Dagur 113 ár 7 (dagur 2670, færzla nr. 1024):

Höfum kvikmynd kvöldsins:

Treilerar:



Treevenge. (Er þetta einusinni alvöru mynd? Veit ekki.)



Singapore Sling. (Eins og hljómsveitin.)



Titanic II. (Alvöru mynd, merkilegt nokk.)

Kvikmynd kvöldsins verður með pínulítið óvenjulegu sniði: hún er í pörtum. Hentugum molum sem ættu að endast flestum út vikuna.

Þetta er sem sagt "Barbariana," sem er kvikmynd gefin út á youtube, gerð af einkhverjum pjökkum um helgar eða hvenær sem þau höfðu tíma, fyrir næstum engan pening. Gott stöff:


Pt1

Pt2

Pt3

Pt4

og Pt5

Dagur 105 ár 7 (dagur 2662, færzla nr. 1023):

Reykjavík líkist Detroit alltaf meira og meira:



Þetta hús er brunnið, líka húsið hinumegin við skarðið - þar sem einmitt var hús... áður en það brann:



Svona var umhorfs í Hörpunni þegar ég leit þar við:



Þetta er svo í Öskjuhlíðinni:

Dagur 100 ár 7 (dagur 2657, færzla nr. 1022):

Makríllinn er kominn. Sem þýðir lengri vinnudagur, en örari pásur.

***



Amma í náttúrulegu umhverfi.

***

Hérna: músík.

Dagur 95 ár 7 (dagur 2652, færzla nr. 1021):

Það er stutt í makrílinn. Mér heyrist að hann sé ekki alveg sem frábærastur ennþá, en það heyrir kannski til bóta.

Sjáum hvað setur.

***

Nokkrar myndir sem ég luma á:



Packard.



Þeir gera ekki svona lengur.



Ekki svona heldur - sem er kannski eins gott, því það er hið snúnasta mál að aka svona kerru.



Þarna er ég á hamborgarafabrikkunni, og þessi þarna er Unnar.



Þarna eru hanastélin sem við fengum okkur - þetta fjólubláa er kallað "glóðarauga," þetta appelsínugula er "Tequila sunrise." Bragðast svipað og frostpinni.



Þetta drakk ég í rútunni á milli stoppa.



Þessi mynd sannar að ég var einu sinni nálægt rútu.



Reykjavík er farin að minna svolítið á Detroit.



Kannski við ættum að gefa þeim jólatré, sem þeir gætu þá kveikt í?



Það er meira um svona þarna, en það er ekki búið að spreya allar rústirnar á svona listrænan hátt.

Dagur 91 ár 7 (dagur 2648, færzla nr. 1020):

Hér er annar þáttur í heimildarmyndaflokknum um vestmannaeyjar:

Í stórum dráttum er þetta meirihlutinn af öllum eldi sem ég á á filmu. Þarna má líka sjá Bassa bregða fyrir, þar sem hann er að dunda sér við að kveikja í spreybrúsum, á meðan Ásgerður Helga bregst við á afar hysterískan hátt.

Bassi stressar sig ekki á smá spreybrúsum.



Þessi þáttur sýnir okkur að í Vestmannaeyjum berst hljóð hraðar en ljós, að 9 symfónía Beethovens er allsekkert það löng, og Eyjafilm fílar eld.

Dagur 87 ár 7 (dagur 2644, færzla nr. 1019):

Á vísi.is er rafrænt tarot. Þar stendur: "Hugsaðu þér, eða skrifaðu spurningu og dragðu þér spádómsspil."

Allt í lagi... athugum hvort þetta getur þá ekki svarað ýmsum brennandi spurningum:

"Hvort er betra, kók eða pepsí?"

Tarot svarar:

"Stolt þitt eða egó hefur jafnvel verið sært nýverið. Svipað og turninn á myndinni er líðan þín ekki í jafnvægi. Atburðir sem trufla hversdagsleika þinn eru eflaust í formi breytinga sem eru einungis til hins betra.

Stundum er nauðsynlegt að ganga í gegnum erfiða hjalla til að komast að sólinni og eru þetta án efa óhjákvæmilegar umbreytingar á högum þínum sem tengjast heimili þínu, ástinni eða starfi.

Túlkun þín á þessari aðstoð gæti verið óþægileg á einhvern hátt en hún birtist í formi atburða sem þú þekkir án efa ekki. Hér er á ferðinni tækifæri sem þú færð einungis með þessu móti."

Mmm... já. Appelsín, semsagt?

Jæja, prófum aftur:

"Er í lagi að drekka mjólk sem er komin 4 daga yfir síðasta söludag, og af hverju?"

Og Tarot svarar:

"Kona þessi er vel gefin, sjálfstæð og býr yfir miklum styrk sem flytur hana hæstu hæðir ef því er að skipta. Hún gæti verið ekkja, kona einstæð sem gengið hefur í gegnum skilnað eða sú sem kýs að vera sjálfs síns herra.

Þrátt fyrir styrk hennar og einveru sem hún kann vissulega að meta á hún það til að vera mjög einmana. Metnaður hefur einkennt hana frá blautu barnsbeini og hún á það til að taka starf sitt fram fyrir barnsburð eða giftingu og því haldið í eigið sjálfstæði með þessum hætti."

Mjólk er búin til úr... konum... eða öfugt? Sem þýðir hvað?

Reynum eitthvað einfaldara:

"Er rétt að gefa kisu mjólk?"

"Áhyggjur tengdar fjárhag þínum kunna að vera efst á baugi hjá þér og jafnvel atvinnuleysi að angra þig. En fátækt þarf ekki að tengjast peningum heldur oft á tíðum andlegri líðan.

Þú þarfnast eflaust ástar, umhyggju og ekki síður athygli um þessar mundir en ættir reyndar að leita betur innra með þér. Með því að gera það finnur þú ný tækifæri sem tengjast framtíð þinni og öðlast þannig skilning á tilgangi lífsins.

Þú getur búið þér unaðsreit ef þú trúir á hann. Þegar þú finnur fyrir löngun að bragða á allsnægtum heimsins og þiggja þær með kærleik þá veitist þér einfaldlega allt en það jafngildir alls ekki því að svipta aðra einhverju.

Hjálpin er nær en þig grunar og vandamálin leysast skjótt með jákvæðu viðhorfi og óbilandi bjartsýni."

Einfalt já eða nei svar hefði alveg dugað, sko...

Jæja, ef tarotið ætlar að vera með einhverja stæla:

"Hvernig skal bera sig að ef maður er á rölti úti í feni og ninja sker af manni fótinn og límir á annan sem er eins, nema klónaður af þeim fyrri?"

Sjáum hvernig Tarotið glímir við þetta:

"Hér birtist björt framtíð þín þar sem þú skilur eftir erfiðleika og tekst á við nýja og betri tíma.

Endir verður á leiðindum, áhyggjum og vanlíðan. Hafðu hugfast að öll þín vandamál verða ekki leyst á einum degi heldur munu aðstæður lagast með tímanum. Þegar þú veist hver þú ert í raun og veru, eflir þú hæfileika þinn til að láta alla drauma rætast vegna þess að möguleikar þínir eru óendanlegir.

Oft á tíðum er um ferðalag eða flutningar að ræða þegar sverðin sex koma fram."

Það var og.

Dagur 83 ár 7 (dagur 2640, færzla nr. 1018):

Nokkrar myndir sem ég hef tekið síðan um áramót:



Fullt tungl yfir bænum.



Rafmagnslaust.



Myrkraverk.



Stundum kemur Jóna.



Bjarna líst ekkert á Jónu.





Krakkar í snjógöllum.



Bara venjulegur dagur.



Meira svona óvenjulegur dagur.



Og að lokum er hér mynd úr Hörpunni. Tekið rétt eftir fyllerí, en fyrir mat.

Dagur 81 ár 7 (dagur 2638, færzla nr. 1017):

Það líður að ættarmóti. Ég þarf eitthvað að hugsa um það - hvernig á að koma mér þangað og slíkt.

Að fljúga kostar X mikið - og þá er flogið til AEY. Þá þarf annað hvort að sækja mig eða ég þarf að leigja bíl.

Ef ég leigi bíl, þá kostar það skv Herz lágmark 70.000, gefið að ég taki bíl með crúskontról - sem þarf, ef ég vil ekki vera böstaður af stormtrúperum fyrir eitthvað sem er ámóta móralskt rangt og að neyta C-vítamíns. Svo er ekkert víst að þessir bílar séu með krúskontról.

Svo: fokk.

Svo er Kristín eitthvað mótfallin því að borga 5-7000 kall fyrir gistingu. Aha. Hún er til í að punga út 30.000+ kr. fyrir farið, en vill svo ekki borga jafngildi 3/4 kassa af bjór fyrir gistingu. Svo heldur hún því fram að hún sé ekki aumingi.

Veit hún ekki að í sósíalísku hagkerfi eru peningar verðlausir?

Jæja... þetta kvenfólk.

Hvað um það: fyrir mig er þetta lítið mál. Jú - það gæti verið praktískara fyrir mig að hreinlega kaupa bíl til að þvælast um á, en hey, þarf bíl hvort eð er ef ég ætla að hitta frænda seinna.

Svo: ég get fengið Ford Exploder á 200.000. Með crúskontról. Það eru góðir ferðabílar. Einnota líka. Chrysler Cirrus/Dodge Stratus á 250K. Þeir eiga til að endast eitthvað. Benz á 300K. Eilífðareign. Lincoln/Buick/Cadillac á 500K.

Svo... vantar einhvern far norður?

Dagur 77 ár 7 (dagur 2634, færzla nr. 1016):

Hér er vídjó sem ég tók u síðustu helgi af krakkanum hennar Lilju:



Gaman gaman.



Myndirnar sem ég tók af þeim voru flestar hreyfðar. þetta fólk, getur aldrei verið kjurt.

Ég hef svosem nægar myndir af fyrirbærum sem bærðu ekki á sér:



Kofinn.



Kofinn að innan.



Það sem eftir er af jarðstöðinni.

Dagur 73 ár 7 (dagur 2630, færzla nr. 1015):

Makríll eftir sjómannadag - ef hann finnst, sem er ekkert gefið. Þá verður meiri tími fyrir hljóðbækur.

Eins og er er ég búinn með Móbí Dikk, og svona helminginn af öllu eftir H.G Wells. Og Relativity, og Fu Manchu.

Hmm...

Jæja:

Ég fór og skoðaði krakkann hennar Lilju, hér er hann:



Betri mynd:



Því næst hitti ég Illuga & Co:



Þessi þarna í miðjunni er eitthvað tengdur Siggu. Veit ekki hvað hann heitir - Illugi veit það.

Svo fór ég að skoða kofann á Veðramótum:



Traktor:



Daginn eftir fór ég að skoða fornbíla:



Það var slatti af þeim:



Reynir & pabbi voru þar:



Svo var fyllerí. Kem að því seinna.

***

AMV minis:



Þessu þarf að fylgja MV:



Þetta er upphafslagið úr Ranma 1/2. Man ekki hvaða seríu - en ekki fyrstu. Fyrstu 50 þættirnir eru góðir, svo fer þeim hrakandi.

Dagur 66 ár 7 (dagur 2624, færzla nr. 1014):

Meira af Vestmanneyicus, þangað sem ónýt myndbrot fara til að öðlast nýtt líf:

Sagan á bakvið þetta rugl, er að ég átti til korter af Bjarka Tý eitthvað að fífast. Þetta var ein af fjölmörgum kvikmyndum sem við kláruðum ekki af einni eða annarri ástæðu.

Plottið í þessari var, að mig minnir: ósýnilega geimvera gerir innrás, og stelur sláttuvélinni af manni.

Það er meira af þessari mynd - brot og partar - í þessari þáttaröð.

Hvað um það; ég vissi ekki alveg hvað ég átti að gera við þetta bull. Svo var ég að horfa á þetta einn daginn, og velta þessu fyrir mér, hvað ég ætti eiginlega að gera við þetta, ef eitthvað, og þá rann upp fyrir mér að þetta sprikl allt í honum lýktist mikið einskonar dansi. Og ég átti einmitt fína músík undir það!

Sem ég stal hér, svo við höldum því til haga.

Þetta er allt úr einhverjum tölvuleik sem ég veit ekkert um annað en nafnið: Moji pittan. (Og nú vitiði af hverju sjálfsmorðstíðni í Japan er mjög há.)

Auðvitað er langt intró. Með meira af ónotuðu efni. Ekkert vitrænt frekar en fyrri daginn.

En hér er það þá: Bjarki Týr Gylfason, Lord of the Dance:



Ég vil meina að hann sé fyndnari en kattastelpurnar.

Dagur 65 ár 7 (dagur 2623, færzla nr. 1013):

Þá er að koma að Vondulagakeppninni aftur. Svei, segja sumir. Jibbí, segja aðrir. Mér er slétt sama. Líkurnar á að við vinnum og þurfum að halda þetta eru jafn miklar og að tunglið breytist í halastjörnu og skelli á jörðinni.

Eða þar um bil.

Þar sem ég hlusta nær ekkert á útvarp lengur hefur þetta mest farið framhjá mér.

Við skulum láta hjá líða að fjalla meira um það, svo:



Músík fyrir fólk með ADHD. Nú jafnvel meira HD en áður.

Og hér er svo alvöru MV:



Fly me to the moon. Flutt af Frank Sinatra í þetta skifti. Hann samdi þetta svosem ekkert, né er hann fyrsti flytjandi. Er í endinum á Shin Seiki Evangelion, flutt af öðrum.

Dagur 62 ár 7 (dagur 2620, færzla nr. 1012):

ÉG var að hugsa, hverskonar klúður það var að leyfa kananum að drepa Bin Laden. Það hefði nefnilega verið alveg tilvalið að skjóta í hann svona pílu, eins og þeir nota á ísbirnina í Kanada, og fara svo með hann beint í húsdýragarðinn.

Þeir hefðu geta lagað svona náttúrulegt umhverfi fyrir kallinn. Helli, með allskyns fítusum.

Fólk hefði alveg borgað 50 kall inn til þess að horfa á hann á meðan það borðaði ís, held ég.

***

Ég var að velta fyrir mér hvernig hlutir breytast úr teoríunni í praxís.

T.d Sósíalsimi. Teorían er, að allir borgi smá part af laununum sínum, r.d. 10% (virkaði vel fyrir katólsku kirkjuna) og fyrir það halda þeir uppá alla mongóana, sjá um sjúkrahúsin, kenna börnunum og hrófla upp fullt af infrastrúktúr.

Í praxís, amk hér á landi, þá er það þannig, að allir borga nær öll launin sín, halda eftir kannski 10%, og þurfa svo að greiða fullt verð fyrir læknisþjónustu, skóla og allskyns infrastrúktúr.

Kannski ættum við bara að fá katólsku kirkjuna aftur?



Betri en Samfylkingin.

Dagur 57 ár 7 (dagur 2615, færzla nr. 1011):

Líf:



Hún var orðin skökk og sporlöt:



Hún er í garðinum núna:



Hér er vídjó af henni að staulast um í snjónum:

Dagur 52 ár 7 (dagur 2610, færzla nr. 1010):

Nú er komið að 4 hluta hinnar æsispennandi heimildarmyndar um Ejamenn. Í þessum þætti verður fjallað um borðsiði, sjónvarpsáhorf og rétta notkun skotvopna.

Dagur 47 ár 7 (dagur 2605, færzla nr. 1009):

Glefsur úr http://www.blogger.com/img/blank.giffjölmiðlalögum:

Fjölmiðlaþjónustuveitendum er skylt að senda fjölmiðlanefnd árlega skýrslu sem hefur
að geyma upplýsingar um eftirfarandi atriði, eftir því sem við á:
a. hlutfall evrópsks myndefnis í línulegri dagskrá,
b. hlutfall myndefnis frá sjálfstæðum framleiðendum í línulegri dagskrá,
c. hlutfall íslensks myndefnis í línulegri dagskrá,
d. hlutfall pantana á evrópsku myndefni í ólínulegri dagskrá,
e. hlutfall pantana á myndefni frá sjálfstæðum framleiðendum í ólínulegri dagskrá,
f. hlutfall pantana á íslensku myndefni í ólínulegri dagskrá,
g. aðgerðir viðkomandi fjölmiðlaþjónustuveitanda til að efla kynningu og framboð á evrópsku myndefni,
h. aðgerðir viðkomandi fjölmiðlaþjónustuveitanda til að auka aðgengi sjón- og heyrnarskertra að myndefni hans, og
i. annað sem nauðsynlegt er til að mæla stöðu og þróun á fjölmiðlamarkaði.
Fjölmiðlaþjónustuveitendur skulu láta fjölmiðlanefnd skýrslu sína skv. 1. mgr. í té eigi síðar en 31. mars ár hvert vegna nýliðins árs.

Aha... vegna þess að við þurfum þess með að eitthvert ríkisbatterí viti þetta. Af því bara. Auka vinna fyrir fullt af alveg rosalega anal fólki.

Það eru 200.000 kr dagsektir við því að skila ekki inn svona skýrzlu. (53 grein).

Fjölmiðlaþjónustuveitendum sem miðla hljóð- og myndefni er óheimilt að miðla efni, þar á meðal hljóð- og myndsendingum í viðskiptaskyni, sem getur haft skaðvænleg áhrif á líkamlegan, andlegan eða siðferðilegan þroska barna, einkum og sér í lagi efni sem felur í sér klám eða tilefnislaust ofbeldi.

Sem sagt, Tommi & Jenni verða bannaðir hér eftir.

Fjölmiðlaþjónustuveitendur sem miðla myndefni í línulegri dagskrá skulu kosta kapps um að meiri hluta útsendingartíma sé varið í íslenskt dagskrárefni og annað dagskrárefni frá Evrópu.
Með útsendingartíma er í þessu sambandi átt við heildarútsendingartíma að frádregnum
þeim tíma sem varið er til frétta, íþróttaviðburða, leikja, auglýsinga, textavarpsþjónustu og fjarkaupa.
Fjölmiðlaþjónustuveitendur sem miðla myndefni eftir pöntun skulu eftir því sem unnt er tryggja með viðeigandi aðferðum að íslenskt efni og annað evrópskt efni sé áberandi hluti af framboði þeirra.

Vegna þess að? Ekki beint gott fyrir skjá 1, eða stöð 1.

Hvað er svona vont við Bandarískt, Brasilískt, Kínverskt, Japanskt, Ástralskt, Indverskt, Afrískt osfrv... efni?

Þetta er óþarfa Eurócentrismi.

Duldar viðskiptaorðsendingar eru óheimilar. Í hljóð- og myndsendingum í viðskiptaskyni skal ekki beita tækni til að hafa áhrif á fólk neðan marka meðvitaðrar skynjunar.

Note: viðskiftaorðsending = auglýsing.

Sko: "skal ekki beita tækni til að hafa áhrif á fólk neðan marka meðvitaðrar skynjunar." Þetta er ekki hægt. Það hefur verið reynt að sýna fram á þetta með mörgum rannsóknum, en aldrei tekist. Ef þú skynjar það ekki, þá skynjar þú það ekki. Svo einfalt er það.

En löggjafinn er ekkert þekktur fyrir að vera í neinum tengzlum við raunveruleikann. Við þessu var því að búast.

Viðskiptaorðsendingar og fjarkaup skulu ekki:
a. skerða virðingu fyrir mannlegri reisn,
b. fela í sér nokkra mismunun á grundvelli kynferðis, kynþáttar eða þjóðernis, ríkisfangs, trúarbragða eða trúarskoðana, fötlunar, aldurs eða kynhneigðar,
c. hvetja til hegðunar sem er hættuleg heilbrigði eða öryggi, eða
d. hvetja til hegðunar sem er í áberandi andstöðu við umhverfisvernd.

Einungis Ríkinu leyfist svona lagað.

Fjölmiðlanefnd getur að undangenginni lögmæltri málsmeðferð samkvæmt lögum þessum
bannað með ákvörðun miðlun efnis sem telst andstætt ákvæðum laga.
Fjölmiðlanefnd getur afturkallað leyfi til hljóð- og myndmiðlunar vegna brota á ákvæðum laga þessara, enda sé um alvarleg og ítrekuð brot að ræða.

Bannað í Kína á Íslandi!

Hvað er hægt að banna er að mestu opið. Aðaláherzlan er samt á að banna auglýsingar - skindibita, gosdrykki, nammi osfr.

Einnig verður hægt skv. grein 56, að setja í allt að 6 mánaða fangelsi þá sem miðla öðru efni en miðillinn er þekktur fyrir:

Úr 26 grein:

"Þó skal fjölmiðlaþjónustuveitanda sem hefur þann yfirlýsta tilgang að beita sér fyrir tilteknum málstað vera óskylt að miðla efni sem gengur í berhögg við stefnu miðilsins."

X-ið má ekki spila barrokk-músík, að viðlagðri refsingu.

Þetta er 376 blaðsíður. Mest af því er réttlæting fyrir þessu - afar tyrfinn pistill með gröfum og línuritum.

Augljóslega þá eru fjölmiðlar ekki ýkja hrifnir af þessu, og eru með undirskriftasöfnun: http://www.fjolmidlalog.is/ Omega er í þessum hóp. Skiljanlega, glætan að þeir nenni að skila inn skýrzlu sem sýnir að stór hluti þeirra efnis er amerískt.

Dagur 39 ár 7 (dagur 2597, færzla nr. 1008):

Jæja. Þá eru atkvæðin löngu talin, og ljóst að við förum ekki á hausinn alveg strax. Það er samt alveg opið fyrir þann möguleika, þar sem idjótar eru enn við völd, og næsta víst að idjótar taki við völdum.

Aðrir eru víst ekki í framboði.

Næsta skref er að bíða þess að Bretar og Hollendingar fari í mál.

Ef Bretar vinna það mál (sem gengur illa upp lagalega, þar sem fordæmin eru á móti þeim - þeim sjálfum að kenna, þeim til heilla) þá yrði það skilgreiningin á íróníu.

Írónía, það er grískt orð sem þýðir "að segja þveröfugt við það sem maður meinar." Þetta hefur verið þýtt sem "kaldhæðni," en kaldhæðni er ekki rétt orð. Kaldhæðni þýðist yfir í ensku sem "sarcasm," sem er alveg rétt þýðing. Ég veit ekki til þess að til sé íslenskt orð yfir íróníu.

Írónía er ekki kaldhæðni, og ekki eitthvert form af fyndni, þá merkingarnar eii það til að skarast.

En hvað um það:

Ef Bretar vinna málið, þá hafa þeir bakað sér lagalega skyldu til þess að greiða milljónum útlendinga formúgur fjár vegna banka sem voru að nafninu til brezkir og fóru á hausinn. Og þetta verandi alþjóðaréttur, þá gildir hið sama fyrir öll lönd vegna allra banka.

Þetta er ekki gott fyrir nokkurt ríki. Fólk verður brjálað.

En jafnvel þó Bretar tapi málinu, er eins víst að þeir fari bara samt á hausinn. Fyrri & seinni heimstyrrjaldirnar fóru illa með þá, þeir hafa ekkert efni á Afganistan, hvorki núna né þegar þeir voru þar seinast 18xx.

Við erum líka á leiðinni á hausinn, en ekki á eins afgerandi hátt og ef samningurinn hefði verið samþykktur. Vegna þess að við erum með "gjaldeyrisvaraforða." Það er merkilegt fyrirbæri, sem kostar formúgu að hafa, en við græðum akkúrat ekkert á. Því það er skuld.

Við erum líka með AGS. Það er stofnun sem hjálpar til við að koma þjóðríkjum á hausinn.

Við höfum kommúnista. Þið þekkið þá: anti-intellektúal, hysknir, púrítanskir, stjórnsamir, hugmyndasnauðir niðurrifssinnar.

Við værum betur komin með Franklín Steiner sem konung.

***

Þá er komið að smá róandi kvöldmúsík:

Dagur 35 ár 7 (dagur 2593, færzla nr. 1007):

Einhver sagði einu sinni við mig, að ef maður kýs ekki, þá hefur maður fyrirgert rétti sínum til þess að kvarta.



Kusu þið rétt?

Dagur 33 ár 7 (dagur 2591, færzla nr. 1006):

Þá er að styttast í kosningar aftur. Borgum við skuldir einkafyrirtækja eða ekki?

Sumir segja já. Þeir rökstyðja það með því að þá muni málið hætta. Sem það gerir. Einhverntíma. Með smá heppni, innan 40 ára.

Foræmið sem það gæfi: ef Ríkið þarf að borga einkaskuldir, má þá ekki hvaða bjáni sem er láta hvaða lán sem er falla á Ríkið?

Sumir segja nei. Þeir rökstyðja það með því að það er ekki í samræmi við nein þekkt lög að Ríkið þurfi að greiða einkaskuldir.

Ef það verður ákveðið að við fólkið þurfum að borga þetta, þá legg ég til að þetta lag verði gert að þjóðsöng Íslendinga í staðin fyrir þetta með eilíflega dauða blóminu:



Þetta lag segir þá allt sem heimurinn þarf að vita um okkur. Og það er á ensku, sem er heppilegt, þar sem við verðum eign Breska Heimsveldisins (TM).

Sjáum hvað skeður.

Dagur 30 ár 7 (dagur 2588, færzla nr. 1005):

Ég var að velta fyrir mér... hvernig berst maður við múslima?

Nú skal ég útskýra hvernig maður getur barist við allavega vissan hóp múslima (sem er ekki eins fjölmennur og af er látið í fjölmiðlum - en samt hópurinn sem maður hefur helst áhuga á að berjast við):

Skref 1: Maður reddar sér eintaki af kóraninum, eldspítum, vídjóupptökuvél og heimilisfangi Hamid Karsai - eða einhvers brjálaðs klerks einhversstaðar.
Skref 2: Maður tekur upp á myndband er maður kveikir í kóraninum.
Skref 3: Meður sendir Hamid Karsai (0g/eða brjálaða eldklerkinum/talibönum) vídjóið í pósti.

Hálfum mánuðir síðar ætti allt að loga í óeirðum hér og þar í fjarlægustu fjallahéruðum Afghanistans, þar sem ofstækismenn keppast um að gera sig að fífli í stað þess að gera eitthvað gáfulegt, eins og t.d að reka geitur eða rækta ópíum.

Þetta er hægt að endurtaka á meðan maður hefur efni á filmu og sendingarkostnaði. Þetta er örugglega lang-praktískasta leið til stríðsreksturs sem til er. En virkar að vísu bara ef andstæðingurinn er geðveikur hálfviti.

Skref 4: maður athugar hvort þetta sama trikk virkar á First Church of Holy Jesus í Loisiana. Það væri meira að segja hægt að nota sama vídjóið, lætur fylgja með miða þar sem kemur fram að bókin sé biblían. Þeir skoða það aldrei of náið.