Dagur 329 ár 2 (dagur 694, færzla nr. 361):

Herra Ísland er ekki tæk fyrirmynd, er mér sagt. Ég þekkti satt að segja engan sem var eitthvað sérstaklega að fylgjast með kauða. Mér vitanlega. Það var ekki fyrr en nú um daginn að athygli var vakin á afrekum hans. Þau felast víst einna helst í því að troða rollum inn í bíla og detta í drullupolla.

Linkur inná miklu athyglisverðari frétt.

Svo er þetta með myndirnar af Múhameð. Það er mjög sniðugt mál. Sýnir mér það svart á hvítu, aftur, að múslimar virðast upp til hópa vera klikkaðir. Hvað með það þó einhver rissi upp nokkrar myndir af spámanninum ógurlega og gefi þær út í blaði sem ég hafði bara þokukenndar hugmyndir um að gæti hugsanlega verið til, án þess þó ég gæti verið alveg fullviss. Kannaðist aðeins við nafnið.

Þetta hljómar eins og risastór auglýsingabrella til að gera jótlandspóstinn að þekktasta dagblaði heims.

Þetta er raunar mjög athyglisverð heimasíða þó hún sé á dönsku. Ég gæti bætt henni við listann hjá mér einhverntíma.

En hvað er þetta með Múhameð? Hvað er það sem gerir hann svo heilagan að ekki má skella eins og einni mynd af honum upp í blaði án þess að milljónir múslima út um allan heim brjálist og heimti að hausar fjúki?

Já. Hvað ætli herra ísland myndi gera í þessu? Detta í drullupoll, grunar mig.

Þetta mál snýst svolítið um það, er ég hræddur um, að þarna úti í heimi er lið sem er svona 400 árum á eftir okkur í öllu, frá tækni til hugsunarháttar. Það er er um 400 ár síðan hin kristna kirkja hegðaði sér svona, og múgurinn fylgdi á eftir. Árið 2406 verða þeir farnir að róast aðeins.

Og meðan við hér á vesturlöndum höfum öll vopnin, og þeir ekki, þá erum við örugg. Það versta sem þeir geta gert er að fljúga nokkrum flugvélum á áberandi byggingar. Það er ekkert til að hafa stórar áhyggjur af. Á hverju ári deyja fleiri í Svíþjóð úr flensu en fórust í USA þarna um árið. Og enginn kvartar í Svíþjóð.

Á meðan þeir eru ekki með kjarnorkusprengjur, þá getum við verið sátt.

Drífum nú í því að finna upp samrunaorkuver og byrjum að dunda okkur við að brenna ólífuolíu eða eitthvað í stað jarðolíu svo þessir asnar fái ekki peninga frá okkur til að stunda sín myrkraverk.

Amen.

Tölvuleikur fyrir ykkur.

Dagur 325 ár 2 (dagur 690, færzla nr. 360):

Ég var að velta fyrir mér:

Er rukkað fyrir kalda vatnið sem kemur úr heitavatns-krananum sem heitt vatn? Það er nefnilega frekar lengi að hitna, tek ég eftir.

***

Ég var að hlusta á fréttir í gær. Þeir voru að segja að margir vel efnaðir menn úr viðskiftalífinu væru að mæta upp á spítala með brjóstverki. Hjartaáföll vegna kókaínneyzlu.

Ég hugsa: er það þess vegna sem þeir þurfa að vera á ofurlaunum? Til að fjármagna neyzluna? Kannski eru þeir með gæja niðri í kjallara sem dundar sér við að framleiða amfetamín? Hver veit? Kannski er það það sem veldur því að húsin þeirra eru dýr: stórir kjallarar undir vafasama gróðurrækt og úrvinnzlu.

Það gæti líka útskýrt nálægð ríkramannahverfa við skólpdælur. þá eru þeir nær áburðinum. Auðvitað... þetta smellur allt saman.

***

Og já...



Amen.

Dagur 324 ár 2 (dagur 689, færzla nr. 359):

Íslensku tónlistarverðlaunin voru afhent í gær. Ég sá það. Sá einhverja djasstónlistarmenn spila. Þeir voru fjórir, og spiluðu sitt hvert lagið, samtímis. Það hljómaði afar illa, svo ég tók hljóðið af eftir skamma stund.

Auðvitað fengu þessir menn svo verðlaun.

***

Kosningar til stúdentaráðs eru seinna meir. Bæklingur Háskólalistans summaði stöðuna þar ágætlega upp með tilvitnun í gamalt lag: "Stuck in the middle with you".

Já. Þeir hafa jú fulltrúa í ráðinu. Kannski honum fynnist lagið tala til sín eftir hvern fund. Textinn er nefnilega: "Clowns to the left of me, jokers to the right", og svo framvegis.

Ég hata pólitík.

Pólitík er grámennska í öðru veldi. Menn fara út í pólitík til þess að fá borgað. Til þess að fá borgað er nauðsynlegt að vera í flokki, og vera kosinn. Til að komast nógu hátt þarf að vera sá gráasti af þeim öllum, með engan persónuleika, engar skoðanir, bara segja já og amen við öllu, fljóta ofaná hinum skítnum.

Pólitík stefnir að engu nema að vera vinna fyrir menn sem eru hæfileikalausir. Sósíópatar verða oft góðir stjórnmálamenn. Þeir bera ekki ábyrgð á neinu.

Svo rífast þeir, lengi. En um ekkert. Þeir eru í raun bara að fela að þeir eru að hafa af okkur peningana okkar með ofbeldi. Öðru hvoru hóta þeir að stofna her, og ef það er ekki samþykkt, að stækka víkingasveitina. Þið vitið, gaurarnir sem koma og lemja ykkur ef nágranninn sér ykkur handleika ryksuguna ykkar á grunsamlegan máta.

Mig langar ekkert að borga þessu fólki. Í barnó var það auðvelt, maður bara greiddi ekkert í félagsaðstöðuna. Ég er enn afar stoltur af því að hafa ekki ýtt undir stjórnmálamenn framtíðarinnar.

***

Það eru að koma mánaðarmót. Eftir 4 daga eða svo. Þá geta menn farið að hafa áhyggjur af því hvort þeir hafa efni á afborguninni á gallabuxunum sínum. Það verða um 10.000 kr samkvæmt auglýsingunni.

Já, það held ég að þið hefðuð átt að kaupa ódýrari gallabuxur. 10.000 á mánuði er ennþá allt of mkið.

Dagur 322 ár 2 (dagur 687, færzla nr. 358):

Ég var með ekkert til að skrifa um, svo ég áhvað að kíkja á blöðin... þ.e.a.s. blöðin á netinu, mbl.is, visir.is. helvitiskjaftaedi.is og bullogvitleysa.com.

Gassprenging á Selfossi. Það gæti verið flott, en nei, það var víst bara smá púff, bara rétt til að svíða hár húseiganda. Mig sem var farið að hlakka til að aka um Selfosslaust suðurland.

Heimili minnka en neyzla eykst. Athyglisvert. Ég vissi ekki að meðalfjöldi á heimili væri 2.58 manns. Þegar ég last þetta flaug í gegnum huga mér brot úr laginu þarna, þessu með manninum sem ég veit ekki hvað heitir, en það er afar jarðarfararlegt: mér finnst ég hvorki heill né hálfur maður... eða eitthvað í það veruna.

Kannski eru þetta raddirnar sem ég heyri stundum á kvöldin? Allt þetta ráp upp og niður stigann og uppi á lofti þegar amma er í heimsókn hjá Völlu? Þessi 0.58 maður sem býr á hverju heimili.

Útgjöld ömmu lækka smám saman, eftir því sem síast inn hjá henni að ég er ekki 1.58 maður. Það hlytur að vera verðhækkun. Það er ríkið, er ég viss um. Hærri skattar, ekki bara á mat, heldur gjöld á byggingar og álögur sem leggjast beint á starfsfólk. Allt þetta berst nefnilega út í verðlagið.

Það er ekki að sakast við Jóhannes í Bónus.

Á Vísi fæ ég þær upplýsingar að Jóhannes Kjarval vinni hjá borgarskipulagi. Það er þá ekki að undra að skipulag sé svolítið... heimskulegt. Kjarval er nefnilega dauður. Nú, og uppvaktar leyfar fá að ráða hvað er byggt. Ég vissi það! Þetta hefur mig lengi grunað!



Af fundi skipulagsnefndar.

Meira en nóg til af eistum. Athyglisvert. En fyrst það er svo, til hvers að flytja þá inn? Ég meina, er ekki betra að flytja inn pólverja? Það eru fleiri pólverjar hér, svo þeir geta talað við hvern annan. Eða króata. Fyrst það er nóg af eistum þá þurfum við varla fleiri.

Ríkisstjórn Kanada fallin. Og? Senda þeir þá sendiráðsfólkið okkar til baka? Við getum bara vonað...

Kanadísk pólitík í stuttu máli.

Í öðrum féttum:

Kemur oft fyrir, er ég viss um.

Kis kis...

Hvernig virkja ég þennan eiginleika?

Vatn er vinur ykkar, alltaf að hlusta á ykkur...

Já...

Dagur 320 ár 2 (dagur 685, færzla nr. 357):

Mig langar í svona...



Eða svona...



Loksins, nýir bílar sem líta betur út en árgangurinn á undan. Þeir eru að læra af Ford. Mustang er víst það eina sem selst af viti.

***

Hey... dollarinn er á lágu gengi...

Dagur 319 ár 2 (dagur 684, færzla nr. 356):

Keypti meira panódil. Neyddist til þess; þarf að borða pillur eins og smarties bara til að líða ömurlega. Betra verður það ekki án þess að fá eitthvað lyfseðilsskylt.

***

Ég held að fólk sem talar í fjölmiðla sé oft mjög vitlaust. Nú seinast rakst ég á í blaðinu að einhver var að halda því fram að niðurstöður prófkjörs væru ólýðræðislegar því svo fátt kvenfólk var kosið.

Ég hélt að það væri lýðræðisleg að kjósa, og hey, ef fólkið vildi ekki þær dömur sem báðu sig fram, þá bara fúlt fyrir þær.

Ólýðræðislegi parturinn af prófkjörum er þegar aðilar bjóða sig fram í tiltekin sæti. "Kjósið Dodda í 1-2 sæti, Patta í 2-4, Lóló í 3-5 og Fífí í 4." Í raun er verið að segja: þetta er uppröðunin sem við, yfirvaldið, viljum. Fáir víkja frá því, enda er fólk alveg afskaplega tamið.

***

Þátturinn "Engið lyktar eins og fjólublár" mun hefja göngu sína í næstu viku. Aðalpersónur verða þunglyndi arkitektinn Mangi Snær, fórnarlambið Höskuldur Freyr, skapvonda ástkonan Eva María, ofvirki krakkinn Máni Ösp, og ofur-alvarlegu rannsóknarlöggurnar Kormákur og Páll Óskar.

Plottið snýst um það að fórnarlambið Höskuldur er næstum myrt, og ofur alvarlegu löggurnar grunar að einhver annar en líklegustu aðilar hafi verið þar að verki. En allt það er aukaatriði því þetta snýst í raun allt um hvort skapvonda ástkonan Eva eða Þunglyndi arkitektinn Mangi fá að halda leiðinlega krakkanum um helgar.

Þættirnir munu að öðru leiti vera Innlit/Útlit með plotti.

Dagur 317 ár 2 (dagur 682, færzla nr. 355):

Ég er að verða búinn með panódilið hennar ömmu. Síðan í fyrradag.

Það hljóp nefnilega einhver ferlegur verkur í bakið á mér, og vill ekki fara.

Þetta er samsæri, það er ég viss um. Alheims-samsæri æðri máttarvalda, sem leggjast gegn því að ég sofa út heila nótt. Ég kæri mig ekkert um að vakna tvisvar á nótt vegna einhverra dularfullra verkja.

Það er ekki eins og ég viti hvað kemur til. Ég hef ekki dottið niður stiga neitt nýlega, ekki snúið harkalega uppá mig eða neitt. Nei, þetta er ekki eins og sárin sem ég fæ oft á hendur og fætur án þess að taka eftir því. Það er nefnilega hugsanlegt að ég reki mig í hluti án þess að verða þess var.

Málið er, að mér dettur ekki í hug neitt sem gæti valdið þessu hjá mér.

Og ég get ekki hugsað um neitt annað. Þarf eitthvað sterkara en panódil.

Dagur 314 ár 2 (dagur 679, færzla nr. 354):

Íslensk dagskrárgerð... *andvarp*

Ég horfði á einhvern ferlegan þátt með afar tyrfnu nafni í gær. Ég missti af plottinu. Horfði í áttina að sjónvarpinu, sá karakterana hreyfast um og allt, en hugurinn reikaði annað.

Þvílíkt gífurlegt hágæða efni, sem heldur manni svona við efnið.

Jæja, það sem ég man var að það var þessi gæji sem var með þennan afspyrnuleiðinlega krakka að láni. Ég veit ekki af hverju. Ég hefði ekki tekið þennan krakka neitt þó ég hefði fengið borgað fyrir það.

Allavega, þessi gæi var Ofur-Plebbinn, eða eitthvað svoleiðis: hann ók Landcrusher jeppa, átti hest, og vann hjá fyrirtæki sem gerði ekkert.

Svo var líke einhver gæi sem datt niður stiga og róni sem leit út eins og vondi kall NR. 4 í japanskri gangstermynd.

Ég vil fá "Réttur er settur" aftur!

Dagur 312 ár 2 (dagur 677, færzla nr. 353):

Aygo kostar minna en tvennar gallabuxur; einungis 20.000 krónur á manuði. (Eða þar um bil.) Eða það er að minnsta kosti það sem útvarpið segir mér.

Ég veit ekki með ykkur, en ég borga ekki mánaðargreiðslur af mínum gallabuxum. Reyndar held ég að allar mínar buxur hafi kostað minna en 20.000 í heildina. Þær dýrustu sem ég veit um kostuðu mig rétt um 3.000 krónur, allt út og ekkert á mánuði.

Ég á líka skó sem kostuðu 3.000 kall. Þeir eru mjög þægilegir.

Hvað ætli það séu margir þarna úti sem borga 10.000 krónur á mánuði fyrir gallabuxur?

Dagur 310 ár 2 (dagur 675, færzla nr. 352):



Ég hef ekkert meira um málið aðsegja.

Dagur 307 ár 2 (dagur 672, færzla nr. 351):



Jæja, þá er þrettándinn búinn.

Það var leiðindaveður þá. Rok, rigning, akkurat nákvæmlega ekki gott veður til að þvælast úti við einhverja brennu.

Þess vegna nennti ég ekki á neina brennu. Með aldrinum færist yfir mig vit á að gera ekki slíka hluti. Þess í stað held ég mig heima í hlýjunni. Það er nefnilega mín trú, að ef mér er ekki kalt, þá eru meiri líkur á að mér sé hlýtt.

Ég sá að kunningjar mínir tendruðu sér bál í Helgafelli um áramótin. Það var öllu stærra og greinilegra en áður. Næst verða þeir væntanlega með leisersjó. Það verður að minnsta kosti flott ef það verður þoka þá.

Já.

En hvað gerist á árinu? Munum við öll deyja úr hinni ógurlegu fuglaflensu eins og alltaf er verið að hóta okkur? Hver veit?

Dagur 303 ár 2 (dagur 668, færzla nr. 350):

Nýtt ár...

Og hvað með það?

Fer að gjósa á þessu ári? Mér fannst það vanta á seinasta ári. Of mikið Baugsmál, of lítið eldgos.

Hvað með það þó páfinn hafi hrokkið uppaf? Sá nýi er nógu gamall til að fylgja fast á eftir honum í gröfina. Innan fimm ára, giska ég, í mesta lagi tíu. Páfar, líkt og aðrir menn, eldast og deyja.

Svo komu einhverjir jarðskjálftar, en þair urðu flestir í öðrum, fjarlægum löndum sem koma okkur ekkert við.

Smá óeirðir, smá stríð, en ekkert á íslandi. Það vantar alveg óeirðir hér á skerið. Almennileg átök. Eitthvað sem víkingasveitin ræður ekki við.

Að vísu er á mörkunum að þeir ráði við menn sem ganga um með eitthvað sem lýkist byssu en er í raun ryksugurör, en það er annað mál.

Jú, það var aðeins sprengt í Bretlandi. Ekkert sem vert er að hvarta undan þó, þar sem ég varð ekki fyrir neinum óþægindum sökum þess, og reyndar varla að Bretar hafi fundið mikið fyrir því. Það hefur aldrei verið mikið sprengt í Bretlandi, fáir drepnir. Ekkert í lýkingu við til dæmis það sem hefur gengið á í Þýskalandi eða Póllandi.

Lítill hasar.

Það vantar alvöru stríð. Með tölu látinna uppá nokkrar milljónir. Alvöru bardaga, a la Sevastopol eða Stalingrad. Ekker Bagðdad crap.

Amen.