Dagur 292 ár 2 (dagur 657, færzla nr. 349):

Jól. Ekki margt um það að segja. Fátt að gera annað en horfa á sjónvarp. Sem er svosem ágætt ef maður hefur aðgang að discovery. Þvílík snilld sem það er. Sá þá henda píanóum upp í loft í gær. Hvaða sniðugu dellu koma þeir með næst?

Jólakökur. Gott að hafa þær. Tilbreyting frá kelloggs og general mills stöffinu í morgunmat. Það og jólaöl. Mig grunar samt að bragðskynið sé eitthvað að breytast. Þetta er ekki eins og það var áður. Læt það samt ekki stoppa mig.

Ég fékk smá nammi í jólagjöf. Og alkóhól frá litlu krökkunum. Gaman af því. Hef þá snakk seinna.

Dagur 289 ár 2 (dagur 654, færzla nr. 348):

Og þá er ég í eyjum. Ég fæ höfuðverk af að sitja og horfa á sjónvarpið svona lengi. Varð að finna mér eitthvað annað uppbyggilegt að gera, svo ég fór að fikta í tölvunni í staðinn.

Það er ágætt að vera í smá fríi.

En hvað nú? Aðgerðarleysi er frekar leiðinlegt, og ég satt að segja neni ekki að gera neitt, alveg sérstaklega ekki að hengja upp jólaskraut. En, hver nennir því svosem? Örfáir geðsjúklingar, vissulega, en í raun fæstir.

Flestir, sýnist mér, pynta sjálfa sig með jólahreingerningum, jólaskreytingum, og jólainnkaupum. Það er eins og þetta fólk viti ekki um hvað hátíðin snýst: jólakökur.

Dagur 285 ár 2 (dagur 650, færzla nr. 347):

Hjálpum þeim er sagt. Fólk teygir sig í veskið, og gefur hjálpastofnun kirkjunnar og rauða krossinum - sem mun brátt heita "rauða merkið" til þess að vera alveg pólitíkst correct - sinn fimmhundruðkallinn hvorum.

Svo klofar það yfir rónann sem sefur á gangstéttinni til þess að komast í hlýja kaffihúsið sitt, og drekka kaffi sem er næstum jafn dýrt og bjór.

Það líður ekki það ár án þess að minnsta kosti einn róni verði úti. En við hjálpum ekki þeim. Við hjálpum vannærðum börnum í Eþíópíu, fórnarlömbum jarðskjálfta í Kasmír, vatnssósa Súmötrubúum.

Af hverju?

Af sömu ástæðu og fólk í Evrópu og Bandaríkjunum vill vernda hvalina: það er svo vel auglýst.

Kaupið nýja diskinn með alþjóðasönglurunum, því prósenta af verðinu rennur til barna í útlöndum. Kaupið braurist áf tæknihöllinni, til styrktar deyjandi fólki í landi sem heitir nafni sem við getum ekki borið fram. Sjáið mynd af þeim, eru þau ekki ámátleg?

***

Nú byrja fréttir frá fréttastofu N-F-S. Sem er nokkuð asnalegt, því fréttastofan heitir "Nýja Frétta Stofan". Það sem þeir eru að segja er því: Nú byrja fréttir frá fréttastofu nýju fréttastofunnar. Asnalegt.

***

Ópíum, með öðru nafni, er það ekki samt Ópíum?

Sá um daginn hjá þeim, að þeir voru að fárast yfir því að rónar eiga svo auðvelt með að redda sér contalgíni. Hvað með það? Leyfið þeim að taka efnið, fyrst þeir eru svo áfjáðir í það. Seljum efnið hverjum sem vill í kílóavís.

Það þýðir lítið að banna efnið, því það er ekkert hægt að banna efnið. Það er löglegt en á sama tíma ólöglegt. Löglegt, því þetta er besta verkjalyf sem völ er á - þó viss takmörk séu til hvers má nota það - ólöglegt einungis þegar það berst af spítalanum og út á götu. Það sama gildir um amfetamín.

Ánægður dópisti er meinlaus dópisti. Eftir smá stund verður hann dauður dópisti. Annað hvort verður það of stór skammtur eða hjartaáfall sökum vannæringar. Það hefur verið vitað síðan í fornöld að allir sem taka morfín hætta að borða til að hafa meiri tíma til að taka morfín.

Það mun leysa margan vanda: dópistar eru flestir á bótum. Ef efnið er auðfáanlegt, og helst ódýrt, þá hrökkva bæturnar fyrir meira efni, sem þýðir að aumingjans mennirnir þurfa ekki að stela útvarpinu úr bílunum okkar til að selja fyrir efni.

Það sparar líka forvarnakostnað. Í staðinn fyrir að senda út gífurlegt magn bæklinga um áhrif hinna ýmsu lyfja, þá er bara hægt að rölta með alla krakkana niður á Hlemm til að skoða rónana.

Peningana sem sparast má meðal annars nota til að hjálpa þeim sem vilja hætta.

***

Flugvallarmálið:

Þetta er kallað meinloka. Einhver asni hefur bitið í sig einhverja hugmynd, og lætur ekki af henni sama hvað honum er bent á. Hér hefur einhver bitið í sig að flugvöllurinn í RKV sé eitthvert vandamál sem verði að hverfa.

Sem dæmi um vandann bendir hann á hvernig hann teppir umferð.

Flugvöllurinn teppir ekki umferð. Lélegt skipulag stór-Reykjavíkursvæðisins síðan AD 1800 teppir umferð. Þeir hefðu átt að skoða svolítið amerískar borgir. Þær eru flestar byggðar upp sem hnitakerfi, og þannig dreyfist umferðin miklu betur. Það þarf enginn að fara inná einhverja "stofnbraut" til að komast milli bæjarhluta. Það er ekið inn á hraðbrautir til að komast á milli fylkja.

Sem gulrót til að sauðskur almúginn fylgi, er bent á að þetta er dýrasta svæði landsins: 101 svæðið. Þarna væri hægt að reisa fullt af lágreistri byggð og kaffihús.

Allt í lagi. Leyfu þeim það. En á sama tíma mæli ég með að höfuðborgin verði flutt til Egilsstaða. Vonum bara að þeir hafi almennilegt skipulag á sínum enda svo við endum ekki með Borg Hryllingsins þar.

Dagur 281 ár 2 (dagur 646, færzla nr. 346):

Ég var að lesa stúdentablaðið í gær. Rakst á grein þar sem rætt var við menn um skólagjaldið sem Þorgerður katrín og hennar hyski vill ólmt leggja á í Háskólanum.

Annar var með, hinn á móti.

Það sem sá sem var með sem mér þótti undarlegur. Hann virtist trúa því að með því að leggja á skólagjöld væri verið að einkavæða Háskólann, og öll hans orðræða var út frá þeim púnti.

Ég hélt að það ætti bara að hækka innritunargjöldin um nokkurhundruð prósent. Ég hélt ekki að ætti að einkavæða fyrirbærið.

Gæinn sem var á móti skólagjöldunum virtist heldur ekki halda að verið væri að einkavæða háskólann, heldur virtist hann einnig halda að um væri að ræða einungis umtalsverða hækkun á innritunargjaldinu, sem nú er skammarlega hátt með hliðsjón af því að þetta er opinber menntastofnun sem á að vera opin öllum.

Er það virkilega svo að þeir sem eru fylgjandi skólagjöldum halda að verið sé að einkavæða Háskólann? Hvaðan fá þeir þá hugmynd?

Ég veit ekki. Mér virðist illmögulegt fyrir andstæðar fylkingar að ræða saman ef önnur talar á allt öðrum forsendum en hin, og um hliðstæðan en annan hlut. Svona svipað eins og að ræða við ömmu.

Dagur 280 ár 2 (dagur 645, færzla nr. 345):



Myndi vikunnar/mánaðarins: blak kvenna. Þetta er náttúrulega bara til að pirra þá sem álíta að hin eina sanna íþrótt sé fótbolti karla, og það sé það eina sem sjónvarp ætti að bjóða uppá. Ég held því fram að það sé tóm þvæla. Þessi mynd rökstyður það afar vel, enda sjá það allir nema örgustu fótboltamenn að blak kvenna er æðra sport.

Öllu erfiðara er að halda með sínu liði, enda eru þær ekki í mjög efnismiklum búningum. Þær sem eru í einhverju það er að segja.

Hmm...

Já, það er nú þannig, að mínu mati, að sport er betra ef það þarf ekki að halda með liðum eða vera óeðlilega hrifinn af Beckham til að fást til að horfa á það. En það er bara það sem mér finnst. Og ég veit vel að fólk á það til að taka ekki of mikið mark á mér.

Hugsið aðeins út í þetta.

Dagur 277 ár 2 (dagur 642, færzla nr. 344):

Ég lenti einusinni í því að reka hesta. Það var innifalið í starfinu. Ég vann sko á flugvellinum í eyjum, ef einhver man eftir því. Stundum voru nefnilega hestar á vellinum.

Flugmálastjórn þurfti oft að fæla hesta frá flugbrautinni áður en vélar lentu. Og stundum þarf að fara út á braut og reka þaðan húsdýr, bæði hross og kindur. Það er staðreynd.

Rotturnar og mýsnar eru annað mál. Sjáist slík dýr er hringt í meindýraeyðinn. Enginn hefur jafn gaman af rottum og hann. En mýs og rottur skapa litla hættu á vellinum, því þær eru svo lítil fyrirstaða.

Kind hinsvegar, er annað mál. Menn verða varir við þa ef þeir keyra á kind. Það gerðist nefnilega einusinni, að ein af gömlu Fokker 27 vélunum ók á kind. Hausinn skaust 150 metra frá búknum. Blóð sprautaðist enn úr sárinu þegar flugmálastjórn kom að afganginum af hræinu. Það sá ekki á vélinni.

Það breytir því ekki að þessi kind átti alls ekkert að vera þarna. Hugsið ykkur ef það hefði verið hestur. Hestur er 4 sinnum þyngri en kind, og 4 sinnum stærri. Hann hefði getað skemmt eitthvað.

Þið getið hringt í Hannes, spurt hann hvenar það var seinast rolla eða annað húsdýr á brautinni. Nýlega, held ég.

Það eru engar rollur hér í Borg Óttans. Hinsvegar breytir það því ekki að flugvöllurinn hér er í hættu vegna dýra sem eru alveg jafn gáfuð og rollur.

Dagur 274 ár 2 (dagur 639, færzla nr. 343):

Um það bil 35% af BA ritgerð til. Þetta verður mjög listræn ritgerð. Heimildir og allt.

***

Hérna: enn eitt prófið sem þið getið tekið ykkur til skemmtunar. Einmitt það sem við þurftum.

Haughty Intellectual
You are 71% Rational, 28% Extroverted, 42% Brutal, and 57% Arrogant.

Your exact opposite is the Schoolyard Bully. (Bullies like to beat up nerds, after all.)

Hmm... Stundum sakna ég hálpartinn þessara vitleysinga. Þessara sem voru ógnvaldar barnaskólans. Þegar ég hugsa til baka þá var afar gaman að berja á þeim. Og það besta af öllu, þeir voru svo miklir þrjótar að öllum var sama. Hvar eru þeir nú?

***

Þarf að fara að vinna. Fá mér kakó í leiðinni, eða kaffi. Ég þarf líklega kaffi, því ég vaknaði óvenju snemma. Mig dreymdi að ég væri búinn að pikka fight við Rómverja. Það var mjög athyglisvert. Ég var ekki með nema svona tíu manns, þeir svona tvöhundruð. Þegar ég vaknaði fór ég að hugsa hve sniðugt hefði verið að hafa riffil við þær aðstæður.



Ágætis riffill.

Dagur 271 ár 2 (dagur 636, færzla nr. 342):

þá er ég búinn að skrifa 18-20% af BA ritgerðinni. Þarf að finna annaðhvort meiri staðreyndir, eða meira padding. Ég veit það eru fleiri staðreyndir þarna úti. Padding er til eins mikið af og ég nenni að skrifa.

***

Amma er byrjuð í jólaskrautinu. Og hreingerningunum. Hafði prílað upp á borð þegar ég fór. Var líka búin að setja seríu í einn runna. Og er núna með jólaöl. Djöfull er það annars dýrt, þetta jólaöl, hátt í 400 kall fyrir 2.5 lítra. Það er næstum 160 kr lítrinn. Hvað er svona dýrt við þetta?

Þegar ég hugsa til þess að í danmörku kostar dós af bjór um 30kr, og danir fara til Þýskalands til að kaupa ódýrari bjór, þá botna ég ekki í hvað 2.5 lítrar af vangerjuðu öli geta kostað.

Verð að gera mitt eigið næst. Fullgerjað.

***

Og hvað nú? 1 próf eftir. 1 tími eftir. Hmm... hvað geri ég af mér þangað til? Skrifa BA ritgerð, náttúrlega. Verð að finna einhvern til að angra með henni samt. Þetta mun líklega verða mjög undarleg BA ritgerð. Þið mynduð ekki þekkja mig ef það væri einhvernveginn öðruvísi.

Dagur 268 ár 2 (dagur 633, færzla nr. 341):

Ég heyri alltaf öðru hvoru í fréttum eftir að einhver lendir í slysi þennan frasa: "Líðan hans er stöðug."

Og ég hugsa með mér: ef maður er dauður, er þá ekki líðan manns stöðug? Ekki sé ég fyrir mér hve mikið dauði getur sveiflast. Að vísu sá ég um daginn þessa kvikmynd þar sem dauðir ráfuðu um, festust í rúllustigum og margt annað skemmtilegt. Kannski var dauði þeirra ekki stöðugur.

Annað merkilegt röfl heyri ég reglulega: pólitískt þetta og pólitískt hitt.

Ég hef nú fylgst lengi með þessu, og mér hefur sýnst að pólitík þýði á íslensku: Það sem pólitíkusar segja sem miðar að því að bjánar kjósi þá svo þeir haldi völdum, og líka það sem þeir gera til þess að hygla undir kunningja og ættingja rétt eftir kosningar og/eða þegar aðrir taka ekki eftir.

Pólitík snýst ekki um neitt annað.

Samkvæmt því er almenn velferð ekki pólitík, en það er mjög pólitískt að tala um almenna velferð.
(sprengja)---*
Varnir gegn hryðjuverkum er annað sem ég fæ ekki skilið. Og með þessi varðskip sem þeir ætla að láta smíða, hvernig verða þau vörn gegn hryðjuverkum?

Mér er hugsað til atriðisins þarna í Simpsons, þar sem Lísa segir við Hómer: "ég gæti alveg eins sagt að þessi steinn haldi tígrisdýrum í burtu, því að ég sé engin tígrisdýr."

Það var fyrir einum mánuði eða tveimur, að manni var bannað að byggja bílskúr í garði sínum rétt hjá skrifstofum Fosseta líðveldisins, því af honum gæti stafað ógn, jafnvel hryðjuverkaógn.

Mig grunaði nú að þjóðarleiðtogar heims væru skynsamari en svo að þeir færu að príla uppá þak þessa merkis bílskúrs, en ráðamenn virðast halda annað.

Af tilefni hryðjuverkaógnarinnar hef ég falið sprengju í þessum texta.

Dagur 265 ár 2 (dagur 630, færzla nr. 340):

Er að farast úr svefnleysi. Allt vegna veikinda. Þetta á eftir að verða slæmt, ég veit það.

Fékk hálsbólgu um daginn, reyndi að redda því með tei. Það gerði það eitt að verkum að ég svaf nákvæmlega ekkert þá nóttina, og þegar ég loksins festi svefn vaknaði ég aftur vegna særinda í hálsi.

Svo fór nú hálsbólgan. Hún endist heldur aldrei lengi. Þá gat ég sleppt teinu. Svaf samt ekkert betur. Ég býst við að vera farinn að sjá ofsjónir innan skamms. Það fylgir þessu. Ekki kvefinu, heldur svefnleysinu.

Það að sofa ekkert og drekka lítið veldur þynnku, svo ég reyni að drekka sem mest. Það var til mikið gos. Áður en ég ákvað að drekka það allt. Næst á listanum er kókómjólk.

Og svo verð ég að taka frá eins og einn sólarhring til að sofa, því ég er að farast. Það gengur illa orðið að festa svefn í vinnunni.

Dagur 260 ár 2 (dagur 625, færzla nr. 339):

Ég held að eitthvað sé ekki eins og það á að vera.

Í morgun klukkan 8 vaknaði ég við að síminn var að hringja, sem er mikil plága. Ég náði ekki að svara, enda hálf sofandi, en það ver númer sem ég kannaðist ekki við. Ég tékkaði á því í símaskrá, og komst að því að þetta númer er ekki til.

Hvernig er þá hægt að hringja í mig úr því? Þarf að hringja í það á eftir og komast til botns í þessu.

Svo grunar mig að hotmailið sé eitthvað að bila hjá þeim. Þegar ég renndi augonum yfir ruslpóstinn, í leit að einhverju sem hefði kannski slysast þar inn eins og svo oft gerist, þá fann ég póst sem hafði verið sendur á addressuna "anna@hotmail.com", en eins og gleggri menn vita, þá er það alls ekkert ímeilið hjá mér.

Hvernig endaði það eiginlega í ruslinu hjá mér? Það hefði átt að enda í ruslinu hjá þessari Önnu.

En svona er þetta. Tæknin er geggjuð.

Dagur 259 ár 2 (dagur 624, færzla nr. 338):

Gullkindin verður afhent við hátíðlega athöfn í Ölveri þann 24. Munið þið mæta?

Merkilegt nokk, þá kannaðist ég betur við stöffið sem var tilnefnt til Gullkindarinner en þess sem var tilnefnt til Eddunnar. Samt, sömu bíómyndirnar teljast til þeirra bestu og þeirra verstu. Týpískt.

Íslendingar gera arfaslakar bíómyndir. Ég bendi ykkur bara á krapp eins og "Ingaló", "Nei er ekkert svar", "Blossi 856216 eða whatever" og ja... nokkurnevginn allt annað en Sódómu Rekjavík og "Hrafninn flýgur".

Og íslenskir sjónvarpsþættir... Plöh!

Það var náttúrulega góð tilraun þarna, "Réttur er settur", sem var snilld. Allt annað hefur hinsvegar verið rusl. Afhverju eru þeir einusinni að reyna að herma eftir amerískum grínþáttum með dósahlátri?

Maður kemur inn á bar. Barþjónninn segir:

"Ertu þyrstur?"



Maðurinn svarar:

"Nei, en ég gæti þegið einn bjór."



Fyndið.

Fréttir á stöð 2 hafa líka fengið á sig súrrealískan blæ eftir að þeir settu upp þennan glervegg. Nú getum við horft á fólk ráfa um eða spila kapal í bakgrunninum á meðan fréttamennirnir segja háalvarlegar fréttir af pólitíkusum sem segja ekkert í löngum bunum.

Hvenær fær Þulan á rúv svona glervegg til að standa fyrir framan? Hún getur verið með opið inn á smíðaverkstæði, og við getum horft á menn saga og bora á meðan þulan segir okkur hvað verður á dagskrá í kvöld. Gæti verið flott.

Dagur 257 ár 2 (dagur 622, færzla nr. 337):



Það er kominn vetur, vissulega, ég get ekki mælt í mót því, þó það hafi komið tímabundið hlýindaskeið. Þessvegna set ég þessa mynd upp, því hún mynnir okkur á mikilvægi þess að vera með húfu.

Sko, 80% af öllu hitatapi líkamans fer fram upp um höfuðið.

***



Svo bakkaði álfurinn hún Kristín Bassa á bílinn minn. Gat ekki séð hann í friði. Afhverju var hún annars að snúa við þarna? Gat hún ekki bara bakkað út eins og allri aðrir?

Nei, því manneskjan kann ekki að keyra, komin vel yfir miðjan aldur. Kristín systir getur bakkað út, og það þó hún aki miklu breiðari bíl. Það veldur því að hún hefur hingað til bara bakkað á bíla sem voru ekki í minni eigu. Það finnst mér að sjálfsögðu muklu æskilegra.

Hún hefur lofað að láta laga þetta. Hef ekki hugmynd um hvort það gengur svo vel upp. Hvernig er Krsitján annars í lakkviðgerðum?

Dagur 254 ár 2 (dagur 619, færzla nr. 336):

Áðan sá ég að löggan var búin að stoppa strætó. Ég velti fyrir mér hvort hann hefur verið á ólöglegum hraða. Kannski. Þetta er ekki eitthvað sem maður sér á hverjum degi.

Það er verið að tappa af ræsum hér og þar, og af því tlefni eru götur lokaðar. Og þar sem ekki má taka U-beygjur þar sem nauðsyn krefur gerir það manni afar erfitt að komast leiðar sinnar á löglegan hátt. Ekki eins og það sé ofsalega auðvelt fyrir.

En vegna allra þessara vegaframkvæmda fór ég um hinar mjög svo súrrealísku götur 101 svæðisins, og sá þá öll þessi 200 milljarða króna fúakofa sem allir eru svo hrifnir af. Mér sýndist á öllu að allt kapp hafi verið lagt á að undanförnu að smíða við þetta allt sem ljótastar viðbyggingar áður en húsfriðunarnefnd kemst í málið og þvingar fólk til að setja einfalt gler í alla glugga.

Þetta skil ég ekki. Og ég fæ heldur ekki skilið afhverju ekki hefur verið smíðað sæmilega útlítandi hús í RKV síðan 1872. Mig grunar að hér sé arkitektum um að kenna. Útlendir arkitektar eru greinilega bara svona miklu betri en Íslenskir. Nema þeir útlendu arkitektar sem hafa verið ráðnir af Íslenska ríkinu. Þeir eru slefandi móngólýtar eins og allir hinir.

Ég botna enn ekki í hvað þeir voru að hugsa með þessa hringbraut. Það sá það hver maður yfir meðalgreind (sem virðist á öllu vera einungis ég) áður en dótið var smíðað að það yrði til tómra vandræða. Þurfa öll þessi ljós að vera þarna? Afhverju er ekki hægt að komast til hægri með því að beygja til hægri?

Og hvað með allt þetta röfl um stokk? Það þarf engan stokk. Þetta lið getur bara hljóðeinangrað hjá sér kofana, og kennt sjálfu sér um þá heimskulegu hugmynd að kaupa íbúð við hliðina á meiriháttar umferðaræð.

Og nú er kalt. Það er flughált á stæðinu hér fyrir utan. Sem færir mig að öðru: Þetta stæði hér fyrir utan mætti alveg við því að vera á tveimur hæðum, líkt og þetta við kringluna. Hvernig væri það?

Það er of góð hugmynd til að vera framkvæmd.

Dagur 251 ár 2 (dagur 616, færzla nr. 335):

Þessar ritgerðir eru nú meiri plágan. Nú á ég að þurfa að hringja í fólk út af þeim. Vona að ég geti ímeilað í staðinn.

Á að vera 8.000-10.000 orð, ein. Það er fullt af blaðsíðum, verð viku að skrifa það. Eða öllu heldur, yrði í viku að skrifa það ef ég þyrfti ekki að vísa í nokkrar heimildir til þess að vera ekki bara eina heimildin, eins og einhver Platón.

Það má nefnilega ekki hegða sér þannig lengur, skilst mér. Fór úr tísku fyrir fjölmörgum árum, örugglega 12 hið minnsta.

En, ég mun hafa einhverjar vikur. Verð væntanlega skrifandi eitthvað yfir jólin.

Dagur 249 ár 2:

Það er ekkert nema rusl í sjónvarpinu. Nær allt íslenskt efni er rusl. Meira að segja fréttir eru óttalegt rusl.

Hvað er þetta með Írak? Ég skal segja ykkur það: það er replacement fyrir Ísrael/palestínu. Fullt af aröbum. Þeir eru allir sem einn þeir verstu bardagamenn sem sögur fara af.

Ég þarf að kíkja á kóraninn til að reyna að skilja hvað kemur til. Gyðingarnir eru góðir í þessu, en það er vegna þess að þeir eru líka góðir vinnumenn. Þessir sjálfsmorðsmenn eru bara morðingjar, ekki einu sinni mjög góðir morðingjar.

Það er nefnilega munur á morðingja og bardagamanni. Ef morðingi ræðst á þig með hníf er ekkert mál fyrir þig bara að berja hann niður og misþyrma honum, gefið að þú verðir var við hann í tæka tíð. Bardagamaður er annað. Holyfield er bardagamaður. Prinsinn er bardagamaður. Osama Bin Laden er morðingi sem býr í helli.

En aftur að efninu:

Ísrael/palestínudeilan var rusl sem við þurftum ekkert að vita um. Allt sem gerðist þar skifti heimsbyggðina engu máli.

Írak er svipað dæmi nú orðið. Það er voða gaman að sjá þessa vitleysingja þar sprengja steypubíla og allt það, en þetta er farið að verða aðeins of líkt palestínudæminu til að ég nenni að fylgjast með því að ráði.

Sem sag: rusl. Minna rusl en fréttir af kóngafólki og frægum performerum, en rusl samt. Fréttir af innlendum vetvangi eru ekkert betri.

Ég meina, hvað græðum við á viðtölum við fífl... ég meina gæjann sem vann prófkjör sjálfstæðisflokksins? Annað en það að nú vitum við að hann skammast sín fyrir að vera kallaður hægrimaður.

Þetta er í lagi, kall, ég veit að þú ert ekkert hægrimaður. Og ekki frjálslyndur heldur. Óþarfi að skammast sín svona.

Ef ekki hefði verið þessi sætauppröðun hefði Gísli unnið. En það var örugglega búið að lofa hinum gæjanum að hann yrði aðal.

Það er orðið enginn munur á samfylkingunni og sjálfstæðisflokknum. Muniði þegar það var munur?

Leftistar, allt saman.

***

Þegar ég hoppaði upp í bíl nú eldsnemma í morgun var hann allur þakinn þykku lagi af ís. Mig grunar einhvernvegin að það sé að koma vetur.

Dagur 248 ár 2 (dagur 613, færzla nr. 333):

Var að fá sent frá vísi svone eiðublað þar sem mér er boðið að kjósa hverjir eigi að vinna Edduverðlaunin.

Ég er mjög upp með mér, þar sem verðlaunin eru nú nefnd eftir mömmu, þó mótshaldarar ljúgi því að svo sé ekki.

Hitt er verra að ég hef ekki séð neinn af þeim þáttum sem ég á að leggja mat mitt á, og veit varla hverjir þessir leikarar eru heldur.

Því neyddist ég til að segja pass.

Hvað í andskotanum var "Reykjavíkurnætur"? Hvað er "Voksne mennesker"? Ég veit það ekki. Langar reyndar ekki að vita það, af langri og nokkuð uniformly slæmri reynzlu af íslenskri dagskrárgerð:

Ímyndið ykkur bara grátt andlit sem fyllur út í skjáinn, grátt og guggið, hrukkótt og ljótt kvenmannsandlit sem ygglir sig og segir eiithvað súrrealískt, eitthvað svartsýnislegt sem hefur samt ekkert rökrænt við sig.

Það, eða þrjá ófríða menn hlaupa um fáklædda.

Það er íslensk dagskrárgerð.

Ég er farinn út á leigu, takk fyrir.

Dagur 246 ár 2 (dagur 611, færzla nr. 332):

Það hefur hlýnað. Það var svosem ekkert merkilegt þetta frost sem var.

Svo var ég að komast að því að BA ritgerðin sem er ætlast til að ég skrifi gæti orðið styttri en ég bjóst við. Ég hélt hún etti að vera minnst 80 síður, að vísu með tvöföldu bili, en 80 síður eru 80 síður. Um 20-25000 orð, skildist mér. En samkvæmt tölvupósti sem ég fékk um daginn þarf þetta ekki að vera nema 20-30 síður. Það er strax miklu viðráðanlegra.

Það verður eiginlega að vera það úr því þeir ætla að láta mig byrja svone seint. Ég hefði verið í allan vetur bara að leita að ritvillum í 80 blaðsíðna ritgerð.

Dagur 242 ár 2 (dagur 607, færzla nr. 331):




Í fréttablaðinu um daginn sá ég að þeir voru að reikna hvað það kostaði á ári að reka bíl. Þeir fundu það út að það kostar um 6-700.000 á ári að reka smábíl, td Suzuki Swift eða Toyotu Yariz.

Mér þótti það miklum undrum sæta, því það kostar mig ekki nema lítið brot af þessu að reka minn jeppa. Svo ég skoðaði tölurnar aðeins:

Afskriftir: 173.000.

Það er meira en kostar að reka minn bíl á ári.

Dekk: man ekki en það var meira en 1K. Ég hef enn ekki þurft að kaupa ný dekk. Vírarnir standa ekki enn út.

Hver kaupir annars ný dekk einu sinni á ári? Hvaða fífl hegðar sér svoleiðis?

Tryggingar: 60.000.

ÞAð kostar minna að tryggja minn bíl. Amen!

Afborganir: alveg hrúga. 130-200.000 sennilega.

Ég keypti minn bíl beint, svo það eru engar afborganir. Hah!

Nei, ég borga sko engar 600.000 á ári fyrir bílinn. Og mig grunar sterklega að það væri hægt að reka minn bíl ansi lengi fyrir þann pening.

Ef þetta er það sem fólk er almennt að eyða í bílana sína (sem ég efast þó um, sumar tölurnar eru dularfullar) þá er þetta sama fólk eitthvað bilað.

Dagur 240 ár 2 (dagur 605, færzla nr. 330):

Það er engin reiknivél í forritinu hérna í hlöðunni. Það finnst mér afar skítt, svo hér með set ég link inná síðu þar sem er ekki bara ein reiknivél, heldur eins margar og hver normal maður þarf (þ.e. 1).

Reiknivél er til dæmis hægt að nota til að ýta á takka ef manni leiðist, og sjá tölurnar breytast á alla kanta þegar maður leggur þær saman, dregur frá eða margfaldar.

Að vísu var það miklu meira gaman þegar maður var 5 ára, en þá voru venjulegar reiknivélar miklar græjur á fjórum hæðum knúnar með bílrafhlöðum.

Dagur 238 ár 2 (dagur 603, færzla nr. 329):



Ég rambaði frammá þennan link um gröfur. Fannst þetta afar spaugilegt.

Það er örugglega voða gaman að vera á gröfu, kremja kluti, keyra yfir þá, velta þeim um koll og svo frv.



Sjáið stærðina á þessu!

Og úr því ég er byrjaður að pæla í eyðileggingu og veseni... nú, þá held ég bara áfram:



Hvað er þetta? Nú, þetta auðvitað.

Dagur 235:

Jæja, þá er byrjað að snjóa. Það þýðir að við getum farið út og byrjað að búa til snjókalla.

En það þýðir líka að maður kemst í jólaskapið fyrr. Næst er bara að byrja að baka, eða ef maður kann það ekki, finna einhvern sem kann það og þvinga viðkomandi til þess.

Já, fátt er eins jólalegt og að renna til í hálkunni. Sem mynnir mig á það, ég er á nærri sléttum sumardekkjum. En það gerir ekkert til, því ég hef drif á öllum! Hah!



Já.

Sem aftur mynnir mig á það:

Dagur 234 ár 2:

Þá er komið að stjörnuspánni:

Vatnsberinn:

Í dag er góður dagur fyrir vatnsberann að panta pítsu og horfa á sjónvarp.

Fiskurinn:

Óvæntur atburður mun henda fiskinn í dag - nema hann lesi þetta, þá býst hann við honum.

Hrúturinn:

Hrúturinn þarf að róa sig niður í dag, fá sér kakó, kleinur og svo kannski að leggja sig aðeins í sófanum.

Krabbinn:

Krabbinn er mjög meinlegur í dag, sem og aðra daga.

Ljónið:

Í dag er ljónið á veginum.

Nautið:

Nautið hefur verið hálf beljulegt í dag, og mun þurfa að beita bolabrögðum til að líða betur.

Tvíburarnir:

Annar tvíburinn er með alvarlega lifrarskemmd sem mun draga hann til dauða fái hann ekki heilbrigða lifur fljótlega. Hlauptu, heilbrigði tvíburi! Hlauptu!

Meyjan:

Meyjuna grunar að sinn heittelskaði leiti til annarra kvenna á bak við sig. Það gæti verið rétt, er meira að segja mjög líklegt, því hann fær aldrei neitt hjá meyjunni.

Vogin:

Vogin gæti hugsað til þess hvort hún er löggild. Þær vogir sem eru á Vogi eru örugglega löggildar.

Sporðdrekinn:

Sporðdrekinn lifir í þeirri blekkingu að hann sé heppinn. Lukkutölur hans eru 2 & 14.

Bogmaðurinn:

Veðurspáin er ekki hliðholl Bogmanninum. Veðrið sjálft er afar hrifið af honum, en spáin er honum andsnúin. Illt er í efni.

Steingeitin:

Í dag er góður dagur fyrir steingeitina að leigja spólu, td "Capricorn One" með OJ Simpson og gæjanum þarna í Law & Order, og borða poppkorn.

Þetta var stjörnuspáin. Vona að þið hafið gagan af.

Dagur 233 ár 2:



Seinast var síðan 47% evil þann 2. des 2004.

Illst hefur hún verið 57% það var 27 jan.
Minnst ill hefur hún verið 14% þann 9 okt.

Að öllu jöfnu hefur hún verið undir meðallagi ill.

Auðvitað verður að tékka á þessu mjög svo áreiðanlega testi hér til að komast til botns í þessu:


How evil are you?

Það er greinilegt hve upptekinn ég er.

Dagur 232 ár 2:

Þegar ég mætti upp í bókhlöðu varð ég var við það að fyrir marga er ein tölva ekki nóg. Sumir finna hjá sér þörf fyrir að nota tvær - eina fyrir hvora hendi.

Mér var hugsað til þess er ég sá einusinni Tori Amos spila í þættinum hans Jay Leno. Hún spilaði á tvö píanó samtímis. Það er hennar trikk. Ef það eru margir sem geta þetta, þá held ég hún verði að finna sér betra trikk. T.d spila á þrjú píanó samtímis.

En svo er ég líka að velta öðru fyrir mér: hvers vegna skildi nokkur þurfa tvær tölvur? Er þetta nokkuð annað en stælar, eða hefur fólk sumt í alvöru náð að koma sér í slík vandræði að virkilega þurfa tvær?

Ég meina, ég nenni varla að nota eina tölvu, hvað þá tvær. Hvað ætti ég að gera við extra tölvuna? Sörfa netið á henni meðan ég spilaði Doom í hinni? Hvað?

Dagur 229 ár 2:

Hvernig stendur á því að mikla brautin annar minni umferð núna en hún gerði fyrir breytingu? Ekki hefur umferðin aukist um 100% síðan þá?

Kenning:
1: Það eru of mörg umferðarljós. Það þarf að fjarlægja þau öll.
2: Það þarf aðra lykkju þar sem brúin er. Eina til að komast niður komi maður frá hlemmi, aðra til að maður komist niður frá öskjuhlíð.
3: Það þarf lykkju þar sem beygt er inn á flugvöll, eða stórt hringtorg til að auka flæði umferðar. Það þarf að vera breitt svo menn geti athafnað sig þar á trukkum.

Þar sem miklabraut liggur þvert á hlíðarnar þarf hringtorg. Það mun mikið liðka umferð. Svo þarf eina stóra lykkju við mót miklubrautar og grensásvegar. Þá yrði hægt að aka alla leið að ljósunum við afleggjarann uppá Þorlákshöfn án þess að stoppa. Þar þarf að setja upp almennileg gatnamót, helst lykkju.

Dagur 228 ár 2:

Auglýsingar eru alveg sérstök fyrirbrigði á dagskrá sjónvarpsstöðvanna. Reyndar líka í útvarpi, en þar eru þær reyndar meiri truflun frá músík - ef frá er skilið þetta stutta tímabil þegar Sigurjón Kjartansson og co voru að auglýsa Domino's pizzur.

Ég furða mig stundum enn á þvottaefnisauglýsingunni þarna með hrukkóttu kellingunni.

"Hey þú!" segir kelling. Maður heyrir í henni og röltir nær henni. Þegar hann kemur í færi skvettir hún á hann einhverjum litsterkum vökva.

"Hann er undrandi, en það er ég ekki," segir kelling.

Auðvitað er hún ekki undrandi, hún gerði þetta! Hún vissi allan tímann að hún gerði þetta.

Nú er komin önnur auglýsing fyrir þetta þvottaefni sem ég hef enn ekki náð að festa athyglina við.

Svo er auglýsingin með bílnum hans Ofur-Baldurs. "Allir hafa sitt stolt," segja þeir. Hvað er athugavert við bílinn hans Ofur-Baldurs? Þetta er eins og Kadilakk, segir hann, lítur kannski út eins og uppblásinn Ástin Míní, en nú til dags líta allir bílar út eins og sandkassaleikföng hvort eð er.

Svo er meira óþolandi gerð auglýsinga:

"Ég ætla bara að bíða!" tilkynnir mér rödd. Eftir hverju? Kemur ekki á daginn að þetta er ein af þessum fjölmörgu "ekki gera þetta" auglýsingum. Ef hlutirnir eru enn eins og þeir voru þegar ég var yngri er nú verið að gera grín að þeim sem tóku þátt í þessari auglýsingu, hvort sem það er gert góðlátlega eða ekki.

Mér líkaði betur við auglýsinguna þar sem gæinn henti krakkanum niður stiga. Það var fyndið nokkrum sinnum í röð. Auglýsingin þar sem gæinn keyrði á vin sinn, augljóslega viljandi varð ekki fyndin fyrr en eftir tvö þrjú skifti - þegar ég veitti því athygli að gæinn tók róttæka beyju lengst uppá gangstétt til að aka yfir félaga sinn - og varð svo smám saman gömul.

Ég er enn að velta því fyrir mér, gleymi því enda alltaf jafnóðum, hvort auglýsingin með fljúgandi reiðhjólinu er ein af þessum auglýsingum, eða hvort það er bara tryggingafélag að selja líftryggingar.

***

Ég er enn að bíða eftir að einhver geri almennilega kvikmynd. Ef auglýsingarnar eru orðnar svona tilkomumiklar, afhverju eru þá allar íslenskar kvikmyndir ennþá svona, ja, fúlar. Kannski þarf bara sú kynslóð sem öllu ræður ennþá að leggjast í helgan stein, eða undir helgan stein.

Þá kannski gerir einhver kvikmynd um menn sem keyra yfir fullt af börnum á reiðhjólum, og fullt af gangandi vegfarendum uppá gangstétt, og aka því næst á fullu inn í kringluna í leit að auðveldari bráð.

Ég myndi borga fyrir að sjá það.

Dagur 227 ár 2 (dagur 592, færzla nr. 322):

Datt nokkuð í hug: Ég ætla að gera eins og Boggi, og grafa upp hvað ég var að segja fyrir ári. Kannski get ég einhverntíma tekið mig til og grafið upp hvað ég var að gera fyrir 10 árum... sem mynnir mig reyndar á nokkuð...

Allavega:

miðvikudagur, október 20, 2004

Dagur 231:

Rakst á þetta: Bannað að framleiða Hitler

Bannað að framleiða Hitler? Hmm... hugsa ég, af hverju? Svo kemst ég að því að það má ekki framleiða spilakassa, og nefna þá "Hitler". Sem er alveg jafn skrýtið. Þessi Hitler er kominn í þá mjög athyglisverðu stöðu, að vera álitinn Guð.

Lof mér að útskýra:

Einungis það að nefna nafn hans fær fullt af fólki í útlöndum (og kannski fáeina veiklaða einstaklinga hér) til að skjálfa á beinunum. Þó hann sé búinn að vera dauður í mörg ár. Já, það hafa nefnilega liðið fáein ár síðan 1945. Svona 2 eða 3 amk.

Guðlegt, það segi ég. Fólk trúir á hann, líkt og grikkir trúðu á Hades. Það hlýtur að koma að því að einhver stofnar svona Hitler-költ í kringum hann. Næg er hysterían. Ennþá.

Ég persónulega er mótfallinn því að óttast löngu látna menn.

Posted by: asgrimur / 9:54 AM

Gaman af þessu.

Þetta er gott trikk hjá Bogga þegar hann hefur ekkert að segja, að ryfja bara upp fortíðina. Fortíðin var nefnilega góður tími, þegar við þurftum ekki að hafa áhyggjur af neinu nema framleiðslu á hlutum sem heita Hitler.

Dagur 224 ár 2 (dagur 589, færzla nr. 321):

Ég hef verið að pæla í nokkrum hlutum undanfarið, og er með kenningar:

1:

Baugsmálið.

Ég hef enn ekki skilið það allt, og mun seint, enda vill enginn tala af lagalegum ástæðum. Fullt af fólki er til í að hreyfa tunguna og gefa frá sér hljóð, en ekkert af því er í neinum tengslum við efnið sem þau þykjast ræða um, svo ekkert er þar að fá.

Á hinn bóginn held ég að ég hafi skilið hvernig kellingin þarna, þessi sem var á öllum forsíðunum um daginn, Jóna eða eitthvað, þið vitið, þessi gamla, feita þarna, sem hefur mikið verið röflað um í tengslum við málið, ég tel mig vita hennar sögu:

leiðréttið mig ef ég segi eitthvað rangt...

1: kvensan kemur sér upp líkamsræktarstöð.
2: líkamsræktarstöðin fer á hausinn.
3: kvensan hittir Jóhannes í bónus, og hann tekur hana upp á sína arma.
4: kvensan heimtar að Jóhannes í bónus borgi það sem uppá vantar í þrotabúi hennar sjálfrar.
5: Jóhannes í bónus vill ekki borga.
6: kelling móðgast mjög og það kemur til málaferla sem berast út á götu.

Sem sagt, kellingin hefur í raun ekkert tilkall til þess að vera hluti af þessu annars dularfulla máli. Hún er hluti af allt öðru og auðskiljanlegra máli, og er í raun vondi kallinn í því.

Hvar Davíð kemur inn í það veit ég ekki, en ég hef enn þá kenningu að það tengist krabbameini í skjaldkirtli og ofsóknarhugmyndum sem kunna að stafa af slíkum kvillum.

***

Annað sem ég hef hugsað um er Haltu Kjafti, spjallvefur Vina Ketils bónda. Sá vefur sýnist mér hálf dauður síðan Húgó nokkur lokaði fyrir alla heimskulegustu þræðina: 1000 hlutir til að gera á fimmtudögum, og 100 hlutir til að segja ef maður rekur tána í þröskuldinn og svo frv.

Mig grunar að þeir þræðir hafi haldið fólki við efnið. Nú þegar það er ekkert heimskulegt lengur að stunda, þá hefur fólk minni ástæðu til að fara á spjallþræðina.

***

Hvað er málefnaleg umræða?

til að komast að því þurfum við fyrst að átta okkur á:

1: hvað eru málefni?
2: hvað er umræða?
3: hvað er að vera "einhvers-legur"?

Umræða, er þegar einhver eða einhverjir halda ræður eða tala saman um eitthvað.

Málefni, hlýtur að vera það sem mál er búið til úr. Kannski er meint pappamál. Ef svo er, þá er ljóst að málefni er pappír. Ef meint er plastmál, þá virðist málefni vera plast.

málefnaleg umræða er þá umræða um pappír eða plast. Sem er vissulega mjög undarleg niðurstaða í ljósi þess hvenaær þessi ferlegi frasi er notaður.

Málefni gæti líka verið það sem talmál er gert úr, þ.e.a.s. orð og hljóð úr munni.

Þá skulum við skoða hvað það er að vera "einhvers-legur". Það er að sjálfsögðu að líkjast einhverju, eða vera einhvernveginn augljóslega eða sjáanlega á einhvern hátt. Þ.e: að vera bjánalegur er að vera eins og bjáni, að vera ógurlegur er að lýkjast ógri, og þar farm eftir götunum.

Vissulega leiðir af þessu að vera málefnalegur er að lýkjast orðum eða hljóðum úr munni.

Og þar hef ég niðurstöðuna:

Málefnaleg umræða er umræða sem líkist helst því þegar talað er.

Þetta útskýrir nú ýmislegt.

Dagur 222 ár 2 (dagur 587, færzla nr. 320):

Ég var að glápa á fréttirnar í gær, með öðru auganu... eða var það í fyrradag? Man ekki svo gjörla. En hitt veit ég að það eru komið nýtt orðskrípi inn í pólitíska umræðu: dylgjur.

Nú geta pólitíkusar sagt "hann lýgur þessu" og litið út eins og fávitar í leiðinni. Hvernig? Jú, það er miklu erfiðara að hlusta á setningar eins og "hann er með einhverjar dylgjur um þetta mál" en einfalda kjarnyrta íslensku eins og "hann lýgur því!"

Og þeir eru ekki enn búnir að þvo burt hið einstaklega heimskulega orðasamband: "þessi orð dæma sig nú sjálf".

Förum aðeins yfir aftur hvernig orðasambandið "þessi orð dæma sig sjálf" er heimskulegt:

Orð geta ekki dæmt sig sjálf. Einungis menn geta dæmt orð, dæmt þá hvað þau þýða í hinum ýmsu setningum, til dæmis geta menn dæmt hvað orðið "á" þýðir.

Ef orð væru viti borin fyrirbæri væri brot á þeim í sjálfu sér að nota þau svona eins og við gerum, með því að skella þeim upp á auglýsingar og á fullt af stöðum sem ég er ekkert viss um að skini borði orð myndi vilja vera á.

Hvernig myndi til dæmis orðinu "bakarí" líka að vera sett upp á salerninu? Hvernig ætli orðinu "salerni" annars myndi líða?

Nei, orð eru ekki viti borin, og dæma ekkert, síst af öllu sjálf sig, frekar en osti bragðast hann sjálfur best.

Svo ef einungis menn geta dæmt orð, hvað er þá fólk að meina þegar það segir hluti eins og: "þessi orð dæma sig auðvitað sjálf".

Nú, mín ágiskun er þessi: þegar fólk segir "þessi orð dæma sig sjálf", þá þýðir það að sá sem talaði er ekki hrifinn af þeim orðum sem hafa verið töluð eða skrifuð, en getur ekki fengið sig til þess að segja "mér líkar ekki það sem þessi maður er að segja" því það er of einstaklingsbundið. Einnig hljómar það afar fáviskulega að segja: "allir sjá að þetta er bara bull."

Af hverju vill fólk ekki segja: "þetta er bara bull"? Nú, þá þarf það að rökstyðja það. Segja afhverju því finnst orðin bara bull.

Þetta pakk talar allt dulmál.

Væri ekki heimurinn betri ef menn notuðu orð meira bókstaflega?

Bleika kanínan pissar á Einar Ben. Hallelúja, Amen.

Dagur 219 ár 2 (dagur 584, færzla nr. 319):

var að velta fyrir mér stjörnumerkjunum. Ég held að ég hafi fundið mitt:

Dagur 215 ár 2 (dagur 580, færzla nr. 318):

Var að horfa eitthvað á sjónvarpið í gær. Ákvað að kíkja aðeins betur á þann klaufalega nefnda þátt "Íslenska Batselorinn". Ég hafði nefnilega rekist á part af hunum um daginn, og sá ekki betur en dömurnar sem þeir hjá skjá 1 höfðu fengið væru allar komnar vel yfir þrítugt.

Svo ég kem mér betur fyrir í sófanum og geri tilraun til að horfa á þetta. Ég sá fljótt að þetta er mjög samræmt efni, þessi þáttur. Hann er allur jafn bjánalegur.

Svo kynna þær dömur sig fyrir áhorfendum, og ég verð nokkuð hissa á að sjá að þær eru ekki allar komnar yfir þrítugt. Margar eru meira að segja yngri en ég. Og þær eru allr alveg ferlega ófríðar. Mikið svakalega. Með því að tína kvenfólk milli 20-30 af handahófi úr Kringlunni hefði fengist hópur sem væri skárri í útliti en þetta lið.

Allt mjög skoplegt að sjálfsögðu. Svo nennti ég ekki að horfa meira heldur fór að gera eitthvað annað. Man ekki hvað, en grunar að það hafi haft eitthvað með að gera að horfa á hina stöðina.

Hvað dettur þeim í hug næst? "Íslenski Sörvævirinn"? Sörvævor: Geldinganes? Sörvævor: Viðey? Eða kannski "Næsta Íslenska Top Módelið"? Sú sem vinnur fær að launum samning hjá Eskimó og mun birtast í heilli opnu hjá "Séð & Heyrt".

Svo er RÚV með eitthvað leikið efni. "Kalla-kaffi". Ég hef ekki þorað að horfa á þá þætti af ótta við að deyja úr bjánahrolli.

Dagur 214 ár 2 (dagur 579, færzla nr. 317):

Það rignir svolítið.

Jæja. Ég var á leið hingað í hlöðuna þegar einhver kelling nam staðar úti á miðjum vegi. Ég veit ekki af hverju hún gerði það. Hún var ekki nálægt ljósum, hvort sem þau voru rauð eða græn, heldur áhvað hún bara skyndilega að stoppa. Ég vona að trukkur keyri yfir hana. Það á ekki að leyfa svona liði að komast upp með svona vitleysu.

Annars:

1977 módel Ford Fiesta var 755 kíló og með 1100 vél, og eyddi svona 5-6 á hundraðið. það er minna en lítri per 100 kíló, en nálægt. Þessi bíll var með blöndung, eins og flestir bílar fram til 1990 eða svo.

2005 Fiesta er 1137 kíló, með svipaða vél. Hvað eyðir svoleiðis? 5-8 á hundraðið. Það er nánast lítri per 200 kíló. Ef hann væri léttari og minna væri pælt í hvers eðlis útblásturinn er þá gæti hann eytt minna.

Svo er allur þessi rafmagnsbúnaður. Þurfum við hann? Ég held ekki. Ég get lifað af án ABS og rafmagnsstöðugleikabúnaðar og GPS og fjarlæðarskynjara og hvaða drasl meira er eiginlega verið að setja í öll ökutæki nú til dags.

Það er ég viss um að ef allt þetta stöff væri fjarlægt þá yrði bíllinn heilum 100 kílóum léttari.

Ariesinn sem ég átti var ekki með rafknúnum stöðugleikabúnaði, en samt valt hann ekki þó ég tæki vinkilbeygjur á 100 km/h á honum. Það söng svolítið í dekkjunum, en bíllinn tolldi á réttum kili og fór þangað sem ég vildi að hann færi. Sá bíll var 1050 kíló.

Það er enginn bíll lengur svo léttur.

Hvað er svo með innréttingarnar í þessu? Hvað eiga allir þessir stokkar í miðjunni að þýða? Þarf ég í alvörunni að aka með hnéin saman? Af hverju? Hver stendur fyrir þessu?

Í gamla eins tonns Ariesnum var hægt að koma útvarpi fyrir með miðstöðvarstjórntökkunum og öllum þessum loftútblástursopum og tökkum sem þarf til að kveikja og slökkva á hinu og þessu á þess að þurfa að grípa til þess að skella einhverjum meiriháttar fyrirferðamiklum stokki í miðjuna. Er þetta ofviða nútíma hönnuðum, eða eru það bara evrópumenn og Japanar sem kunna ekki að gera þetta?

Og af hverju er Mitsubishi pajero eins og Toyota Hi-Ace í akstri en ekki öfugt? Enginn fólksbíll (Pajero, Landcruiser og jafnvel Patrol er Fólksbílar. Því til stuðnings bendi ég á að þeir eru boðnir með leðursætum og rafdrifnum rúðum) á að vera í akstri eins og einhver sendibíll.

Ég geri mér grein fyrir að Chevy Caprice er eins í akstri og Blazer, eða er það öfugt? Hvorugur sá bíll er neitt líkur International rútu í akstri. Merkilegt, ekki satt?

Ég vil meina að hægt sé að smíða bíl sem er um tonn, en samt nógu stór og rúmgóður til að ég geti setið með hnéin í sundur undir stýri, of fólk í aftursætinu sé ekki að reka hnéin í bakið á mér. Þetta hefur verið gert.

Dagur 213 ár 2 (dagur 578, færzla nr. 316):

Að venju veit ég í dag hvorki havð ég er að gera né hvað ég á af mér að gera. Það er bara eitt sem er nokkuð ljóst, og það er að ég fer ekki að skoða Október festið í ár. Í staðinn fer ég að vinna.

Já, í staðinn fyrir að eyða pening og hella mig fullan, þá fer ég að vinna mér inn pening, og ekki að hella mig fullan.

Ekki það að ég hafi hingað til tímt að drekka mig mjög fullan á Október festinu. Né nennt því. Það er of þröngt á þingi þarna. Of löng bið eftir meira öli.

Já, ég býst við að ég verði frekar þurr þetta árið. Sennilega næstu líka.

***

Að tengdu máli:

Ég heyri að vitleysingarnir sem öllu stjórna ætli nú að hindra dópista í að kaupa sér nú lögleg eiturlyf með því að gera þeim það ólöglegt.

Ég spái því að við þetta leiðist blessaðir mennirnir út í glæpi, alvöru glæpi sko, ekki lélega glæpi sem koma bara niður á þeim, heldur innbrot og rán og svik vændi og hvaðeina.

En auðvitað er betra að hafa brjálaða dópista farandi um ránshendi en að hafa þá rólega heima hjá sér eða undir tré eða hvar sem þeir halda sig eiginlega.

Ég er á öðru máli en yfirvöld, enda er ég ekki slíkur mannvinur að ég vilji gera mönnum lífið erfiðara og kvalafyllra en það er, og slík er illska mín að ég er hreint og beint á móti innbrotum og líkamsárásum í ránsskyni.

Þvert á móti legg ég til að skammtastærðir þessara stórhættulegu vanabindandi efna verði stækkaðar, helst upp í hundrað töflur á viku eða meira eftir þörfum. Þetta verði svo selt á lágu verði til hver þess sem er svo vitlaus/vonlaus að hann telur sig þurfa þess með.

Ég spái því að það sem ég legg til verði ekki framkvæmt. Ég hef í huga að þetta er sama fólkið og breytti Hringbrautinni. Meikar hún sens? Ekki fyrir mér.

Dagur 209 ár 2 (dagur 574, færzla nr. 315):

Kominn tími til að ryðja út úr sér meiri merkingarlausri þvælu. Eða hvað? Hefur það sem ég segi kannski einhverja hulda merkingu? Hver veit?

Hvað er hægt að gera í dag? Nú, þið getið til dæmis tekið þátt í þessu útboði.

Eða þið getið drukkið sápulög. Eða þið getið horft á sjónvarpið. Samt er mest lítið að hafa þar, svo ég mæli frekar með að þið takið spólu.

En nú er líka hægt að leigja DVD, þó ég kalli það samt að taka spólu, af gömlum vana. Það eru athyglisverðir hlutir. Á þessum diskum er stundum fullt af mis-athyglisverðu aukaefni.

Það er kommentarí með öllu, virðist vera. Til dæmis var kommentarí með Nosferatu. Mér þótti það mjög einkennilegt, sérstaklega í ljósi þess að allir sem unnu við þá kvikmynd eru fyrir löngu dauðir. Samt, miklu betri mynd en ég þorði að vona.

Kommentarí eru oft mjög óviljandi spaugileg. Menn hafa til dæmist einhvernveginn álpast til þess að sjóða saman kvikmynd sem meikar nokkurnveginn sens alveg fyrir slysni, og nota þá tímann til að hrósa hinum og þessum fyrir vel unnin störf. Hljómar kannski eins og óskarsverðlaunaræða, bara lengri.

"Já, maðurinn sem á þessa belju sem sést í þessu atriði þarna... nei bíddu... hvar er beljan? Þarna! Sjáið! Hann var mjög almennilegur og gaf okkur alltaf límonaði á meðan við vorum á túninu hans at filma beljuna... sem þið sjáið bregða fyrir aftur ... þarna. Einmitt."

Já. Það er ekki margt að gera annað um helgar en að glápa á sjónvarpið. Það kemur að því að ég fer að nenna að hreyfa mig aftur. Málið er að ég borða ekki nóg eins og er til að hafa orku til þess, sem er líklega eins gott, veðrið hefur ekki verð það gott.

Jæja, þetta fer að vera orðið gott. Hvað eru þetta annars mörg orð? 378 með myndum. Afhverju nenni ég þessu? Ég þarf að drekka meira. Eða ekki. Ég býst við ég þurfi mest að hætta þessu og fara og gera eitthvað meira uppbyggilegt. Eins og að borða, svo ég geti farið út að labba eða eitthvað. Skoða athyglisverð tré og slíkt.

Já, og hér er ný mynd fyrir ykkur úr því hin er horfin:

Dagur 208 ár 2 (dagur 573, færzla nr. 314):

Hálfviti étinn af björnum.

Hindúar og hundar þeirra mega snæða konur. En kettir, mega þeir fá bita? já, en bara í finnlandi.



Böstaður fyrir mannát.

Dagur 206 ár 2 (dagur 571, færzla nr. 313):

Fréttir. Þær eru hið voðalegasta fyrirbæri. Oftast nær fjalla þær um hluti sem mér er nákvæmlega sama um, eins og til dæmis Baugsmálið. Einungis Amma hefur gaman af baugsmálinu, þó hún geti með engu móti nefnt á nafn alla karakterana í því, enda heita þeir sumir svo flóknum nöfnum.

Eina leiðin til að hafa skoðun á því án þess að kynna sér málið -sem er hið leiðinlegasta- er að halda bara með minnst pirrandi aðilanum. Sem vill svo til að eru Jóhannes í bónus og co. Af hverju? Jú, þeir nöldra minna.

Um daginn var það Fellibylur í New Orleans, með tilheyrandi fréttum af stórskotaliðsárásum og gífurlegum ræningjahópum sem flökkuðu um stelandi öllu steini léttara. Seinna hefur að vísu komið á daginn að enginn í New Orleans hefur aðgang að stórskotaliðsvopnum, og báðir ræningjarnir hafa náðst.

Þar áður var stríð í Írak, sem reyndar er enn rætt um. Af mönnum sem hafa ekki hundsvit á aðstæðum. Auðvitað.

Svo er álverið og virkjunin. Það var ekki byrjað að mótmæla því af alvöru fyrr en eftir að það var byrjað að reisa virkjunina. Sem segir mér og öllum sem nenna að hugsa hvern mann þessir mótmælendur hafa að geyma.

Þar áður var röflað lengi um forsetaembættið. Hvort það hefði rétt á sér eða ekki. Mér sýnist sem geðveikiskast Davíðs hafi gert mönnum ljóst að forsetinn hefur eftir allt saman rétt á sér, þó ekki væri nema í þetta eina skifti. Væri honum ofraun að neita að skrifa undir oftar?

Það er enn ekki hætt að tala um neitt af þessu. Reyndar, þá er verið að ryfja upp Hafskipsmálið í þessu. Það gerðist árið 1984-1990, eða þar um bil. Það var í þá tíð er pólitíkusar höfðu enn meiri ítök en þeir hafa nú. Þeir sakna þess tíma, ég tek eftir því.

Um pólitík í dag: allir flokkarnir eru áberandi eins. Allir leitandi að "sterkum leiðtoga". Mætti benda þeim á Hitler?

Og hvað er þetta með öryggisráðið? Hver er afsökunin með að vilja þangað? Ekki kokteilboð. Nei. Það er raunverulega ástæðan, best að nefna hana ekki. nei, þeir segja að við höfum svo margt fram að færa. Já. Ég hef margt fram að færa. Þýðir það þá ekki að ég eigi að fara fram á sæti í læknaráði?

Fífl, alltsaman, og þið sem kjósið þetta eruð meiri fífl.

Amen.

Dagur 203 ár 2 (dagur 568, færzla nr. 312):

Það er kominn vetur fyrir norðan. Snjór og kuldi. Ja, kannski ekki svo mikill kuldi, en nóg til að það snjói. Ekki var ég að frjósa. Þetta er annar heimur.

Hér í RKV fer ekki að snjóa alveg strax. Kannski smá í næsta mánuði, bara svona rétt til að fá fólk til að skifta yfir á nagladekk, svo ekki meir alveg fram í desember.

Þá verður þetta bara slabb.

Og hvað segir google um slabb?





Ekki alveg það sem ég bjóst við, satt að segja.

Dagur 197 ár 2 (dagur 562, færzla nr. 311):

Ég sá í gær að það var kominn nýr köttur í bókhlöðuna. Minni en hinn. Hvítur á litinn. Alveg jafn latur. Ætli sá gamli hafi verið rekinn afþví hann vildi fá launahækkun?


Já, þessi mynd hefur ekkert með köttinn að gera. Eða ketti, almennt. Held ég. Veit ekki. Kannski er þetta köttur undir stýri, hver veit?

Dagur 193 ár 2 (dagur 558, færzla nr. 310):

Mikið er mér illa við sumar auglýsingar. Þessi furðulega auglýsing sem var aftaná Blaðinu i morgun til dæmis, hvað á hún að þýða?

Eitthvert krípí andlit, starandi út í bláinn, eða réttara sagt, á mig. Ég er ekki hrifinn af þessu. Ég er ekki hrifinn af hálf-ógnvekjandi starandi andlitum. Mig langaði til að kýla það, en sætti mig loks við að snúa bara blaðinu við.

Og ég veit ekki hvað er verið að auglýsa heldur. Hvað er þá fengið með þessu? Hverju vill þessi auglýsandi koma á framfæri?

"Hey! Við erum komin til þess að ógna þér við morgunverðarborðið!"
eða:
"Við erum miklu meira krípí en þú!"

Ég botna ekkert í þessu. Ég vil kenna Sirrí á skjá einum um þetta. Hún hefur þetta sama ógnandi, starandi augnarráð, líkt og brjálaður ófétiskrakki. Týpan sem maður varð alltaf að passa sig á hér til forna, henda í þá grjóti ef þeir voru til of mikilla vandræða. Meiða þá vel svo þeir fari, og haldi sig fjarri.

Er ekki hverjum nóg að vera með eitt illt auga?

Dagur 190 ár 2 (dagur 555, færzla nr. 309):

Sagan af Jóa og Bóbó

Einu sinni einn fagran sumardag hafði Jói fundið niðri í kjallara rakettu síðan á gamlársdag.

Honum datt í hug að hún hlyti að hafa gleymst þar, eða dottið úr pokanum þegar verið var að skjóta upp síðast á þrettándanum.

Þar sem Jói hafði alltaf haft gaman af að sprengja hluti, þá hugsaði hann sér gott til glóðarinnar, og ákvað að skjóta rakettunni upp, þó nú væri miður dagur. Honum fannst það jafn gott og hvað annað, því eins og allir vita er frekar bjart að nóttu til á sumrin, en sá munur er einna helst á nóttu og degi, að ekki eru miklar líkur á að sofandi fólk verði fyrir ónæði af smá sprengingum á daginn.

Og þar sem Jói var nú nokkuð tillitssamur náungi, þá ákvað hann að skjóta rakettunni sinni upp um miðjan dag fremur en um miðja nótt.

Svo Jói fer með rakettuna ít í garð, og treður prikinu á kaf í blómabeðið sitt. Síðan kveikir hann á þræðinum og hleypur aðeins frá til að vera ekki of nálægt ef vera skildi að rakettan losnaði ekki úr beðinu.

Nú bregður svo við að Bóbó hleypur af stað úr fylgsni sínu í nálægum runna, æðir beint að rakettunni, rífur hana upp úr moldinni, girðir niðurum sig og treður henni upp í rassinn á sér.

Hann er vart búinn að aðhafast þetta er kveikurinn brennur upp, og má sjá eldgosið spúast af miklu afli afturúr Bóbó. Loks springur svo rakettan með töluvert lægri hvelli en Jói hafði vonast til, og á eftir fylgir mikið kvalaöskur frá Bóbó, sem er að vonum skaðbrenndur að innan.

Jói hleypur til og úðar á Bóbó úr garðslöngunni sinni þar til hann er þess fullviss að allur eldur sé slokknaður í Bóbó. Eftir það hringir hann í sjúkraliðið.

Og þegar sjúkraliðarnir eru að týna stærstu leyfarnar úr rakettunni úr Bóbó, öskrar Bóbó illilega á Jóa:

"Þetta er allt þér að kenna! Ég ætla að kæra þig! Veistu, ef þú hefðir ekki verið með þessa ólöglegu rakettu hefði þetta aldrei gerst!"

"En þú gerðir þetta við sjálfan þig..." segir Jói á móti.

"Það er miklu hættulegra að leika sér að eldinum Jói!" svaraði Bóbó.

Og þess vegna er bannað að skjóta upp rakettum þegar það er ekki gamlárskvöld.

Dagur 187 ár 2 (dagur 552, færzla nr. 308):

Er skynsamlegt að flytja flugvöllinn úr Vatnsmýrinni til ... einhversstaðar annarsstaðar?

Með: þetta er stórt byggingarland.
Á móti: þetta er mýri, þessvegna heitir þetta "Vatnsmýrin".

Með: með því að flugvöllurinn hverfi úr mýrinni minnka líkurnar á að flugvél hrapi í Reykjavík.
Á móti: Líkurnar á að flugvél hrapaði í RKV voru alltaf litlar. En ef völlurinn fer út á löngusker minnka líkurnar ekki nema um 10% eða svo, ef þá svo mikið, ef hann fer út á Álftanes (sem verður aldrei vinsælt) þá hrapar hypothecical vélin okkar bara á fossetann í staðinn, ef flugumferð fer svo til KEF, þá aftur aukast líkur á veseni, því þar er nú þegar töluverð traffík.

Með: með því að færa völlinn einhvert annað fæst betra skipulag innan RKV.
Á móti: skipulag innan RKV er lélegt því þeir sem ráða skipulaginu eru og hafa alltaf verið bjánar. Það mun ekkert breytast. Það er ekki eins og það sé ómögulegt að gera veg umhverfis þennan flugvöll.

Með: miðbærinn stækkar og blómstrar.
Á móti: atvinna tengd vellinum fer með vellinum hvert sem hann svo fer.

Með: Gott fyrir RKV.
Á móti: Slæmt fyrir landsbyggðina.

Eitthvað sem þið viljið bæta við?

Dagur 186:

Ég fór út að keyra í gær. Vetrarvinnan. Góð afsökun til að keyra gamla veginn við Hafravatn. Hratt. Auðvitað. Malarvegir eru sniðugir þannig að maður virðist fara miklu hraðar á þeim en maður fer í rauninni. Til dæmis virðist maður vera á 150 kílómetra hraða þó maður sé í raun ekki á nema 145 kílómetra hraða.

Tékkið á þessu.

Annars er það svo að Reykjavík er ekki hönnuð með sendla í huga. Götur eru oftast þannig merktar að það er eins og ætlast sé til að það sé komið að þeim úr vissri átt. Komi maður úr hinni áttinni má maður ekkert vita hvað gatan heitir. Ég veit ekki afhverju þetta er, en mig grunar að það sé svona vegna þess að einhver í skipulaginu er fífl.

Þegar ég var seinast í útlandi, þá tók ég eftir því að það var afar erfitt að komast hjá því að vita hvert maður var að fara. Hér er þetta öðruvísi. Ég lenti einusinni í því að finna ekki innkeyrslu inn í eina götu. Ég sá húsið, en stjörnurnar voru ekki réttar eða eitthvað, svo leiðin inn fannst ekki. Samkvæmt kortinu voru tvær leiðir inn.

Að lokum stoppaði ég í sjoppu og spurði hvernig ég kæmist inn í götuna. Þar var mér tjáð að aðeins væri unnt að fara inn í þessa götu á fullu tungli, og með því að kyrja textann "Simbi sjómaður" á meðan hreinar meyjar mökuðu kindablóði á nakta líkama hvorrar annarrar.

Ég veit ekki hvernig ég á að geta afhent þennan pakka.

Dagur 185:

Tími fyrir enn eitt testið:


THE FUTURE
Famous Ruler: ?
Living Quarters: Futuristic house?
Hardship: ?
You'd prefer to live in a time that's unknown. You
like to live on the edge.


What Time Period Do You Belong In? (Updated!)
brought to you by Quizilla

Grunaði það.

Dagur 184:

Ég var að grilla. Aftur. Það var svo helvíti gott veður eitthvað í gær. Það, og það var til alveg hellingur af pylsum. Veit satt að segja ekki hvað amma hugsar. Mig hefur lengi grunað að hún segi ekki það sem hún hugsar. Það er í það minnsta ekki mjög margt sem hún segir sem stenst nánari skoðun, svo það getur varla verið mjög úthugsað. Svo getur verið að hún segi allt sem hún hugsar, sem þýðir að þegar hún segir ekkert er hún ekki að hugsa. Svona svipað eins og ljósið á tölvunni sem fer í gang þegar verið er að prósessa eitthvað.

Það er í mér einhver helgar-fílingur. Nema, í staðinn fyrir að taka spólu og sitja og gera ekkert, sit ég og reyni að lesa eitthvað af þessari vitleysu sem mér er sett fyrir. Var alveg að sofna yfir þessu í gær. Held ég gæti hafa borðað of mikið af pylsum.

Dagur 183:

Það er mikið öðruvísi að vera í skóla en að vinna. Í vinnunni var ég umkringdur allskyns teiknimyndafígúrum:

Fyrst ber að nefna Dumb & Dumber, eða þar til Dumb var fluttur til, og þá neyddumst við til að öppgreida Dumber í Rainman. Hinumegin fréttum við svo af Karate Kid. Afhverju fengu þeir Karate Kid, en við sátum uppi með Rainman? Fúlt.

Svo, viku áður en ég hætti eða svo, byrjuðu D'Artagnan og Jenni. Já, einmitt, nýji gæjinn í skyttunum þremur, og Jenni. Það er víst Tommi þarna einhversstaðar, en ég hef ekki hitt hann, eða bara veit ekki hver það er.

Svo var kuldaboli sjálfur að vinna í kælinum, og það má færa rök fyrir því að eingöngu tröllkallar fáist til vinnu sem vörubílstjórar.

En í skólanum, hvað hef ég þar?

Hjúkrunarkonur, allar að skríða af besta aldri... Jæja, Mjallhvít, en það eru engir dvergar.

Já. Það er mikill ævintýraheimur í flytjanda.

Dagur 182:

Það er fólk í bókhlöðunni núna. Það sefur einn við hliðina á mér. Lætur aðra nemendur ekki trufla sig, né heldur nennir nokkur þeirra að trufla hann. Sennilega er hann enn þunnur frá því um þjóðhátíð.

Ég er skráður í tvo áfanga í mismunandi siðfræði. Ég býst fastlega við því að ég eigi eftir að rugla þeim saman ef ég fer ekki gætilega. En ég er afar viðutan þannig að ég geri það líklega. Ætli nokkur taki eftir því?

Varla.

Dagur 180 ár 2 (dagur 545, færzla nr. 302):

Var að fylgjast með fréttum svona með öðru eyranu. Næ þeim illa vegna þess hve mikið ég vinn. Frétti af þessu flóði þarna í vúdú-landi. Mér virðist sem fregnir þaðan annað hvort hljóti að vera orðum auknar (sem oft reynist vera), eða þá að verið sé að fara rangt að.

Til dæmis væri mjög vænlegt til árangurs fyrir þá að líta bara svo á að allt sé ónýtt, og leyfa þessum ræningjum að vera í friði, og einbeita sér í staðinn að fólki sem þarf að bjarga frá drukknun. Hvernig væri það?

Þannig þyrfti ekki að skjóta á ræningjana, sem ylli því að ræningjarnir myndu ekki skjóta á móti. Það er örugglega 25% af vandanum.

Ég myndi nú líka nota tækifærið og færa þessa borg aðeins ofar. Láta svo rústirnar eiga sig. Þær gætu orðið flottur ferðamannastaður. Alveg sérstaklega ef vatnið flæðir ekki burt aftur. Það tekur náttúrlega smá stund fyrir skólpið að skolast burt, en á móti bendi ég á að stærsta skólpræsi Indlands, Ganges-fljótið, er ekkert óvinsæll ferðamannastaður.

Svo eru náttúrlega dýrustu lóðirnar í Reykjavík við skólpdælur.

Þessi færzla er 33% ill.

Dagur 173 ár 2 (dagur 538, færzla nr. 301):

Nú fer skólinn að byrja eftir ca. viku. Þarf að skrifa ritgerð upp á nokkrar síður - þeir segja að 80 sé nóg. Það er með tvöföldu línubili og spássíðu báðum megin. Varla meira en hvað... 150-200 orð á síðu?

Hmm... 16.000 orð... Ég ætti nú að ráða við það á þremur mánuðum. Verst er að ég þarf að vitna í heimildir. En á móti kemur að það þarf ekki að vera söguþráður. Bara rökrétt framvinda... svona nokkurnveginn.

Ég redda þessu. Þarf bara að sannfæra þá sem öllu ráða um að leyfa mér að skrifa um það sem ég hef í huga. Ég verð að hafa áhuga á þessu til þess að verkið verði almennilega "inspired".

Og nú býst ég við að ég muni þá hafa tíma til að skrifa meira.

Dagur 166 ár 2 (dagur 531, færzla nr. 300):

Um daginn var mér tjáð að sést hefði til mín í tívolíinu niðri á höfn. Ég man ekki til þess að hafa komið þangað. Samt ber sjónarvottum saman um að það hafi vissulega verið ég.

Seinna spurði einn vinnufélagi minn mig hvort ég væri skildur einhverjum gæja sem vinnur í skrifstofunni þarna við hliðina á Fíladelfíu. Sá mun vera afar líkur mér.

Með þetta í huga grunar mig að ég hafi illan tvíbura. Ég veit ekki hvað ég á að gera við því. Það getur ekki verið gott ef einhver þarna úti er að koma á mig einhverju óorði, eins og ég sé ekki fullfær um það sjálfur.

***

Nú fer að styttast í skólann. Mæti þar 5. næsta mánaðar. Gæti þurft að hlusta og lesa. Jafnvel skrifa. Sé til með það. Hvað á ég að skrifa um?

***

Strætó. Það er meira ruglið. Akkúrat þegar það var búið að heimta fleiri stoppustöðvar og fleiri vagna með víðtækara neti, þá er stoppustöðvum fækkað og netið grisjað. Þetta kemur sér afar vel fyrir þá sem vinna í Flytjanda, því vagninn stoppar akkúrat rétt fyrir framan hús.

Svo á að banna alla umferð um vissan part gatnakerfisins. Af hverju? Var ekki nógu slæmt þegar aðeins SVR mátti beygja á vissum stöðum? Djöfulsins kjaftæði. Ég spái veseni þegar þeir ætla að fylgja þessu eftir.

úff.

Í Rúmeníu á dögum Sjáseskú var öllum sem voru of geðbilaðir eða vangefnir til að geta tekið þátt í samfélaginu sendir út í sveit þar sem þeir voru bundnir við koppa sem var tæmt úr anna hvern dag eða svo á meðan þess var beðið að þeir dræpust af sjálfu sér.

Á Íslandi er þetta ekki svona. Hér fær þetta fólk vinnu hjá borgarskipulagi.

Dagur 159 ár 2 (dagur 524, færzla nr. 299):

Í gær kom amma heim úr búðinni. Hún hafði gleymt vörunum sem hún keypti þar, svo ég varð að keyra hana þangað aftur.

En hvað um það.

Hún hafði fest kaup á þessari forláta pizzu með 4 mismunandi tegundum af osti. Ostar. Ég man þegar það var bara ein gerð af osti. Sú gerð gekk undir nafninu "ostur", og var sett ofaná brauð.

Jæja. Allavega, það voru þarna á þessu einar 4 gerðir af osti, í mis lífrænu ásigkomulagi. Og þá meina ég þetta: ein gerðin ráfaði makindalega um pizzubotninn og dáðist að tómatmaukinu, á meðan tvær hinna börðust um yfirráð yfir þeirri fjórðu.

Ég reyndi sem best ég gat að hunsa lætin í ostunum á meðan ég hitaði ofninn. Veinin og hvalaópin í þeim voru svo mjög átakanleg rétt fyrst, en hljóðnuðu á næstu fimm mínuútum eftir að pizzan var komin í ofninn.

Og hvernig bragðaðist?

Ekki ósvipað og ostur.

Dagur 152 ár 2 (dagur 517, færzla nr. 298):

Þá er bláa myndin komin aftur eftir nokkuð hlé...

Mig svimaði þegar ég vaknaði í morgun. Mig svimaði reyndar í gær líka. Gæti verið allur jólamaturinn sem ég fékk mér um daginn. Of mikil fita í blóðinu. Ég er ekki vanur því að það sé einhver næring í blóðinu.

Hvað um það... Verzlunarmannahelgin var öll hin dularfyllsta. Það var þvílíkt magn af fólki í bænum að ég var eiginlaega hálf-undrandi. Hvað er allt þetta fólk að vilja í borginni um þjóðhátíð?

Það er ekki eins og fólk hafi skyndilega orðið gáfaðara en það hefur áður verið, og áhveðið að vera heldur heima í hlýjunni og slappa af en að veltast um úti í regninu. Það getur bara ekki verið.

Er of dýrt að fara á þjóðhátíð? Líklega. Það gerir löggæzlukostnaðurinn, hækkandi bensínverð, stórlega of hátt verð á áfengi og slíkt. Svo fylgir löggæzlukostnaðinum náttúrlega löggæzla, og hve gaman er nú ekki að vera á þvælingi umkringdur löggum?

En, það gjaldþrot hefur bara ekki stöðvað neinn áður, né heldur löggan. Og löggan hangir hvort eð er bara í hópum til að verða ekki fyrir skakkaföllum.

Fréttir segja mér að það hafi verið afar fá fíkniefnamál. Það skildi ég ekki fyrr en um daginn.

Um daginn... þá frétti ég afhverju fólk fjölmennti ekki á útihátíðir.

Málið er, að VR borgar ekki út laun fyrr en 1. hvers mánaðar, er mér sagt. Sami maður sagði mér að atvinnuleysisbætur væru greddar út 1., eða 2.. Sem sé, eftir þjóðhátíð.

Og hvað þýðir það? Nú, VR menn hanga heima, fara á rúntinn og svona í staðinn, enda eiga þeir engan pening.

Atvinnulausir fá engan pening og komast því hvergi. Og hverjir eru það sem eru á bótum? Stundum óheppnir menn, stundum rónar - en líka dópistar. Þið vitið, þessir sem valda 80-90 af öllum vandræðum á hátíðisdögum.

Já. Það var ekki hert löggæzla sem bjargaði ykkur sem fóruð. Hefði ekki gert það hvort eð er. Neibb. Það er bara kostnaður. Ástæðan fyrir rólegri helgi var að óróaseggir áttu engan pening.

Það, og sumir þeirra voru við Kárahnjúka að vandalisera eigur Impregilo.

Dagur 138 ár 2 (dagur 503, færzla nr. 297):

Verzlunarmannahelgin er framundan, og ég hef verið að velta fyrir mér hvað ég á að gera af mér þá.

Mér dettur helst í hug að fjárfesta í einu eða tveimur af þessum einnota grillum, pakka af pylsum og kippu af kók. Svo kannski skreppa út í sjoppu og kaupa nokkrar mismunandi gerðir af nammi sem ég hef aldrei smakkað áður.

Svo um verzlunarmannahelgina mun ég grilla pylsurnar og drekka kókið, og fá mér fullt af exótízku snarli hvert kvöld. Mér finnst þetta fín hugmynd. Ódýrara og umtalsvert minni fyrirhöfn en að þvælast til eyja eða út á land á eitthvert fyllerí.

Mánudagurinn er frídagur, held ég.

Já, ég held ég geri þetta. Þið hin, þið gerið eitthvað annað.

Dagur 131 ár 2 (dagur 496, færzla nr. 296):

Sjoppuhamborgarar. Alltaf þegar eitthvað er í mötuneytinu sem ég get ekki borið kennzl á, þá stendur til boða að fá sjoppuhamborgara. Ekki jafn góða og hjá Jolla eða í Friðarhafnarskálanum, reyndar oft fremur hörmulega, en betri valkostur en ... óþekkjanlegt gums af einhverju tagi.

Lýst ekkert á það.

Fékk um daginn harðsperrur af akstri. Það er hægt. Alla ævi, eða þann hluta hennar sem ég hef ekið, þá hef ég ekið bílum með vökvastýri. Háklassakerrur, allt saman. Meira að segja gamli Ariesinn, svar bandaríkjamanna við Lödu hafði mjög gott vökvastýri.

Svo stíg ég upp í þennan eimskipsbíl: Suzuki Baleno, með aumri 14 hestafla tvígengisvél og 5 gíra kassa sem ég verð að segja að er sá versti sem ég hef prófað að meðtöldum random kassanum sem er í tröllajeppanum hans Reynis, og kemst að því að djöfuls druslan er ekki með vökvastýri.

Ég væri alveg til í að eiga Suzuki Baleno. En ég er ansi hræddur um að ég vilji einn með stærri vél, vökvastýri og sjálfskiftingu.

10-14 tíma vinna á dag... Vúppí.

Dagur 124 ár 2 (dagur 489, færzla nr. 295):

Á mánudaginn röðuðum ég og Danski Pétur vörubrettunum upp líkt og þau væru dómínókubbar, og létum þær svo allar detta niður. Það var fjör. Ég held við höfum gert það svona fjórum sinnum áður en fólk fór að trufla okkur með pakkasendingum og öðrum álíka óþarfa.

Reyndum það aftur næsta dag, en þá var meiri traffík, svo við urðum að falla frá þeirri hugmynd.

Það væri athugandi að reyna að fá upptökurnar úr öryggismyndavélunum á mánudaginn, á milli 13.00 og 13.30, til að sjá hvernig okkur tókst til.

Svo var aftur gaman hjá okkur í rigningunni um daginn. Þakið hriplekur nefnilega á einum stað þarna úti á palli, og Dumber hefur það fyrir sið að sofa á brettastæðunum.

Þið sjáið hvert þetta er að fara...

Allavega, ég dró stæðuna með gæjanum sofandi ofaná af stað, og kom henni fyrir undir þar sem lak sem mest af þakinu. Það er sko gífurlegur flaumur. Dumber tók því ekkert of vel. En það var mjög fyndið.

Já.

Tékkið á þessu: Rugl

Dagur 117 ár 2 (dagur 482, færzla nr. 294):

Dumb and Dumber byrjuðu að vinna hjá flytjanda í vikunni. Dumber byrjaði degi á undan Dumb. Stórir og luralegir náungar það, annar með herðakystil eins og hann hafi nýlega hætt að vinna hjá local brjálaða vísindamanninum.

Kannski var hann orðinn leiður á að grafa upp fersk lík?

Hinn er áberandi of heimskur til að geta grafið upp eitthvað sem er bæði lík og ferskt. Mig grunar einhvernvegin að sú athöfn að moka sé honum jafnvel ofviða.

Annars er stundum fínt að vera þarna. Við fengum reyktan lax gefins um daginn. Vantaði bara að einhver skildi eftir flösku af kampavíni, og þá hefði dagurinn verið fullkominn.

Svo er það þessi útkeyrzla sem ég er í. Hún gefur mér nýja sín á Borg Óttans. Já, borgin er ekki jafn heimskulega hönnuð og ég hélt. Nei. Hún er svo miklu verri en ég hélt.

Kannski var dumber rekinn úr borgarskipulagi. Hann hefur vitað of mikið...

Dagur 110 ár 2 (dagur 475, færzla nr. 293):

Reykjavík og nágrenni meikar ekki sens. Sum hverfin finnast til dæmis ekki nema stjörnurnar séu réttar. Merki eru lítil og oft falin inni í runnum, vegirnir eru gerðir þannig úr garði að maður sér ekkert hvert maður er að fara, og númer innan hverfa eru bara eftir hendinni.

Til dæmis eru til hverfi þar sem eru bara hús með oddanúmerum, eða bara með jöfnum númerum, svo er til eitt hverfi þar sem talningin byrjar á 16, og ein gata þar sem eru aðeins tvö hús, númer 5, og númer 7.

Meikar sens?

Og hvað er eiginlega með þessi hringtorg? Er nauðsynlegt að byrgja vegfarendum sýn á þennan hátt? Má ekki bara sleppa götuljósunum eða skylda alla til að aka með bundið fyrir augun í staðinn?

Ég botna ekkert í þessu.

Eftir því sem tíminn líður, finnst mér meira og meira eins og vegir og gatnagerð í Borg óttans séu í höndum 100 vangefinna apa í tunnu.

Dagur 102, ár 2:

17 júni. Hæ jibbý og allt það shit.

Þvílíkt veður.

Kominn heim, búinn að hitta hundinn og köttinn og sjá kanínuna. Smakkaði 3 gerðir af kókópössi. Ein bragðaðist eins og bylgjupappi hnoðaður í kúlur og velt uppúr kakódufti, annar eins og frauðplastkúlur eftir sömu meðferð. You can't beat the real kókópöss.

Já. Nenni ekki að skrifa meira.

Dagur 96, ár 2:

Ég er með kvef og hausverk, og mér líður hræðilega því ég svaf ekki nema 4 tíma í nótt. Það eina sem ég get gert er að drekka te og borða eter-töflur. Þær get ég fengið úti í sjoppu. Það þarf meiri eter. Eða það þarf að setja smá klóróform í þær aftr, eins og þær voru í gamla daga.

Bjarta hliðin er hinsvegar sú að nú hef ég fengið meiri pening úr netinu.

Dagur 89, ár 2:

Meiri vinna. Ég hef engan tíma í neitt vegna hennar, sem er á vissan hátt ergilegt, en á vissan hátt gott, því ég hef þá ekki tíma til að eyða öllum peningunum strax.

En á hinn bóginn er fritími góður...

Dagur 82 ár 2:

Vinna...

Ég er á því að kannski sé best að vinna á vöktum, eins og ég gerði á vellinum. Vinna 2 daga, frí 2 daga, vinna 3 daga, frí 3 daga, og svo framvegis.

Ég þoli alveg að vinna þessa 10 tíma sem fara í þetta, ég bara neyðist til að gera aðra hluti um helgar, þegar ég nenni því ekki.

Svo er þetta með bókhlöðuna. Hún er alltaf lokuð. Þá náttúrlega kemst ég ekki í þetta. Eða myndasögurnar. Eða neitt.

Æ, jæja. Ég fer aftur í skólann í september, þá verður þetta komið í lag.

Dagur 72 ár 2:

Og ég mætti til vinnu og ég þvældist um með kassa og bretti og hvaðeina í 10 tíma og nú er ég að tjá mig um það og svo fer ég heim.

Var þó tilbreyting frá hvítasunnunni. Mér þótti hvítasunnan ansi leiðinleg.

Dagur 69 ár 2 (dagur 434, færzla nr. 287):

Við skulum byrja á myndi... óskilgreinds tímabils sem er víst oft aðeins lengra en vika.



Svo get ég farið að röfla um veðrið eða hvaðeina.

Komst til drykkju í gær. Gin & Tónik. Ég veit ekki hver blandan á að vera, en ég giskaði á að hún ætti að vera 1/3 gin 2/3 tónik. Drakk full-mikið af því víst, og vaknaði þess vegna alltof snemma í morgun.

Já, og svo fékk ég mér heimasíðu af rælni, og hef verið að föndra aðeins við hana. Sett upp óþolandi fítusa og myndir. Bara til að hafa eitthvað að gera.

Dagur 67 ár 2:

Það lítur út fyrir að ég hafi fengið vinnu. Mæti á þriðjudaginn. Gott stöff.

Þegar ég lagði bílnum hér fyrir utan, þá varð ég var við að það hafa skotið upp kollunum tvær alveg nýjar gerðir af bílum. Engar nýjar tegundir samt. Eitthvað af því hefur borist til landsins með lágu gengi dollars.



Svona bílar. Fjögurra tonna flykki til þungaflutninga. Hræódýrir og rúmgóðir, að minnsta kosti miðað við Landcrusher jeppana sem allir virðast svo hrifnir af mér til mikillar og stöðugrar undrunar. Toyota Yaris er rúmbetri en Landcrusher.



Svona farartæki eru á svipuðu róli, bara kraftmeiri. Nú er víst hægt að fá þetta með kjarnaofnum. Hvernig væri það í smá spyrnu?



Og svona. Reyndar býst ég ekki við mörgum af akkúrat þessari gerð, en einhverjir hljóta að slæðast með. Ég býst hinsvegar við miklu flóði af Cherokee.

Og hvað á maður að hugsa? Er fólk orðið ruglað? Afhverju flytur enginn inn flotta bíla? Ég skil vel að allt of stórir pallbílar geti verið ágætlega þægileg farartæki á slíkri langferð sem út í bónus er, en þarf einhver virkilega svona bíl?

Afhverju flytur enginn inn til dæmis Lincoln Town car?



Það eru ólíkt þægilegari - og sparneytnari - farartæki en allt þetta sem ég hef mynnst á hér að ofan. Síðustu alvöru amerísku fólksbílarnir.

Chrysler er í grunninn Benz núorðið, Chevrolet er... ég veit ekkert hvað þeir eru að æfa, of Cadillak líta allir út eins og straujárn. Ef ég væri að flytja inn nýjan bíl, þá myndi ég flytja inn Town car.

En annars... man einhver eftir því þegar bílar litu vel út?



Þegar þessi 800-1000 auka kíló voru flott?



Þegar menn gerðu sér grein fyrir því að bíll verður aldrei neitt straumlínulagaðri en múrsteinn, svo það er til lítils að reyna að berjast gegn því?



Það er ekki þannig lengur. Nú eru menn að ströggla við að láta farartæki á stærð við steypubíl hafa airflow á við flugvél. Eins og þeir eigi nokkurntíma eftir að fara svo hratt. Það er ekki eins og það skifti máli fyrir eyðsluna. Það eina sem skiftir raunverulegu máli þar, með öllum þessum ofur-tæknigræjum sem eru komnar í alla bíla, er þyngdin.

Það eru allir heilvita menn hættir að setja Holley-blöndunga í bílana sína. Það var líka ávísun á 40 lítra á hundraðið. Nú sætta menn sig við beina innspýtingu. Margir hafa líka vit á því að fjarlægja hvarfakútinn. Þar erum við stundum að tala um heilan lítra á hundraðið aukalega.

Afhverju þurfa farartækin okkar endilega að líta út eins og rottur? Ég bara spyr.

Dagur 66 ár 2:

Er enn að leyta að vinnu. Ég er líka aftur að reyna að fá borgað í dollurum. Mig grunar sterklega að ég geti ekki lifað af því, en... eitthvað er betra en ekkert.

Fór í flytjanda í gær. Það leit ekkert illa út. Fæ að heyra frá þeim í vikunni. Bölvað bögg að komast ekki í álverið. Kannski fer að skorta mannskap í þetta eftir sem álverum fjölgar á landinu. Þá fæ ég vinnu þar líka.

Eða kannski enda ég á bótum. Held mig í einhverju ódýru húsnæði, og þá gæti ég lifað góðu lífi. Kannski unnið svart með, til að lifa betur.

Skoða það allt seinna.

Dagur 64 ár 2:

$22. Það er sá peningur sem mér hefur tekist að vinna mér inn í sumar til þessa. $22. Í erlendri mynd. það var nú ágætt. Það er svona 13-1400 krónur skilst mér. Það er betra en ekkert býst ég við, en mig grunar samt að ég þurfi meira.

Dagur 63 ár 2:



Getraun dagsins: hvaða fáni er þetta?

Já, ég finn að ég hef lítið að gera í dag. Svo ég stunda bara óþarfa, eins og að illskumæla heimasíðuna:



Svo fann ég þetta drasl:

Your Birthdate: February 5

With a birthday on the 5th of the month you are inclined to work well with people and enjoy them. You are talented and versatile, very good at presenting ideas. You may have a tendency to get itchy feet at times and need change and travel. You tend to be very progressive, imaginative and adaptable. Your mind is quick, clever and analytical. A restlessness in your nature may make you a bit impatient and easily bored with routine. You may have a tendency to shirk responsibility

What Does Your Birth Date Mean?

"inclined to work well with people and enjoy them." ??? Uhm... einmitt.

Svo er náttúrlega alltaf hægt að fikta í þessu:

Asgrimur Although the name Asgrimur creates the urge to be both logical and technical, we emphasize that it limits self-expression and friendly congeniality with a moody disposition. This name, when combined with the last name, can frustrate happiness, contentment, and success, as well as cause health weaknesses in the elimination system, heart, lungs and bronchial area. Your name of Asgrimur has created a practical, patient, scientific nature able to concentrate on the finer details of a project or undertaking. You would function best in settled conditions where you are not called upon to meet and mix too closely with others, but are able to work on your own. This name restricts congenial expression and association, creating much aloneness.

Aha? Við skulum prófa þetta aðeins betur:

Cthulhu Although the name Cthulhu creates the urge to be reliable and responsible, we emphasize that it frustrates you through a scattered and emotional nature. This name, when combined with the last name, can frustrate happiness, contentment, and success, as well as cause health weaknesses in the liver, bloodstream, and through worry and mental tension. As Cthulhu, you have a natural interest in the welfare of your fellow man, and a desire to help and serve others in a humanitarian way. You are responsible and generous, although somewhat scattering and disorganized at times. Any jobs requiring systematic and conscientious effort, or involving any form of drudgery, dismay you. In your work, you would seek a position offering self-expression through contact with people, such as sales or teaching, or a position giving scope to your creative, artistic talents. You are good-natured and likeable, and people tend to confide in you and seek your advice in personal problems. Others sense your sincere interest and desire to help, and you can always be counted on to see the bright side of any problem.

Gaman af þessu.

Dagur 62 ár 2:

Hvað er þetta með að "sýna ofbeldi rauða spjaldið"? Ég bara spyr. Hver tekur mark á þessu?

Ég meina, það eru þessir fimm ofbeldismenn á Akureyri sem starfa við það að lemja hvorn annan, og það er ástæðan fyrir að það er byrjað á þessum... fjöldasamkomum. Og já, þeir eru að lemja hvorn annan, og kannski einstaka kunningja sinn líka. Ef maður býr á Akureyri, og þekkir þessa gaura ekki neitt, þá eru góðar líkur á að maður komist gegnum lífið án þess að vera nokkurntíma laminn.

Þetta er eins hér í Reykjavík. Ef maður vill verða fyrir ofbeldi, þá er viss hópur af fólki sem maður þarf að þekkja. Svo einfalt er það.

Ef þetta pakk sem mætti niður í bæ hefði ætlað að mótmæla á beinskeyttari hátt, þá hefði það bara þurft að banka uppá hjá þessum gaurum á einhverjum tíma þegar má búast við að þeir séu með meðvitund - td klukkan 5-6 um nótt, og sýnt þeim spjöldin sín í anddyrirnu hjá þeim.

Þeir hefðu ekki þurft að hitta nema svona 15-20 gaura.

Dagur 61 ár 2:



Það er sól úti. Sem er böggandi því það er glerþak á bílnum mínum. En ég fann ráð við því. Illugi skildi eftir derhúfu um daginn. Ef ég er með hana þá skín sólin ekki á mig.

Hef ég einhvertíma mynnst á það áður að mér er hálf illa við sólina?

Og það er að hlýna. Samkvæmt einni spá verður hlýtt í 20-40 ár, samkvæmt minni spá, byggðri á hvernig hlutirnir voru milli 750-1400, þá verður hlýtt þar til ársins 2500.

Sem er mjög gott fyrir gróðurinn. Kannski hverfur Evrópa undir laufþykkni. Það er svo mikill koltvísýringsútblástur þar að tréin hafa nóga næringu. Kannski laufgast öll Mexíkó. Svo verður meira af svifi í sjónum, sem þýðir fleiri fiskar, sem þýðir meiri veiði. Veit ekki hvort það verður endilega þorskur, en það verða einhverjir fiskar.

Já. Á síðasta hlýskeiði hvarf menning Mayanna undir græna torfu, bókstaflega.

Dagur 59 ár 2:

Í gær kom inn um lúguna hin heimsfræga dramatíska teiknimynd: "Litla ljóta lirfan".

Í stuttu máli fjallar hún um ljóta lirfu.

Meðal annarra persóna í myndinni eru:

Ljót maríuhæna, ljót býfluga, ljótur ánamaðkur, ljót könguló og nokkrir ljótir þrestir.

Öll þessi ljótu dýr búa í undarlegum heimi þar sem allt er í flúorescent litum, líkt og eftir kjarnorkustyrrjöld. (Sem myndi útskýra afhverju allar persónurnar eru svo afmyndaðar og ljótar).

Söguþráðurinn er svohljóðandi:

Ljóta lirfan vaknar, (ljóta lirfan er svona græn-glóandi á litinn) og byrjar að borða lauf, eins og lirfa er siður. Þá kemur aðvífandi ljót maríuhæna, og fer að fárast yfir hve ljóta lirfan borðar mikið lauf. Svo bendir hún lirfunni (ónauðsynlega) á hve ljót hún er. Sem kemur úr hörðustu átt með hliðsjón af hvernig maríuhænan lýtur út.

Svo hittir ljóta lirfan ljótan orm, og ormurinn talar við hana. Svo hittir ljóta lirfan aftur ljótu maríuhænuna, og í þetta skifti er með henni ljót randafluga. Og ljóta maríuhænan og ljóta randaflugan reka ljótu lirfuna í burt.

Þá hittir ljóta lirfan ljótu köngulóna. Ljóta köngulóin pakkar lirfunni inn, og skilur hana eftir á vefnum sínum.

Þá kemur við sögu ljótur þröstur. Hann tekur lirfuna, og fer með hana til sinnar ljótu fjölskildu. Sem er samt minnst ljótu karakterarnir í myndinni, en nógu ljót samt. Og þrösturinn tekur númer, sem er nú bara ekkert fallegt af honum.

En ljóti þrösturinn gleymir að éta ljótu lirfuna, og þá gefst henni tækifæri til að breytast í: Ljótt fiðrildi.

Já. Á tímabili hélt ég að ljóta köngulóin væri ljótasti karakterinn í myndinni. Það var að sjálfsögðu áður en ég sá ljóta fiðrildið.

Atburðarásin er mjög hæg í þessari mynd. Allar persónur tala mjög hægt. Og það var eitt sem ég velti mikið fyrir mér eftir á: fuglinn, eina persónan sem er ekki padda, var líka eina persónan sem var af tvö eintök: karlkyns og kvenkyns, og áttu þau unga. Allar aðrar persónur, fyrir utan orminn, voru kvenkyns. Og nú velti ég fyrir mér...

Þetta er sko örugglega við hliðina á Chernobyl.

Dagur 58 ár 2:

Ég gleymdi myndinni. Hér er hún:



Ég veit ekki hvað þetta á að tákna, en það er ég viss um að það er eitthvað listrænt. Æ, ég veit það ekki... ég verð svangur af því að horfa á þetta.

Og enn ekki búinn að fá vinnu. Lét setja mig á biðlista hjá vinnueftirlitinu. Ég stefni á að fá opinbert plagg þess efnis að ég fái að aka gaffallyftara. Ég ætti kannski að reyna að gerast sprengjusérfræðingur í leiðinni? Það væri athugandi.

Dagur 57 ár 2:

Í blaðinu í gær rakst ég á frétt sem mér fannst kunnugleg:

Það fannst þessi fjöldagröf í Írak, og í henni voru flest líkin af konum og börnum.

Auðvitað! Alveg á sama hátt og það eru samanlagt fleyri konur og börn en fullvaxnir karlmenn í heiminum. Viljiði rök? Sko, kvenkyns mannfólk er ca 50% af öllum jarðarbúin. Enn sem komið er eru meira en 1/3 af öllum karlkyns jarðarbúum börn. Sem þýðir: mera en helmingur mannkyns er konur og börn.

Ég gróf þessa frétt upp á vísi.is núna áðan, og þaðan er þetta kvót: "Þegar hafa 133 lík verið grafin upp. Öll, utan fimm, eru lík kvenna og barna. Af klæðaburði þeirra má merkja að þau voru Kúrdar. Að minnsta kosti eitt líkið er talið vera af gamalli konu, en í höfuðkúpunni fundust falskar tennur."

(frétt á vísi.is)

Þetta hljómar ólíkt minna fáránlegt en "flest líkin voru af konum og börnum".

Ef þeir þurftu endilega að stytta þetta, af hverju sögðu þeir ekki að líkin hefðu verið nær eingöngu af konum og krökkum?

En nei. Næst segja þeir örugglega að allt þetta fólk hafi verið lifandi allt fram að því að það var drepið.

Dagur 55 ár 2:

Þá er kominn tími til að dusta rykið af illskumælinum:



Hmm...

Jæja.

Ég fékk áheyrn hjá þeim í álverinu. Þeir sögðu mér að ég yrði að læra á lyftara. Frábært. Svo ég tékka á því. Það er náttúrlega allt útréttað af ríkinu, svo það gæti tekið smá tíma. Hvað um það, það getur ekki verið slæmt að kunna á lyftara.

Mig fer að vanta pening á hverri stundu núna. Áður en ég þarf að fara að innleysa skuldabréf og selja hluti í hinu og þessu.

Hvað um það. Uppi á vegg í skrifstofunni þar sem ég mætti hjá þeim í gær er svona sjónvarp í staðinn fyrir málverk. Þar er loftmynd af landinu á stöðugu lúppi. Sjór, klettar, fossar og stöku rolla. Mjög svo framtíðarlegt.

Það er mikið af oddhvössum klettum á landinu, vitiði það?

Dagur 52 ár 2:

Þegar ég vaknaði í morgun var einhver brjáluð kelling niðri að þrífa. Hún gargaði hástöfum á ömmu. Mig grunar sterklega að hér hafi verið á ferðinni nágrannakellingin. Hún á það til að vera fremur hávær. Sennilega verið mikið innan um gamalt fólk.

Samt heyrir amma ekki það illa. Málið er að hún heyrir bara það sem hún vill heyra. Svipað og afi gerði. Sem gerir það að verkum að það er ekki talandi við hana, frekar en það er talandi við hund.

Svo hringdi Alcan í mig. Varð að fara á fætur þá, þó ég nennti því eiginlega ekki. Það væri fínt að fá vinnu í álverinu. Þessu sem er nær okkur, þ.e. Mér skilst það sé boðið upp á rútuferðri þangað. Gott stöff. Sé til... sé til...

Dagur 50 ár 2 (dagur 415, færzla nr. 275):

Það er slæm hugmynd að fara á elliheimili skilst mér. Ef það brotna í þér beinin á elliheimili fá þau að vera brotin þartil þú færð þér gistingu á garði, skilst mér. Ef þú átt einhvern pening þegar þú ferð inn, og hlýtur af hunum góðan lífeyri, mun hann allur verða tekinn af þér og notaður til að halda uppi þeim sem ekki hafa neinn lífeyri.

Þannig er það. Svo það er best að sleppa því alveg að fara á elliheimili í framtíðinni. Sleppa bara þeim hluta alveg, og fara í staðinn beint á garðinn.

Gisting á garði er samt ekki að eilífu. Þegar ekki hefur verið hirt um leiðið í nokkur ár verður grafið aftur , og þá mun hræið af ykkur fá smá félagsskap, þ.e. ef eitthvað er eftir af því.

Dagur 48 ár 2 (dagur 413, færzla nr. 274):

Nú veit ég afhverju páfar taka sér nöfn. Það er ekkert af neinum merkilegum orsökum. Þetta er bara hefð síðan sjöhundruðogeitthvað.

Þá komst í stól maður að nafni Merkúríus. Nú var það svo að ekki þótti við hæfi að páfinn, æðsti maður hinnar kristnu kirkju héti nafni sem dregið er úr Rómverskri goðafræði, svo okkar maður skifti einfaldlega um nafn, og kallaði sig í staðinn Jón 2.

Næsti páfi á eftir honum sá ástæðu til að apa það eftir honum.

Það er nú öll sagan.

Hálf fúlt, ekki satt. Maður bjóst við einhverju rosalegu, eins og þeir tækju sér nýtt nafn því Guð Almáttugur hefði sagt þeim það persónulega, komið að þeim inni í dimmu skoti einn daginn og hvíslað að þeim: "Þú átt að heita Loðvík XIV".

Nei. Ekkert slíkt. Týpískt.