? Ég heyrði í fréttum um daginn, eða las, að mjólkurframleiðandinn, sem ég man ekkert hvað heitir, selji NÚNA 150.000 lítra af mjólk á sama tímabili og hann seldi áður í kringum 70-80.000 lítra. Og lítrinn selst á 78 kr. Eða 68? Skiftir litlu. Gef mér bara það sé stærri talan.

En hvert er tímabilið? Það breytir öllu. Var það dagur? Varla. Ekki drekk ég lítra af mjólk á dag. Segjum viku. Sem gerir... næstum 12 millur á viku fyrir alla þessa mjólk. Það er sameiginlegt tap Bónus og krónunnar og Nettó fyrir alla þessa mjólk sem þeir eru að gefa daglega.

12 millur á viku... það eru 50 millur á mánuði. Hmm... hvaða tekjur hefur Jóhannes í Bónus? En það er ekki allt hans tap. Gefum okkur að tapið skiftist nákvæmlega í þrennt milli stríðandi fylkinga:

Næstum 17 millur á hvern þá. Mjög gróflega reiknað. (Það er best svoleiðis). Þá á eftir að reikna inn hverju þeir tapa á lægra verði á kók... kannski er það bara heildsöluverð, og þeir standa á sléttu?

Hmm... Nú, Baugur er að græða - ekki velta, græða - meira en 17 millur á mánuði. Einhvernveginn grunar mig að bæði Jóhannes og sonur hans séu með hærri tekjur en þetta á mánuði. Hugsanlega um eða yfir 50 millur hvor, en það þarf þó ekki að vera svo mikið. Það þarf bara að vera yfir 20 millum, og þá geta þeir persónulega borgað tapið hvern mánuð, bara til að angra samkeppnisaðilann.

Já... Það er hægt að lifa meira en góðu lífi á 3 milljónum á mánuði.

Dagur 6 ár 2:



Þetta er 2.7 mm Kolibri. Byssukúlan þarna við hliðina er .45 ACP(11.37 mm)(.22 LR er ca 5 mm) til að sýna stærðina á þessu. Ef þú verður fyrir árás brjálaðs kakkalakka, drekaflugu, eða einhvers slíks, þá er þetta málið... eða flugnaspaði.



Kakkalakki. Ef það kemur til kjarnorkustyrrjaldar, þá er þetta það sem erfir jörðina. Svona eins og í myndinni þarna, þar sem þetta fólk ók um í eyðimörkinni á jeppanum sínum. Þá komu þau inn í borg þar sem svona ofur-kakkalakkar voru búnir að éta alla. Þá átu kakkalakkarnir einn af þeim. Sá hefði haft gott af því að hafa eina svona 2.7 mm Kolibri. Eða flugnaspaða.

Kakkalakkar eru víst pöddur. Mér er illa við pöddur. Ég skil þær ekkert, veit ekkert hvað þær eru að gera. Bara labba um, eins og þær séu að leyta að einhverju. Svo ef það eru pöddur, þá eru líka lirfur. Lirfur skríða um, tilgangslaust, eins og þær séu að leyta að einhverju. Það ætti að skjóta þær. Með 2.7 mm Kolibri... eða einhverju.

Dagur 4 ár 2:

Fæ ég vinnu í sumar? Hef mínar efasemdir um það. Er ekki í neinni klíku. Það er alltaf heftandi. Datt í hug að sækja um hjá RÚV. Eiginlega eingöngu vegna þess að ég kæri mig ekki um að borga afnotagjöldin. Mér fyndist það nefnilega betra ef þeir borguðu mér. Þá þætti mér það ekki jafn blóðugt að borga þeim.



Það er ekki eins og ég geti ekki gert... hvað sem þeir eiginlega gera þarna. Laga kaffi... hver veit. Það þarf enga sérstaka menntun til að halda á myndavél er það?

Ég þekki náttúrlega einhvern sem vinnur hjá RÚV. Hmm... kannski það nýtist mér? Hver veit?

Dagur 3 ár 2:

Ríkið ætlar að skemma daginn fyrir okkur öllum. Aftur.

Það eru 2 mismunandi hugmyndir í gangi núna í akkurat þeim tilgangi.

1: það stendur til að setja GPS tæki í hvern bíl um 2011, til þess að sjá hvert menn keyra, og rukka þá um ekna kílómetra. Ég hélt að það væri í gangi nokkuð sem héti "bensíngjald" sem virkaði á sama hátt án allra persónunjósna. Segið mér nú ef það er rangt.

Ég vil halda því fram að þetta sé bara Illa meint bögg fyrir okkur öll, því svo munu þessir asnar sekta okkur fyrir of hraðann akstur -það er ekkert mál að mæla hann með GPS- í tíma og ótíma. Hugsið ykkur:

Þið eruð bara úti að keyra eins og venjulega, í mestu makindum, svo komið þið heim, og í næstu viku fáið þið sekt:
"Þú mældist á ólöglegum hraða í Ártúnsbrekkunni kl: 15:27 24.6.2011. Of hraður akstur stóð yfir í 20 sekúndur. Borga núna."

Fjör. Þið styðjið þetta náttúrlega.

2: Það stendur til að láta alla yfir 18 borga nefskatt til að halda úti sjónvarpsstöð sem stenst ekki Popp-tíví snúning. Og tveimur útvarpsstöðvum.

Hvað er rangt við það? Nú, þeir segja að nefskatturinn eigi að vera 10.000 kall á ári. Miðað við að einstaklingar yfir 18 séu milli 150-200.000, þá erum við að tala um 1.500.000.000-2.000.000.000 á ári, eða 4.1 - 5.5 millur á dag.

Hvað vinna eiginlega margir á rúv? Hvað kostar eiginlega að taka upp stundina okkar og spaugstofuna? Sjitt!

Það þarf svona 10 manns til að filma þetta allt. Það yrðu, miðað við að hver fengi 250 þús á mánuði, svona 30 millur á ári fyrir það.

Það eru hvað, 5 fréttamenn og 5 veðurfræðingar. Aðrar 30 millur.

Það er táknmálsfréttaliðið, en það mætir ekkert alla daga, og er því ekki nema 3 millur í heildina.

Spaugstofan er bara á veturna, eða í um 5 mánuði. Þeir eru 6, held ég. Það gerir 7.5 millur.

Rúv er með smiði. Eigum við að segja 10? 30 millur aftur. Þeir smíða sett að verðmæti eins einbýlishúss á ári: 30 millur.

Við erum nú komin með bödget allrar íslenskrar dagskrárgerðar: 130 millur á ári. Tvöföldum það til að hafa skemmtidagskrá allt árið um kring: 260 millur.

1500-260=1240.

1240 millur er það sem þá hlýtur að kosta minnst að viðhalda útvarpshúsinu á Efstaleyti og halda uppi 2 útvarpsrásum. Jæja. Ég trúi því ekki.

Einkavæðið það, eða seljið græjurnar hverjum sem vilja kaupa, eða eitthvað. En ég kæri mig ekki um að borga.

Ég ætla ekki einusinni að tala um menningarlegt hlutverk RÚV, hvað þá meint öryggishlutverk sömu stofnunar. Það er brandari, og við vitum það öll.

Dagur 2 ár 2 (dagur 367):

Fór til Keflavíkur áðan. Til þess að hitta Rúna Júl annarsvegar, og fara í atvinnuviðtal hinsvegar. Er ekki viss um að ég nenni að keyra 90+ kílómetra á dag á ýmsum undarlegum tímum til að fá 90K á mánuði.

Ég efast um að það borgi sig. Svo ég fór í bakaleiðinni og sótti um í álverinu. Þar ætti ég að fá svipaðan pening eða meira, en þarf að keyra styttri vegalengd.

Keflavík mynnir mig mikið á Vestmannaeyjabæ. Svipuð ljót hús, svipaðir auðir garðar. Ekki jafn ljót hús og í RKV, en nógu ljót. Mig grunar að leki sé minna vandamál í KEF en í RKV. Það er sko vatshalli á flestum þökum.

Já, nei. Mér líst einhvernvegin ekki á tímasetningarnar á þessu. Ég yrði að mæta klukkan 6:00 og 22:00 til skiftis. Mig grunar að með slíkri vinnu, og 40-50 mínútna akstri (þið hafið séð Reykjanesbrautina), þá eigi ég eftir að sofna undir stýri einhverntíma um miðjan dag og keyra útaf. Ég veit ekki afhverju ég er ekki í stuði til þess.

Dagur 1. ár 2:

Bara spurning:

Var einhver þarna sem bakaði köku?

Dagur 365:

Fáið ykkur köku.



Já. Þá er ár liðið frá því ég byrjaði á þessu, föstudaginn 5. mars 2004, á orðunum:

"Nú skulum við sjá hvernig þetta bölvaða drasl virkar..."

Síðan þessu fleygu orð voru rituð, hefur ýmislegt gerst, þó ég muni það nú ekki allt.

Næsta dag fór bloggið strax að taka á sig þá mynd sem það er í núna. Þá setti ég upp fyrsta teljarann, en ég er einmitt með tvo, anna sem bakköpp. Þá fór ég eiinig að spá í hvað ég ætti að skrifa um:

"Fjasa kannski um hve marga daga ég hefi lifað, eins og Boggi, eða tala um hor, eins og Þóranna? Einstaklega dömulegt, BTW, að tala um hor. Ég man þegar ég hitti hana að máli seinast, þá talaði hún um hve dásamlega kvalafullt það er að láta rífa af sér hin og þessi líkamshár. Hægt, og rólega. Hún sagði nú eitthvað meira, en þetta stendur úppúr. Svo fóru samræðurnar útí eitthvað annað minna athyglisvert."

Sem mynnir mig á það... væri einhver til í að fara með vídeóvél til að fylgjast með svona vax-meðferð á einhverri stelpu... svo gæti verið gott að múta þeim sem sér um aðgerðina að framkvæma hana hægt. Mjög hægt. Það er efni í vísi að mjög góðu vídeókvöldi, og kannski betra rifrildi.

Svo var þetta með kökuna. Var að lesa yfir þessar uppskriftir, þessar síðan í gær, og tek eftir því að fólk vill nota sýróp í kremið. Ég mynnist þess ekki að það hafi verið notað sýróp í nokkuð á mínu heimili. Kremið er nær eingöngu flórsykur og kakó.

Kakan
3 stk egg
5 dl sykur
7 dl hveiti
1 tsk matarsódi
2 tsk lyftiduft
200 g smjörlíki
2 dl mjólk
2 dl Baileys Irish cream
2 tsk vanilludropar
1,5 dl Cadbury's kakó

Kremið
150 g smjörlíki
1 b Cadbury's kakó
3 b flórsykur
1/2 b heit mjólk
2 tsk vanilludropar eða kaffi
Baileys bætt útí eftir smekk.

Kakan:
Þeytið saman eggin og sykurinn svo það verði ljóst og létt. Setjið öll blautefni útí, svo brætt smjörlíkið og svo þurrefnin. Bakið í þremur kökuformum við 180 gráður í u.þ.b. 20 mínútur.
Sniðugt er að bræða súkkulaði (50-100 gr) og láta það leka á smjörpappír eins og maður væri að krassa með því, láta það harðna og setja svo ofan á kökuna til skreytingar.
Kremið:
Bræðið smjörlíkið í potti og bætið kakóinu útí, síðan volgu mjólkinni, flórsykrinum, dropunum og svo Bailey's eftir smekk. Kremið þykknar þegar það kólnar.

Mmm... súkkulaðikaka með viský... mmm... Gott er að drekka rauðvín með því.

Vissuð þið að súkkulaðikaka er það eina sem fer vel með rauðvíni? Prófið, sjáið sjálf, þetta er rétt.

Mjólk er best með kökum, að öðru leiti, og stöppuðum fiski í tómatssósu, vatn er best með spaghettíi, maltöl með reyktu svínakjöti, eða svínakjöti almennt, kók með mjög feitum eða söltum mat, svo sem pylsum, hamborgurum, kjúkling og svo framvegis. Eiinig er gott að drekka með slíkum mat daufan bjór. Eins og til dæmis Corona. En eins og allir vita er Corona framleiddur utan Evrópu, og er því miklu hollari en til dæmis Beck's eða Carlsberg.

Evrópumenn hafa nefnilega eitthvað á móti næringarefnum - eins og manneldisráð.

Yfirleitt er samt best að drekka sterkan bjór með venjulegum mat. Til dæmis Tetley's.

Þannig er nú það.

Ég nenni ekki að hafa annál, því það er hægt að nálgast allt draslið í gegnum link hér til hliðar.

Skemmtið ykkur vel... og, já, úr því ég er að stunda feik barnaafmæli á annað borð: hér er teiknimynd fyrir ykkur.

Skemmtið ykkur.

Dagur 364:

Færzla nr. 247.

Drumbur skipstjóra; Stjörnudagsetning 242487,34.



Nóg af vitleysu.

Skellti henni frænku minni á listann. Athugið samt fyrst, að það fyrsta sem þið munuð sjá, fyrir utan hafsjó af brosköllum, er starandi augnarráð einhverrar þeirrar ófrýnilegustu mannveru sem ég hef séð lengi. Eins og broskallar séu ekki nógu pirrandi einir sér.

Á morgun mun ég hafa verið að þessu í ár. Samt ekki hvern einasta dag. Afköstin eru ekki það mikil. Samt er ég nokkuð viss um að hafa skrifað yfir 100.000 orða á síðasta ári. Hef sennilega lesið yfir milljón.

Til glöggvunar, þá eru 50.000 orð nóg í eina skáldsögu, ca 120 blaðsíður, +-20 eftir fjölda orða á hverri síðu. Týpísk orðabók er með 20-50.000 uppflettiorðum, + útskýringar, að meðaltali 15 orð, eða um 750.000 orð.

Já. Á morgun hef ég í hyggju að fara yfir það athyglisverðasta á árinu. Og það verður mynd af köku. Ég var að spá í að skella upp uppskrift af alvöru köku, ef einhver væri í stuði fyrir svoleiðis. Á hinn bóginn kann ég bara að elda eggjaköku.

Hér eru nokkrir linkar fyrri áhugasama:

Kaka 1
Kaka 2
Kaka 3

þar hafiði það.

Dagur 363:

Það er kominn tími til að illskumæla.



Ég verð alltaf hálf hissa þegar síðan mín mælist undir 50% ill.

En hvað um það...

Ég held ég hafi verið saddur þegar ég vaknaði. Að minnsta kosti er mér ómótt af ofáti núna, eftir morgunmatinn. Mig grunar að ég eigi eftir að vera saddur í allan dag.

Ég vaknaði áður en klukkan mín fór í gang. Nennti svo ekkert að slökkva á henni. Það eru íþróttafréttir á XFM alltaf þegar ég vakna. Þvílík steypa. Ef ég veit ekkert um íþróttir nú, mun ég halda því áfram, þökk sé íþróttafréttum á XFM.

Ekki það að maður læri mikið á þeim annarsstaðar.

"Mothaus er með boltann, gefur á bátinn við Grænland og KLÁRAR LEIKINN! TVÖ-NÚLL fyrir Münchausen!"

Til helvítis með það.

Og ég hef lengi velt fyrir mér afhverju það eru þulir með þessu í sjónvarpi. þetta er í sjónvarpi, menn sem horfa á sjónvarp SJÁ hvað er í gangi, hver er með boltann, hver gefur á hvern og svo framvegis. Kannski eru menn bara of uppteknir við að horfa á spilendurna sjálfa til að fylgjast með hvað þeir eru að gera.

Þóranna er ekkert ein um að vera hrifin af Eið, hefur mér virst.

Hvað varð svo um torfæruna? Það var alltaf einhver djöfuls bjáni að röfla undir henni. Hann truflaði vélarhljóðið.

Mmm... vélarhljóð...

Nei, torfæran gufaði upp eftir að Stöð 2 fór að fjalla um hana. Nú heyri ég ekkert um hana. Formúla 1 hefur yfirtekið hana. Formúla 1 hljómar ekki eins vel. Það er eins og að skifta á Radíó Reykjavík fyrir Fm-957. Aumt.

Formúlan gefur nefnilega frá sér hátíðnisuð sem fer í taugarnar á mér. Líkt og köttur sem er togað í skottið á. Og allir bílarnir eru eins. Ekki á litinn, nei. Ef þeir væru allir eins á litinn væri engin leið að segja hver væri hvað.

Í torfærunni voru engir tveir eins. Lengt, breidd og hæð var misjöfn, hvar gæinn sat var misjafnt. Allt bara einhvernvegin mixað saman. Og hljómaði betur.

Dagur 361:

Rambaði frammá þetta:

Ester

Ég hef ekki séð jafn mikið af brosköllum síðan seinast að ég kíkti á úrvalið á VKB spjallvefnum.

Þarf að bæta henni inn einn af þessum dögum - þar sem hún er nú ekkert of fjarskildur ættingi. Skifti kannski einhverjum út fyrir hana. En samt, hafa ber í huga að litli bróðir er ekki á lista, og ekki heldur þær Hólmfríður og Guðlaug, systur. Ég skil heldur ekkert hvað þau eru að skrifa.

Dagur 360:



1984 Grand Wagoneer með 360 cid mótor. Það er 5.9 lítrar.

Það er að fara að koma að því að þetta blogg verði 1 árs hjá mér. Það verður í næstu viku. Er að pæla í að bjóða upp á mynd af köku þá. Og kannski mynd af mjólk líka, svona sem meðlæti.

Að nenna þessu...

Dagur 357:



357. Auðvitað. Það sér hver maður.

Annars nenni ég voða lítið að tjá mig í dag. Það er búið að vera að reyna að segja mér að slím sé eitthvað fallegt, eitthvað eftirsóknarvert. Oj, segi ég. Slím! Jukk.

Nei. Ég er ekkert hrifinn af slími. Allir sem eru hrifnir af slími geta bara farið og velt sér uppúr sniglum og nuddað andlitinu á sér uppvið ungabörn með hor. Ég er ekki hrifinn. Stopp segi ég.

Ekkert slímugt fólk! Það þýðir þið, krakkar sem nennið ekki að strjúka horið af smettinu!
Engan slímugan mat! Það þýðir engar ostrur, engar hráar eggjahvítur, ekkert... hvað meira sem er slímugt.
Ekki borða slímugt fólk! Sem þýðir, ekki velta kjötinu af því uppúr ostrum eða öðru slíku. Bjakk!

Höldum slímlausan dag! Hvern dag, alla daga, helst.

Dagur 356:

Vesturbærinn lyktaði eins og Þorlákshöfn þegar ég kom hingað áðan. Hvað kemur til? Hafa skólpdælurnar (þessar sem er svo fínt að búa í grennd við) bilað, sem veldur því að allur fiskur í skerjafirðinum hefur dáið, og liggur því rotnandi úm allar jarðir?

Eða er það eitthvað annað? Kannski er þetta tilraun. Já. Sjá hvað hægt er að bjóða Reykvíkingum uppá. Ég get séð það fyrir mér núna:

Einhverjir skuggalegir menn akandi um á stórum trukk spýjandi óþef út í loftið um allan vesturbæinn:

"Ef það er hægt að bjóða þeim þetta, hugsaðu þér þá hvað annað er hægt að bjóða þeim!" segir skuggalegi maður 1 við skuggalega mann 2.

Kannski er þetta lykt af nýju efni sem er verið að þróa til að fæla burt þoku. Ef svo er, þá held ég nú mér lítist betur á þokuna. Nema þeir geti framleitt þokueyði með mentóllykt. Það væri flott.

Dagur 355:

Þoka. það er örugglega ófært í dag. Í Reykjavík! Hah!

Það var alltaf milu meira gaman að segja það: Nei, því miður er ófært vegna veðurs í Reykjavík. Athugun klukkan 15:00.

Já. Viss bjartur punktur það.

Dagur 353:

Kvikmynd kvöldsins. Kemur víst betur út með hljóði. Minnti mig ögn á Börn náttúrunnar. Nema það að það eru engar lestir í börnum náttúrunnar. Og það eru engin gamalmenni í þessu klippi. Það er bara þetta eina atriði þarna undir lokin.

Spáið í því.

Dagur 351:



Er henni ekki kalt? Hún ætti að minnsta kosti að setja á sig húfu.

Dagur 350:

Negotium perambulans in tenebris - Latína, þýðir "Viðurstyggðin sem gengur um í myrkrinu".

Þá vitið þið það. Þetta er upphaflega í biblíunni, 91 sálminum. Eða eins og E.F.Benson orðaði það: "it was the Thing, the Creature, the Business that trafficked in the outer Darkness, a minister of God's wrath on the unrighteous ..." (E.F.Benson -Negotium Perambulans - linkur hér til hliðar ef einhver hefur áhuga - þó ég hafi ástæðu til að ætla að slíkur sé ekki fyrir hendi.)

Og hér er sálmurinn í heild sinni... á ensku, því slík er illska íslendinga að þýða ekki hina helgu bók og skella henni á netið, þó ekki væri nema bara fyrir mig.

Psalm 91
1 He who dwells in the shelter of the Most High

will rest in the shadow of the Almighty. [m]
2 I will say [n] of the LORD , "He is my refuge and my fortress,
my God, in whom I trust."

3 Surely he will save you from the fowler's snare
and from the deadly pestilence.
4 He will cover you with his feathers,
and under his wings you will find refuge;
his faithfulness will be your shield and rampart.
5 You will not fear the terror of night,
nor the arrow that flies by day,
6 nor the pestilence that stalks in the darkness,
nor the plague that destroys at midday.
7 A thousand may fall at your side,
ten thousand at your right hand,
but it will not come near you.
8 You will only observe with your eyes
and see the punishment of the wicked.

9 If you make the Most High your dwelling-
even the LORD , who is my refuge-
10 then no harm will befall you,
no disaster will come near your tent.
11 For he will command his angels concerning you
to guard you in all your ways;
12 they will lift you up in their hands,
so that you will not strike your foot against a stone.
13 You will tread upon the lion and the cobra;
you will trample the great lion and the serpent.

14 "Because he loves me," says the LORD , "I will rescue him;
I will protect him, for he acknowledges my name.
15 He will call upon me, and I will answer him;
I will be with him in trouble,
I will deliver him and honor him.
16 With long life will I satisfy him
and show him my salvation."

Fræðandi, það er ég.

Biblía á netinu

Dagur 348:



Hann Illugi tekur suma hluti of alvarlega.

Dagur 345:

Ég er yfirleitt góður náungi, virðist vera, ef eitthvað er að marka græjuna hér til hliðar.




Já. En til samanburðar er Boggi:



Það er gaman að þessu.

Dagur 344:

Í gær fór ég að drekka með pólitísku flokkunum. Á celtic var mér sagt að hefðust við liðsmenn alþýðulistans, eða Y. Svo ég fór þangað. Þar var boðið upp á fyrirlestur um hugmyndir Rawls yfirfærðar á allan heiminn. Gaman gaman.

Næst á dagskrá var röskva, eða... einhver stafur. Man ekki. Þar var boðið uppá ódýran bjór, fríar flögur og ólöglega dánlódaða músík. Hóf stutt spjall við frambjóðendur, einhverja menn sem ég ber engin kennsl á, utan hvað einn var skeggjaður.

Að þeirri skemmtan lokinni var rölt niður á búlluna þarna... við hliðina á prövdu. Það er eins og mig mynni að pravda hafi verið miklu meiri klassastaður. Allavega, þarna hafðist vaka við, og var alveg pakkað. Veit ekki hvort það eru stuðningsmenn vöku, allt saman, en það fer illa saman við niðurstöður kosninganna. Þar hitti ég fólk sem ég kannaðist við, en veit ekki hvað heitir. Þegar hér er komið við sögu fara hlutir að verða þokukenndir, enda ég farinn að verða meira en kenndur.

Að síðustu fór ég ofaní kjallara til að hitta háskólalistann. Ég held þeir hafi bókstafinn H. Þar drakk ég þartil ég ældi.

Það var mikil stemming allstaðar.

Og nú, nú líður mér ömurlega í maganum, úlpan er í þvotti - ekki að ég hafi ælt á hana, það er bara stybban sem settist á hana á öllum þessum krám - og... ekkert og.

Dagur 343:

Hitti Þórönnu á förnum vegi áðan, og hún sagði mér hvernig hún stundaði njósnir um fólk í þágu hinnar pólitízku hreyfingar "Vöku". Meðal annars hlerar hún síma og böggar ráðstefnusali þar sem óákveðnir kjósendur hinna ýmsu mögulegu hreyfinga koma saman til að ráða skoðunum sínum. Njósnir ganga svo langt, að fyrir utan að fela sig stundum inni í skáp á heimilum fólks, og stundum undir rúmi, þá innir hún fólk á gangi eftir hvort það setur sykur í kaffið sitt. Í hvaða tilgangi allt þetta er svo gert er óljóst með öllu.

Já. Ti að komast til botns í þessu dularfulla máli ákvað ég að tékka á hvað hin heimsfræga leitarvél Google segði um málið. Svo ég skrifaði inn orðið "vaka", og ýtti á enter. Þá fann ég þessa mynd, sem segir allt sem segja þarf.



Þetta er sem sagt flokksfundur hjá vöku.

Nú, til að gæta fyllstu sanngirni, þá skrifaði ég líka inn orðið "Röskva", og fékk þá út þetta:



Ekki veit ég hvað flokkur háskólanema hefur með eldflaugar að gera, en hvað veit ég? Kannski vilja þeir setja á sporbaug gervitungl, til að fylgjast með okkur? Hver veit?

Og ef ég skrifa "háskólalistinn", kemur þetta:



Dularfull skilaboð...

Alþýðulistinn fannst ekki. Sem ég er viss um að þeir taka sem merki um samsæri. Og það er örugglega rétt hjá þeim líka.

Dagur 341:

Í dag legg ég til að sett verði á fót ný ríkisstofnun til að sólunda fé skattgreiðenda. (að vanda sleppa skattsvikarar við að vera bendlaðir við vitleysu).

Ég hefi nefnilega tekið eftir því, að það er engin stofnun innan ríkisins sem fæst við snjó. Það vantar tilfinnanlega svoleiðis. Ég legg til að þessi stofnun verði nefnd: "Snjóhús", í samræmi við núverandi tízku í nafngiftum stofnana.

Í snjóhúsi skal fjallað um snjó og snjótengt málefni svo sem: snjóíþróttir; skíði, snjóbretti, skíðastökk, snjókast; snjófarartæki eins og snjóbíla og vél- og hundasleða; og snjó fyrirbæri hverskonar eins og snjókorn og snjóflóð.

Eins mætti hugsa sér að í snjóhúsi mætti fjalla um hálku, en það má bíða betri tíma.

Nú, til að hindra að sá sem er í forsvari fyrir snjóhús verði uppnefndur "Ekimóinn" eða "Inúk-maðurinn", þá skal starfsheiti hans vera "Snjókall", nema jafnréttis-stofa mótmæli, en til vara legg ég til heitið: "Snjó-persóna".

Með eða á móti?

Dagur 339:



Þetta er jeppi. Þessi bíll hefur allt sem þarf til að vera jeppi. Millikassa, lágt drif, létta yfirbyggingu. Vegleysur voru fundnar upp fyrir þessa tegund af bíl.

Það er ekki þar með sagt að ekki sé rúm fyrir umbætur: til dæmis mætti þessi bíll alveg við læsingum bæði framan og aftan, léttari og sparneytnari vél -td 2 lítra Suzuki. Sjálfskifting gæti líka hjálpað. Orginallinn eyðir talsverðu, kannski 20 á hundraðið. Svo má örugglega létta grindina.



Þetta er Landcruiser. Þessi bíll er með millikassa, lágu drifi, mjög líklega eru læsingar í þessu ákveðna eintaki. Ég væri hissa ef svo væri ekki.

Samt eru líka í þessum bíl allslags óþarfa hlutir. Til dæmis hljóðeinangrun, rafmagn í hinu og þessu, 200 kíló af extra járni sem bara er þarna en er ekki að gera neitt annað. Sem veldur því, að sama hvaða mótor er í þessu, þetta eyðir alltaf bara 20 á hundraðið, eða meira.



Þetta er það sem Landcruiser er að reyna að vera um leið og það er vissulega jeppi. Þetta er ekki jeppi. Þetta er Cadillac. Þægilegasti bíll í heimi. Allt annað er traktor.

Ekkert óþarfa krapp eins og millikassi eða lágt drif. Bara dót sem gerir lífið þægilegra. Og það besta: eyðir ekkert meiru en Landcruiser, en tekur minna pláss. Svo ég bendi á nokkuð sem ég hef tekið eftir: Breyttu jepparnir taka oft 2 stæði.

En menn koma enn til með að kaupa Landcruiser. Vegna þess að menn eru kindur.

Ert þú kind?

***

No comment.

Dagur 338:

338. Þversumman af því er 14. Þversumman af því er 5. Það er 5. Feb í dag. Það eru 2 "F" í Fimmti Febrúar. "Febrúar" er 7 stafir. 2+5=7.

Nóg af þessu.

Það hlýtur að vera ofsalega gaman að búa í Japan. Ekki. 24 af hverjum 10.000 fremja sjálfsmorð stendur þarna. Það er 1 af hverjum 416.

Kannski er það matarræðið. Ef ég myndi borða hráan fisk og þang þá myndi mig trúlega líka langa að deyja.

Já. Hvað meira? Jú. 25 ára í dag. Og hverju hef ég komið í verk á minni löngu ævi? Jú, ég hef málað ca. 1/3 af staurunum sem eru fyrir neðan höllina.

Hvað sé ég svo í framtíðinni? Ég hugsa að ég verði gamall. En þar áður? Þar áður þarf ég að fara heim og borða, ég er svangur.

Dagur 336:

Fékk kökur. Og hnetur. Og eitthvað nammi sem ég ber ekki alveg kennsl á. Fékk í magann af þessu öllu saman. Eða kannski var það kókið?

Smakkaði þetta nýja dæet kók. Fékk það hjá röskvu. Merkilegt nokk... bragðaðist óvenjulega ó-hræðilega, miðað við hvernig svona hlutir vilja yfirleitt verða. hryllir hálfpartinn við tilhugsuninni um öll efnin sem eru í þessu til að fá fram rétta bragðið.

Held ég drekki þetta ekki í framtíðinni, nema ég verði skyndilega sykursjúkur. Verð að fá mína orku. Er hálf-háður sykri.

Þyljið eftir mér: sykur er góður. Og aftur: Sykur er góður.

Aspartam er Illt.

Aspartame is, by far, the most dangerous substance on the market that
is added to foods. Aspartame accounts for over 75 percent of the
adverse reactions to food additives reported to the U.S. Food and
Drug Administration (FDA). Many of these reactions are very serious
including seizures and death as recently disclosed in a February 1994
Department of Health and Human Services report.[1] A few of the 90
different documented symptoms listed in the report as being caused by
aspartame include:

Headaches/Migraines Dizziness
Seizures Nausea
Numbness Muscle spasms
Weight gain Rashes
Depression Fatigue
Irritability Tachycardia
Insomnia Vision Problems
Hearing Loss Heart palpitations
Breathing difficulties Anxiety attacks
Slurred Speech Loss of taste
Tinnitus Vertigo
Memory loos Joint Pain

According to researchers and physicians studying the adverse effects
of aspartame, the following chronic illnesses can be triggered or
worsened by ingesting of aspartame[2]:

Brain tumors Multiple sclerosis
Epilepsy Chronic faigue syndrome
Parkinson's Disease Alzheimer's
Mental retardation Lymphoma
Birth defects Fibromyalgia
Diabetes

Aspartame is made up of three chemicals, aspartic acid,
phenylalanine, and methanol. The book, "Prescription for Nutritional
Healing" by James and Phyllis Balch lists aspartame under the category
of "Chemical Poison." As you shall see, that is exactly what it is.

Aspartic Acid (40% of aspartame) & Glutamic acid (99% of MSG)

um aspartam.

Dagur 335:

Heyri allt of oft þennan frasa í fjölmiðlum: "Þessi orð dæma sig sjálf".

Einmitt. Samhvæmt því þarf ég ekkert að lesa orðin til að sjá hvað mér finnst um þau. Neibb. Þau hafa þegar dæmt sig. Þau hafa nefnilega sjálfstæðan vilja þessi orð.

Sem er auðvitað kjaftæði. Orð dæma sig ekki frekar sjálf en beikon smakkar sig sjálft eða lykt finnur sig sjálfa.

það er sá sem heyrir orðin eða sér þau á prenti sem dæmir þau, á sama hátt og það er sá sem borðar beikonið sem finnur hvernig það smakkast, og sá sem finnur lyktina sem veit hvernig hún er, og ber dóm á hvaða álit sá hinn sami hefir á henni.

Afhverju segir fólk ekki bara "Þetta var illa sagt hjá þér"? Afhverju þarf það að flækja hlutina svona?

Sama fólk hefur tilhneigingu til að nota frasana: "sem betur fer" & "því miður" í sömu setningunni. Sem er alveg jafn óhreinskilin aðferð við að tjá sig.

Notkunin var svona þegar menn byrjuðu á þessu: "Sem betur fer eru ekki allir á sömu skoðun, en því miður eru ekki allir á sömu skoðun og ég."

Þetta fannst mér aldrei hljóma rétt. Reyndar hljómar þetta alveg skuggalega fasískt. Eða eins og nazistarnir voru alltaf að segja: "frelsi er að gera það sem manni er sagt."

Prófið þetta í staðinn: "Mér finnst þetta slæmt."

Betra?

Já, ég veit ég hef rætt um þetta áður. En þetta fer virkilega í taugarnar á mér, mest vegna þess að bölvuð fíflin virðast meina það sem þau segja 100%.

Dagur 333:

Svei!

Dagur 332:


Gott í hálkunni.

Sleppum því að tjúna drusluna. Það er ódýrara að nota sprey!

Mig langar í svona...

Hvern hefur ekki langað að gera þetta?

Reynir???

Ég veit ekki alveg hvað þetta á að vera...

Dagur 330:

Þjáist þú nokkuð af algengum en ólæknandi sjúkdóm?
Sjúkdóm sem hrjáir milljónir manna um allan heim?
Hræðilegum, illvígum sjúkdómi, sem minnkar bæði lífsgæði þín og þeirra sem þú þekkir?

Ert þú nokkuð húmorslaus?

En, ekki er öll von úti enn.
Margir halda að húmorsleysi beri vott um gáfur.
Þú gætir kannski fengið vinnu hjá Ríkinu.

Já, húmorsleysi er vissulega hryllilegur sjúkdómur.
Sérstaklega vegna þess að aukaverkanirnar eru auknar líkur á vinnu fyrir Ríkið.

Dagur 329:

Ugh... Ég hata háskólapólitíkina. Ég hata vöku. Ég hata röskvu. En, lof mér segja ykkur af hverju:

Fyrst: Pólitík er fyrir þurrkuntur og sósíópata.

En þar fyrir utan: Röskva og vaka eru með NÁKVÆMLEGA SÖMU STEFNUMÁLIN!. Og með það í huga: afhverju allt þetta rifrildi? Það getur ekki annað en skemmt fyrir.

Pólitík er nefnilega eins og fótbolti. Það eru lið, og það er ætlast til að maður haldi með einu liði. Í landspólitíkinni heldur fólk til dæmis með Sjálfstæðisflokknum eða Samfylkingunni. Svo mætir það á fundi og hrópar húrra.

Og eins og í fótbolta, þá hafa bæði lið sama takmark: að vinna. Málefnin eru aukaatriði. En þau koma næst. Vaka og Röskva eru cirka jafn stór, þannig að hvor sem vinnur, þá verður annar alltaf að taka hinn með í reikninginn.

Sem veldur því að flokkarnir berjast gegn hvor öðrum, gegn EIGIN STEFNUMÁLUM bara vegna þess að hinir eru með þau líka. Svo ef þau álpast til að ná einhverju í gegn, þá gagga þau á hina: In your face! Eins og þau hafi verið að ná einhverju í gegn sem var þeim á móti skapi.

Ég styð engan flokk sem veldur því að ég þarf að borga meira. Allir pólitískir flokkar valda verðlagshækkunum. Ég held ekki með neinum flokki.

Gefið mér bjór, og ég styð ykkur. Ef ekki... ja, angrið mig þegar ég er edrú og ég borða úr ykkur lifrina.

Dagur 327:

Það er hlýtt í dag. Svo hlýtt, að appelsínuguli kötturinn hefur ekki látið sjá sig.

Í gær drakk ég mikið te, og borðaði mikið af súkkulaðiköku. Ég giska á að það hafi valdið því hve skemmtilegan draum mig dreymdi í nótt. Stundum er það þannig, að mann dreymir skrýtna drauma ef maður borðar fyrir svefninn. Þessvegna reyni ég alltaf að fá mér smá snarl þá.

Annars er það merkilegt hvað þeir vilja oft verða mónókrómatískir.

Ég sé litríkari hluti ef ég stend snöggt upp.

Dagur 325:

Glápti á sjónvarpið í gær.

Í dag er ég að hugsa um að kveikja kannski á því líka.

Dagur 324:

Og hvað gerir maður í dag?

Ekkert, svosem.

Einhverjar aðrar hugmyndir?

Dagur 322:

Þú!!!

Samkvæmt einföldu leikskólareglunni þinni, get ég ekki tjáð mig um þig. Eða nokkurn annan. Og þú ekki um mig. Neibb. Ekki hægt. Því að: Ef þú segir eitthvað um aðra þá ertu það sjálfur og margfalt meira. Eða, eins og littlu krakkarnir segja: "Þú ert það sem þú segir sjálfur".

Sem er bara rangt.

Við skulum fyrst fara út í hvernig það er rangt, röklega:

Ef ég segi við þig, Þóranna: "Þú heimska kona!"

Hvað gerir það mig? Er ég eitthvað af þessu? Við skulum einfalda þetta aðeins:

A gengur upp að B, og segir við B: "B=B".

En samkvæmt kenningunni hér að ofan, er þetta rangt, því allt það sem A segir, getur einungis gilt um A. Semsagt:

A gengur upp að B, og segir við B: "B=A".

Sem sagt, mjög margt sem maður segir um sjálfan sig er rangt, því það á við um eiginleika sem maður ætlar öðru fólki. Ég er í raun bundinn við að tala aðeins um sjálfan mig. Ég veit að ég er stórmerkilegur náungi og allt það, en það er svo mikið af liði þarna úti sem ég tel mér trú um að ég þurfi að tjá mig eitthvað um.

En er það það eina? Er þetta aðeins bundið við fólk? Hvað með dýr?

Ef ég segi til dæmis: "En hvað þetta er loðinn köttur", er ég þá ekki að segjast vera loðinn köttur? því þú manst, að ég er allt sjálfur sem ég segi við aðra, rétt?

En um hluti? Staðhæfingin: "Þetta hús er rautt", ber það með sér að ég er að segja eitthvað um eitthvað sem er ekki ég, og ég get ekki talað um neitt annað en sjálfan mig, svo ég hlýt að vera rautt hús, ekki satt?

Eða er þetta alfarið tengt fólki?

Skoðum nú hvernig er rangt að halda þessu fram út frá notkun tungumálsins sjálfs:

Ef þú segir eitthvað um aðra þá ertu það sjálfur og margfalt meira.

Að segja eitthvað um einhvern annan er að segja hvaða álit ég hef á einhverjum, hvað ég sá einhvern aðhafast, hvað ég held að einhver hafi verið að aðhafast, ýmis vitneskja sem ég hef um einhvern; hvað hann er þungur, gamall, hár í loftinu, hvar hann býr.

Ég get einungis talað um mig. Ég get einungis lýst mér, tjáð mig um mig. Ég get ekki sagt frá neinum öðrum, hvorki til góðs né ills. Hluti tjáningar-getunnar hefur verið fjarlægður.

Ég get ekkert sagt um þig.

Ég get ekki sagt: "Þóranna er svo vinaleg og góð stelpa", því það getur aðeins þýtt: "ég er vinaleg og góð stelpa", og ekki bara það, ég er margfalt vinalegri og betri stelpa en ég er. -því ég get ekki tjáð mig um aðila sem eru ekki ég.

Sem þýðir, að ef ég reyni að tjá álit mitt á öðru fólki, er ég að ljúga einhverri bölvaðri steypu uppá sjálfan mig. Ekki er ég vinaleg og góð stelpa. Ég væri það ekki jafnvel þó ég færi í kjól og háhælaða skó. Gleymdu því.

Ég get ekki einusinni sagt hvernig hárið á þér er á litinn. Ég get logið til um minn eigin háralit, en get ekki tjáð mig um þinn.

Skoðum aðeins siðferðilega vandamálið sem kemur upp:

Er rétt að segja þetta við litla krakka? Ræna þá getunni til að tjá tilfinningar sínar í garð annarra? Lýsa útliti fólks í eigin orðum? Minnka við þá notkunareiginleika tungumálsins?

Við yrðum að tjá okkur eingöngu með látbragði: ef mér væri illa við þig myndi ég neyðast til að slá þig, því ég gæti ekki sveiað þér í orði, ef mér væri hlýtt til þín yrði ég að klóra þér bak við eyrað, og svo framavegis.

---

Ég segi, leyfum fólki að segja "þessi og hinn er fífl". Í nafni tjáningarfrelsis. Við erum ekkert bundin við það að trúa hverju orði sem einhver gaur af handahófi segir um einhvern sem við höfum aldrei hitt. Og leyfum okkur ekki að dæma af eigin orðum þá fífl sem kalla aðra fífl. Hver veit nema þeir hafi rétt fyrir sér?

Amen.

Dagur 321:

Hagfræði 001:

Ríkið er að láta smíða fyrir sig stíflu. Stíflan kostar X mikinn pening, og vinnan við hana kostar Y mikinn pening.

Svo Ríkið bíður stíflugerðina út, og viti menn, X er bara föst tala sem ekki verður breytt, en, Y, það er hægt að lagfæra:

Fyrirtæki A er íslenskt, og ræður íslenskt vinnuafl til stíflugerðar. Fyrirtækið borgar hverjum verkamanni 200.000 krónur á mánuði.

Fyrirtæki B er líka íslenskt, en það ræður pólverja, sem taka jobbið að sér fyrir einungis 120.000 krónur.

Fyrirtæki C er ítalskt, og það ræður kínverja sem taka þetta að sér fyrir 60.000 kall.

Förum nú yfir þetta:

Af 200.000 kr er tekinn 38% skattur. Þannig að í raun er ríkið bara að borga hverjum íslending 124.000. Íslendingar eiga það til að eyða megninu af sínum pening innanlands, og það þýðir að þeir eru að greiða að jafnaði 20% í söluskatt af öllum laununum sínum, tolla og vörugjöld og hvaðeina, og það reiknast til 35-40% af öllum þeirra pening. Það er 80.600 - 68.200 á mánuði sem ríkið er í raun og veru að greiða þeim. Þar að auki, þar sem þeim fjármunum er eitt innan lands, þá ýta þeir undir hagkerfið og skapa vinnu, svo fleiri geta borgað þessi 38%, sem þýðir að á endanum hagnast ríkið.

Af 120.000 kalli er tekinn 10% skattur. Þannig að í raun er ríkið að borga hverjum pólverja 108.000 kall. Pólverjar fara með allan sinn pening til Póllands, þannig að ríkið er í raun að greiða 108.000 krónur. Þar sem allur þessi peningur fer úr landi, skapast engin störf í kringum hann, og ríkið fær ekkert til baka annað en þessi 10%.

Af 60.000 kalli er enginn skattur tekinn. Sá peningur fer beint til Kína. Sem leiðir til uppbyggingar í Kína, sem er, svo framarlega sem ég veit, eitthvað land í asíu.

Ef þú værir ríkið, hvað myndir þú velja?

Dagur 320:

Oft rekst ég á orð og frasa sem hljóma einstaklega illa í mínum eyrum. Hvaða frasar eru þetta, og hvað þýða þeir? Ég hef mínar kenningar um það:

Frasar:

"Þessi orð dæma sig nú sjálf": Þýðir í alvörunni: Þessi orð voru mjög ó-PC, og allir sem eru sammála þeim eru fífl, og verða útskúfaðir úr samfélagi heilagra að eilífu, Amen.

"Ég er auðvitað ekki að segja að ég sé sammála neinu af því sem X segir, en...":Þýðir í alvörunni: X sagði eitthvað voðalega ó-PC sem mér finnst athyglisvert, ekki lemja mig.

"Auðvitað eru ekki allir með sömu skoðanir, og það er gott, en því miður eru ekki allir á sömu skoðun og við": Þýðir í alvörunni: Það er slæmt að allir skulu ekki vera á sama máli og ég, því ég er svo ofsalega PC. (Þetta heyrðis mjög oft þegar þjóðernissinninn þarna var kærður fyrir að tjá sig.)

Einstök orð:

"Sendiráð": elliheimili fyrir aldraða stjórnmálamenn, og sem slíkt, hluti af heilbrigðiskerfinu.
"Stofnun": gamalt orð sem merkir stofnun á vegum ríkisins. Úrelt. Nú heitir það "hús".
"Ósamræmi": orð, sem felur í sér bann við sjálfstæðum stíl.
"Umhverfismat": hömlur á nýbyggingar - komið upp til þess að menn geti ekki bara vaðið uppi og smíðað það sem þeir vilja á sinni eigin lóð fyrir lítinn pening.
"Auðvitað": orð sem er notað til að byrja setningar sem standast illa nánari skoðun, en eru það sem hávær hópur hefur í frammi. Dæmi: "Auðvitað þarf að endurskoða stjórnarskrána."
"PC": politically correct. Viðtekin skoðun afar háværs og ofbeldisfulls fólks.
"Ofbeldi": Ofbeldi er aldrei PC nema því sé beint gegn einhverjum sem er ó-PC. Líkamlegt ofbeldi er aldrei PC, andlegt ofbeldi er því aðeins PC að því sé beitt af hópi fólks gegn einstaklingum.
"Einelti": Þegar hópur PC einstaklinga berst gegn ó-PC einstaklingi, en almenningur veit ekki af hverju, og veit þessvegna ekki að ofbeldið er PC, og byrjar að finna til með fórnarlambinu.

Og að lokum:

Dýrt hverfi/dýr lóð: staður þar sem lítið útsýn er, saltrok, skólpdæla, umferðarniður, glæpir og læti um helgar, eða að minnsta kosti þrennt af þessu. Dæmi: 101 svæðið og Ægissíðan.

Dagur 319:

-Þessi orð dæma sig auðvita sjálf-

Var að hugsa:

Afhverju er það "Bóksali"? Afhverju ekki "Bókasali"?
Eins og það er "Fasteignasali", en ekki "Fasteignsali". Afhverju sleppa þessu "a"?

Ég veit ekki.

Þetta er eins og með mexíkanana hér í denn. Nú heita þeir víst ekki lengur mexíkanar. Veit ei af hverju. Það hljómaði vel. Það hljómaði "rétt".

"Mexíkói" hljómar ekki rétt. Nei. Því út frá því, hlýtur maður að kalla ameríkana "ameríkóa", ekki satt? Þetta er af sama stofni, hefur mér ætíð sýnst.

Og ekki má þá stytta það í "kanann" lengur, það verður að vera "kóinn". Það er bara rangt, á 200 mismunandi vegu er ég viss um.

En versta orðabrenglingin varð þegar "þeir" - þá í merkingunni ekki ég eða neinn sem ég þekki - breyttu "peningaþvotti" í "peningaþvætti". Og svo eru menn látnir komast upp með þetta! Hvað á þetta að fyrirstilla?

Nú, ef þetta á að viðgangast, á maður þá ekki að fara með óhreyna tauið í þvættavélina og nota þvættaefni? Þvættingur.

Nei, segi ég.

Fyrir mér mega mexíkanskir bókasalar þvo peninga. Það angrar mig ekki neitt.

Dagur 317:

Útvarp. Í útvarpi er vinsælt að hafa menn sem eru hressir og vinalegir, að minnsta kosti ef eitthvað er að marka hann Jón hérna.

Ég er hress, ég er vinalegur - sérstaklega eftir 1-2 flöskur af víni. Ég er málið næstu 70 árin eða svo. Afhverju fer ég ekki í útvarp? Ég get sponsorað vín - gegn einni flösku á dag. Já. Ég gæti verið með minn eigin þátt: "Í glasi í hádeginu!"

Ég get fjallað um daginn og veginn. Ástand mála í Elliðavoginum, snjó, hálku, svoleiðis kjaftæði. Ég get verið með svona útvarp umferðarráð. Já. Ég legg til að andlit verði spreyjuð á þjóðvegina eins og í auglýsingunni, svo ég viti hvar ég á að mökka af stað á kagganum mínum.

Ég hef skoðanir á hlutunum, sem amma telur einmitt að sé mikilvægara en að hafa aðgang að staðreyndum. Hún var nefnilega uppi í móðuharðindunum, og man því ekki stundinni lengur, hvað þá tímana tvenna.

Ég veit allt, ég skil allt, ég fatta allt miklu betur en Ingvi og Stefán.

Ég get talað við hálf-heiladautt fólk alveg eins og þeir hjá dægurmálaúvarpi rásar 2. Ég get gefið vinninga eins og liðið á FM og Bylgjunni. Ég get plöggað baneitraða drykki eins og Diet-þetta og Max-hitt.

Eða:

Ég get alveg verið í sjónvarpi!

Ég get alveg mætt heim til fólks og sagt því að húsgögnin þess séu athyglisverð. Ég get spurt hvort hlutir séu frá Epal, Kópal eða PayPal.

Ég get setið kjur í klukkutíma og lesið upp random bull sem ég eða einhver annar hefur grafið upp af internetinu, alveg eins og Auddi og Sveppi.

Ég get alveg sett upp illskuglott og spurt fólk hvað flaug í huga þess þegar barnið þess dó, og rætt svo um sæta kettlinga strax eftir hlé, eða talað við fórnarlömb eineltis og nauðgana og snjóflóða, eða fólki sem varð fyrir einelti eftir að því var nauðgað á meðan það lenti í snjóflóði og missti öll börnin sín, hundinn, köttinn, báðar beljurnar og páfagaukinn, og farið svo útí að ræða blómaskreytingar, alveg eins og Sirrý.

Ég get alveg fengið til mín rithöfunda, og tilkynnt þeim: "Nú var að koma út eftir þig bók."

Ég tel mig líka vera fullfæran um að sjóða saman leikna seríu, líkt og mörgum á undan mér hefur mistekist. Trykkið er að hafa hvern þátt bara nógu stuttan. Svona korter.

Ég kíki á það ef ég fæ ekki vinnu í álverinu.

Dagur 316:

Hef verið að fylgjast með samgöngum til eyja með öðru eyranu. Sá til dæmis í blaðinu um daginn hugmyndir um að koma upp ferðum með loftskipi, svona zeppelin/goodyear tæki, í stað Herjólfs.

Nú, fyrir þá sem komu með þá hugmynd, er ég með eitt orð: Ófært.

Það vill nefnilega svo skemmtilega til, að á svæðinu milli lands og eyja vill verða ansi vindasamt stundum, 8-12 vindstig. Giska ég á að afar léttur hlutur með stórt yfirborð, eins og loftskip, myndi auðveldlega fjúka, jafnvel alla leið til grænlands í slíku veðri.

Á meðan slíkt veður stæði yfir, yrðu því ferðir að A: bjóðast hvert sem er undan vindi, eða B: leggjast niður.

Flugfélagið getur flogið í allt að 8 vindstigum, gefið að vindur sé bæði stöðugur, þ.e. komi ekki í einhverjum brjálæðislegum viðum, og sé beint á braut. Loftskip þarf á logni að halda, helst, til að það taki ekki mánuð að fara á milli.

Hugmyndin um göng, hinsvegar, hefur á sér þá gagnrýni að hún sé dýr - sem mér finnst della. Ef það eru til 800 millur fyrir sendiráði í þýskalandi sem við þurfum ekki (betra væri að notast við ræðismann þar, það kosta ekkert), þá höfum við efni á 20 milljarða göngum sem við þurfum.

Loftskip???

Dagur 314:

Mér er drulluheitt. En ég er vel klæddur til að forkelast ekki, því það væri slæmt vegna kvefsins sem ég er með.

Þegar maður er með kvef og hálsbólgu eins og ég, er gott að fá sér brenni, en brenni (AKA victory) inniheldur eter, sem er milt verkjastillandi efni. Það stendur amk í innihaldslýsingunni. Annars er brenni ekkert spes sem slíkt. En ég er voða lítið fyrir nammi almennt.

Gott er að fá sér smá súkkulaði öðru hvoru. Fyrir jól nældi ég mér í svona flöskur með vínanda inní. Gott stöff. Einusinni var hægt að fá hringi fulla af koníaki. Þá hef ég ekki séð lengi. Ætli sé búið að banna þá?

Það væri eftir öllu.

Te er líka gott ef maður er með kvef.

Hinsvegar er ekki til nein lækning við kvefi. Þið getið tekið það sem þið viljið, en kvefið fer ekki fyrr en það vill.

Dagur 312:

Frétti um daginn að það þarf sér leyfi til að vítamínbæta matvæli. Sem fékk mig til að hugsa:

Það er ekki búið að sækja um leyfi til að vítamínbæta neitt frá General Mills: Cocoa Puffs, Cheerios, Lucky Charmas; Kellogg's: Corn Flakes, Special K.

Er þetta stöff þá ekki ólöglegt?

Bara spyr.

Ég veit að fyrir nokkru tóku danir uppá þeim óskunda að láta fjarlægja næringarefni úr öllum þarlendum bjór. Finniði ekki hvernig þið verðið alltaf aðeins þynnri af Carlsberg en Corona?

Nú er það víst gert við allan evrópskan bjór. Nú er maltöl einskonar bjór. Er þá ekki búið að afnema úr því næringarefni líka?

Þær eru undarlegar þessar reglugerðir. Þeim tekst alltaf að vera uppá kant við alla skynsemi. Bæði innlendum sem og útlendum. Kannski er þetta keppni? Hvaða land er með vannærðustu fitubollurnar.

Gæti verið, gæti verið.

Dagur 311:

Glápti á Silfur Egils áðan.

Þessi gæi var þar að reyna að réttlæta tilvist Symfóníuhljómsveitar íslands. SÍ stendur ekki undir sér fjárhagslega, og verður að fá fullt af styrkjum til að ganga upp.

Gæinn hjá Agli hélt því fram, að tónlist á Íslandi afkastaði 1% af þjóðartekjum Íslands. Gott og vel. Gefum okkur það. Symfónían étur upp pening, en gefur ekkert af sér. Það er vitað. Svo symfónían er ekki hluti af þessu 1%, heldur mínus stærð á þessu 1%. Þá kemur semsagt meira inn gegnum íslenska músík en kallinn segir.

Kallinn segir líka að symfónían sé góð fyrir tónlistarskólana. Má vera. En ekki allir sem læra tónlist fara í symfóníuna. Sumir fara í hljómsveitir sem gefa af sér pening. Get ég nefnt í því sambandi hina margfrægu en að mínu viti ömurlegu hljómsveit Sigurrós, sem er full af liði sem kann á hljóðfæri, ekki ósvipað liðinu sem er í Symfóníunni.

Hvað annað gengur vel í útlandann? Mínus... Maus, hef ég heyrt, Quarashi - það er a.m.k einn gæi þar sem kann á eitthvað hljóðfæri. Man ekki eftir meiru, fylgist ekki það vel með.

Nú vilja örugglega margir benda mér á að klassísk tónlist er spiluð með fiðlum og sellóum og slíku dóti sem er ekki notað við iðkun neinnar annarrar tónlistar, og þeir sem kenna á slík tæki yrðu þá sennilega atvinnulausir.

Nú veit ég hinsvegar ekki betur en pönkarinn Magga Stína spili á fiðlu, og gæinn í Todmobile spilar á ... stórt strengjahljóðfæri af gerð mér alls ókunnri. Ég hef meira að segja nýlega heyrt í sembal, og það var ekki í neinu klassísku tónverki frá 18. öld heldur.

En sem sagt, Symfónían er enginn sérstakur grundvöllur fyrir tónlistarskólana. Reyndar virðist mér það væri best ef liðið færi bara inn í næsta bílskúr til að æfa einhverja músík sem Bakk og Mósart hafa ekki komið nálægt.

Dagur 310:

Eldaði spaghetti í gær. Amma bað um smá, svo ég sauð smá fyrir hana líka. Setti töluvert minna af pipar á hakkið sem ég ætaði henni, og bara örlítið karrí. Samt kvartaði hún undan sviða.

Ég setti þrefalt meira af pipar á mitt, og mér fannst það bara milt. Ég held, að ef ég geri þetta einhverntíma aftur, setji ég engan pipar á ömmu skammt. Hún virðist ekki þola það.

En, ef ég krydda hakkið ekki, þá finnst á bragðinu að það er byrjað aðeins að slá í það... sem er að vísu ekki vandamál fyrir ömmu. Þegar amma var ung þótti nú ekki mikið varið í kjöt þegar það var nýtt. Nei. Það var ekki talið neyzluhæft fyrr en það var orðið grátt, og lyktaði eins og sjálfdautt, vatnssósa hræ.

Nú er öldin önnur. Mikið er ég sáttur við að vera uppi á 21. öldinni, og hafa stundum aðgang að ferskum hráefnum.

Nema karríið - ég held að það sé minnst 5 ára gamalt.

Dagur 308:

Og þá er ég kominn til RKV aftur.

Það er líka snjór hér. Bíllinn fór í gang. Það var, og er, þykkt snjólag á honum. Merkilegt hvað þessi bíll þolir frost mikið betur en Range Roverinn gerði. Ég get á þessum bíl bæði opnað dyrinar OG lokað þeim aftur í frosti.

Já.

Svo fékk ég síma í jólagjöf. Þannig er það alltaf. Foreldrar mínir gefa mér alltaf í jólagjöf það sem þeim finnst ég þurfa. Svo nú getur hvaða bjáni sem er hringt í mig. Vúppí.

Dagur 306:

Það er nú meira veðrið. Í gær lék allt á reiðiskjálfi. Nú er bara vindur, en nógu hvasst fyrir það. Það held ég að ég verði aðeins seinn til RKV úr því það á að vera svona.

Það er á svona dögum, sem gott væri að hafa göng. Þegar kemur að því að ræða um það, er viðkvæðið alltaf: Það eru engir peningar.

Það eru víst til peningar, þeir renna bara ekki í vegakerfið. Ef þeir rynnu þangað, þá værum við með bezta vegakerfi í heim; göng gegnum hvert fjall og undir hvern fjörð, almennileg gatnamót, ekki þessi ljós útum allt.

Hverjum bíl á íslandi er nefnilega ekið yfir 10.000 kílómetra á ári. Miðað við 100.000 bíla, og að meðaltali 10 lítra eyðzlu á hundraðið, gera það hundrað lítra á hverja 100.000 bíla, sem eru 10.000.000 lítrar af eldsneyti, sem kosta 1.000.000.000 krónur. Af því tekur ríkið 80%, sem eru 800.000.000 krónur á ári.

Sem er vanáætlað um örugglega 100%.

Fyrir þennan pening væri hægt að stunda vegagerð þvers og kruss um landið án þess að hafa áhyggjur af því hvað það kostaði.

En peningarnir virðast fara einhvert annað en til okkar sem þurfum þá.

Það tekur varla nema 2-3 ár að safna fyrir göngum. Það sem við þurfum er Árna Johnsen aftur. Hann skilaði afköstum, meir en nokkur annar þingmaður, hvar sem er á landinu. Þessi gæji sem er núna honum er alveg sama um okkur í eyjum. Hann má hverfa.

Dagur 303:

Gleðilegt nýtt ár.