Dagur 116 ár 4 (dagur 1576, færzla nr. 695):



116



695



1576 (???)



Ísbjörn

Dagur 113 ár 4 (dagur 1573, færzla nr. 694):

Nú orðið sér fólk Ísbirni allstaðar. Þetta er eins og á lundapysjutímanum: allt lítur út eins og lundapysja þegar maður er að leita að lundapysju. Það sama á við hér; allir eru að leita að ísbirni, svo allt lítur út eins og ísbjörn: kindur, heyrúllur, hestar... Bubbi Morthens.

Og hvað skal gera við því?

Jú, það skal hringja í Irving Stevens, hinn heimsfræga Ástralska Ísbjarnaveiðara. Hann hefur, eins og allir ekta sérfræðingar í ísbjarnaveiðum, aldrei veitt ísbjörn, né séð einn. Hinsvegar hefur hann veitt fullt af öðrum hlutum sem enda á björn.

Eins og þetta:



Irwing Stevens búinn að handsama "Björn" af einhverju tagi.



Hér sjáum við eitthvað annað sem endar á -björn í höndunum á einhverjum.

Það er ekki víst að Hr. Stevens hafi nokkurntíma einusinni heyrt orðið "ísbjörn" í heild sinni, heldur einungis "ís" & "björn," og aldrei í sömu setningunni. Svo hann er maðurinn í djobbið. Það er ekki hægt að notast við danska ísbjarnasérfræðinginn núna þegar hann hefur séð ísbjörn, og veit að auki hvað virkar ekki á hann.

***

Merkilegt veður núna. Eins og sólin er búin að skína undanfarinn mánuð, þá verður örugglega haglél á þjóðhátíð. Svo berst á land Ísbjörn.

***

Ég virðist hafa trassað þetta:



Og að sjálfsögðu:



Ísbjörn!

Dagur 108 ár 4 (dagur 1568, færzla nr. 693):

Mér finnst ennþá merkilegt að þessir aular sem öllu eiga að stjórna skuli ekki einusinni geta svæft einn ísbjörn. Og það svangan ísbjörn.



Þeir hefðu geta gefið honum steik með svefnlyfjum í.



Þeir hefðu geta skotið hann úr launsátri með pílubyssu.

En hvað var gert? Ég er ekki viss. Mér skilst helst að þessi Dani hafi ætlað sér að laumast aftan að kvikyndinu með vasaklút bleyttan uppúr klóróformi, eins og einhver mannræningi.

Að auki hefði verið hægt að ná dýrinu vakandi: í net, eða í gildru. Það hefði ekki þurft að taka nema svona 3 korter að reisa eitt stykki ofvaxna kattagildru, skella smá ilmandi kjöti þar inn og koma henni fyrir í grennd við dýrið.



Maður á þyrlu að veiða sauðnaut í net.

Þetta er ekki flókið.

Svo hefði verið hægt að sleppa báðum þessum dýrum lausum í kringlunni. Það hefði verið endalaust fjör.

Dagur 106 ár 4 (dagur 1566, færzla nr. 692):

Fyrir norðan er nokkuð ljóst að menn þurfa að fara að ganga um vopnaðir. Sem er óttalegt bögg. Almennilegir ísbjarnahólkar eru svo helvíti þungir.

Þá er módel 29 vinur þinn:



Nú, eða fyrir aðeins minni pening, Redhawk:



***

Af hverju þurfti að flytja inn danskann mann til að klúðra ísbjarnaveiðum, það veit ég ekki. Miklu ódýrara hefði verið að fá íslenskan mann til að klúðra þessu.

Dagur 100 ár 4 (dagur 1560, færzla nr. 691):

Það er heitt úti, og allir virðast vera inni. Gæti verið vindurinn.

Í gær var enginn vindur. Þá fór ég með hundinn út, og hundurinn notaði tækifærið og þefaði af fullt af lífrænum úrgangi og baðaði sig í sjónum. Það var fullt af olíu fljótandi á sjónum, en kvikyndinu var sama.

Ég ætla út. Einhverntíma.

Dagur 95 ár 4 (dagur 1555, færzla nr. 690):

Þegar maður er að búa sér til samloku er best að líta ekki af hráefnunum. Ef maður gerir það, þá stelur kötturinn þeim.

Helvítis köttur.

***

Fékk hausverk af því í gær að gera ekkert. Í allan vetur var ég með verk í vinstri hendinni af því að stýra lélegum sendibílum, og í þeirri hægri af því að reyna að skifta um gír í lélegum sendibílum.

Gírkassinn í Ford Transit hlýtur að vera sá versti í heimi.

***

Það voru undarleg aukahljóð í bílnum. Af því að því er virðist vegna þess að skálin utanum bremsurnar að aftan ryðguðu í sundur og molnuðu í slitfletina, og gáfu þannig frá sér hljóð.

Já. Það er áhugavert að eiga gamlan bíl.

Dagur 91 ár 4 (dagur 1551, færzla nr. 689):

Kvikmynd kvöldsins er ágætlega slæm kvimynd síðan 1979 - í lit í þetta skiftið. Hún fjallar um mann sem á borvél.

Hann býr á næstu hæð fyrir neðan einhverja pönkara sem fara í taugarnar á honum.



Driller Killer.

Já, þessi ræma er nákvæmlega jafn slæm og nafnið gefur til kynna. Og nokkuð boring á köflum. En hey, þetta er mynd um gæja sem hleypur um drepandi róna með borvél! Ekki versta kvikmynd í heimi, en all slæm samt.

Af einhverjum orsökum var myndin bönnuð Bretlandi - en hvað er svosem ekki bannað þar?



Sama mynd, nema í stækkanlegum glugga (full screen)

Dagur 89 ár 4 (dagur 1549, færzla nr. 688):

Það er nú eins og að bera í bakkafullan lækinn að segja meira frá þessum jarðskjálfta... BBC er með þetta á hreinu.


Ég fann ekki mikið fyrir þessu. Bara smá skjálfti, rétt til að minna á hvar ég er staddur. Svo var annar í nótt, rétt eftir 2. Rétt marktækur.

Annar upp á 6.5 eða svo í Kyrrahafi. Þar gerðist heldur ekkert. Þar áður í Kína. Þar færðust fjöll.



Stutt lag í tilefni vikunnar.

Og hér er svo jarðskjálftasimulator.

Dagur 86 ár 4 (dagur 1546, færzla nr. 687):

Nú segja þeir að húsnæðisverð í Borg Óttans sé að lækka. Sem er gott, það var, og er reyndar enn of hátt.

En auðvitað er til viss hópur sem fer í fílu út af því: braskarar og fasteignasalar.

Þegar allt var að hækka, vegna þess að fólk virðist upp til hópa hafa sturlast, þá gerðust svo margir fasteignasalar. Nú, þegar þeir eru farnir að tapa, vegna þess að svo lítið selst, aðallega vegna þess að enginn hefur efni á þessu, eða hefur efni en vill stærra og er ekki til í að borga einbýlishúsaverð fyrir kústaskáp - þó sá skápur sé í vogunum, þá eru þeir ekki sáttir. Og þeir æða í fjölmiðla og barma sér, segja að himnarnir séu að hrynja.

Og hvað gerir maður þegar himnarnir taka upp á því að hrynja? Nú, samkvæmt þeim sem eru alltaf að tjá sig í fjölmiðlum eru þrjár lausnir á því vandamáli: að hækka vextina, að taka upp evru og að ganga í EB.

En það er einmitt lausn allra sem birtast í fjölmiðlum á öllu.

***

Á Akranesi var svo verið að taka við einhverju palestínufólki. Það fór í húsnæði sem búið var að lofa öðru fólki. Hvernig líst þeim á það, sem eru kannski búnir að vera á biðlista í ár, að einhverjir eru fluttir inn frá útlöndum til að vera á undan þeim á biðlistanum?

Allt er þetta eitthvert stönt hjá Ríkinu til að sýna að við eigum heima í Öryggisráðinu.

Það tekur enginn eftir þessum augljósu vanköntum á málinu. Neibb.

Dagur 82 ár 4 (dagur 1542, færzla nr. 686):

Þetta kívanis-lið eru miklir skaðvaldar. Setjandu upp umferðarljós hægri vinstri. Þetta er plott, er ég viss um. Það á að gera eyjar alveg eins og borg Óttans: 101 Vestmannaeyjar.

Já, ljósin eru bara fyrsta skrefið. Næst verða það stöðumælar. Svo verða göturnar þrengdar til að koma fyrir hjólreiðastígum sem enginn notar, og það verður komið á strætó kerfi. Sem enginn notar.

Einstefnugötum verður fjölgað, og þeim breytt á 6 mánaða fresti.

Næst verður einu húsi af hverjum 15 eða svo lokað og þau öll spreyjuð með kryptískum táknum, og rónar sér-innfluttir fra RKV til að sofa þar.

Lokaskrefið verður þegar hraðbraut verður lögð út í Stórhöfða, með 4 akreinum báðar leiðir, og svona 40 stoppum með umferðarljósum á leiðinni, bara af því, og með því mun fylgja fólk sem heimtar að þessi hraðbraut verði sett í stokk, svo hún trufli síður alla hjólreiðamennina.

Ég er ekkert hrifinn af umferðarljósum.

Dagur 78 ár 4 (dagur 1538, færzla nr. 685):

Það er búið að smíða ógurleg bákn víðast hvar um eyjuna. Eitthvaðstórt grátt úti á eiði. Það lítur út eins og eitt af þessum nýju einbýlishúsum sem eru svo vinsæl í Borg Óttans.

Svo eru þessir rauðu tankar. Hvað á að vera í þeim? Bjór, vona ég. Ekki veitti af.

Og svo er þessi kassi við Fótó, móti Lanternu og Sparisjóðnum. Þeir eru ekki búnir með þakið ennþá. Kannske verður fjórða hæðin. Eða turn. Hvernig væri það? Eða svona gróðurhús eins og ofaná Drífanda?

***

Allir virðast vilja taka upp evru nú til dags, eða ganga í EB, eða bæði helst. Og ég hef verið að hugsa: er það það eina sem hægt er að ganga í? EB?

Nei, ég held að það sé hægt að ganga í fullt af öðrum samböndum.

Við gætum til dæmis gengið í USA. Við gætum verið nýtt fylki, eða verið bara hluti af öðru. Einhver stakk upp á Nevada. Ég hugsa að nærtækara væri að gerast partur af einhverju sem er nær, til dæmis Nýja England eða Vermont.

Það er miklu betra en EB. Miklu frjálsari efnahagur, lægri skattar og allt. Ódýrara bensín... Auðvitað eru fórnir - til dæmis eru PC rugludallarnir þar jafnvel öflugri en PC rugludallarnir hér. Það er einhver hernaður í gangi í mið-austurlöndum sem kostar morð fjár - ekki eins mikið og öll þessi sendiráð sem við rekum, en alveg nóg fyrir því. Það gæti myndast svertingjahverfi, þangað sem allir atvinnuleysingjar landsins flytja, öryrkjar og slíkt lið, og verður terroriserað stanslaust af gengjum. Og Olíufélögin færu öll á hausinn þegar þau gætu ekki stöðvað þau amerísku. Jafnvel Bónus fengi samkeppni. Sem væri ekki svo slæmt.

Matur er ódýrari í USA en í EB.

Plúsarnir yrðu að þá væri hægt að starfrækja svona drive through áfengisbúð, hægt væri að kaupa haglabyssu í Nóatúni og ammó í Bónus. Dollarinn fer lækkandi, sem er bara gott fyrir útflutning.

Eða, við gætum sótt um aðild að Argentínu - datt mér í hug. Þá þurfum við ekkert landbúnað. Argentínumenn offramleiða hágæða nautakjöt, sem við gætum fengið margfalt ódýrara en við fáum nú. Argentínumenn framleiða líka bíla, skilst mér. Gott ef þeir ganga ekki á brennivíni. Það gæti minnkað viðskiftahallann nokkuð.

Hvað sem menn ganga í, þá held ég að ef við göngum til liðs við eitthvað af þessu, hvort sem það er Nevada, EB eða Argentína, þá samtímis leggjum við Alþingi af. Því hvað á það að gera ef landinu er stjórnað að utan? Ekkert! Þeir geta bara flutt inn í negrahverfið og látið skjóta á sig, enda víst yfirlístir öryrkjar fyrir ofan háls, allt saman.

Raunhæfast, samt, miðað við hlutina eins og þeir eru, væri Ríkisstjórnin alveg til í að ganga til liðs við Lýbíu, N-Kóreu og Búrma. Akkúrat það sem þeir vilja vera.

Dagur 75 ár 4 (dagur 1535, færzla nr. 684):

Daginn áður en ég fór af stað, benti einn vinnufélaginn mér á að glápa á einhverjar teiknimyndir. Gaf mér linka inn á svæði þar sem þær væri að finna.

Ég vissi svosem fyrir að þetta anime-stöff væri skrítið. Og að miklu leiti slæmt, sbr Pokemon, og þessir ferlegu júgó-ó, eða hvaðettanúheitir. Ekkern nema litlir kallar með stóra hausa og ennþá stærri hárgreiðzlur að æpa á hvern annan og kasta rottum.

Svo var fótboltaþátturinn þarna, þar sem völlurinn var svo stór að markið var handan sjóndeildarhringsins, og það tók 4 mánuði að hlaupa þangað. Á meðan það stóð yfir varð allt fjólublátt. Og þetta var sýnt in real time. Fokking langur þáttur þar á ferð.

Ekki mjög aðlaðandi.

Eða þú gætir skoðað Afro Samurai. Sem fjallar um mann sem er að leita að hárbandi. Því hann er með mjög stórt hár. Og það eru miðaldir, en samt er fullt af vélmennum hlaupandu um. Og gott GSM samband allstaðar. Þetta eru blóðugustu teiknimyndaþættir sem ég hef séð. Og blóðugustu sjónvarpsþættirnir...

Og allan tímann er ekki einni einustu rottu kastað.

Dagur 72 ár 4 (dagur 1532, færzla nr. 683):

Á leið til eyja aftur. Sem er ágætt. Og hvað geri ég þar?

***

Var að prófa einn af nýju bílunum. Fólksvagen... eitthvað. Stór bíll. Jafn stór og Transit, bara, ja, betur smíðaður. Og allt er lítillega betur staðsett. Það var svosem ekkert voða rétt staðsett í Transit.

Það voru þægilegri sæti, engar beyglur á toppnum, ekkert salat í geymsluhólfinu í hurðinni, lágværari vél, útvarp sem virkar, gírkassi sem virkar - með 6 gírum - svipaðir aksturseiginleikar. Transit hefur mjög góða aksturseiginleika reyndar. Liggur eins og klessa. Ef ég væri ekki með allt þetta dót afturí alltaf myndi ég ekkert vera að hægja á mér fyrir beygjur.

Já. Ef það verður ekki búið að skemma gírkassann þegar ég kem aftur í haust, þá er þetta betri bíll. Þessi 3-4 ára prammi sem ég hef verið að keyra er að molna í sundur.

Það þarf að venjast gírkassanum, og maður sér ekki jafn vel út, en það jafnar sig allt.

Djöfull er þetta líka hár bíll. Maður þarf að klifra upp í hann.



Skárri en Transit.

Dagur 69 ár 4 (dagur 1529, færzla nr. 682):

Um daginn heyrði ég í fréttum að einn trukkur eyddi upp veginum eins og 9.000 venjulegir fólksbílar. Og hvað er skilgreint sem venjulegur fólksbíll af þeim sem mæla slíka hluti? Jú, venjulegur fólksbíll er 1800 kíló.

Hverskonar bíll er 1800 kíló?



Toyota Avensis 2008 módel er 1280-1350 kíló. Ég sem hélt að sá bíll væri nokkuð normal. Greinilega ekki. Mælingamenn eru ekki á því að menn aki um á svona smábílum. Jafnvel með ökumanni væri bíllinn undir 1400 kílóum. Cherokee er undir 1400 kílóum.

Svo við skulum leita betur:



1975 módel AMC Matador með 360 V-8 er svona 1650-1700 kíló.



1968 Ford Torino er eitthvað svipað. svona 1600 kíló.



1985 Chevy Caprice ar 1750 kiló.

Hmm...



Ah! Cadillac Fleetwood Brougham! 1928 kíló! Það myndi vera alveg fullkomlega venjulegur bíll þá?

Eða þessi: Bens 500 4matic?



Nei. það er ekkert normalt við þennan bíl, þó hann sé vissulega 1800 kíló. Það framleiðir enginn venjulega bíla lengur sem eru 1800 kíló. Ég veit reyndar ekki til þess að það hafi nokkurntíma verið gert. Þegar bíllinn er kominn eitthvað yfir 1500 kíló er hann orðinn nokkuð afbrigðilegur, jafnvel nú, með öllum þessum veltigrindum og satt-nöfum og kolefnisjöfnurum og öðru tilgangsalausu drasli sem þjónar ekki þeim tilgangi að annað hvort hreyfa bílinn eða fokking lúkka.

Meira að segja venjulegur amerískur bílll er ekkert svona þungur: Ford Taurus 2008 vegur 1650 kíló, 5 til eða frá.

Nei. Á hvaða plánetu eru þessir pjakkar eiginlega? Og hverskyns bílum keyra þeir þar? Lincoln Town Car?

1800 kíló?

Dagur 66 ár 4 (dagur 1526, færzla nr. 681):

Ég hélt það ætti að skýra krakkann hans Illuga á Hvítasunnunni. Það mun ekki vera rétt - það á að skýra krakkann á morgun. Þá mun vera Laugardagur.

Af hverju voru allir að segja mér að þetta ætti að gerast á Hvítasunnunni?

Þetta fólk...

Ég tók að mér helgarvinnu, með það í huga að þetta partý færi fram á Hvítasunnunni. Ekki á Laugardaginn.

Þið vitið af hverju þetta heitir HvítaSUNNA er það ekki? Því það er SUNNUdagur þá. Allt hitt er bara einhver annar af 364 mögulegum dögum, sem heita eitthvað annað.

Af hverju sagði mér enginn frá þessu?

Dagur 65 ár 4 (dagur 1525, færzla nr. 680):

Keypti bjór í gær. Og nú veit ég ekki hvenær ég kemst til að drekka hann. Um helgina. Það er svona þegar maður þarf að lesa annars vegar og keyra hinsvegar...

Zywiec & Paulaner - held ég. En ég er náttúrlega ekki að þvælast með þetta á mér. Það væri fáráðlegt. Um helgina. Yfir sjónvarpinu. Vona að þetta sull sé gott. Það sem bendir helst til þess er að það er ekki danskt.

Það er svosem til alveg þokkalegur danskur bjór - Prins Kristian til dæmis - og Elefant. Ég myndi samt ekki leggja í marga elefant. Það væri bara pain.

Skoða það á eftir.

Dagur 62 ár 4 (dagur 1522, færzla nr. 679):

Mynd vikunnar:



Og þá að allt öðru:

Tími til að hæðast meira að Reva bílnum. Vegna þess að það er farið að selja *góðan* rafbíl.

Hagkvæmnin er nefnilega engin með þessum Rafbíl:

Reva bíllinn kostar ca 2 milljónir. Meira með Dísel-miðstöð. (???)
Citroen C1/Toyota Aygo/Peugeot 107 kosta milli 1.660.000 - 1.720.000.

Munurinn er: 280.000 - 340.000. Það er hægt að fá slatta af bensíni fyrir það. 2.266 lítra, segir vasareiknirinn mér, miðað við verðlag núna. Það er hægt að keyra C1 ansi langt á því, enda eyðir sá bíll vel undir 8 á hundraðið innanbæjar. Það væri jafnvel hægt að keyra í 2-3 ár fyrir þennan pening, ef maður ekur ekkert of langt á dag.

Viðhald:

Rafmótorinn er ekki líklegur til að bila nokkurntíma. Né sé ég frammá að það þurfi mikið að smyrja þetta apparat. Auk þess er hann að miklu leiti úr plasti, svo ryð verður ekki vandamál.

Bensínvélar bila voða lítið núorðið, og PSA mótorinn í C1 er nokkuð góður. Ryð verður líka minna og minna vandamál með tímanum. Það er ekki fyrr en bílar eru beinlínis að gefa upp öndina að það fer að sjá á þeim núorðið.

En: Reva þarf nýjan rafgeynmi á 3 ára fresti. Rafgeymarnir kosta skilst mér aðeins meira en 100.000. Sem gerir lítið úr bensínsparnaði.

Að vísu held ég því enn fram að þetta sé ideal bíll til að vera á í Eyjum. Nema þetta með rafgeymana. Það þarf að redda endingarbetri geymum. Mér skilst að Nikkel kadmíum geymar enduist í kringum 10 ár. Ég leyfi mér að efast um að Reva endist mikið lengur en það, svo með slíkum geymum væri bíllinn heilt unit.

Einhver segi indverjunum þetta.

Öryggi:



Ái.



Ái aftur - en þú munt nást úr bílnum sem ein eining.

Eins og ég sagði: þessi Reva bíll væri fínn í Eyjum. Ég meina, hve hratt ekur maður venjulega þar? Og þeir sem eru að keyra hratt, hverju aka þeir? Ekki Reva, það er ljóst.

Að því, ef það fara að verða margir svona Reva bílar í Eyjum - væru hraðakstursmenn þá til í að glannast uppi á hrauni, eða einhverjum öðrum stöðum þar sem litlar líkur eru á að rakast á einn af þessum bílum?

Hvað um það:

Dagur 57 ár 4 (dagur 1517, færzla nr. 678):

Útgefandinn lét einhverja stelpu lesa textann hjá mér til að athuga hvort ég hefði ekki rétt fyrir mér með markhópinn.

"Ekki nógu blóðug," sagði hún.

Merkilegt. Alltaf eins, þessir krakkar.

***

Náði í Riffilinn og skoðaði hann aðeins nánar. 1917, Spandau, stendur á honum, og svo er kóróna, og þar fyrir ofan: 1920. Mekanisminn er síðan 1917, hlaupið síðan 1920, held ég. Svo er gert ráð fyrir að hann sé hlaðinn með svona clip, og svo bara skotið þar til ekkert er eftir. Herriffill, sko.

"Ætlarðu að skjóta úr honum eða hafa hann uppi á vegg?" spurði kallinn.

Já. Flott tæki. Jafnvel flottara eftir að köngulóarvefirnir hafa verið fjarlægðir.

Það var fullt af einhverju brúnu efni á honum, allstaðar. Það þvæst af ef ég set á það spritt.

Dagur 53 ár 4 (dagur 1513, færzla nr. 677):

Sumar. Hvað þá?

Ja, ég gæti prófað riffilinn...


+

=


6.5X55, me þungu hlaupi. Eitthvað National Match dæmi. Djöfull held ég það sé mikið overkill á kanínurnar.

Dagur 49 ár 4 (dagur 1509, færzla nr. 676):

Aðeins meira um rafbíla:

Gleymum eitt augnablik Reva bílnum, því hann heldur ekki í við eitthvað sem var hætt að framleiða fyrir seinna stríð. Ef ekki væri fyrir Smart bílinn, þá hefðu eigendur Reva ekkert til að gera grín að.

En hvað um það:

Ég var búinn að nefna hinn merka Tesla bíl. Eins og staðan er, er það besti rafbíll sem til er, og þó er ég búinn að leita víða. Reyndar er hann nokkuð góður sem bíll; þetta er jú Lotus, að mestu leiti, og það eru ekkert margir sem kalla það slæman bíl. Tollir alveg á veginum og svona.

En það er meira á leiðinni:

Fyrst er að nefna rafjéppann: Fönix.

Glöggir lesendur kannast við þetta farartæki sem Ssang Young Actyon (sic),



Sem eru náttúrlega gífurlega misheppnuð byrjun á ágætis hugmynd: Þessi bíll vegur nefnilega 2.5 tonn. Og hann er bara ekkert það stór! Þetta er byggt á grind, örugglega með drif á öllum, og það segir allt til sín. Helvítis bíllinn er með hátæknilegustu rafhlöðum sem til eru, en kemst samt ekki meira en 130 kílómetra á hleðzlunni - sem er samt betra en farartækið sem við skulum ekki nefna. Og þetta hreyfist. Kemst frá 0-100 á 10 sekúndum. Sem væri gott ef nú væri 1960.

Hvað um það - þetta er eitthvað nanó-tec dót sem knýr þetta apparat. Tekur rétt um 10 mínútur að hlaða þetta með einhverjum spes hleðzlutækjum.

En af hverju í dauðanum völdu þeir boddý sem vegur 2.5 tonn? Þeir hefðu betur valið gamla Cherokee boddíið, það vegur ekki nema 1.5 tonn með öllu. Sama vél og sömu rafhlöður, og þannig bíll hefði brunað frá 0-100 á 7 sekúndum, og náð heila 200 km á hleðzlunni. Hvað voru þeir að hugsa?

Að næsta bíl í röðinni:

Lightning.

Þessi bíll vegur ekki nema 1350 kg, og á að performa næstum jafn vel og Tesla bíllinn. Og eins og trukkurinn hér að ofan eru í honum nanó-batterí sem tekur 10 mínútur að hlaða, en þökk sé því að bíllinn er margfalt léttari kemst hann að öllum líkindum aðeins lengra.

Það eru 4 vélar, ein fyrir hvert hjól, sem er áhugavert. Og það eru 30 rafhlöður, hver á stærð við venjulegan rafgeymi. Það er ekki eins slæmt og það hljómar, munið - þetta er rafbíll - ekkert bensín - enginn bensíntankur - engin vél... þannig lagað.



Helstu gallar: verðið. Ég sem hélt að Tesla bíllinn væri dýr... vó. Þetta farartæki á að kosta milli 150.000 - 200.000 bresk pund. Sem er hellingur. það eru jú 4 vélar.

Annar svolítið hvimlett vandamál: þessi bíll er breskur. Og sportbíll. Samtímis. Og hvað vitum við um breska sportbíla? Jú, þeir bila.

En svo aftur að því sem þessi tæki keppa við: Kíkjum á heimasíðuna thiscarsucks.com, og könnum málið:



Þetta er Zenn, sem er kanadíska, og þýðir "Dauður Lundi." Hann nær 40 km hraða og kemst eina 90 km á hleðzlunni. Semsagt, uppáhalds-bíll Greenpeace samtakanna. Eii kosturinn sem þetta apparat hefur umfram hið ónefnda skotmark brandara er að það er stærra.

Af hverju skildi nokkurn langa í svona?

Og svo er þetta:



Þetta er þjóðhátíðartjald á hjólum, ekki bíll!

Gerir það sama og öll hin hallærisfarartækin, nema er... tjald.

Þú getur sem sagt fengið sportbíla, og jeppa, meira að segja nokkuð stóran pallbíl, og ekki bara eru það stórir og þungir bílar, sem geta haldið í við umferð og farið alla leið upp á Akranes, heldur eru þeir eigulegir.

Hvort viltu heldur: tjald sem kemst 50 kílómetra á 40 kmh, eða pallbíl sem kemst 130+ á 90? Tjald, eða pallbíll, tjald, eða pallbíll, það er spurningin.