Dagur 80 ár 4 (dagur 1175, færzla nr. 551):

Í dag var góður dagur til að fara með hundinn niður í fjöru og leyfa honum að baða sig upp úr grút. Því hundum finnst það svo gott.

Eitthvað er nú kvikyndið samt orðið slappt eitthvað. Nennir varla að hlaupa á eftir köttum lengur. Slen, held ég, eða elli. Dýrið er jú 12 ára. Sem er eins og hvað? Ég veit ekkert hvernig þessi hundaár eru útreiknuð. Sennilega há elli. 250 ár eða eitthvað.

Kannski þarf að þvo hundinn á eftir. Er ekki aleg viss um hvernig á að gera það - seinast henti ég dýrinum bara í baðið, smúlaði það, setti á það sjampó og hárnæringu og skolaði svo vel. Læt einhvern annan stressa sig á því, held ég.

Hvað annað á svosem að gera en að labba með hundinn?

Dagur 78 ár 4 (dagur 1173, færzla nr. 550):

Og þegar ég er búinn að vera hér í um viku, þá hefur þegar einhver kveikt í bíl uppi á velli sér til skemmtunar og yndisauka - en samt ekki alveg viljandi - Björn búinn að flytja inn 2 finna í óljósum tilgangi - sennilega til að láta þá sópa gólfið eða eitthvað, veit það ekki, og ... já. Mér tókst ekki einusinni að vera á eyjunni fyrstu vikuna. Var sendur út af örkinni til að borða humar í Hvalfirði.

Þetta er svona eins og venjulega bara að öðru leiti.

Hvað get ég nú gert af mér?

Dagur 70 ár 4 (dagur 1165, færzla nr. 549):

Þetta er orðið öðruvísi en í gamla daga.

Í gamla daga, allt þar til bara núna nýlega, eyddu bílar bara 10 lítrum á hvert tonn, á góðum degi. Sumir bílar undir 800 kílóum komust undir 5 á hundraðið, ekkert mál. '82 Ford Fiesta til dæmis, og Suzuki Alto. Alto með sjálfskiftingu mun hafa eytt um 10. Þessir bílar voru með low-tec blöndung.

Svo komu allar þessar öryggskröfur - uppúr 1990. Og farartækin þyngdust talsvert. Ég skora á ykkur að fynna bíl undir 800 kílóum núna. Það var allt fullt af þessu einusinni. Núna? 1100 kíló, lágmark. Meðal fólksbíll er um 1300 kíló. Til samanburðar, þá er 1988 Dodge Aries ekki nema 1050 kíló, það sama og 1985 Honda Accord, og Ford Taunus er jafnvel léttari. 1995 Corolla með aðeins 2 hurðum er 1050 kíló. Svei. Miklu minni bíll. Og 1975 Ford Torino er svona 1800-1900 kíló.

Ég vil kenna hraðari þróun um.

Bílvélar þróuðust svo andskoti hægt eitthvað framanaf öldinni. En samt ekki. Þetta dót var allt til strax árið 1930, það var bara ekki notað því það var svo dýrt - svona eins og yfirlyggjandi knastásar og hvað þetta nú allt heitir. Extra ventlar... blah bla bla.

Það voru blöndungar í bílum allt fram til 1990, þó beinar innspýtingar hefðu verið fundnar upp fyrir 1960. 230 Bens vélin er að megninu til frá því 1930.

Kaninn var mjög aktívur í vélunum eftir stríð. Hann var aðallega í því að gera þær stærri og öflugri. Hvað þaær eyddu skifti minna máli. Þess vegna voru á mörgum þeirra 4 hólfa blöndungar, stundum tveir, og hemi heddarar, jafnvel forþjöppur. Sem er allt gott og blessað ef maður vill bíl sem nær 250 km hraða á svona 10 sekúndum, en eyður allt að 100 á hundraðið á meðan.

Venjulegur amerískur bíll, til dæmis svona Tórínó, var að eyða alveg vel 25 á hundraðið. Svoleiðis bíll var kannski með 302 eða 351 Windsor eða 429 V-8. 7 lítra mótor. Með þannig vél gat maður séð bensínmælinn fikra sig niður ef maður gaf hraustlega í.



1975-6 Ford Torino

Núna? Volvo XC90 er meira en 250 kílóum þyngri, en eyðir samt minna. Að vísu á langkeyrzlu, en samt... talaði við gæja um daginn sem kom akandi á Lincoln navigator. Sá sagði að bíllinn eyddi þetta 15 á hundraðið hjá sér.



Þetta er 1975 Ford Tórínó. Sorrý, nútíma ökutæki eru bara ekki fyrir augað.

Svo það hefur einhversstaðar orðið gífurleg framför, sem er eins gott, því djöf... druslurnar eru að safna spiki á undraverðum hraða. 2.3 tonn? Þetta er allt hljóðeinangrun. Í raun er bíllinn bara 1 tonn.

Dagur 67 ár 4 (dagur 1162, færzla nr. 548):

Sjáum nú til, ég spáði að kosningarnar færu svona: "D fær 40%, S fær 25%, VG fær 10%, F fær 7-8%, B fær 10%" (1.1.07 - skoðið bara sjálf). Og hvernig fór? Jú, einhverjar Serbneskar lessur unnu þetta!

Nei annars: D fékk 36,6%, S fékk 26,8%, VG fékk 14,3%, F fékk 7,2%, B fékk 11,7 og I fékk 3,3%, en ég gerði ekki einusinni ráð fyrir þeim flokk.

Sem sagt, það skeikaði ekki nema 3,4 á D, 1,8 á S, 4,3 á VG, 1,7 á B og ég var með F nokkurnveginn rétt. I var hinsvegar 100% rangt, þar sem ekki var gert ráð fyrir þeim flokk. Nálægt...

En hvað um það. Mér heyrðist að einhverjir hefðu verið að stroka Árna Johnsen af listanum. Hvað á það að þýða? Það er fullt af fólki á D lista sem má alveg stroka út; Solla á Gullkamrinum, Björn Bjarna, Þorgerður "Ljóska" Katrín; og þeir strika yfir Árna? Hvað er að? Þetta fólk er sko ekki af suðurlandi, það er ljóst! Ef svo er, eru það svikarar. Að strika yfir eina manninn í flokknum sem gerir eitthvað af viti? Svei! Svei svei svei!

Dagur 65 ár 4 (dagur 1160, færzla nr. 547):

Rölti niður í bæ til að sjá risaskessuna. Eða hvað sem þeir kalla þetta. Heimsins stærstu strengjabrúðu. Það var fullt af áhugaverðum bílhræjum á leiðinni. Ég veit ekki hvar þeir hafa fundið svo marga bíla með skoðunarmiða síðan '04.

Og hvernig þeir stóðu að þessu með strætó... það var afar tilkomumikið.

Svo rölti ég upp laugarveginn - eða niður laugarveginn. Ég fór einhverja krókaleið upp að Hallgrímskirkju allavega til að skoða þetta risadýr þarna. Hitti á leiðinni niður nokkra furðufugla vafða inn í álpappír. Þeir höfðu hátt. Hef ég þá grunaða um fyllerí.

Fékk líka pylsu. Sem var ágætt, því ég var svangur. Kosningar eru svo sniðugar þannig. Þetta er samt fyrsti maturinn sem ég fæ alla baráttuna.

Ég er búinn að kjósa. En þú?

***

Mynd vikunnar:



Mynnir svolítið á plötuumslagið á Nevermind með Nirvana...

Dagur 61 ár 4 (dagur 1156, færzla nr. 546):

Frakkar kusu um daginn yfir sig mann sem er 165 cm á hæð. Samkvæmt fréttum. Jamm. Þá veit maður það. Frakkar hafa góða reynzlu af lágvöxnum þjóðarleiðtogum. Napóleon var ekki nema 82 cm, og hans er enn minnst út um allan heim.

Sem mynnir mig á það, að lágvaxnir höfðingjar hafa of lent í vandræðum eftir að hafa gert innrás í Rússland. Vonandi gerir þessi Sarkósí ekkert slíkt.

Af innlendri pólitík er það að frétta að hún er jafn spillt og venjulega. Þetta ríkisfangsmál er svo augljóslega eitthvað málum blandið að það er kvalafullt að fylgjast með því, og þetta löggudæmi... auglýstu þeir virkilega í lögbirtingu daginn sem fresturinn rann út, og létu gott heita? Og svaraði Rétti maðurinn? Vona ekki. Það yrði miklu fyndnara ef það væri einhver allt annar.

"*Sigh*, við vorum nú eiginlega að vonast til að ráða Togga, en... fyrst þú ert sá eini sem sóttir um..."

Efast um það, samt.

***

Bremsurnar í Kangónum eru að fara. Ég heyri hljóðið sem kemur þegar klossarnir eru horfnir, og málmur nuddast við málm. Jæja... það gæti verið verra. Síðasta sumar brotnuðu bremsurnar af einum af þessum bílum. Það var... áhugavert. Ég lenti ekki í því. Það er samt afar áhugaverð tilfinning, veit ég, að lenda í því að bremsurnar hætti að virka. Hef lent í því. Leið bara mjög vel á eftir.

***

Ég er svolítið syfjaður. Kannski ætti ég að hringja í sjúkrabíl?

Dagur 58 ár 4 (dagur 1153, færzla nr. 545):

Próf í gær. Ekkert að frétta af því. 60%, skilst mér. Eh. Ég fékk gott úr öllu hinu, þannig ég þarf bara að fá 5. Það eru svona 50% líkur á því. Ég er 100% örugglega með hærra en 1. Ég vissi nefnilega örugglega svarið við 6 af 60 spurningum. Held ég.

Ef ekki... ja, þá hef ég eitthvað að dunda mér við á næsta ári.

***

Svo er það sumarvinnan. Ég ætti kannski að kíkja á Eimskip, og tékka hvort ég get ekki fengið vaktir á þeim dögum sem ég verð ekki á vellinum?

Í kína er hægt að fá vinnu við auglýsingar - hér til hliðar er einmitt mynd af nokkrum kínverskum stelpum að auglýsa sápu. Þeir gera þetta pínu öðruvísi þar. Auglýsa hlutina eins og hugmyndin var að þeir væru notaðir. Sem fær mig til að velta fyrir mér hvernig kínverskar dömubindaauglýsingar eru...

Hvað um það. Sumarið er á leiðinni, ef ekki hreinlega komið. Og þá mun verða sól, og veður og... fyllerí... og kappakstur, og fullt af öðrum hlutum. Alltaf þegar skólinn er búinn, um, leið og sólin er komin á loft, fer fólk út að keyra. Liðið er ekkert búið að sletta úr klaufunum í allan vetur. Annað hvort stendur það bílana flata, eða það fer niður í bæ og lemur einhvern.

Það er sumar, tími fyrir útivist. Í vetur héldu menn sig heima til að berja á hvor öðrum innan dyra.

Það er kominn tími til að fara út, og þenja drusluna. Til þess voru þær keyptar. Nema liðið sem fékk sér Landcrusher. Það þarf að þenja þær druslur bara til að vera ekki hreinlega fyrir.

Eða ertu kannski sammála umferðarstofu/ráði/stofnun?

Ókey. Ég skal segja eitthvað sem þér geðjast þá:

Ef þú ekur of hratt muntu deyja. Börnin þín munu fá krabbamein og deyja. Litlir sætir páskaungar munu deyja. Deyja deyja deyja. Því þú keyrir of hratt. Krabbamein segi ég! Dauði dauði dauði. Og MS og kólera og AIDS, þetta mun allt spretta upp úr jörðinni og láta ykkur öll rotna að innan.

Nema þið séuð kjur. Þá muniði ekki deyja. Því hraði drepur! Verið kjur. Verið heima hjá ykkur.

Annars deyr þetta loðna dýr:

Dagur 55 ár 4 (dagur 1150, færzla nr. 544):

Ég var að hugsa, í framhaldi af fréttum um daginn: ef það er svo að lóðaverð er of hátt fyrir alla nema þá sem hafa 400K og yfir á mánuði, hvernig fer þá með liðið sem er í láglaunastöðum, eins og götusóparar? Þeir geta brátt ekkert búið í Reykjavík. Og tæplega hafa þeir efni á einhverju meiriháttar commute til vinnu. Svo þeir geta varla unnið í Borg Óttans, er það?

Svo heyrði ég af fjöldanum öllum af auðum húsum þarna uppi á heiði. Ekki það að þau skorti í mínu nánasta umhverfi. En hver vill kaupa þetta? Ég meina, þetta eru allt forljótar og illa smíðaðar fúnkisbyggingar. Smíðaðar af pólksum kolanámumönnum sem hafa aldrei blandað steypu, og sennilega minnst sofið á vinnutímanum, sem er ekki til að bæta verklagið.

Klæðningin datt af skuggahverfisblokkunum. Ef þið trúið mér ekki, akið þá þar framhjá og lítið á.

Það hefði verið betra að leyfa hverjum að smíða það sem hann vildi þarna.

En hvað um það. Nú, þegar fólk vill frekar búa í Keflavík en í 101, þá býst ég við að aðeins ein gerð af fólki muni sitja þar eftir: fólk sem kypti áður en verðið fór yfir kaupgetu. Og nú geta þau ekki selt, því enginn hefur efni á fasteignunum, nema bankinn.

Ég býst við að bankinn muni líka eignast þessa kofa uppi á heiði, þegar verktakinn annaðhvort fer á hausinn, eða selur til að hindra að hann fari á hausinn - og þeir einu sem geta borgað uppsett verð eru bankarnir, og þeir munu gera það til að hindra að verðið lækki.

Hvað svo?

Nú, bankarnir gætu skifst á íbúðum innbyrðis til að halda verðinu uppi. Keypt upp allt 101 svæðið. Þá byggju þar engir. Þetta væri eins og Kalli er einn í heiminum.

Svo, þá geta þeir gefið þessi hús sem hluta af starfslokasamningum. Eða, þeir geta gefið góðu starfsfólki þau. "Vinnið hjá okkur í yfir 10 ár, og fáið hús!" verður nýtt slagorð KB. Það er ég viss um að margir eru til í að vinna á taxta verkalýðsfélaganna, ef á móti kemur frítt húnæði. það er góður díll.

Svo ég segi það: í framtíðinni munu einungis bankamenn og gamalmenni búa í Borg Óttans. Gamalmennin því þau bjuggu þar fyrir, hinir af þeim ástæðum sem ég gaf upp. Börn bankamanna munu sjá um að sópa göturnar. Vinnuskólinn, sko. Allir aðrir munu búa í Keflavík, Sandgerði og Vogum.

Árið 2050 megiði grafa þennan póst upp og sjá hvort ég hef ekki haft rétt fyrir mér.

Dagur 52 ár 4 (dagur 1147, færzla nr. 543):

Ég var að velta fyrir mér hvað það kostar að byggja í Borg Óttans. Við gefum okkur að maður vilji byggja einbýlishús. Gott, þá þarf lóð. Borgarstjórn er ánægð að selja okkur eina á okurverði, eða 11 milljónir. Í eyjum er hægt að fá hús fyrir það. Hús á lóð. Og bíl. Í Ólafsfirði er hægt að fá götu með nokkrum húsum. Kannski líka bíl.

Nú, mér skilst á auglýsingum sem ég hef fengið frá bankanum, að ég geti fengið lán með 5% vöxtum.

Allt í lagi, 5% vextir af 11 millum er 550.000 á ári. Það gerir 45.900 kall á mánuði, bara vextirnir. Segjum sléttar 50.000, og þá borgast höfuðstóllinn upp á... 183 árum. Eða aldrei, semsagt. Svo við þurfum að borga 60K á mánuði minnst, bara til að eiga lóð, og búa í tjaldi á henni. En sniðugt.

Launin sem maður þarf að vera á þá eru: 60K fyrir lóð, eða 720K á ári, 200 fyrir bíl, eða 60 fyrir strætó (og mæta þá kvefaður og of seint í vinnuna - OG heim!), 20-50K fyrir mat, og hvað meira? Áttu börn? 2000 kall á dag, stykkið. Sleppum þeim, ég held ég eignist engin svoleiðis hvort eð er.

Talan er: 800-970K á ári fyrir barnlausan einstaking í tjaldi. Þá verður viðkomandi að þéna 67-81K á mánuði eftir skatt til að standa á sléttu. Sem er bara ekkert gaman. Það er alveg hægt, en þetta er bara lóð, munið?

Og ef þú vilt hús ofaná lóðina?

Hvað kostar hús? 50 fermetra kofi er svona 4-5 millur, 185 fm hús er á um 10-11 (sjá link - snjóhús, hin gerpin eru ekki með verðlista.). Þá þarf að punga út öðrum 60 K á á mánuði, sýnist mér.

Sko: raunsætt verð fyrir almennilegt hús (sem manni verður svo bannað að smíða því þakið á því lekur ekki, eða það er ekki nógu ljótt og fellur því ekki inn í götumyndina, eða einhverjum hjá borginni er illa við þig því þú ert ekki í flokknum, eða hefur engar vörtur á nefinu eða eitthvað) er svona 15 milljónir, tilbúið til búsetu.

11+15= 26, sem þýðir 109K á mánuði bara í vexti. Þetta verða líklegast 150.000 á mánuði þá. ARG!

Og launin sem maður þarf þá að hafa eru: 150 á mánuði í húsnæði, eða 1800K plús 240-600 í mat og 200 í bíl á ári = 2.1 - 2.6 millur á ári = 175 - 220 á mánuði, eftir skatt.

Sko, í álverinu fær maður alveg 175K á mánuði, en hey! Fær maður aldrei að fara í frí? Aldrei bíó, aldrei neitt. Og ef þú átt krakka... suss. Þú munt fara á hausinn. Nema þú farir að vinna í KB banka sem einhvert númer.

Það var líka að renna upp fyrir mér að maður verður að vera á eldgömlum bíl, og húsgögnin verða að vera gefins/stolin.

Það er engin furða að fólk búi frekar í Hafnarfirði, Garðabæ eða í Keflavík. Það svarar kostnaði að keyra. Þá gefst líka meiri tími til að hlusta á Motorhed...

(við skulum svo gera okkur grein fyrir því að þetta stendur og fellur með því að maður geti fengið lán með 5% vöxtum. Gangi ykkur vel með það.)

Dagur 51 ár 4 (dagur 1146, færzla nr. 542):

Hve langt er þangað til nammi verður bannað? það mun byrja með merkingum á gúmmíköllunum: "Gúmmíkallar drepa" & "Gúmmíkallar innihalda sykur, sem er ávanabindandi fíkniefni," & "sykursýki getur valdið missi útlima" meðfylgjandi verður mynd af manni með staurfót. Á hækjum. Með sorgarsvip.

Auðvitað valda gúmmíkallar ekki sykursýki, en haldiði í alvöru að liðið sem boðar og bannar hafi einhvern áhuga á sannleika?

Forræðishyggjumaður: "Sjáðu! Ef við sprengjum 5 kíló af TNT á stuðaranum á þessum bíl er það alveg eins og ef hann klessir á vegg á 150!"
Fréttamenn: "Ú! A!"
Forræðishyggjumaður: "Allir sem aka á meira en löglegum hraða eru hryðjuerkamenn!"
Fréttamenn: "Ha?"
Forræðishyggjumaður: "TNT!"

Aha... ef þú ekur á 150 kílómetra hraða... þá munu þeir setja TNT á bílinn þinn... ??? Hvar eru svo þessi slys sem orsökuðust af of hröðum akstri? Það hefur enginn sagt það ennþá. Hvorki mér né öðrum.

(Reyndar hefur Reynir Helgi bent á að þegar kemur að slysum, er allur hraði of mikill. Það er nefnilega svo, að 2 kyrrstæðir hlutir munu aldrei snertast, sem er alger forsenda árekstra. En ekki dugir okkur að sitja bara kjur og gera ekkert. það væri verra en öll slys.)

Það eru líka skuggalega margir orðnir hryðjuverkamenn núorðið: eiturlyfjasalar, vegfarendur, flugfarþegar...

Næsta skref er fólk sem fær sér nammi. Þú borðar gúmmíbirni, ergo, þú ert terroristi. Vegna þess að feitt fólk fær sér oft gúmmíbirni/kalla.

Við þurfum nauðsynlega að róa að því öllum árum að manneldisráð fái aldrei völd. Þeir urðu fúlir þegar verð á gosi lækkaði með annarri neyzluvöru hér um daginn. Þótti það ótækt. Vildu beita neyzlustýringu, sem hefir að mér virðist alltaf virkað þannig að þegar óhollar vörur sem fólk vill hækka í verði hættir fólk að neyta þeirra hollu vara sem það þó neytir til þess að eiga fyrir óhollustunni. Sem er mjög hollt, að sjálfsögðu.

Og það mun verða beitt refsingum með tímanum: fyrst eru menn sektaðir fyrir að borða gúmmíkalla á almannafæri, svo verður fólki stungið inn fyrir að smygla inn pepsíi, og mjög feitt fólk verður skikkað í megrun.

Fiskur og salat í öll mál, því það er svo hollt. Svo fáum við öll niðurgang vegna E-kólí í salatinu og þungmálmaeitrun og orma úr fiskinum.

Rakst á sögu með þessu plotti.

Svei! Á móti kemur, að þá verður mannát alveg góð hugmynd: fullt af hægfara og sljóum grænmetisætum, þjáðum af B-vítamín og sykurskorti.

Svo kemur löggan. Það verður heimins skemmtilegasta umsátur. Maður tilkynnir bara reglulega að maður ætli að gefast upp, og hleypir þannig löggunum inn í hollum. Svo er bara lokað, og ekki gefist upp aftur fyrr en sá skammtur er búinn. Allt voðalega fit fólk, að sjálfsögðu.

Zeró sykur, alger greindarskerðing. Maður þarf kolvetnin til að hugsa. Og kjöt.

Verum frjáls, verum hryðjuverkamenn. Fáum okkur gúmmíkall. Og Kók, því það fer svo í taugarnar á manneldisráði. Og það er gott fyrir heilann.

Dagur 50 ár 4 (dagur 1145, færzla nr. 541):

Sá um daginn - held örugglega á miðvikudaginn - þessa bjána í umferðarforræðinu sprengja þennan Volvo í loft upp. 5 kíló af TNT. Ekki beint öflugasta sprengiefni í heimi, en hey... all in good fun.

Og nú vitum við hvað gerist ef maður lendir í því að teroristi setur 5 kíló af TNT á stuðarann á Volvónum manns og detinetar það þegar bílnum er lagt fast upp við steinvegg.

Við þurftum öll að vita það.

Nú þurfum við bara að komast að hvað gerist ef Volvo 244 er ekið á steinvegg á 150 kílómetra hraða. Ég þori að veðja að útkoman mun verða áberandi öðruvísi. Og flott. Alveg virkilega flott.

Jæja: Hér er verið að misþyrma Toyotu Auris með bunka af álþynnum, staur, og svo frv. Árekstur við téðar þynnur á um 50 km/h.

Víetnam-bíll vs. steinveggur á... hraða? var ekki 60 standardinn þá? Mér sýnist þetta vera meira í lýkingu við 150... úff!

Trukkur á 100 kmh vs röð af bílum.

Volga vs. álþynnur á 64 km/h.

Fjör!

Ljósastaur vs. Fiesta

Já. Þetta var skemmtilegt. Ekkert TNT þó. Ekkert lýkt því einusinni.

Dagur 47 ár 4 (dagur 1142, færzla nr. 540):

Var úti að keyra í gær. Fyrri það fæ ég víst greitt. Ók framhjá þessu ljósi aftur. það blikkaði mig, og það kom mynd af fílukalli. Jamm, ljósið birti mér fílukall. Dásamlegt. Ég man að ég ók þarna einusinni framhjá miklu hraðar, og fékk fílukall þá líka. Reyndar man ég ekki til þess að hafa fengið annað en fílu, sama hve hratt ég hef ekið.

Nú er illt í efni, því bíllinn kemst ekki hraðar en 100, kannski 120, og ég veit ekki hve hratt þarf að aka til að fá broskall. Og þessi bíll er nú enginn Ferrari.

Svo ég segi: Fokk Jú fílukall. Blikkaðu bara. Mér er sama. Jájá, sýndu bara Steingríms J eftirhermuna þína. Helvítis kryppildi, alltaf í fílu, sama hvað. Tek ekki mark á svona löguðu.

Dagur 46 ár 4 (dagur 1141, færzla nr. 539):

Það styttist í kosningar. Rétt up hönd sem halda að þær fari öðruvísi en venjulega. Rétt upp hönd sem halda að það séu einhverjir hægri flokkar á íslandi.

Sko, það eru Kommar, það eru Fasistar, og það eru Frjálslyndir Demókratar.

Svo ég útskýri:

VG eru kommar. Þeirra helsti vandi er að Sovétið er hrunið, og sendir þeim ekki lengur stefnumálin beint frá Kreml. Ég held ég hafi sagt það áður. Bófar og landráðamenn, alltsaman.

Samfylkingin er Fasískur flokkur: Til að vera fasisti þarf maður að vera sósíalisti: tékk. Til að vera fasisti þarf maður að eiga óvinnandi óvin: tékk. Til að vera fasisti þarf maður að vilja sterkan Foringja: tékk.

Þeir hafa það allt: þetta eru vissulega sósíalistar; hlustið bara á allt þetta röfl um að fjölga barnaheimilum og það eigi að gefa öryrkjum alla peningana okkar.
Þau eiga líka fullt af óvinum, í gegnum kvennalistann alla karlmenn (ég sagði ekkert um að óvinurinn yrði að vera 1: til í alvöru, eða 2: einhver óvinur þeirra), Sjálfstæðismenn, og örugglega fleyri.
Og þau vilja sterkan Foringja: Ítalía hafði sinn Mússólíni, hann gerði ekkert marktækt; Júgóslavía hafði sinn Tító bandídó - viðurnefnið segir allt sem segja þarf; og Portúgal hafði sinn Szalazar. (Þið hélduð að ég myndi nefna einhvern annan! Hah!)

Já já já, ég veit þið viljið ekkert vera bendluð við Fasista, en það orð hefur bara verið notað sem blótsyrði svo lengi, að það veit enginn hvað það þýðir. Lærið, fíflin ykkar.

Mitt á milli S & VG er Framsóknarflokkurinn. Þeir eru Lénsræðismenn. Það verður best útskýrt með kvótakerfinu: Yfirvaldið á kvótann, og útdeilir honum til lénsherranna, sem selja hann til bændanna. Þeir sem eru ekki bændur fá ekki neitt. Þjóðareign? Jæja...
Svo er mjólkurkvóti, takmörk á fjölda leigubíla, það má ekki smíða hvað sem er á eigin lóð og svo framvegis. Þetta er lénsræði. Feudal system.

Sjálfstæðisflokkurinn er líberal-demókrataflokkur. Svolítið þjófóttir eins og kommarnir, (ég þekki persónulega mann sem hefur átt í vandræðum með land, og það eru víst fleiri) og svolítið gjarnir á að stjórna eins og feudalistarnir, (Ekki leggja þeir niður kvótakerfið, eða RÚV) með sterkan leiðtoga alveg eins og Fasistar, en þessi blanda er samt bara dæet útgáfan af öllu hinu.

En Fasistarnir vilja ekki kjósa þá því þeir smíða ekki nógu mörg barnaheimili, Framsóknarmenn vilja þá ekki því þeir afsala sér of miklum völdum til manna sem eru ekki í ríkinu (það var nú eitthvað reynt að taka fyrir það, en það var orðið of seint) og kommarnir vilja ekki sjá þá því þeir leyfa mönnum að komast upp með það nær refsilaust að eiga ekki bara eignir, heldur hafa tekjur líka. Sem er náttúrlega skandall.

Hinn Frjálslyndi sósíalistaflokkurinn er Frjálslyndi flokkurinn. Þeir eru alveg eins nema hafa eitthvað á móti kvótakerfinu.

Og þar sem Íslendingar eru allir fasistar, nema þessi 10% sem eiga pening inní banka og eru því frálshyggjumenn, og þessi 10% sem öfunda þá og eru því Kommar, þá kjósa flestir yfir sig Sjálfstæðisflokk, Samfylkingu og Framsókn. Allir aðrir munu fá samanlagt 15% fylgi, sem skiftir engu máli. Kannski 5-6 menn inn.

Ég tek ekkert mark á skoðanakönnunum.

Dagur 43 ár 4 (dagur 1138, færzla nr. 538):

Þá er þetta blogg búið að vera til í 1138 daga. Ekkert um það að segja svosem. En mér þótti talan kunnugleg - svo ég gúglaði henni, og fann þessa mynd. Auglýsing fyrir "THX-1138", eftir Georg Lúkas. Það var afar slæm mynd. Ekki horfa á hana nema ykkur hafi fundist "2001" eitthvað góð.

Um daginn fór ég í Stúdentakjallarann að horfa á bíó. Náði seinni hluta einhverrar myndar um gæja sem er í Kúbu þegar kommarnir eru að taka völdin. Enginn hasar eða neitt, bara fleyri skriðdrekar úti á götu. Svo voru kommarnir með einhvern fund, og þeir töluðu mikið, en það var allt bara röfl. Byggt á sannsögulegum atburðum semsagt.

Seinni myndin var "Weekend", eftir einn af þessum gaurum sem komu slæmu orði á franskar kvikmyndir. Það var verulega slæm mynd. Plottið er nokkurnveginn svona: fólk hoppar upp í bíl og ekur út í sveit. Þar virðast 10% af vegfarendum hafa farist í umferðarslysum. Veit ekki hvað það þýðir, en mig grunar að leikstjórinn hafi hreinsað alla bílakirkjugarða í frakklandi upp fyrir gerð myndarinnar.

Það voru nákvæmlega engin stönt. Þetta er bara settið. Mynnir reyndar svolítið á Mad Max myndirnar.

Svo loksins enduðu þau úti í skógi, þar var Napóleon, einhver gæji með trommusett og einhver leiðinleg kelling sem fór með þulur. Þau kveiktu í henni. Þá hittu þau mannæturnar sem voru alltaf að röfla um hve hræðilegt það væri að vera smáborgari, á milli þess sem þeir lifðu á túristum og spiluðu á trommur.

Aha... er ekki viss um hver meiningin er, en ef valið stæði milli þess að vera smáborgari eða mannæta úti í skógi, þá myndi ég velja að vera smáborgari. Það er ekkert gott að vera úti í skógi.

Já... eftir þetta er nýjasti ópus Tony Scott ekki sem verstur.

***

Fór og kíkti á rústirnar í gær. Bleh. Ekki mikið að sjá. Horfði á fréttirnar um daginn. Veit ekki hvað menn eru að grenja ufir þessum kofum. Mér sýndust þetta vera mestu hreysi, sem ég veitti samt ekkert sérstaka athygli. Hvað var það sem var svo merkilegt sem fór þarna fram? Fyrst þetta var svo mikil gersemi, afhverju var þá bara einhver hallæris-bar þarna?

Og svo vilja þeir endurbyggja þetta? Huh? Af hverju? Afhverju má ekki skella upp stærra húsi þarna? Svona 3 hæðir. Ég mæli með að það líti svona út:

Stórt, en á sama tíma virkilega flott. Og það er vatnshalli, einar 45°, fullt af gluggum, margar hæðir...

Og tók ekki nema 10 mínútur að krota upp í MS-Paint.

Dagur 40 ár 4 (dagur 1135, færzla nr. 537):

Og í gær var ég angraður með stórfrétt um einhvern jólasvein sem hafði rölt inn í herbergi og skotið fullt af fólki.

Í Bandaríkjunum. Annan hvern mánuð gerist eitthvað svona. Sem fær mig til að hugsa: Það er verið að ljúga að mér. Það er alltaf verið að segja að það sé allt fullt af byssum í USA, og þar sé súper auðvelt að verða sér úti um byssu, og öll menningin gengur út á byssur; hinn venjulegi kani er með byssu í hvorum vasa, eins og Lord Byron.

Og svo kemur einhver með byssur, og labbar um og nær að drepa 30 manns. Hvar voru allar þessar byssur? Undir rúmi? Ekki voru þessir 30 með neina, það er nokkuð ljóst.

Nei, mig er farið að gruna að bandaríkjamenn eigi ekkert margar byssur. Þetta séu bara einhverjir sérvitringar sem eigi allar þessar byssur, og aldrei er skotið á þá. Því þeir hafa byssur. Maður sér aldrei neinn ráðast á Charlton Heston, er það? Það skaut heldur aldrei neinn á Lord Byron, og þó var hann ljóðskáld.

Það eru enn innan við 10 ár síðan ég frétti að það væru fleiri morð framin í Svíþjóð en USA. Per 100.000, sko. Þeir nota sko axir. Því þeir eru ekki framar á merinni en það.

Mér virðist sem 45% af fréttum sé lygi, 45% sé rangtúlkun á sannleikanum og 10% sé uppfyllingarefni. Pöndur og svona.

Dagur 37 ár 4 (dagur 1132, færzla nr. 536):

Það fór fram smá drykkja í gær. Líður enn hálf-ferlega eftir það. Það mun batna, fæ mér kók á eftir, kannski hamborgara eða eitthvað.

***

Nissan Patrol eru örugglega mest hægfara ökutæki sem völ er á. Ég er viss um að kranabíll tæki Patról í spyrnu. Ég meina, man einhver eftir að hafa verið stunginn af á einhverjum á Patról? Svo er þessum farartækjum aldrei ekið öðruvísi en með hægri fótinn fast við gólfið, með tilheyrandi reyk og hávaða.

Ég var á eftir einum í gær, helvítið hafði ekki í við lengri gerðina af Ford Transit með kæliboxi, og ég var ekkert sérstaklega að þenja bílinn. Fór aldrei yfir 3000 snúninga. Djöfulsins druslur. Og þetta kaupa menn viljandi, fyrir pening? Svei!

Ég veit alveg hvernig þessir bílar virka, ég sé það núna:

Nissan Patról er settur í gang, í gír, og svo er hann staðinn flatur. Þá fer bíllinn svo hægt, hægar en allt sem hægt er, hægar jafnvel en kjurt. Svo hægt að hann ferðast aftur í tímann. Sem er náttúrlega alveg bannað, og þá taka tíma-púkarnir við sér, svo bíllinn endi ekki á Napóleonstímanum, og þeir raða sér umhverfis hann, og bera hann á milli sín á leiðarenda, á meðan einn þeirra sér um að rúlla kílómetramælinum. Þess vegna virðis bíllinn hreyfast um í rúmi. En þetta eru mjög þung farartæki, svo púkarnir okkar komast ekki mjög hratt, sem er ástæðan fyrir þessu slóri. Þeta er líka ástæðan fyrir lágri bilanatíðni í þessu.

Svo eru hinar rollurnar, sem fá sér Landcrusher jeppa, sem eru lítillega öflugri, og eru því næstum jafn snöggir og skriðjöklar. Það er vegna þess að þeir eru jafn þungir og slíkir.

Svo renna menn um á þessum traktorum sínum, fyrir hvar sem þeir fara.

Ég veit ekki hvað þetta lið er að spá. Í alvöru. Að kaupa sér ekki almennilegan bíl, ef þeir hafa efni á því. En nei! Þeir vilja jeppa með snerpu á við plöturek með akstureiginleika steypubíls. Eða Pajero, sem er eins og Toyota Hi Ace í akstri.

Það eru nokkrir jeppar þarna úti sem eru alveg í lagi - Range Rover til dæmis. Svo er Suzuki Jimni, sem er þeirrar náttúru að komast um öll fjöll að mestu óbreyttur, eða bara Porsche Cayenne, sem er sportbíll dulbúinn sem jeppi.

***

Talandi um bíla; ég las það einhversstaðar að það væru uppi hugmyndir um að vera með ókeypis bílastæði fyrir umhverfisvæna bíla.

Hmm... hvað sem það þýðir. Til dæmis, þegar öll kurl eru komin til grafar, þá er Ford F-350 umhverfisvænni en Toyota Prius. Jamm. Toyotan eyðir aðeins minna - skuggalega miklu samt miðað við alla tæknina sem er í gangi - en: það fer gífurleg orka í að smíða hana, þessi léttu plastefni, þessar tvær vélar með öllum þessum speis-efnum og svo náttúrlega rafgeymarnir. Við framleiðslu á einum Prius losnar meira koldíoxíð en við framleiðzlu á Ford F-350 og akstur á þeim bíl í einhverja 2-300.000 kílómetra. Og það versnar, því Priusinn endist víst ekki nema 150.000 kílómetra.

Fæ ég þá frítt stæði fyrir F-350 bílinn sem ég fæ mér þegar orkukreppan skellur á?

Dagur 33 ár 4 (dagur 1128, færzla nr. 535):

Fyrst það var nú frí fór ég út á Reykjanes og skoðaði Wilson Muga. Dallurinn er lengst uppi í landi, við stofugluggann hjá liðinu þarna í Hvalsnesi. Mjög tilkomumikið að sjá, og mikil tilbreyting frá hinu venjulega útsýni þar: sjó.

En hey, þetta lið er mjög hrifið af sjó. Helst myndi það vilja horfa á ekkert annað, og reyndar er þetta sléttasti parturinn af Reykjanesinu, þarna er nákvæmlega ekkert svo langt sem augað eygir.

Mig grunar að þessu fólki sem þarna býr séu eigin hús mikill þyrnir í augum, þar sem þau standa uppúr auðninni, en óheppileg nauðsyn, því án þeirra gætu þau ekki notið sléttlendisins. Eða hvað það eiginlega er sem fær það til að heimta þennan dall í burtu.

Hvernig þeim tíkst að koma bátnum svona rækilega á land veit ég ekki. Það hlýtur að hafa verið háflæði þá. Þegar ég kom að þessu voru 10 metrar af stefninu á lofti, svo sá undir. Að aftan er bara 1/3 af skrúfunni á kafi. Merkilegt alveg.

Ef þetta skip væri látið í friði myndi það líklega brotna í sundur á innan við 10 árum, en samt yrði nóg eftir til að laða að sunnudagsrúntara. Þetta gæti orðið mikil lyftistöng fyrir hamborgarasjoppuna í Sandgerði. Þeir á Hvalsnesi gætu opnað kaffihús til að kapitalisera á þessu. Því með mynnismerki sem breytist stöðugt, þá er alltaf eitthvað nýtt að sjá, alltaf sama fólkið úr Keflavík, hafnarfirði og Rkv að mæta að skoða hvað hefur breyst.

En... þeir munu draga bátinn út, þar sem hann mun sökkva.

Dagur 27 ár 4 (dagur 1122, færzla nr. 534):

Himnarnir hafa ekki hrunið ennþá. Tékkum aftur á morgun.

***

Skildist það á fréttum um daginn að þó búið sé að samþykkja það að ekki megi stækka álverið í straumsvík sé samt svigrúm fyrir þá til að stækka álverið - eða réttara sagt, gera það afkastameira án þess að gera það umfangsmeira.

Sko, álverið átti nefnilega að verða talsvert plássfrekt. Átti að ná yfir veginn, og langt inn á geymslusvæði. En í staðinn geta þeir bara pakkað meira álframleiðzludóti á það svæði sem til er. Snilld. Það verður náttúrlega ekki alveg eins afkastamikið og það hefði orðið, en samt meira. Og mun spúa meiri eiturefnum í loftið.

Þetta er nefnilega mjög einfalt: Báxít fer inn, Flúor fer inn: ál, flúor og brennisteinn og eitthvað meira fer út. Eða það skilst mér.

Það skal samt enginn gera sér vonir um að minna álver með minni útblæstri sé eitthvað betri fyrir Hafnarfjörð. Jú, það er kannski minni mengun, en það er á sama tímalítillega minni pening að hafa út úr því, sem mun hefta vöxt á svæðinu. Hafnarfjörður er ekkert að fara á hausinn alveg strax, en þeir misstu af smá meiri pening. Þetta er eins og munurinn á að bjóðast vinna í ruslinu fyrir 300.000 kall á mánuði (með yfirvinnu) eða þægilegt 9-5 skriftsofustarf fyrir 180 á mánuði. Maður kemur ekki heim illa lyktandi, en á móti þá hefur maður ekki efni á glæsilegri 4 hæða höll með sundlaug á toppnum og krana fyrir bjór við hliðina á vatnskrananum í eldhúsinu, 17 salernum og hvaðeina, svo ég ýki lítillega.

***

Það á að búa til veag af gufunesinu, þar sem öskuhaugarnir voru, og upp í sundahöfn. Það á að heita sundabraut. Og Sundahafnir eiga að fjármagna þetta, því ríkið vill ekki fjármagna þetta.

Sem vekur upp tvær spurningar:

1: Á ekki Ríkið einmitt að fjármagna vegaframkvæmdir? Ég meina, það er það sem veggjaldið fer í. Við borgum það öll hvort sem okkur líkar betur eða verr, fleyri milljarða á ári, og það óbeint hvort sem við eigum bíl eða ekki.

2: Eru ekki sundahafnir ríkisfyrirtæki? Hér er eitthvað svindl í gangi.

***

Þetta er Cessna Skyhawk. Svona rella kemst svona 1200 kílómetra á tankinum, sem er 200 lítrar að stærð (svons circa), sem þýðir að hún eyðir líklega um 16 á hundraðið. Hún hefur 160 hestafla mótor og er vanalega flogið á 180-200 km/h.

Veit ekki hvort það er gott eða slæmt. Hvað var aftur Dornier að eyða? Lítra á kílómetrann? En það er náttúrlega miklu stærri og þyngri vél, með 2 hreyfla. Svo þarf þetta dót að tolla á lofti einhvernveginn, og það er ekki beint best í heimi að þurfa að knýjast áfram í gegnum loft. Betra væri ef það væri kapall þarna sem þetta gæti fikrað sig eftir - uppá eyðsluna. Það bara stendur ekki til boða.

Jæja.

Dagur 24 ár 4 (dagur 1119, færzla nr. 533):

Kosningum um stækkun álversins lauk með 88 atkvæða mun. 88 af 16.000. Frábært. Það er jafnt. 76% kjörsókn... heh. Hvað svo? Ekki fer álverið. Það kostar. Nema það virkilega svari kostnaði að rífa þetta og byggja annað annarsstaðar.

Nú mæli ég með að fólk í Þorlákshöfn og nágrenni byrji að rabba aðeins við alcan. Bjóða þeim pláss fyrir svona mlljón tonna álver. Það er góður staður, Þorlákshöfn. Það er náttúrlega höfn, nánast enginn gróður sökum saltroks, og fullt af söndum þar sem býr enginn svo langt sem augað eygir.

Og: það er stutt í rafmagn.

Reynir var að tjá sig um rafmagn áðan - hann á nú að þekkja það, verandi rafvirki, og hafandi unnið í álveri og orkuveri - og samkvæmt honum menga svona hverarafstöðvar bara ekkert lítið. Þær pumpa sko upp brennisteinsoxíði. Sem myndar súrt regn.

Hann hefur miklar áhyggjur af komandi ísöld.

Já, við vitum að það hafa verið ísaldir - þ.e. þau okkar sem hafa fylgst með, horft á fræðsluþættina á rúv og Discovery - eða Ísöld - en hvað eigum við að gera við því?

Ja... við gætum tekið okkur til og rifið hvarfakútana undan bílunum okkar. Þá menga þeir minna - nema við ökum þeim mun meira. (Þeir virka ekki fyrr en bíllinn er orðinn heitur, og það bara gerist ekkert í Reykjavík - hvað þá í Eyjum). Það er svona prómill af útblæstrinum. Við gætum sökkt öllum beljum landsins í Kárhnjúkalón. Þær menga, þessar beljur. Reyndar allir grasbítar. Svo sökkvum rollunum líka, og fólki á makróbíótísku fæði, til öryggis. (Eða við getum borðað þetta allt, haldið svona stórt karnival, áður en við förum öll að borða fiska sem við höfum veitt úr næstu á eða sjónum).

Við getum hætt að anda. Allir vita að andardráttur losar fullt af kolmónoxíði, sem er jafn skaðlegt umhverfinu og það er gott fyrir það. Ef maður gerir það hættir maður náttúrlega fljótt að hafa áhyggjur af losun gróðurhúsalofttegunda.

Allt saman mjög uppbyggilegar hugmyndir.

Já. Ísöld. Þá getum við öll búið í snjóhúsum eins og einhverjir eskimóar.

Dagur 19 ár 4 (dagur 1114, færzla nr. 532):

Fór í fermingarveizlu um daginn, í Forgarði Helvítis, held ég. Allavega var eitthvert evil-symbol á fortjaldinu, og veggirnir voru svartir og rauðir. Að auki var nokkuð heitt. En maturinn var fínn. Ég fann áðan smá keim af marsipani síðan þá.

Þarna voru náttúrlega 200 manns sem ég kunni lítil deili á.

Hvað meira?

Já, ég var að kynna mér það um daginn, að eitt af einkennum koffeineitrunar er niðurgangur. Þannig, að ef þú drekkur voða mikið kaffi, og færð niðurgang í framhaldinu, er ráðlegt að ræða við lækni. Eða það stendur amk á internetinu.

Amfetamín getur valdið sömu einkennum, en þau teljast þá ekki til eitrunar. Svo, ef þú tekur amfetamín og færð niðurgang, þá er það ekkert mál; þetta á að vera svona. Hinsvegar getur það stöff valdið hjartsláttartruflunum, sem geta verið sérlega varasamar ef maður er með einhverja meðfædda galla.

Og ef maður fær sér að drekka mjöð úr vissum mexíkönskum kaktusum gæti maður komið auga á nokkra karólínska míníscula... uppi á borði... spilandi á hljóðfæri, syngjandi og dansandi...





Hallelúja.

Dagur 16 ár 4 (dagur 1111, færzla nr. 531):



Nú er að koma sumar, og þá fara að koma allskyns langar, dýrar og afar slæmar myndir í bíó. Margar þeirra eru gerðar af Bruckheimer og í þeim er Nicholas Cage. Fyrir þá sem ekki vita hver það er, þá er það gæjinn með langa andlitið sem var í "the Rock" og "Con Air" og mörgu öðru.



Reyndar hef ég skoðað þetta mál aðeins, og mér hefur sýnst að sá náungi sé í flestum sumarmyndum sem ganga eitthvað. Fáir vita til dæmis að Nicholas Cage var í bæði "ID 4" og "Pirates of the caribbean". Það vita það nefnilega fáir, en Keira Knightly er í raun bara karakter sem er leikinn af Nicholas Cage. Og í ID 4 lék hann dauða geimveru, enda er sú dauða geimvera lang-eftirmynnilegasti karakterinn í þeirri mynd.



En hvað um það. Ef það er svo, þá er örugg leið til að gera sumar-blokböster bara að láta Bruckheimer ráða Nicholas Cage, og gera svo kvikmynd með fullt af sprengingum og almennu kjaftæði.



Til dæmis Godzilla! Já, ég veit að það er búið að gera ameríska útgáfu af því. En ekki með Nicholas Cage, þess vegna var sú mynd líka hálfgert klúður. Þeir eiga náttúrlega að ráða gæjann sem leikur Godzilla venjulega, og koma svo með eitthvað orginal plott... með Nicholas Cage að sjálfsögðu.



Nicholas Cage vs. Godzilla!

Nicholas Cage stígur á land einhversstaðar, upp úr sjónum, og byrjar að sparka í nokkur háhýsi úr pappa og gifsi.

Godzilla er heima hjá sér, með bjór í hendinni að horfa á sjónvarpið.



Herinn reynir að ráða niðurlögum Nicholas Cage með ýmsum ráðum, til dæmis með því að skjóta á hann CGI eldflaugum, en þegar það dugir ekki þá hringja þeir í Godzilla.

Bardagi aldarinnar upphefst. Fullt af húsum hrynja. Sprengingar, læti, harðfiskur. Þið þekkið þetta. Svo kemur Súpermann inní þetta einhvernvegin, og alheimurinn springur í loft upp. Gott stöff, það.



Ég ætla að fara að gera eitthvað uppbyggilegt núna.

Dagur 13 ár 4 (dagur 1108, færzla nr. 530):

Ah...

Ég fékk miða frá skattinum í morgun. Jamm. Í morgun. Þar stóð allskonar drasl um hvernig ég gæti skoðað skattskýrzluna á netinu. Svo ég fór á netið og kíkti á þetta. Netið bauð mér að fylla út skattskýrzluna á netinu. Nennti því ekki, hugsaði að ég fengi eyðiblað með pósti á endanum.

Svo fór ég til ömmu, til að tala aðeins við hana, horfa á fréttir og svona - því hún býst jú við mér.

Þá heyri ég að það eigi að skila framtalinu í dag. Þá fyrst. Og ég er ekki búinn að fá neitt framtal í þessum skrifuðum orðum.

Svo ég stökk upp í bókhlöðu. Jújú, það er hægt að skila þessu öllu á netinu, segir netið. Svo ég geri tilraun til þess:

Tilraun 1: netið segir mér að það sé villa í framtalinu. Það mun vera rétt, en það mun að auki ekki vera fræðilegur möguleiki að leiðrétta það, svo ég hugsa: ég er að gera þetta vitlaust.

Tilraun 2: ég skoða netið betur og finn einfalt, aðeins of einfalt form sem ég get fyllt út. Svo ég geri það. Þá vill netið vita á hvaða reikning það getur sent mér endurgreiðzluna. Huh? Eithvað er ekki rétt, en til að vita hvað er á seyði næ ég í veflykilinn til að sjá hvað gerist.

Í millitíðinni lokar bókhlaðan - hún lokar sko 22:00. Svo ég skoða þetta í annarri tölvu... og sé ég þá ekki að ég var þarna næstum búinn að svíkja stórfé út úr ríkinu. Flott mál. Geri það næst. Flý svo úr landi. Til Mexíkó eða eitthvað.

Allavega þá komst ég að því að það er ekki vinnandi vegur að skila framtalinu á vefnum, svo ég prentaði þetta bara út og skutlaði því innum lúguna hjá þeim. get alltaf stolið af þeim pening á næsta ári.

Rafræn skil? Helvítis kjaftæði!

Dagur 12 ár 4 (dagur 1107, færzla nr. 529):

Það hefur sína kosti og sinn afar sérkennilega galla að vera á Corollu. Allt í lagi, þetta apparat eyðir ekki nema rétt um 9 á hundraðið. En á móti týni ég honum alltaf á stæðinu, og þarf að leita. Það er svosem ekkert nýtt, hinn bíllinn er silfurgrár, og það er svona eins og að leita að glærum bíl að leita að svoleiðis.

Var að keyra áðan, og tók eftir því að jafnvel litlir bílar eins og Golf gnæfa yfir mér eins og einhverjir bergþursar. Það var ekki þannig. Neibb. Og: ef ég hefði lent í árekstri á Cherokee hefði það ekki kostað mig mjög mikið að gera við það. Reyndar var sá bíll alveg klesstur: steypudæla hafði lent á bílstjórahurðinni þegar Reynir átti hann, Kristín Bassa bakkaði á frambrettið, og örugglega eitthvað meira sem engin ummerki sáust eftir.

Dodgeinn tók út VW og Skoda, og þar áður eitthvað annað. Það var alltaf snúið uppá bílstjórahurðina á honum, svo sást út. Hann þoldi þetta allt.

Sem fær mig til að hugsa: kannski er þetta ekki nógur málmur? Ef ég keyri á, þá er það bara búið; þarf að finna annan bíl.

Eða: ég get fiffað þennan aðeins til...

Sko, ég bolta stífur í framendann, bý til svona grind umhverfis vélina svo hún verði ekki fyrir óþarfa hnjaski, með krossstífum og hvaðeina, svo er gott að útbúa veltibúr inni svone eins og á Rallýbíl - gæti komið sér vel, hver veit? Gera þetta svolítið rammgert. Skifta kannski sætinu út fyrir rallý-sæti, með 4 eða 5 púnta belti. Veitir ekki af í umferðinni hérna.

En þá ræður hin auma 1300 vél ekki við að bifa bílnum. Kannski spurning að redda einni 2 lítra úr Carinu? Eða bara 460 Ford frá Reyni? Það ætti sko að hreyfa bílinn úr stað! Hvar ætti ég nú að koma henni fyrir... í farþegasætinu auðvitað! Hah! Ef það passar ekki undir húddið...

Væri flott mál. Skoða þetta á eftir.

Dagur 10 ár 4 (dagur 1105, færzla nr. 528):

Bankaði uppá hjá Reyni í gær. Mér sýndist hann vera við. Var að spá í að ræða við hann, fara svo niður og borða kjúklingaáleggið sem ég átti síðan... einhverntíman. Var farinn að verða svolítið svangur eftir að hafa hangið yfir einhverju verkefni með einhverju fólki í um 3 klukkutíma, og svo hjálpað pabba að setja ísskáp uppá bíl og ná í hjólhýsi.

Ég held ég myndi frekar kjósa húsbíl - miklu minna vesen að flytja.

En hvað um það. Hjá Reyni var einhver kunningi hans sem þið þekkið örugglega ekki en ég hef hitt áður. Var sá ný-mættur á svæðið. Ég hafði varla sest niður þegar dyrabjallan glumdi, og annar kunningi Reynis kom í heimsókn.

Það var Portúgali, Georg að nafni, skilst mér.

Nú, við sátum þarna um stund, og ræddum um ísbirni. Þá mundi Reynir allt í einu eftir því að hann átti Krónhjört inn í ísskáp, sem hann hafði ekki komist í að snæða - og nú var þessi portúgali í heimsókn, sem er víst mikill listakokkur...

Hvað um það, Reynir fékk gæjann til að elda krónhjörtinn, og bauð einum til viðbótar - sá heitir Árni, og býr rétt hjá - er víst eitthvað skildur mér. Hann kom með flösku af víni, sem kom ágætlega út með þessu villidýri. Náunginn á víst gott safn heima hjá sér.

Það var svosem ágætt að fá að borða. Krónhjört? Það er ágætt kvikyndi á bragðið. Fínn laugardagsmatur. Rennur ágætlega niður með smá Baron de Ley.

Dagur 8 ár 4 (dagur 1103, færzla nr. 527):



Þetta er Mauser 98. Illugi á einn svona, fékk hann fyrir slikk einhversstaðar. Alveg hörkugræja, gæti hitt eitthvað með þessu. Nazistarnir voru með þetta út stríðið. Sem þýðir að það á að vera til slatti af þessu ennþá hér og þar.

Það er allt fullt af misvísandi merkingum útum allt: nazista lógó á öllu, og Júgóslava lógó hér og þar líka - þetta kom úr herfangi sem Júgarnir stálu af nazistum í heimstyrrjöldinni.

Við vorum um daginn að bera þennan riffil saman við annan riffil sem hann á, Mosin-Nagant. Það er smá munur: Mauserinn hittir það sem honum er miðað á, Mosin-Nagant hittir það ef það er lengst í fjarska, annars þarf að miða allnokkuð fyrir neðan skotmarkið.

Mosin-Nagant slær eins og .22. Mauser 98 slær eins og... ja, það kemur eitthvað högg sem maður verður aðeins var við. Við getum borið það saman við Tikka, sem slær nokkuð hressilega. Það venst samt.

Þetta er náttúrlega tækni síðan 1898, svo þetta er pínulítið flóknara allt en það þarf að vera - en það virkar fullkomlega ennþá. Svona rifflar hafa almennt ekkert breyst síðan 1950. Þá var bolta-mekanisminn fullkomnaður. Skotvopn hafa almennt ekkert þróast neitt mikið síðan þá. Enda svosem ekki mikið til að endurbæta. Svona eins og blýantar; þarf mikið að eiga við þá hönnun?

Dagur 5 ár 4 (dagur 1100, færzla nr. 526):

Ég var að hlusta á einhvern gæja tjá sig um klámmyndir í útvarpinu um daginn. Hann laug því að hann hefði verið að stúdera fyrirbærið.

Þetta voru allt voða ofbeldisfullar klámmyndir sem hann var að horfa á. Allt. Undantekningarlaust. Voða kinký stöff greinilega.

Nú verð ég að viðurkenna að ég hef ekki séð voða margar klámmyndir - og finnst hin týpíska íslenska kvikmynd bara yfirdrifið nógu klámfengin - man ekki til þess að hafa séð heila löggilta klámmynd reyndar. Man ekki eftir neinum ofbeldisverkum í því sem ég hef séð. Hlýt að hafa misst af þeim pörtum.

Ég hélt að það væri til klámmynd fyrir hverja perversjón; dýraklám, barnaklám, homma/lessuklám.... meira að segja tilfinningaklám - en það er aftur á móti alltaf sýnt í sjónvarpinu á prime-time.

Það er ég viss um að það er fullt af fólki þarna úti sem finnst klámið ekki fullkomnað fyrr en einhver er kýld/ur, en það geta varla verið allir, er það? Þá hlítur að vera tl slatti af mjög óofbeldisfullu klámi.

En að ætla að horfa á einungis klámmyndir þar sem verið er að stunda barsmíðar, og alhæfa út frá því um alla línuna... það er eins og að segja að allar teiknimyndir séu um Mikka mús.

Hvar var Mikki Mús í Fred Flintstone þáttunum?

Um daginn heyrði ég vísað til athyglisverðrar rannsóknar: fólk var látið horfa á 3 mismunandi senur í sjónvarpi, og atferli þess og líðan mælt á eftir. Þetta var eitt atriði með ofbeldi og líkamsmeiðingum, ástarsena, og eitthvað passíft stöff - alþingi eða dýralífsþáttur eða eitthvað ámóta.

Jújú - fólk mældist marktækt árásargjarnara og pirrað eftir að hafa horft á... ástarlíf. Hitt virkaði víst lítið til breytinga.

Dagur 3 ár 4 (dagur 1098, færzla nr. 525):

http://b2.is/?sida=tengill&id=220677

Sjáið þetta. Hvað hefði gerst ef löggan hefði látið vera að elta þessa gaura? Þeir voru næstum því búnir að valda hörku árekstri þarna með því að stoppa á öfugum vegarhelming, tvisvar, og þá náttúrlega beygðu þessir bófar undan, og munaði litlu að þeir lentu á bíl sem var bara á ferð þarna í seinna skiftið.

Svo klesstu þeir aftaná einhvern.

Mig grunar að það hefði nú ekki verið minnst á þennan glannaskap í fjölmiðlum ef rallið hefði endað með að bófarnir keyrðu beint framan á þennan grá bíl. Ekki var neitt sagt þegar þeir keyrðu aftaná þennan pallbíl. Ætli löggan valdi svona löguðu oft?

Jamm. Einmitt þegar kaninn er að hætta þessu, þá byrjar íslenska löggan. Frábært. Ég sem hélt að hugmyndin væri að valda EKKI hættu í umferðinni? Það þurfti nokkur hundruð dauðsföll dreyfð yfir 40 ár til að kaninn hætt þessum stælum, kannski gildir það sama hér.

Það er ekki eins og þeir geti ekki bara gengið upp að þessum gaurum seinna. Ég meina, þetta eru alltaf sömu 50 mennirnir! Þeir útiloka bara þá sem eru ekki í steininum þá, og það eru einhverjir af hinum.

Jæja. Ekki komust þeir nú hratt. Rétt dóluðu þetta á mest 100, og það niður brekku. Þessi pallbíll var ekki gerður fyrir hraða, sýnist mér. Og engin umferð af viti. Ef þetta hefði gerst á milli 16:00-18:00, hefði þetta endað mjög snögglega í einhverri umferðarteppu.

Dagur 364 ár 3 (dagur 1094, færzla nr. 524):

Jæja. Fékk mér annan bíl. Enginn hefur hringt út af þeim gamla. Jæja...

Þetta er töluvert nýrri bíll og minna keyrður. Og minni. 2 sæti og pyntingabekkur. Þið þekkið settöppið. Mjög vinsælt. 1300 vél, beinskift, geislaspilari, rafmagn í rúðum. Sentrallæsingar sem virka. Veltistýri.

Ekkert óþarfa krapp sem er bara fyrir: dráttarkúla (1300 vél, muniði?), topplúga, svona dót til að reka hnén í. Mér er alveg fokking sama hvernig tískan er, ég vil ekki bíl með fítusum sem ég rek hnéin í. Það er ámóta gáfulegt og útvíðar buxur.

Sjáum nú hvort þetta apparat endist fram á næsta ár.

***

Hlustaði á í fréttum allskyns þvælu að vanda.

Ungdómshúsið í Danmörku var rifið, við mikla óánægju aðila sem áttu það ekki, en bjuggu þar í óþökk þeirra sem áttu það. Sniðugt. Svo kemur á daginn að þetta eru einhver alþjóðleg glæpasamtök, þessi ungdómur sem býr þarna. Fólk sem sest að í tómum húsum, og grípur til ofbeldis ef það á að reka það út þegar á að taka húsin aftur í notkun eða rífa þau. Þeir brutust víst inn í sendiráð í frakklandi og rústuðu það til að mótmæla. Svo kom bakköpp frá Svíþjóð.

Á að vorkenna þessu liði? Held ekki.

Þessir Danir...

Í öðrum fréttum er þessi gæi sem var böstaður í USA fyrir það eitt að lemja mann ítrekað með beisball-kylfu svo hann bíður þess ekki bætur, og ræna hann svo. Já, ég veit að þetta er varla glæpur hér á landi, svona ámóta alvarlegt og að ljúga að mömmu sinni, en þeir líta þetta aðeins öðrum augum í Virginíu.

Ég er að velta fyrir mér, á þessi gæi sér feril hér á landi líka? Það er ekki ólíklegt. Hvað sem öðru líður, þá sé ég enga ástæðu til að flytja hann hingað aftur. Þetta er ofbeldismaður og ræningi. Við höfum nú þegar alveg nóg af slíku. Við eigum að þakka kananum fyrir að geyma þennan náunga.

Bandarískur refsiréttur er allur hinn undarlegasti: það er hægt að stinga í djeilið krökkum undir 12 ára fyrir kynferðislega misnotkun, sem er náttúrlega furðulegt, og svo koma inn mönnum í 20 ár fyrir morðtilræði og rán, sem meikar alveg sens.

Berum þetta saman við Ísland, þar sem menn mega búast við 10 ára setu í fangelsi fyrir fíkniefnasmygl, og 5 árum fyrir morð. Fyrir rán og gripdeildir með slatta af líkamsárásum inn á milli erum við að tala um næturgistingu í klefa með möguleika á 2-3 mánuðum ef illa liggur á dómaranum.

Hvernig væri að sameina þessi tvö kerfi, og fara milliveginn: við sleppum því að stinga inn 11 ára krökkum fyrir kynferðislega áreitni, geymum morðingja inni forever, ræningja og ofbeldismenn í 10-15 ár, og dópsmyglara inni sem styst.

Hvernig væri það?

***

Já... þetta er eftir:

Dagur 360 ár 3 (dagur 1090, færzla nr. 523):

Það er voðalegt vesen að hafa ekki bíl. Það þarf meira að segja bíl til að leita almennilega, nema maður sé til í að kaupa einn bara blint í gegnum símann. Ég hef heldur eiginlega engan tíma á virkum dögum í þetta. Helv.

það er klukkutíma labb í vinnuna. Ég hef ekki hugmynd um havr strætó stoppar hér í grenndinni, svo það er annaðhvort að rölta alla leið upp í bókhlöðu eða á Hverfisgötu. Veit ekki hvort á að nenna því. Það rænir mig alveg jafn mikið matartímanum að bíða við bókhlöðuna. Ég þarf nefnilega að borða - mér finnst það amk betra. Gat ekkert borðað í gær fyrr en ég kom heim úr vinnu.

Og reiðhjól? Langar ekki að mæta blautur. Hvorki í vinnu né heim.

Þarf að fara að hringja í fólk út af bíl.

Dagur 357 ár 3 (dagur 1087, færzla nr. 522):

Bíllinn fór að leka vatni í gær eða fyrradag. Ég sá að það var áhveðið vandamál, svo ég hringdi í bifvélavirkja áðan til að athuga hvort hann gæti reddað því bara í dag. Bara þennan venjulega í Hafnarfirði. Svo ég keyrði þangað.

Á leiðinni gegnum Kópavog fann ég mikið högg og brothljóð, og bíllinn kipptist til, og fann ég að það var eitthver andskotinn að stýrinu. Gaman. Nákvæmlega það sem er skemmtilegast að lenda í þegar maður er á 100 á leið gegnum Kópavoginn.

Ekki reyndist þó hjólið hafa dottið undan, svo ég hélt áfram, en vökvastýrið virkaði ekki, sem mér þótti verr. Gott var að ég var hvort eð er á leiðinni til að hitta bifvélavirkjann.

Í Hafnarfirði var farið að rjúka meira en venjulega upp úr húddinu. Það rýkur alltaf úr þessu - þetta er 19 ára gamall bíll, munið? Það er fólk þarna úti að keyra sem er yngra en bíllinn minn.

Hvað um það. Allavega, þegar ég kem til bifvélavirkjans og opna húddið kemst ég að því að vatnsdælukjólið (stykki sem stendur út úr vélinni að framan og er venjulega tengt við viftureimina) er nú í Kópavoginum einhversstaðar. Í framhaldi af því sauð á bílnum og allt vatnið fór til skiftis út í andrúmsloftið eða á gólfið.

Heh.

Ég get fengið 50.000 kall fyrir partana. Eða ég get látið gera við þetta fyrir 30-50K og þá má búast við að pakkningar fari í næsta mánuði. Svo þarf að fara að skifta um vatnskassa. Og dekk. Þau eru 12 ára, minnst. Og ný kosta um 15K stykkið. Það er 60K.

Andsk.

Ég get fengið Daihatsu Sirion fyrir 300.000. '98 módel, ekinn 92K. 250K ef ég skil Jeppann eftir á móti. (Ekki þessi á linknum - eins bíll, en ekki sá.)

Eða Ford Escort á 150, eða Buick Lesabre á 350, eða Lancer á 200; Accord á 150, Mazda 323 á 70, Maxima á 120, Olds á 220, Legacy á 100, eða eitthvað...



Eða bara Aston Martin. Aðeins 25 milljónir. Nah. Mér skilst það sé bilerí á þeim.

Þarf að eiga nokkur orð við Reyni...

Dagur 356 ár 3 (dagur 1086, færzla nr. 521):



Það er fullt af fólki þarna úti sem er alveg með svona hugmyndum. Slíkt fólk hræðir mig. Það er trúlega sama fólkið og vill hert viðurlög við öllu. (Merkilegt er, að um daginn heyrði ég sögu nokkurra ræningja, sem fóru um allt land rænandi og ruplandi, þeim var alltaf sleppt út samdægurs, til að vera böstaðir aftur næsta dag. Það ar ekki fyrr en við 100 brot að þeir voru teknir afsíðis og stungið í djeilið. Hvenig hefði verið að geyma þá inni í viku í hvert skifti sem þeir voru böstaðir? Það hefði hægt á crime-spreeinu um 700%, sýnist mér, og það án þess að herða viðurlög við nokkru.) Ég endurtek bara það sem ég sagði um daginn: Það verður alltaf sá hópur fólks sem telur "1984" vera einhverja útópíu sem á að stefna að.

Las í pistli Egils áhugaverðan púnt: afhverju eru ekki leikritið Píkusögur eftir þessa Ensler kellingu bannaðar með miklum hrópum og köllum af femínistum?

Það hefur bæði klám og barnaníð.

Var annars að velta fyrir mér að láta kvikmynda þetta leikrit. Mæta bara með pókerandlit, og segjast vilja gera kvikmynd eftir þessu, en í stað þess að hafa bara einhverjar 2-3 kellingar sitjandi á stól ræðandi málin, þá gera þetta almennilega myndrænt. Sviðsetja sögurnar.

Væri furðulegasta klámmynd í langan tíma. Og sennilega ein sú ógeðslegasta. Það verður sko að hafa allt með. Ég er ekki viss um að þær dömur myndu samt fatta brandarann. Sem er einmitt það sem myndi gera þetta svo fyndið. Þær myndur bara mæta á þetta, í bíó, og fá að horfa á útglennt sköp á stærsta skjá landsins.

Ég veit ekki, en það er eitthvað mjög innilega fyndið við tilhugsunina um bíó fullt af rabid feministum sem hafa borgað sig inn til að horfa upp í kynfæri. Oftast borga þær einhverjum til að horfa upp í eigin kynfæri - þá í leit að einhverju.

Ég mæli með því að einhver geri þetta, þó ekki væri til annars en að sjá hvort þær fatta að verið sé að skopast að þeim.

Er einhver sem tekur þetta lið alvarlega? Sem er ekki á þingi meina ég?

Dagur 352 ár 3 (dagur 1082, færzla nr. 520):

Dagur 349 ár 3 (dagur 1079, færzla nr. 519):



Ég er víst hættulegur umhverfi mínu. Borða samt lítillega minna kjöt en áður. Myndi borða meira, en það kemur svo mikið steikingarlykt af því, og ég vil helst ekki að vistarverur mínar lykti eins og hamborgaragrill.

Þegar ég sá þessa fyrirsögn datt mér einmitt í hug að svona ljón væru á röltinu einhversstaðar, og fólk væri að fyllast paranoju vegna þeirra. Meinlaus grey, þessar púmur. Tígrisdýr eiga víst til að narta í einn og einn indverja, en þeir eru nú svo margir að það tekur enginn eftir því þó einn og einn hverfi upp í næsta tré.

Ja, allavega er ég ekkert að fara að draga fólk niður í kjallara til mín í mat. Eða þannig. Ekki á meðan ég hef enn efni á súpu.

***

Svo er þetta klám-lið. Ef ég vissi ekki betur héldi ég að þessir femínistar væru að selja eitthvað. Eða er það málið? Kannski eru þetta þessar legendary íslensku hórur, sem eru svona hræddar við samkeppnina að þær reyna að fæla klámmyndaframleiðendur í burtu. Klámmyndaframleiðendur. Það hlýtur að vera meiri ógn þarna úti en klámmyndaleikarar. Til dæmis ein af þessum nýmóðins herskipaáhöfnum sem ég heyri stundum af. Eingöngu mannað kvenfólki. Kom ekki eitt svoleiðis um árið? Varð lítið var við það. Femínistarnir hafa örugglega barið þær allar með heygöfflum og kyndlum, og elt þær upp í myllu. Og kveikt svo í myllunni. Þess vegna er engin mylla lengur. Svo hafa þær sökkt skipinu.

Það er einmitt þess vegna sem kaninn vill ekki vera með beis hérna lengur. Það stóð til að spara með því að vera eingöngu með kvenfólk á vellinum, en ef það er allt elt uppi og lamið í buff og haft í matinn fyrir lausaleiksgrísi í hellum íslenskra femínista, þá er ekki vogandi að gera slíkt.

Já...

Dagur 346 ár 3 (dagur 1076, færzla nr. 518):

Þá er kofinn hennar ömmu brunninn til grunna. Samkvæmt fréttum var þetta afar gamall bústaður - það voru fréttir fyrir mér. Ég nefnilega man þegar hann var smíðaður, og ekkert hús sem ég man eftir að hafa verið smíðað getur verið mjög gamalt. Ég er einfaldlega ekki nógu gamall til þess.

Ég vissi heldur ekki að hann stæði á Hafravatnsheiði. Er að komast að því fyrst núna. Alltaf lærir maður eitthvað nýtt.

Hvað þarf bústaður eiginlega að vera nýr, ef bústaður sem er ekki nema 15-16 ára er "nokkuð gamall"?

Jæja...

***

Síðasta fórnarlamb vaxandi byssumenningar í London. Hmm... hvað er rangt við þá setningu? Teljum það saman:

Í Englandi öllu er engin byssumenning - það hefur verið róið að því öllum árum síðan eftir seinna stríð að losna við allt slíkt, og er það svo slæmt nú að ólympíuliðið í skotfimi verður að æfa sig utan lands. Sem á eftir að verða vandamál þegar þeir halda ólympíuleikana 2017.

Það sem er í gangi er að glæpamenn eru sumir með byssur, og þeir eiga það víst til að plaffa á fólk svona að gamni.

Í Englandi er enn til slatti af vopnum frá IRA, sem menn geta fengið ef þeir leggja sig eftir því, og einnig býst ég við að hægt sé að koma höndum yfir vopn frá lögreglunni ef viljinn er fyrir hendi. - FBI týnir á hverju ári um og yfir 100 byssum af öllum gerðum. Ég er ekkert að ímynda mér að Bretinn sé öðruvísi.

Þar sem er "byssumenning", eins of er í Sviss, Ísrael eða USA, þar eru glæpamenn í því að plaffa á hvern annan. - nema í Swiss, þar skjóta þeir engan. Allt er með frekar kyrrum kjörum þar af einhverjum sökum. Allt vaðandi í vopnum af öllum stærðum og gerðum. Kannski eru Svisslendingar bara betra fólk en Bretar. Mig grunar það. reyndar held ég að allt England sé stórt Harlem sem best er að vera ekkert að púkka uppá.

Og enn í sama máli: þeir eru að skoða að þyngja refsingar vegna sambærilegra glæpamála. Ó, það gefst svo vel! Eða hitt þó heldur. Allt þetta eftirlit... í engu öðru landi í heiminum er jafn mikið af myndavélum, og í engu öðru evrópulandi vaða glæpamenn jafn mikið uppi.

Hvernig væri að koma á smá svona "byssumenningu"? Það gæti ekki sakað.

Ég rak svo augunm í þetta: Árið 2005 voru líkamsárásir, sem ekki voru af gáleysi né leiddu til manndráps, alls 1.259. Hvað er líkamsárás af gáleysi? ???

"Æ, sorrý maður! Ég ætlaði ekki að lemja þig í hausinn með bjórflösku, sparka svo ítrekað í magann á þér og míga á þig... ég bara sá þig ekki og svo rann ég á bananahýði og mig svimaði svolítið því ég var með hausverk. Bara tók ekkert eftir þessu fyrr en ég sá blóðklessurnar á kylfunni minni sem ég hljóp óvart heim og sótti til að berja óvart á þér. Því það var svo mikil hálka á heiðinni sko..."

Jæja.

Dagur 344 ár 3 (dagur 1074, færzla nr. 517):



Man einhver eftir þessum kvikyndum? Mig rámar eitthvað óljóst í þetta. Hvít, uppstoppuð dýr, svolítið flöt. Mjög algengt á lyklakippum ef ég man rétt - pennaveskjum og slíku. Svo voru einhverjar teiknimyndir í sjónvarpinu - sem ég horfði ekki á. Ég horfði ekki á neitt sem gerðist fyrir hádegi.



Hættuleg þessi kvikyndi.

***

Fréttir herma að Kleópatra hafi haft oddhvassa höku. Og oddhvasst nef. En sniðugt. Þetta þurftum við öll að vita.



Geimskip 2.

Jup. Langar einhvern út í geim? Næst verður það tunglið. Flott. Jeppasafarí á tunglinu maður! Hvenær tekur arctic trucks það að sér? Hi-Lux með dekk úr járnneti! "38 dekk úr járnneti sko. Svo þarf bíllinn að vera með rafmótor, því bensín og dísel eiga það til að hverfa í hitanum og lofttæminu sem viðgengst víst á tunglinu.



Já. Það væri sko aldeilis hægt að jeppast á tunglinu. Bara um að gera að keyra ekki oní gýg. Það eru víst þónokkrir svoleiðis á yunglinu, nokkurra tuga metra djúpir. Það væri nokkuð sárt að detta oní einn slíkan á tungl-bílnum sínum. Ég býst við það sé bara spurning um tíma þar til einhver blindfullur hálfviti gerir einmitt það. Og brýtur gat á hjálminn og deyr. Svakalegt slys það. Býst nú ekki við að tuglbíllinn springi í loft upp on impact, en það gæti gerst í Star-wars.

Ég man ekki eftir neinum bílum í starwars...

Dagur 341 ár 3 (dagur 1071, færzla nr. 516):

Í ágúst bar svo við að ómögulegt var að fá inni á stúdentagörðunum. Þá þurfti ég íbúð. Núna, þegar ég er með herbergi a.m.k út árið, og búinn að vera í skólanum eitt haust án stúdentabúðar, og það er farið að vora, þá allt í einu keppist stúndentabatteríið við að tilkynna mér að ég geti fengið íbúð. Ein í viku. Hvað á þetta að þýða? Ég var á biðlista þarna í heilt sumar! Argh!

Ef ég hefði beðið eftir að kerfið gengi sinn gang í stað þess að hirða þessa kompu sem mér bauðst þá væri ég í eyjum að gera Guð veit hvað en ekki í skóla.

Ríkisstofnanir... urg.

Ef mann vantar hjálp er hana ekki að fá hjá því opinbera. Þaðan fá bara glæpamenn pening.

Dagur 338 ár 3 (dagur 1068, færzla nr. 515):

Þannig var það. Búinn að kjósa, en þið? Vonandi fer þá pakkið að hætta að hringja í mig. Amma sagði við mig í gær að Illugi hefði verið að reyna að ná tali af mér. Sem varð til þess að ég tékkaði á missed calls listanum, og sá þar að ég hef misst af 2 símtölum frá mömmu í desember.

Annað hvort er amma að rugla eitthvað, eða Illugi er að hringja í skakkt númer. Eða Illugi er að rugla í ömmu. Sem er of auðvelt. Stundum tekur amma upplýsingar, misheyrir það sem sagt er, rangtúlkar svo það sem henni þó misheyrðist og segir svo það. Ekki vænlegt til aukins skilnings. Mér hefur ekki reynst vel að reiða mig á það em amma hefur sagt mér.

Eða þessa grunsamlegu vinkonu ömmu, sem gat þulið upp örlög allra molbúa, öryrkja og atvinnuglæpamanna sem bjuggu í hverfinu hennar ömmu í denn - mér reiknast til að þeir hafi verið 4, en eins og sagan var þulin upp - með ítrekuðum endurteknungum með nægu svigrúmi til rangtúlkana og misskilnings - þá virkaði það eins og allt hverfið hefði verið umsetið tómum hálf-vangefnum illvirkjum.

Ekki margt um þetta lið að segja, en kellingartuðran talaði ekki um annað í yfir klukkutíma. Hljómaði eins og eitthvert Varis Dírí viðtal - fullt af orðum en engar nýjar upplýsingar. Klám, segi ég.

Mér verður hugsað til almennings. Amma er þverskurður af samfélagunu: læst, ekkert eða lítið menntað fólk, sem þú heldur uppi samræðum við en fattar svo að skilur ekki orð af því sem þú segir. Ég meina, hún var heillengi að rabba við ömmu Jennifer, og hvorug skildi hvað hin sagði. Samt töluðust þær lengi við.

Samfélagið er 90 ára gömul kelling sem er fædd á miðöldum og man ekkert annað. Dásamlegt alveg, en útskýrir ýmislegt.

***

Ómar Ragnars vill að ríkið skattleggi alla extra sem eiga bíla lengri en 2.5 metrar. En dásamlega fasísk hugmynd. Það mun kosta extra alla sem hafa ekki efni á að fjárfesta í eldri bíl - allir bílar á íslandi eru yfir 2.5 metrum að lengt.

Smart bíllinn er 90% of dýr. Ég meina, þetta eru bölvaðar druslur sem bila alla daga sem enda á "gur", eru unsafe á öllum hraða yfir hægum ganghraða manns og eyða nákvæmlega jafn miklu eldsneyti og Kia Picanto - sem er 3.x metrar. Eða Fiat Panda.

Það er hægt að liðka fyrir umferð með því að fjarlægja um það bil 6 ljósastaura sem ég get persónulega bent á núna á eftir, og leyfa hægri beygjur á rauðu. Það er gert í USA með mjög óslæmum árangri. Og ef færri þurfa að stoppa alveg eyðist minna bensín, sem er minni viðskiftahalli.

Það liðkast ekkert um umferð með því að auka gjaldtöku á "of stóra bíla". Það kemur bara niður á fólki - sem kemur ekkert til með að breyta hegðun sinni. Lífverur gera ekkert slíkt.

Með því að lækka gjöld á alla bíla undir 10 ára aldri væri hægt að hægja á endurnýjun, og minnka vöruskiftahallann aðeins meira. Svo væri flott að SVR skifti yfir í vetnisvagna við næstu endurnýjun flotans, og farið væri frítt - til að spara bensín.

Hugsa aðeins.

Þetta er ekki spurning um mengun, heldur flæði fjármagns úr landi. Ef vetnisframleiðzla fer í gang, þá get ég ekki mælt með mikilli skattlagningu á það, því það er ofsalega dýrt í framleiðzlu.

Væri fólk svo til í að hætta að heimta meira eftirlit! Það er orðið svoleiðis núna, að ef maður sér lögguna með ljósin blikkandi, þá er það ekki árekstur eins og í denn, heldur einhver sem hefur mælst á 91 km/h en ekki 90. Við fólk sem vill meira eftirlit segi ég: Fokk jú! Afhverju tilkynniði ekki í blöðin hve þungar hægðir ykkar eru? Helvítis fífl.

***

Saga vikunnar: Who goes there? eftir John W. Campell. Það er búið að kvikmynda þessa tvisvar - sú seinni fylgdi sögunni nokkuð nákvæmlega.

Mynd vikunnar:

Dagur 332 ár 3 (dagur 1062, færzla nr. 514):

27 ára núna. Ef ég væri rokkari mætti ég byrja að hafa áhyggjur. En ég er ekki rokkari. Ég er ekki á neinum lyfjum. Hef aldrei farið á Woodstock. Það eru engar grúppíur að væflast í kringum mig.

Og 3 ár bloggsins er búið.

Ég fór og skoðaði keppni véla og tækjadeildarinnar um daginn. Sá þar vélar og tæki og græjur og annað slíkt dót aka um og sækja bolta. Það var boðið upp á veitingar þar. Var að klára appelsínið sem ég fékk þar núna áðan. Með morgunmatnum.

Það var líka kaka, en ég var ekkert að laumast í burt með köku, hún hefði bara harðnað hjá mér. Er ekki viss um að það hefði verið mjög sniðugt. En þá hefði ég náttúrlega geta hent henni innum gluggann hjá nágrönnunum.

Var boðið í eittvað skrall á föstudaginn. Fann ekki búlluna sem það var haldið í svo ég sleppti því. Stjörnurnar voru ekki réttar eða eitthvað.

Foreldrar mínir eru enn harðákveðnir í að gefa mér of þröngar buxur held ég. Þarf að skoða það mál nánar. Mig skortir samt ekki buxur, vandinn er hvað ég á að gera við þessar auka...

***

Þetta er ekki undarlegt. Afhverju er þetta í blöðunum þá? Eru þessir hálfvitar virkilega hissa á að menn skuli aka hratt á breiðustu hraðbraut landsins? Hvað er að? Sáu menn þetta ekki fyrir?

Fífl.

Hvenær mun heimurinn fatta að fólk er ekki vélmenni sem hægt er að bara prógrammera til að hegða sér á hvern þann hátt sem talinn er góður af þeim litla hóp sem vill ráða því hvað telst gott og hvað ekki?

Svo ég svari þeirri spurningu: aldrei. Það verður alltaf sá hópur fólks sem telur "1984" vera einhverja útópíu sem á að stefna að.

Dagur 330 ár 3 (dagur 1060, færzla nr. 513):



Þetta er 1962 módel Lincoln Continental. Þeir voru framleiddir svona milli 1961-1964. Árið '65 var grillinu aðeins breytt. Sem er gott, því 1961-1964 týpurnar lýktus rafmagnsrakvél alveg skuggalega mikið. Boddíinu var ekki breytt fyrr en 1970. annars voru þessi farartæki öll eins.

Þeir hjá verksmiðjunni hefðu alveg verið til í að halda áfram að framleiða þessa bíla með sama grillinu, ef ekki hefði verið fyrir smá vandamál: fólk sá enga ástæðu til að endurnýja þessa bíla. Það bara keypti þá og ók um á þeim. Árum saman. Sumir eru enn á þessu. Þetta gengur í erfðir. Af hverju? Jú, fyrsti bíllinn til að vera með 2 ára eða 25.000 mílna ábyrgð. Hljómar ekki mikið, en varð til þess að minnka viðhaldskostnað verulega. Það, og bílarnir biluðu ekkert.

Það var til blæju-útgáfa af þessu. Það er bíllinn sem Kennedí var í þegar hann var skotinn. Sú týpa var um það bil 4 tonn að þyngd. Með almennilegu þaki var bíllinn svona ámóta þungur og Landcrúser 100, eða 2.5 tonn.

Þetta voru fyrstu bílarnir með sveigðum hliðarrúðum. Fyrir 1961 voru allir bílar með flötu gleri í hliðunum. Oft bara venjulegt rúðugler.

Herlegheitin voru svo knúin áfram af 460 rúmtommu V-8. Að vísu ekki nema 350 hestöfl, en það er lítið mál að tjúna það uppí 460 hestöfl án þess að reyna á mótorinn, eða ef maður vill fara alla leið: 800 hestöfl. Að vísu erum við þá að tala um bíl sem færi úr kyrrstöðu í 100 á svona 5 sekúndum og eyddi svona 80 á hundraðið... en hey - ef peningarnir eru fyrir hendi...

Normal bíllinn eyddi ekki nema um 25-30. Blæjubíllinn notaðu um 40 lítra og uppúr til að komast leiðar sinnar. Þessi extra 2 tonn sögðu til sín. Eina leiðin til að fá þetta ökutæki til að eyða undir 20 væri að láta einn svona draga 2 aðra á eftir sér, og deila eyðzlunni á heildarfjölda ökutækja í rununni.

Samt, 6 metra langur bíll með pláss fyrir 6 fullorðna í sæti? Landcruiser getur ekki tekið nema 4 fullorðna, krakka og 2 hunda. Og kannski hest í kerru. Ef maður vill flytja 4 fullorðna, krakka, 2 hunda og hest á Continental, þá er það gert svona: 4 menn, krakki og 2 hundar taka sig til og borða hestinn. Svo setja þeir krakkann í skottið með hundunum áður en þeir setjast sjálfir upp í bílinn og aka af stað. Allt það, og eyðir ekkert meira.



Þetta er 1970 módel Lincoln Continental MK III. Þessi bíll var líka með 460 V-8, eyddi líka 25-30, og var eitthvað um 400 hestöfl. Afhverju þeir létu vélina ekki vera 460 hestöfl skil ég ekki. Það hefði ekkert verið erfitt.

Þetta er líka fyrsti bíll til að vera með ABS bremsur. Að vísu ekki á öllum hjólum, en hey, ABS! Að aftan. Veit ekki til hvers. Á sama tíma var Cadillac Eldorado með drifi að framan, sem olli því að það var hægt að fara í torfærur á þeim. Ég sé ekki fyrir mér einhvernvegin af hverju menn vildu æða í einhverjar torfærur á þessum bílum, en ... þetta eru kanar. Þeir framleiða jeppa með engum millikassa. Fattiði? Ekki ég.



Þetta er svo 1976 módel Continental. Sem er 4 dyra bíll með 2 dyrum. Án þess að stytta boddíið. Flott, ó já. Gjörsamlega vonlaust að finna stæði fyrir þetta í Borg Óttans.

Það var ekkert nýtt í þessum bílum. Þeir voru bara stórir. Og 460 vélin hafði verið tjúnuð NIÐUR í 220 hestöfl til að spara bensín, sem virðist hafa valdið því að bíllinn eyddi ekki nema 25-30 á hundraðið. Sem er svolítið kunnugleg tala... hmm...

Hvað er meiningin með þessu hjá mér? Jú. Næst þegar þú sérð einhvern hossast um á lúxusjeppa, mundu þá, að ef það er ekki Range Rover, þá er það traktor, og alveg ósambærilegur við 1970 módel Lincoln að öllu leyti nema bensíneyðslu. Stendur seventís bílnum sem sagt að öllu leyti aftar. (Samt er eitt - 460 big block er í hálftíma að hitna, nútíma vélar eru með sjálfvirku innsogi og geta feikað hita. Sumir skilja hvað ég meina, aðrir hafa alrei ekið gömlum bíl.)

Amen.

Dagur 328 ár 3 (dagur 1058, færzla nr. 512):

Ísland er eina landið þar sem maður þarf ekki að vera hommi til að hafa lúmskt gaman af Júróvisjon. Að sjá allt þetta fólk gera sig að fíflum fyrir framan alþjóð með glötuðustu lög sem samin verða á árinu.

Það mættu seinast til leiks einhverjir rokkarar, með það alversta rokklag sem ég hef heyrt síðan ... í morgun reyndar. 97.7 spilar ekki beint "best of" alltaf. Þau verstu voru samt sigtuð úr. Roland Hartwell er ferlegur. Ég hefði samt sent þetta ömurlega lag hans úr fyrri hlutanum í keppnina, bara til að vera þekktur sem mesti þrjótur íslanssögunnar. Lagið - spileríið var ekkert svo hræðilegt. Söngurinn hins vegar var greinilega við eitthvað annað og verra lag - atónalskt ljóð eða eitthvað, og textinn var óeftirmynnilegur, en það er samt eins og mig mynni að hann gæti hafa valdið grænum bólum. Allir textarnir eru reyndar þess eðlis.

það er eins og menn setji sig í einhverjar sér stellingar þegar þeir ákveða að senda lag í Júróvisjon. Þeir setjast niður og hugsa: hvernig get ég samið lag sem er bara ekki mjög gott?

Og hvað er mjög gott lag? Lag sem maður vill bara að endi. Lag sem er þess eðlis að sama í hvaða útsetningu það er, þá vilja 90% jarðarbúa aldrei heyra það aftur. Sem betur fer eru flest slæm lög óeftirmynnileg. Það væri slæmt ef þetta ómaði lengi í höfðinu a eftir.

Og hvað kosta svo herlegheitin? Eftir 2009: 14.000 kall á mann á ári óháð efnahag. Jup. Flöt skattlagning á alla. Ekki flöt prósenta, nei, það væri allt af því sanngjarnt - ef við gleymum því að RÚV er eiginlega fyrir einkaaðilum á markaðnum og því inherently ósanngjarnt fyrirbæri - við erum að tala um flata krónutölu á alla yfir 18 ára.

Og samt verður RÚV rekið með tapi. Því þetta er ríkisfyrirtæki sem stenst ekki einusinni Skjá einum snúning við gerð innlends efnis. Eini tilgangurinn með þessu batteríi er að halda uppi verðinu á erlendu efni í óljósum tilgangi. Hugmyndir?

Af hverju í dauðanum má ekki selja þessa stofnun? Það mundi spara jafn mikið og kostar að reka Symfóníuna, aðra stofnun sem ég botna ekkert í. Afhverju geta symfóníuunnendur ekki haldið henni uppi? Þegar út í það er farið - afhverju getur ríkið ekki sponsorað eitthvert af þeim áhugamálum sem mér dettur í hug?

Ég fer ekki fram á mikið, bara hið ómögulega: rökstuðning.

***

Kominn tími til að hlæja að bandaríkjamönnum. *andvarp* Hvað er að hjá fólki? Má ekki setja upp nokkur blikkandi ljós án þess að 200 löggur mæti á staðinn? Ég vona að þeir fari ekki að apa þetta eftir hér. Þeir væru vísir til þess. Bandaríkjamenn eru hinir nýju Svíar sjáið til. Munið þegar allt var apað eftir Svíum? Það var áður en "baráttan gegn hryðjuverkum" varð vinsæl.

Já, í denn var eitthvað varið í Kanann.



Ég man þegar þetta fyrirbæri var kallað Chevy Suburban,



Og þetta var Cadillac.

Að vísu getum við ennþá fengið vítamínbætt morgunkorn frá kananum. Kaninn hefur nefnilega vit á að setja þó vítamín í það stöff, svo almenningur fái ekki hörgulsjúkdóma í offitunni. Í Evrópu er litið svo á að best sé að pöpullinn eigi bara ekkert að fá ráðlagðan dagskammt af einhverjum vítamínum. Vítamín? Hvað er það?

Það má vera C-vítamín í amerískum bjór. Því er ekki bætt við í framleiðzlu, það bara er til staðar. Það er í korninu. Í evrópu má ekki vera C-vítamín í bjór, enda hverjum manni ljóst að neyzla C-vítamíns getur valdið hræðilegum sjúkdómum eins og til dæmis reglulegum andardrætti, ónógri slímmyndun sem lýsir sér í skorti á taumum niður úr nefi, óhóflegri styrkingu ofnæmiskerfisins sem lýsir sér í almennum heilsubresti eins og kveftregðu og vanflensu, og jafnvel betri líðan að lokinni drykkju, sem gæti ýtt undir meiri drykkju. Það sér hver maður.

Urgh.

Í einu horninu eru sauðir sem vilja ekki að við fáum næringarefni, og hinumegin eru sauðir sem segja að við eigum að óttast hryðjuverkamenn. Reyndar tíðkast líka í Evrópu að segja okkur að óttast hryðjuverkamenn. Helv...

Clowns to the left of me jokers to the right...