Dagur 132 ár 4 (dagur 1227, færzla nr. 566):

Þá kom loksins þessi götuveizla. Allir í götunni mættu. þetta er nú stutt gata, en það var nú samt nóg fólk.

Við Björn hrúguðu upp þessu einstaklega glæsilega grilli. Erum að pæla í að láta gylla það og setja á þjóðmynjasafnið. Það átti að vera miklu flottara, en við því var hreyft mótmælum. Til dæmis hefðum við vel geta haft þak á því, en því trúir náttúrlega enginn.

Svo var brenna. Fyrst var þetta bara lítil brenna, með smá veggpanel. Svo sáum við að nágranni okkar var að henda einhverjum spítum, svo við spurðum hann hvort við mættum ekki bara hirða þær. Sem við máttum, og við það stækkaði brennan töluvert.

Maturinn var ekki bara ætur, heldur bara fínn, rann ljúflega niður með bjór og 3 tegundum af víni.

***

Fer reglulega að láta hundinn vaða í sjónum. Dýrinu finnst gaman að svamla í sjónum, mér finnst gaman að sjá Herjólf reyna að ýta öllu hafinu inn í höfnina.

Dagur 129 ár 4 (dagur 1224, færzla nr. 565):

Ég held að það hafi verið eitthvað skrýtið í kvöldmatnum í gær. Amfetamín eða eitthvað. Það hefur sennilega verið þriðji hamborgarinn. Gat ekkert sofið í nótt. Sem er náttúrlega alltaf ávísun á skemmtilegan dag.

Ég þarf... eitthvað.

Er enn saddur síðan í gær. Kannski hefur það haft eitthvað að segja? Maður á að borða allan þennan mat á morgnana, er ég viss um, til að vera ekki á fullu við að melta á nóttunni. Morgunmaturinn er nefnilega mikilvægasta máltíðin, ekki kvöldmaturinn. Ekki nema maður borði bara einusinni á dag, og það sé kvöldmatur. Sem er náttúrlega bara ósiður. Sykurmagnið í blóðinu verður allt rangt.

***

Einn vinsælasti grínþátturinn í sjónvarpi er og hefur alltaf verið Fréttir - þó auglýsingar sæki á. Bullið sem vellur uppúr þeim stundum...

Í gær kveikti einhver asni í sér inní bíl. Auðvitað var fréttagengi sent á staðinn að skoða. Kom á daginn að það var sendibíll - L 300, eða hvað þetta er kallað, brunninn til ösku, í hálfs kílómeters fjarlægt frá næsta húsi - steinhúsi.

"Mikil mildi þykir að vindátt stóð frá bænum, annars hefði geta farið illa," sagði fréttamaður. Já. Hún er eldfim, þessi sveita-steinsteypa. Eldur sem kemur upp góðu steinsnari frá getur valdið í henni sjálfsíkviknun ef ekki er rétt með farið.

Auglýsingar eru enn meiri steypa.

"Þessi bíll er grænn!"

Aha... hvað er fólk vitlaust, ef það trúir því að það sé einhverju bættara að kaupa sér bíl sem búið er að gróðursetja tré fyrir? Kjaftæði. Og ég hristi enn hausinn yfir þessu Hæbrid dóti öllu. Og vetnið... sjitt! Hvaða djöfuls drusla var þeta þarna um daginn, sem varla skreið yfir 30 km/h, og komst varla nema 150 km á hleðslunni? Gerið bílinn stærri, setjið í hann stærri tanka og öflugri vél, gerið það. Þegar bíllinn er 5 sek í hundrað og kemst 400 km á hleðslunni eruði með góða vöru í höndunum, fyrr en þá: gleymið þessu.

Rafmagnsbíllinn er allur að koma til. Væri fín græja á Íslandi, eða einhversstaðar þar sem rafmagn er ekki búið til með jarðefnum frá Arabíu. Allstaðar annarsstaðar er hann bara bull... sko: þetta tæki mengar ekki, þegar það er búið að smíða það. Eftir það? Hvenær þarf að skifta um batterí?

Jay Leno á rafbíl síðan 1909. Það hefur aldrei þurft að skifta um batterí í þeim bíl. Eða nokkurn hlut. Bara bóna hann reglulega, og hann virkar. Segir Jay Leno.

Sko, ef fólk vill og þarf bíl, og vill ekki menga úber mikið, þá á það að fá sér bíl með eins litlu í og hægt er. Aygo, til dæmis. Eða Fiat Pöndu. Eða Kia Picanto eða Chevy Kalos.

Og Umferðarráð:

Það kemur ekki satt orð uppúr þeim, er það? Allt umferðarbatteríð á Íslandi virðist rekið af kommúnistum, bæði vegagerð og áróður. Ég er viss um að þetta lið horfir með söknuði til þess tíma þegar menn fóru allra sinna ferða á hestbaki. Miðað við það sem á sér stað meðal hestamanna núna, held ég að ef íslendingar myndu allir sem einn selja alla bílana til útlanda og fara að notast við hesta, myndi dauðsföllum í umferðinni fækka úr 25 (og var að fjölga í 20 á á ári með stöðugri þróun og auknum umferðarhnútum alveg af sjálfu sér) að jafnaði á ári í um 40 á ári. Að ótöldum þeim sem deyja því að sjúkrakerran er öf lengi á leiðinni. Sem mun fækka látnum úr hjartaáföllum og öðru úr 50 í 200.

Nei nei, menn hálsbrotna ekkert ef þeir detta af hestbaki. Það hefur aldrei gerst. Lalala.

Mér finnst skemmtilegt til þess að hugsa að alvarlegum slysum fjölgaði með umferðarátakinu sem er í gangi. Er þetta tengt?

Dagur 125 ár 4 (dagur 1220, færzla nr. 564):

Í ár eru 60 ár síðan Kalashnikov-riffillinn fór í framleiðzlu. Það var, eins og talnaglöggir einstaklingar hafa tekið eftir, árið 1947. Sem er einmitt ástæða þess að tækið heitir AK-47, sem stendur fyrir Avtomat Kalashnikova. Samkvæmt mínum heilimdum þýðir "Kalashnikov" Málarastrigi.



Þetta er venjulegur AK Riffill, caliber 7.62x39.



Þetta er 7.62x39 skot. Ekki rugla því saman við 7.62x51 (aka .308) sem er töluvert öflugra, eða 30.06, sem er það sama og 7.62x51, bara með lengra brass.

Þetta er stórmerkilegt kaliber, því af öllum þeim skotfærum sem hefur verið plaffað í gegnum tíðina, hafa fá verið notuð til jafn-margra víga og þetta. Aðallega af Rauðu Khmerunum, grunar mig. Reyndar er skuggalega stór hluti þeirra sem farast eftir að hafa fengið svona skot í gegnum sig óvopnaðir. Sem orsakast af því að þetta vopn fyrirfinnst oftast í höndum kommúnista. Þeir eru mikið fyrir aftökur.

Skot fyrir skot er .308 sennilega banvænna - því það er meiri orka á bakvið það, og .22 er mjög banvænt (það er á því eðlileg skýring sem ég nenni ekki að fara út í núna), en þökk sé hverjir það eru sem hafa venjulega kalashnikov riffla í höndunum, þá á þetta metið.

Nú, hinn herriffillinn er Stoner M-16 (AR-15, Colt M-16... blah). Það er sjálfvirkur varmint-riffill, ekki nema 5.56 mm, og hefur þann kost helstan að drífa í gegnum fleyri lög af kevlar en AK-47. Ég held það séu 2 SWAT kallar sem maður getur skotið í gegnum, á móti bara einum ef maður notar AK.

En M-16 á ekkert í AK-47, því A: það eru amk 3 AK-47 á hvern einn M-16 í heiminum, eða um 60 milljónir, og B: einungis Ameríkanar fá að eiga svoleiðis... og Svisslendingar. Og Ísraelar. Allt mikið friðsemdarfólk. Og C: 5.56? Fólk er medium game! Á það þarf eitthvað aðeins stærra.

Auðvitað er AK-47 ekkert fullkomið tæki. Þeir eru frekar stórir og þungir, og þykja ekki mjög nákvæmir. Ekki misskilja, þetta eru engar haglabyssur. Af 100 metra færi á góður maður að hitta það sem maður miðar á. Vandinn er að eigendurnir eru yfirleitt ekkert góðir menn...

En þar sem hönnunin er sú áreiðanlegasta í heimi, þá hafa önnur lönd tekið hana og lagfært aðeins:



Zastava M 70. Framleitt af sama fyrirtæki og smíðar asnalega bílinn í N1 auglýsingunni. Og er miklu áreiðanlegra tæki en bíllinn í N1 auglýsingunni, og miklu betri sem riffill en bíllinn sem bíll yfir það heila.



Valmet M 62. Finnska útgáfan. Miklu nákvæmari.



og svo er þetta Galil, en mér skilst að það sé með Valmet hlaupi, kaliber .308. Aftur, miklu nákvæmari riffill, miklu betur smíðaður og öflugri. Maður getur skotið gegnum 3 SWAT kalla með 7.62x51.

Árið 1974 reyndu Sovétmenn sjálfir að lagfæra riffilinn, og hafandi séð M-16 riffla, vildu þeir gera svoleiðis, og fundu upp nýtt skot, 5.45 mm, og notuðu það til að smíða AK-74. Sem kom á daginn að var jafn deadly og loftriffill. Það sáu þeir í Afganistan, þegar það kom í ljós að það þurfti 15 skot til að stöðva Múdjahaddín stríðsmann. Bömmer. Það hafði áður þurft 3-5. 5.45 komst samt miklu betur í gegnum brynvörn.

Jamm. AK-47. Allir ættu að eiga einn.

Dagur 123 ár 4 (dagur 1218, færzla nr. 563):

Um daginn var ég að fylgjast með keppni í þeirri afar áhugaverðu bardagaíþrótt sem þjóðhátíðartjaldauppsetning er. Merkilegt nokk, þá fór enginn burt með sjúkrabíl, en mér sýndust sumar tjaldsúlurnar hafa litið betri daga.

Aðrar keppnisgreinar voru... man ekki hvað þær hétu en þær fólust í að keppandi fylkingar reyndu sem mest þær gátu að svindla í þeim, ef það var á annð borð hægt. Önnur eins trúðalæti hef ég ekki lengi séð.

En komum þá að keppnisliðunum: Vinir Ketils Bónda, aðilar allt sem ég hef hitt og rabbað við. Þeir eru flestir í nokkuð hörmulegu ástandi eftir að hafa stundað ölvun mjög lengi. Stuðningsmenn þeirra var fólk úr sama árgangi og þeir, fólk sem lætur sig dreyma/fær martraðir um að stunda jafn mikla drykkju og þeir.

Hitt liðið var hópur ökumanna... eða eitthvað. Fyrirmyndarökumenn. Held ég. Hef aldrei heyrt af þeim hóp fyrr, enda allir vel 10-15 árum eldri. Gott nafn á hópnum samt. Sem mynnir mig á það: er Elliði búinn að fylla út tjónstilkynningu vegna ökutækisins sem hann skemmdi við komuna á völlinn? Hvað um það: þeir komu með sína eigin stuðningsmenn, sem þeir hafa alið upp sjálfir. VKB eru ekki komnir svo langt ennþá. Kannski eftir 1-2 ár enn. Hvað er krakkinn hans Begga annars gamall?

***

Illugi kom í gær. Hann hafði margt undarlegt að segja um flug til eyja þegar hann kom. Það var þoka þá. Svo bilaði vélin. Sem gerist alveg. Við erum að tala um flug til vestmannaeyja. Það kemur þoka. Og flugvélar bila líkt og önnur mannanna verk. Hinsvegar þá skilst mér á honum, að ef maður á pantað með vængjum, og þeir komast ekki, sé best að FV komist ekki að því. Veit ekki hvort það virkar öfugt líka. Veit ekki einusinni hvort það virkar þannig utan Selfoss. Þetta hef ég frá Illuga.

Þetta hljóðaði allt eins og einhverjar smábæjarerjur.

Dagur 119 ár 4 (dagur 1214, færzla nr. 562):

Fór með hundinn í fjallgöngu um daginn. Tróð henni undir kindagirðinguna til að komast inn, og lyfti henni yfir stigann til að komast út hinumegin. Svo gat dýrið gelt á nokkrar rollur. Ég vissi alveg að kvikyndið er lofthrætt, en það merkilega er, að það kemur bara fram stundum. Til dæmis kom það ekki fram í snarbröttum hlíðunum undir Blátindi, þar sem dýrið hljóp um í skriðunum, en um leið og ég ætlaði með dýrið eftir einhverjum stígum þar sem var nóg pláss, þá neitaði hún að labba. Varð að draga hana. Tvisvar. Bara stutt í hvort skifti. Ég sá engan mun á brekkunum í hvorugt skiftið, en hundurinn var á öðru máli.

Hundar eru vitlausir. En hverju er svosem við að búast frá kvikyndum sem þefa af rassinum á hvort öðru, og taka meiri tíma í að finna stað til að ganga örna sinna en til að borða á?

Svo þegar ég kom niður af fjallinu var tíkin búin.

Dagur 116 ár 4 (dagur 1211, færzla nr. 561):

Margir hafa velt fyrir sér af hverju það er miklu meira til af klámi fyrir karla en fyrir konur. Það þarf ekki mikið að leita að því, það bara er sent með ímeilinu til þín hvort sem þú biður um það eða ekki.

Tökum sem dæmi þessa mynd sem er hér til hliðar: Það er frekar lítið vesen að finna svona lagað á netinu. Þó þessi sé nú ekki í svæsnasta lagi, og væri svosem hæf til birtingar á almannafæri. Það er jafnvel vafamál hvort akkúrat þessi mynd sé klám (sem er nú eiginlega málið með allar myndir á blogginu enn sem komið er).

Og hægt er að fara út og kaupa tímarit með þessu og hvaðeina.

En nú vil ég halda fram að það sé í raun meira framboð af klámi fyrir konur en fyrir karla. Og það er sýnt í sjónvarpinu á besta tíma, og börnunum er leyft að horfa á það. Sem er munurinn á klámi fyrir karlmenn og fyrir konur: annað er ekki boðleg börnum, hitt ... í raun ekki heldur, en þykir í lagi af félagslegum ástæðum.

Og já, klám fyrir konur er alveg jafn mikið líkamlegt, en það er vissulega öðruvísi. Helstu klámhetjur kvenna eru Oprah Winfrey, Sirrý, og Varis Dírí. Og nokkurnvegin allar þær sem hafa verið í sjónvarpinu talandu um þegar þeim var nauðgað eða þegar barnið þeirra dó, eða var nauðgað, eða bæði, í hvaða röð sem verða vill.

Man einhver eftir því þegar Sirrý tók viðtal við varis Dírí? Ég kom inn í það nokkru eftir að þær vour byrjaðar að tala, og skildi ekkert:

Sirrý: "Segðu mér meira"
Varis dírí: "Það var hræðileg"
Sirrý: "En skelfilegt, hvað svo?"
Varis dírí: "Það ætti enginn að lenda í þessu"
Sirrý: "En hræðilegt, hvað svo?"
Varis dírí: "Þetta var bara svo skelfilegt, að það var hræðilegt!"
Sirrý: "Og það ætti enginn að lenda í þessu?"
Varis dírí: "Já. Því það var hræðilegt."

Og þannig hélt það áfram í korter án þess að ég yrði nokkru nær. Ég vissi ekkert hver þessi Varis Dírí var eftir þetta viðtal við hana, né í hverju hún hafði lent, sem var svona hræðilegt. Hún gæti hafa óvart sett salt í kaffið sitt eða eitthvað, ég fékk ekki meiri upplýsingar úr henni.

Svo komst ég að því frá einhverjum öðrum, þegar ég sagði frá þessu mjög svo innihaldslausa viðtali (sem var frásögum færandi því það stóð svo lengi yfir og var svo innilega kómískt í innihaldsleysi sínu) að þessi Varis Dírí hefði verið tekin fanga og nauðgað, brennd lifandi, flengd og steikt á teini og margt fleyra, sem var náttúrlega ógurlegt og allt það, en Sirrý var of vitlaus til að ná fram almennilega í þessu viðtali.

Svo var náttúrlega farið að ræða um blómaskreytingar eða kettlinga eða eitthvað.

Þetta er náttúrlega bara klám. Sadískt klám meira að segja. Að hafa gaman af að horfa á eitthvað fórnarlamb engjast, koma ekki einu sinni orðum að eigin reynzlu, og finna innilega til með henni. Þetta er mjög sick.

En það er líka mergurinn málsins, ég er ekkert kvenkyns, og skil þetta því ekki. En hafandi séð úr hverju kvenfólk fær kick, þá get ég gert mér í hugarlund hina ultimate kvenna-klámmynd:

"Konan sem fór í brjóstastækkun bara öðrumegin því hún hafði ekki efni á 2 implöntum!"

Þetta hefur það allt: er yfirmáta heimskulegt, kvalafullt að horfa uppá, allt viðkomandi að kenna - en öllum öðrum verður kennt um hvernig fór, og svo verður kafað í alla komplexa sem gætu hugsanlega komið upp, með að sjálfsögðu langri ræðu í lokin um hvernig á að setja lög til að hindra að svona undarlegir hlutir geti gerst, og svo verður komið á fót svona félagi til styrktar konum sem hafa látið stækka bara annað brjóstið á sér - það verður til húsa við hliðinni á félagi kvenna sem hafa misst annað brjóstið vegna krabbameins.

Fyrir sjónvarp má að sjálfssögðu vera mínísería um hjón sem eignast Mongólíta viljandi, og sería í mörgum þáttum um nokkrar spólgraðar vinkonur á fertugsaldri, ein sem þjáist af óstöðvandi þvagleka, önnur sem er með sýfilis og vörtur og ... fullt af öðrum áhugaverðum hlutum (meðfylgjandi extrím klósöpp af því öllu), ein sem er greinilega með amk 3 geðsjúkdóma og ein ofur þunglynd, með 3 krakka (einn af hverju). Svo verður eð vera heimildarmynd um nauðganir - í heimsendastíl, eins og allir þessir þættir um heimshlýnun eru.

Konu softcore eru svo allir þessir læknaþættir, því þeir hafa allt: alvarleg veikindi (en sáralítinn tíma til að velat sér uppúr þeim), ælu, blóð og lifur á gólfinu... stundum.

En um leið og einhver tekur sig til og skellir Dönsku stjörnumerkjamyndunum á dagskrá verður allt vitlaust.

Svo eru allir þessir þættir um eldamennsku. Það er ekki klám. Það er ekki einusinni spurning um eldamennsku. Það er bara eins og bílaþættirnir: enginn á Ferrari, en það er gaman að sjá einhvern missa stjórn á einum og klessa á staur. Það er sami kynjamunurinn á áhorfendahópnum líka.

Dagur 114 ár 4 (dagur 1209, færzla nr. 560):

Einusinni fyrir langa löngu, þegar risaeðlur ráfuðu um héruð, tunglið var nær, jörðin var ekki almennilega kólnuð og amma var ung, Þá fundu menn upp bílinn, til að komast í Bónus.

Fyrst gekk ekkert of vel. Thomsensbíllinn til dæmis, var óttaleg drusla. Svo kom Ford T, sem var allt í lagi. Náði alveg 40 km/h, bilaði ekkert of oft, og eyddi ekkert of miklu. Svona kannski 15 á hundraðið.



1914 módel T-Ford.

Síðan eru liðin fáein ár. Nú eru bílar búnir til úr fleyri efnum en bara timbri og steypujárni. Nú eru þeir búnir til úr plasti og kopar og stáli og öllum fjandanum öðrum. Sumir eru Hæbrid, og eru það með 2 vélum, extra rafgeymum og allskyns svoleiðis kjaftæði.

Það er svo umhverfisvænt sko.



Þetta er svona Toyota Hæbrid. Eða Lexus. Með 2 vélum.

Og ég velti fyrir mér: nú eru í þessu 2 vélar, fullt af rafgeymum og það er allt extra þyngd sem þarf að bögglast um með, sem þýðir meiri eyðzlu sem því nemur. Þetta eru örugglega 2-3 extra kíló. (170 kg skv Lexus.com)

Það munar um minna.

En hvað um það: aðdráttaraflið er umhverfisvernd. Fokk Þatt. Kjaftæði. Ég get nefnt alveg nokkra bíla sem hafa verið smíðaðir undanfarin 100 ár sem valda minni eiturefnaútblæstri en þetta hæbrid dót alltsaman. Edsel til dæmis.

Eða 1930 Cadillac V-16.



Sko, Cadillac V-16 er bara með einni vél, úr steypujárni. Sem veldur smá útblæstri þegar hún er smíðuð. Svipað og þegar þessum Lexus er púslað saman. En Lexus er með 2, eins og ég hef komið að áður. Það er ekkert plast í Cadillac frá 1930. Leður, viður, steypujárn... stál kannski. 2 V-8 vélar í röð undir húddinu, lóðaðar saman í eina.

Lexus hefur fullt af öllu þessu, plús plast. Og Satnav og Fúbar og Polyglot og hvað annað fönkýsjitt er í þessum nýju bílum nú til dags.

Þegar búið er að setja saman þennan japanska kagga, þá er búið að dæla út jafnmiklum gufum og eitri og þegar Caddinn er kominn af bandinu, og farinn lengst út í sveit.

Útblástur? Feh. Bara Kolmónoxíð, smá óson, þið vitið, standard stöff. Þó Lexusinn gefi aðallega frá sér minna skaðlegt stöff eins og zyklon-b, þá má nú keyra Cadillacinn ansi lengi áður en fer að draga saman með þeim.

Og sökum þess hve Cadillacinn er einfaldari bíll, er miklu minna vesen og minna orkukræft að endurvinna hann - búa til nýjan í staðinn.

Samt - mig grunar að Lexusinn sé aðeins þægilegri bíll. Ég myndi samt frekar vilja einn með bara einni vél. Ég hef illan bifur á hvað gerist ef önnur bilar. Og það er þessi auka þyngd... 170 kíló? Ég er ekki nema 68!

Svo er dæmi þar sem er eins og þróunin síðan 1930 hafi öll verið afturábak.

Hvað er til dæmis þetta:



Þessi Lexus var alls ekkert sambærilegur bíll við þennan Cadillac. Betri aksturseiginleikar, meiri hraði, meiri snerpa, minni eyðzla (jafnvel með hæbridmótornum).

Svo kemur þetta apparat, einhver Hömmer, sem vegur jafn mikið og 2 Cadillacar, er ljótari en cadillac sem er nýbúið að setja í endurvinnzlu og er out-performaður af honum á allan hátt:

Vél:
Cadillac V-16: 452 tommur
Hummer: 364 tommur ekki nema V-8, úr steypujárni. Alveg eins og 1930.
Meðaleyðzla: báðir svona 4 mpg (65-80 á hundraðið).
Báðir ná svona 160 kmh, og það eru svipaðar líkur á að þeir tolli eitthvað á veginum ef það kemur eitthvað óvænt á þeim hraða - eins og td beygja.
Þyngd:
Cadillac: 2.8 tonn.
Hummer: 3.2 tonn.
Öryggisbúnaður:
Cadillac: nei, það var ekki búið að finna það upp þá.
Hummer: Já, en hver notar hann? Þetta er H2, þyngsti bíll í heimi, þyngri en T-33 skriðdreki! Maður deyr ekkert í árekstri á svoleiðis. Er það nokkuð?



Hann er eiginlega skárri svona...

Og svo lítur Cadillac betur út.

Næst eru það smábílarnir:

Anno Domini 1980 voru þeir litlir, og eyddu um 5 á hundraðið.
Sama árið 2007.
AD 1980 var best að vera ekkert að klessa á hluti. Ef þú gerðir það: Game over, man.
Núna: það er í þessu einhver stálgrind... og ekkert húdd. Sem veldur því að það er ekkert krumpusvæði, en yfirbyggingin leggst ekkert saman. Svona svipað settup og 1930 Cadillac V-16, sem kæmi á sama stað niður ef ekki væri fyrir öryggisbeltin.

Allavega, þá þarf eiginlega að hafa smá járn fyrir framan sig. Fólk þolir ekkert höggið, og tognar í hálsi og baki, og það hefur valdið mikilli aukningu á bakmeiðzlum síðan 1980. Á móti smá minnkun á dauða í staðinn.

Eh. Þróun...

Dagur 110 ár 4 (dagur 1205, færzla nr. 559):

Efna-Ali fær að hanga. Loksins, myndu sumir segja. Skelfilegt, segðu aðrir. Því menn sem kála yfir 100.000 manns með eitruðum lofttegundum eiga sama rétt til lífs og allt það. Þó þeim milljón ættingjum sem eiga harma að hefna líði sennilega skör betur að vita gæjann dauðann.

Hefndin er sæt, og allt það, jafnvel þó maður fái ekki að taka þátt í henni sjálfur.

En hvað um það. Þeir hjá stöð 2 ræddu við Kúrda sem hafði flúið '96, skilst mér. Hann sagði að eiturgasið hefði lyktað svo vel.

Vellyktandi eiturgas? Það var áhugavert. Svo rann upp fyrir mér: Hvarfakútar!

Sko: Þegar hvarfakútar eru nýjir og virka eins og þeir eiga að gera, þá taka þeir útbásturinn úr bílnom (bæði NOX og CO2) og búa til úr því eiturgas. Blásýrugas. Það þekkist á lyktinni: afar sæt möndulykt, eins og af nammi, eða möndludropum. Ég hef fundið þessa lykt oft, aðallega af nýjum bílum í hægagangi, ef veður leyfir. Þetta stöff fýkur fljótt burt og dreyfist með vindi.

Já. Þeir eru svo umhverfisvænir, þessir Írösku fjöldamorðingjar. (Að því gefnu að sjálfsögðu að blásýrugas sé umhverfisvænt - það hlýtur að vera það fyrst Ríkið heimtar að við búum það til með bílunum okkar, ekki satt?)

Ég var bara að spá í þessu af engum sérstökum ástæðum.

Dagur 107 ár 4 (dagur 1202, færzla nr. 558):

Í dag er hægt að reyna að nærast eingöngu á súkkulaðiköku! En ég held ég borði samt eitthvað annað með því. Því minni súkkulaðiköku sem ég borða, því minna verður mér illt. Kíki á hamborgara á morgun. Það hljómar miklu betur.

Kannski get ég gefið hundinum hana? Nei... hvorugt dýrið lítur við bakkelsi. Kötturinn er alveg sérlega mótfallinn sætindum.

Miðbærinn lyktar eins og blautur köttur. Það er vegna þess að vindur stendur af lifrar-dótinu þarna - þessu sem er alltaf verið að reyna að kveikja í.

***

Ég var að rífa innréttingar áðan. Hluti af því er einhver panell á loftinu. Ég komst þá að því að sá sem setti upp loftið notaði tækifærið og losaði sig við fullt af allskyns óskildu drasli í leiðinni - faldi það í loftinu.

Það var grjótmylsna, umbúðir utanum saumavélaolíu, kökuform, og einhver pottur eða panna sem var svo ryðguð að hún brotnaði þegar hún skall í gólfið og varð að dufti sem hringsólaði um andrúmsloftið í smástund. Afar skemmtilegt auðvitað.

Nú þarf að sópa upp öllu þessu jukki. Geri það næst.

Afgangurinn af þessu var bara trédót sem var lítið mál að rífa af og henda svo niður stigann.

Ég held ekki að ég klári þetta um helgina.

Dagur 101 ár 4 (dagur 1196, færzla nr. 557):

Af illri nausyn þarf ég að þvælast um með síma. Ekki beint þægilegt, það. Sérstaklega ekki þegar flestar hringingar eru frá liði sem er að athuga hvort ég vil skifta um símafyrirtæki. Og það hringir þegar ég er að keyra.

Svo eru takkar á þessu, milljónir af þeim alveg. Og það ýtist alveg á þessa takka af sjálfsdáðum þegar ég er á röltinu. Einusinni var ég að labba ehim með poka fullan af matvöru, hann var nokkuð stór og slengtist utaní vasann þar sem ég hafði símann.

Þann dag hringdist örugglega í fullt af fólki, sumt í útlöndum.

Aðrir sem ég þekki eiga það til að skilja símana sína eftir hér og þar; undir borði, oní fiskabúri, bakvið sófa... hér og þar. Svo hringir þetta með miklu ljósashowi, þrumum og eldingum, og viðkomandi er þá uppi á esju eða á Hvanneyri og getur ekki svarað. Hver er þá tilgangurinn með þessum síma?

Þráðlausi heimilissíminn er ekkert mikið betri. Fyrst eftir að hann kom, þá varð alltaf að finna Þórgunni ef maður þurfti að hringja einhvert. Hún átti alveg til að æða með símann eitthvað í burtu. Út jafnvel.

Svo fékk hún sinn eigin síma. Það varð súrrealískt mjög fljótt:

Þógga hringir í vinkonu sína og tilkynnir henni: "Halló! Ég er að tala við þig í síma! Með inneign!"

Svo talaði hún um ekkert nema síma og inneignir í 2 ár. Ég meina, manneskjan hringdi í vinkonur sínar til að tilkynna þeim að hún ætti enga inneign! Ef ég hefði haft geð í mér til að hlusta hefði ég getað lært allt um kosti og galla Nokia 33500 og Símens 4232 með hliðsjón af Ericson 666 eða hvað þetta dót allt saman heitir.

Svo endast þessi tól afar stutt og illa. Minn sími, sem ég hef haft í... 2-3 ár, er fullur af ryki, sem þarf að blása burt ef á að vera hægt að kveikja á honum aftur eftir að hafa slökkt. Hverslags gæði eru það? Þetta er afar lítið notaður gripur. Hann á ekkert með að vera með stæla við mig.

Talan 9 virkaði ekki í nokkra mánuði. Sem var pirrandi. Það er í lagi núna. Rykið hlýtur að hafa færst til.

Svo eru engin tengzl milli verðs og endingar. Hvað er málið með það?

Dagur 97 ár 4 (dagur 1192, færzla nr. 556):

Samkvæmt fréttum um daginn voru allir sem óku Bústaðaveginn um gatnamót Flugvallarvegar um helgina, um 400 manns, sektaðir fyrir ólöglegan ökuhraða. Meðalhraðinn var 77. Sem er náttúrlega bara escape velocity. Sá hraðskreiðasti var víst á 107, sem er mjög nálægt ljóshraða skilst mér, og að sögn hraðar en jafnvel sumar orustuþotur komast. Hinir sem lentu á ljósum sluppu.

Ég velti fyrir mér hvaða skilaboðum þeir eru raunverulega að koma á framfæri. Skoðum þetta aðeins:

1: það er í gangi herferð til að lækka ökuhraðann með þeim formerkjum að hraðinn valdi dauða 200 manns á hverju ári, til eða frá.
2: Samkvæmt herferðinni veldur ekkert annað veldur dauða fólks í umferðinni en "of mikill" ökuhraði.
3: meira en 500 manns aka Bústaðaveginn um hverja helgi, sennilega um 1500, þar sem mjög margir tefjast vegan ljósa, og geta því ekki verið á þeim ógnvænlega 77 kmh sem drepur hraðar en steðji í hausinn.
4: allir sem ekki lenda á ljósum eru að því er virðist undantekningalaust á yfir hámarkshraða, sem er 60. (Vissuði það?)
5: Allt árið eru um 50 helgar. það gerir 25.000 ferðir á kolólöglegum hraða um þessi gatnamót. Hvenær var seinast dauðsfall á Bústaðaveginum? Fréttnæmt slys? Hmm... leitum hjá mbl... Ekki rétt gatnamót... hraða ekki um að kenni sem slíkum, 3 bíla óhapp, vegna umferðarteppu. Það verða óhöpp, augljóslega, en rekjanleg eingöngu til hraða? Nei.
Undanfarið ár hefur semsagt enginn farist eða lent í alvarlegu slysi á þessum gatnamótum. Eða undanfarin 4 ár, þegar ég hugsa um það. Sem gerir 100.000 ferðir á ólöglegum hraða, framkvæmdar bæði af el mongó og góðum ökumönnum.
6: allt þetta fólk, sem hefur aldrei lent í slysi þarna, eða þekkir einhvern sem hefur lent í slíku, getur ekki í raun og veru kennt akstri á ólöglegum hraða um neitt annað en sekt núna seinustu helgi. Það hefur ekki einusinni hugsað út í þetta. Reyndar stangast reynzlan af þessari brekku á við áróðurinn, sem segir að allir sem aki á ólöglegum hraða muni deyja á hræðilega hátt, og fara til helvítis.

Allt í lagi. Þeir segja að hraði drepi, alveg sérstaklega ólöglegur hraði. En nú er það svo að allir virðast aka um á hinum ógnvænlega hraða sem 77 kmh er, og verður ekki meint af. Reyndar verða fleyri slys þegar hægist á umferð.

Sem þýðir að annaðhvort lýgur umferðarráð, eða raunveruleikinn sem slíkur er ekki til, heldur tálsýn, og í raun voru allir á 30 kmh, glaðir litlir hamstrar á bleikum skýjum, en ekki dauðir eftir að hafa þrykkt í gegnum steinvegriðið á brúnni yfir Hringbrautina á 80 kmh og oltið logandi brakinu sínu fjölmargar veltur alla leið upp á umferðarmiðstöð.

Og hvað gerist ef maður segir alltaf eitthvað sem stangast á við reynzlu? Ég get ekki sagt að hægt sé að grafa meira undan trúverðugleika ríkisins, en samt virðist alltaf fullt af fólki éta upp allt sem það segir.

Eða trúiði enn að kaffi láti ykkur hætta að vaxa?

Í raun er bara verið að segja aftur við fólk: Við erum Ríkið. Við viljum peningana ykkar. Við viljum að þið akið mjög hægt. Bara af því.

Hvað dettur þeim í hug næst? Banna smjör? Það væri bara rökrétt framhald, því ef 1/120.000 farast í umferðarslysum vegna ölvunar, svefnleysis, eigin heimsku eða veðurs, og nota má það til að banna fólki að aka yfir 60 á hraðbraut sem er af einhverjum orsökum staðsett inni í miðri borg, þá meikar sens að banna smjör vegna þess að það er hrein fita, og fita finnst oft innan á æðum fólks sem látist hefur úr hjartaáföllum, og miklu fleyri fá hjartaáfall á hverju ári en farast í öllum slysum samanlagt. Eða það má banna öllum að eiga reipi, því 20-50 manns hengja sig á hverju ári. Eða, hey! Bönnum áfengi! Snilld! Komum á dauðarefsingu fyrir þá sem smygla fíkniefnum til landsins! Eða skikkum alla í SÁÁ núna, sem forvörn.

Allt sem fólk getur meitt sig á verður bannað. Engar hurðir leyfðar! Allar sundlaugar skuli vera nógu grunnar til að 5 ára barna geti staðið með höfuðið uppúr svo það drukkni ekki. Hvern vetur verði sjúkrabíll til taks í hverju hverfi ef vera skyldi að einhver rynni til í hálku. Hvort sem snjóar eða ekki. Möguleikarnir eru endalausir.

*PS: á síðasta ári, af 10 síðustu banaslysunum orsakaðist EKKERT af "of hröðum" akstri. Ég var að fylgjast með því sérstaklega. Nefndu eitt ef þú ert ósammála, og rökstyddu.

Dagur 95 ár 4 (dagur 1190, færzla nr. 555):

Stundum er ég umkringdur mönnum sem þykjast vera flugmenn, eða eitthvað þaðan af verra.

Maður þarf að forða sér.

***

Fór með hundinn að rölta í gær. Sá nokkra krakka baða sig í klóakinu. Gaman hjá þeim. Það er eitthvað frárennsli þarna við vitann, illa lyktandi frárennsli, en það er ekki frá öllum bænum. Bara helmingnum.

***

Þar sem ég hef ekkert betra að gera, ætla ég að kenna ykkur að lita hamstra græna:

Maður fær sér svona lítra af grænum matarlit, og hvítan hamstur. Það er auðveldara að lita þá. Annars þarf maður að vesenast við að aflita þá, og svoleiðis gerir maður bara ekki við dýrin. Bara við selfyssinga.

Maður setur litinn í skál, og sökkvir hamstrinum í henni. Bara stutt, samt, ekki vill maður drekkja dýrinu. Það þarf ekkert að lyggja í lengi, bara að dýfast oftar í staðinn.

Svo lætur maður þetta þorna, og þar höfum við það: grænan hamstur.

Endurtakist eftir þörfum.

Dagur 91 ár 4 (dagur 1186, færzla nr. 554):

Flugeldasýning gegn Íslandi. Aha... Næst verður Flugeldasýning gegn Man Utd. Ég spái henni sigri. Ég er enn ekki búinn að heyra hvernig leikurinn Ofbeldi gegn konum fór, en mér skilst að Ofbeldi hafi unnið. Alla vega er ofbeldi gegn lögreglunni að spila núna. Konur falla þá líklega um deild. Næst mun Ofbeldi þá spila gegn KR, held ég. Mig grunar líka að frumspekilega fyrirbærið muni sigra þann leik.

Dagur 88 ár 4 (dagur 1183, færzla nr. 553):



Og í dag er svona líka yndislegt veður. Gaman gaman.

En nóg um vinnuna.

Eftir smá stund mun einhver fjörulalli ofanaf landi festa kaup á gífurlega stórum hlut í stærsta vinnuveitanda eyjunnar, og... ja... setja hann á hausinn viljandi, býst ég við.

Ja... fasteignaverðið lækkar þá væntanlega.

Samt - hvað getur hann gert við 49.X% af heildarhlutnum? Veit ekki. Þekki ekki reglurnar. Kannski selur einhver af Eyjamönnum? Þetta er á yfirverði. Freistandi. Sá hinn sami gæti verið litinn hornauga. En hvað með það? Þarf aldrei að koma aftur - ef það er nóg uppúr þessu að hafa.

Það þarf um 200.000.000 krónur til að geta lifað bara ágætu lífi af vöxtunum. Það væri samt svolítið stór hlutur... Hvað eiga margir svo mikið. Ekki ég. Það er ljóst. Þá gæti ég selt og flutt til Mexíkó.

Við skulum sjá.

Aukaverkun af kvótakerfinu, þetta mál.

Dagur 84 ár 4 (dagur 1179, færzla nr. 552):

Það er furðu lítið á seyði. Maður bara vaknar, fær sér morgunmat og fer svo og... annaðhvort í vinnu eða að horfa á sjónvarpið. Eða út með hundinn. Sjá dýrið hafa uppi á öllum stöðum á leiðinni sem eitthvað/einhver hefur kastað af sér vatni. Ég þarf ekki þær upplýsingar.

Þá er hægt að lesa fréttir: flest umferðaróhöpp á Reykjanesbraut. Og? Næstflest eru á Miklubraut. Hef ég ljósin þar grunuð, en ég held að hraðakstri verði kennt um. Hraðakstri er kennt um allt. Allt frá Kvefi til Hiroshima & Nagasaki.

Éttu úldinn hund, kona... stórfrétt auðvitað.

Og Eimskip er stærst sinnar tegundar í heiminum. Ísland, best í heimi.

Allt sem ríkið potast ekki í vex og dafnar, og öfugt. Það sem ríkið potast í og vex, vex á sama hátt og krabbamein: það stækkar, en enginn kærir sig um það af sömu ástæðu og enginn vill krabbamein: það veldur erfiðleikum, þröngvar sér inna svið þar sem það á ekkert heima.

Jæja.

Skriðdrekar til sölu. Gaman. Væri alveg til í einn. Góður á rjúpu og sel. 7.62 cal byssuna notar maður á rjúpuna, 105 mm hólkurinn nýtist á sel. Vegur um 18 tonn. Það er ekkert. Rétt örfáum tonnum þyngri en vinsælasti jeppi á íslandi, og sá er ekki með skriðbelti. Að auki nær hann ekki nema 68 km hraða, sem þýðir að löggan mun aldrei freistast til að sekta þig, jafnvel ekki úti á þjóðvegi.

Allir þurfa einn, held ég.

Dagur 80 ár 4 (dagur 1175, færzla nr. 551):

Í dag var góður dagur til að fara með hundinn niður í fjöru og leyfa honum að baða sig upp úr grút. Því hundum finnst það svo gott.

Eitthvað er nú kvikyndið samt orðið slappt eitthvað. Nennir varla að hlaupa á eftir köttum lengur. Slen, held ég, eða elli. Dýrið er jú 12 ára. Sem er eins og hvað? Ég veit ekkert hvernig þessi hundaár eru útreiknuð. Sennilega há elli. 250 ár eða eitthvað.

Kannski þarf að þvo hundinn á eftir. Er ekki aleg viss um hvernig á að gera það - seinast henti ég dýrinum bara í baðið, smúlaði það, setti á það sjampó og hárnæringu og skolaði svo vel. Læt einhvern annan stressa sig á því, held ég.

Hvað annað á svosem að gera en að labba með hundinn?

Dagur 78 ár 4 (dagur 1173, færzla nr. 550):

Og þegar ég er búinn að vera hér í um viku, þá hefur þegar einhver kveikt í bíl uppi á velli sér til skemmtunar og yndisauka - en samt ekki alveg viljandi - Björn búinn að flytja inn 2 finna í óljósum tilgangi - sennilega til að láta þá sópa gólfið eða eitthvað, veit það ekki, og ... já. Mér tókst ekki einusinni að vera á eyjunni fyrstu vikuna. Var sendur út af örkinni til að borða humar í Hvalfirði.

Þetta er svona eins og venjulega bara að öðru leiti.

Hvað get ég nú gert af mér?

Dagur 70 ár 4 (dagur 1165, færzla nr. 549):

Þetta er orðið öðruvísi en í gamla daga.

Í gamla daga, allt þar til bara núna nýlega, eyddu bílar bara 10 lítrum á hvert tonn, á góðum degi. Sumir bílar undir 800 kílóum komust undir 5 á hundraðið, ekkert mál. '82 Ford Fiesta til dæmis, og Suzuki Alto. Alto með sjálfskiftingu mun hafa eytt um 10. Þessir bílar voru með low-tec blöndung.

Svo komu allar þessar öryggskröfur - uppúr 1990. Og farartækin þyngdust talsvert. Ég skora á ykkur að fynna bíl undir 800 kílóum núna. Það var allt fullt af þessu einusinni. Núna? 1100 kíló, lágmark. Meðal fólksbíll er um 1300 kíló. Til samanburðar, þá er 1988 Dodge Aries ekki nema 1050 kíló, það sama og 1985 Honda Accord, og Ford Taunus er jafnvel léttari. 1995 Corolla með aðeins 2 hurðum er 1050 kíló. Svei. Miklu minni bíll. Og 1975 Ford Torino er svona 1800-1900 kíló.

Ég vil kenna hraðari þróun um.

Bílvélar þróuðust svo andskoti hægt eitthvað framanaf öldinni. En samt ekki. Þetta dót var allt til strax árið 1930, það var bara ekki notað því það var svo dýrt - svona eins og yfirlyggjandi knastásar og hvað þetta nú allt heitir. Extra ventlar... blah bla bla.

Það voru blöndungar í bílum allt fram til 1990, þó beinar innspýtingar hefðu verið fundnar upp fyrir 1960. 230 Bens vélin er að megninu til frá því 1930.

Kaninn var mjög aktívur í vélunum eftir stríð. Hann var aðallega í því að gera þær stærri og öflugri. Hvað þaær eyddu skifti minna máli. Þess vegna voru á mörgum þeirra 4 hólfa blöndungar, stundum tveir, og hemi heddarar, jafnvel forþjöppur. Sem er allt gott og blessað ef maður vill bíl sem nær 250 km hraða á svona 10 sekúndum, en eyður allt að 100 á hundraðið á meðan.

Venjulegur amerískur bíll, til dæmis svona Tórínó, var að eyða alveg vel 25 á hundraðið. Svoleiðis bíll var kannski með 302 eða 351 Windsor eða 429 V-8. 7 lítra mótor. Með þannig vél gat maður séð bensínmælinn fikra sig niður ef maður gaf hraustlega í.



1975-6 Ford Torino

Núna? Volvo XC90 er meira en 250 kílóum þyngri, en eyðir samt minna. Að vísu á langkeyrzlu, en samt... talaði við gæja um daginn sem kom akandi á Lincoln navigator. Sá sagði að bíllinn eyddi þetta 15 á hundraðið hjá sér.



Þetta er 1975 Ford Tórínó. Sorrý, nútíma ökutæki eru bara ekki fyrir augað.

Svo það hefur einhversstaðar orðið gífurleg framför, sem er eins gott, því djöf... druslurnar eru að safna spiki á undraverðum hraða. 2.3 tonn? Þetta er allt hljóðeinangrun. Í raun er bíllinn bara 1 tonn.

Dagur 67 ár 4 (dagur 1162, færzla nr. 548):

Sjáum nú til, ég spáði að kosningarnar færu svona: "D fær 40%, S fær 25%, VG fær 10%, F fær 7-8%, B fær 10%" (1.1.07 - skoðið bara sjálf). Og hvernig fór? Jú, einhverjar Serbneskar lessur unnu þetta!

Nei annars: D fékk 36,6%, S fékk 26,8%, VG fékk 14,3%, F fékk 7,2%, B fékk 11,7 og I fékk 3,3%, en ég gerði ekki einusinni ráð fyrir þeim flokk.

Sem sagt, það skeikaði ekki nema 3,4 á D, 1,8 á S, 4,3 á VG, 1,7 á B og ég var með F nokkurnveginn rétt. I var hinsvegar 100% rangt, þar sem ekki var gert ráð fyrir þeim flokk. Nálægt...

En hvað um það. Mér heyrðist að einhverjir hefðu verið að stroka Árna Johnsen af listanum. Hvað á það að þýða? Það er fullt af fólki á D lista sem má alveg stroka út; Solla á Gullkamrinum, Björn Bjarna, Þorgerður "Ljóska" Katrín; og þeir strika yfir Árna? Hvað er að? Þetta fólk er sko ekki af suðurlandi, það er ljóst! Ef svo er, eru það svikarar. Að strika yfir eina manninn í flokknum sem gerir eitthvað af viti? Svei! Svei svei svei!

Dagur 65 ár 4 (dagur 1160, færzla nr. 547):

Rölti niður í bæ til að sjá risaskessuna. Eða hvað sem þeir kalla þetta. Heimsins stærstu strengjabrúðu. Það var fullt af áhugaverðum bílhræjum á leiðinni. Ég veit ekki hvar þeir hafa fundið svo marga bíla með skoðunarmiða síðan '04.

Og hvernig þeir stóðu að þessu með strætó... það var afar tilkomumikið.

Svo rölti ég upp laugarveginn - eða niður laugarveginn. Ég fór einhverja krókaleið upp að Hallgrímskirkju allavega til að skoða þetta risadýr þarna. Hitti á leiðinni niður nokkra furðufugla vafða inn í álpappír. Þeir höfðu hátt. Hef ég þá grunaða um fyllerí.

Fékk líka pylsu. Sem var ágætt, því ég var svangur. Kosningar eru svo sniðugar þannig. Þetta er samt fyrsti maturinn sem ég fæ alla baráttuna.

Ég er búinn að kjósa. En þú?

***

Mynd vikunnar:



Mynnir svolítið á plötuumslagið á Nevermind með Nirvana...

Dagur 61 ár 4 (dagur 1156, færzla nr. 546):

Frakkar kusu um daginn yfir sig mann sem er 165 cm á hæð. Samkvæmt fréttum. Jamm. Þá veit maður það. Frakkar hafa góða reynzlu af lágvöxnum þjóðarleiðtogum. Napóleon var ekki nema 82 cm, og hans er enn minnst út um allan heim.

Sem mynnir mig á það, að lágvaxnir höfðingjar hafa of lent í vandræðum eftir að hafa gert innrás í Rússland. Vonandi gerir þessi Sarkósí ekkert slíkt.

Af innlendri pólitík er það að frétta að hún er jafn spillt og venjulega. Þetta ríkisfangsmál er svo augljóslega eitthvað málum blandið að það er kvalafullt að fylgjast með því, og þetta löggudæmi... auglýstu þeir virkilega í lögbirtingu daginn sem fresturinn rann út, og létu gott heita? Og svaraði Rétti maðurinn? Vona ekki. Það yrði miklu fyndnara ef það væri einhver allt annar.

"*Sigh*, við vorum nú eiginlega að vonast til að ráða Togga, en... fyrst þú ert sá eini sem sóttir um..."

Efast um það, samt.

***

Bremsurnar í Kangónum eru að fara. Ég heyri hljóðið sem kemur þegar klossarnir eru horfnir, og málmur nuddast við málm. Jæja... það gæti verið verra. Síðasta sumar brotnuðu bremsurnar af einum af þessum bílum. Það var... áhugavert. Ég lenti ekki í því. Það er samt afar áhugaverð tilfinning, veit ég, að lenda í því að bremsurnar hætti að virka. Hef lent í því. Leið bara mjög vel á eftir.

***

Ég er svolítið syfjaður. Kannski ætti ég að hringja í sjúkrabíl?

Dagur 58 ár 4 (dagur 1153, færzla nr. 545):

Próf í gær. Ekkert að frétta af því. 60%, skilst mér. Eh. Ég fékk gott úr öllu hinu, þannig ég þarf bara að fá 5. Það eru svona 50% líkur á því. Ég er 100% örugglega með hærra en 1. Ég vissi nefnilega örugglega svarið við 6 af 60 spurningum. Held ég.

Ef ekki... ja, þá hef ég eitthvað að dunda mér við á næsta ári.

***

Svo er það sumarvinnan. Ég ætti kannski að kíkja á Eimskip, og tékka hvort ég get ekki fengið vaktir á þeim dögum sem ég verð ekki á vellinum?

Í kína er hægt að fá vinnu við auglýsingar - hér til hliðar er einmitt mynd af nokkrum kínverskum stelpum að auglýsa sápu. Þeir gera þetta pínu öðruvísi þar. Auglýsa hlutina eins og hugmyndin var að þeir væru notaðir. Sem fær mig til að velta fyrir mér hvernig kínverskar dömubindaauglýsingar eru...

Hvað um það. Sumarið er á leiðinni, ef ekki hreinlega komið. Og þá mun verða sól, og veður og... fyllerí... og kappakstur, og fullt af öðrum hlutum. Alltaf þegar skólinn er búinn, um, leið og sólin er komin á loft, fer fólk út að keyra. Liðið er ekkert búið að sletta úr klaufunum í allan vetur. Annað hvort stendur það bílana flata, eða það fer niður í bæ og lemur einhvern.

Það er sumar, tími fyrir útivist. Í vetur héldu menn sig heima til að berja á hvor öðrum innan dyra.

Það er kominn tími til að fara út, og þenja drusluna. Til þess voru þær keyptar. Nema liðið sem fékk sér Landcrusher. Það þarf að þenja þær druslur bara til að vera ekki hreinlega fyrir.

Eða ertu kannski sammála umferðarstofu/ráði/stofnun?

Ókey. Ég skal segja eitthvað sem þér geðjast þá:

Ef þú ekur of hratt muntu deyja. Börnin þín munu fá krabbamein og deyja. Litlir sætir páskaungar munu deyja. Deyja deyja deyja. Því þú keyrir of hratt. Krabbamein segi ég! Dauði dauði dauði. Og MS og kólera og AIDS, þetta mun allt spretta upp úr jörðinni og láta ykkur öll rotna að innan.

Nema þið séuð kjur. Þá muniði ekki deyja. Því hraði drepur! Verið kjur. Verið heima hjá ykkur.

Annars deyr þetta loðna dýr:

Dagur 55 ár 4 (dagur 1150, færzla nr. 544):

Ég var að hugsa, í framhaldi af fréttum um daginn: ef það er svo að lóðaverð er of hátt fyrir alla nema þá sem hafa 400K og yfir á mánuði, hvernig fer þá með liðið sem er í láglaunastöðum, eins og götusóparar? Þeir geta brátt ekkert búið í Reykjavík. Og tæplega hafa þeir efni á einhverju meiriháttar commute til vinnu. Svo þeir geta varla unnið í Borg Óttans, er það?

Svo heyrði ég af fjöldanum öllum af auðum húsum þarna uppi á heiði. Ekki það að þau skorti í mínu nánasta umhverfi. En hver vill kaupa þetta? Ég meina, þetta eru allt forljótar og illa smíðaðar fúnkisbyggingar. Smíðaðar af pólksum kolanámumönnum sem hafa aldrei blandað steypu, og sennilega minnst sofið á vinnutímanum, sem er ekki til að bæta verklagið.

Klæðningin datt af skuggahverfisblokkunum. Ef þið trúið mér ekki, akið þá þar framhjá og lítið á.

Það hefði verið betra að leyfa hverjum að smíða það sem hann vildi þarna.

En hvað um það. Nú, þegar fólk vill frekar búa í Keflavík en í 101, þá býst ég við að aðeins ein gerð af fólki muni sitja þar eftir: fólk sem kypti áður en verðið fór yfir kaupgetu. Og nú geta þau ekki selt, því enginn hefur efni á fasteignunum, nema bankinn.

Ég býst við að bankinn muni líka eignast þessa kofa uppi á heiði, þegar verktakinn annaðhvort fer á hausinn, eða selur til að hindra að hann fari á hausinn - og þeir einu sem geta borgað uppsett verð eru bankarnir, og þeir munu gera það til að hindra að verðið lækki.

Hvað svo?

Nú, bankarnir gætu skifst á íbúðum innbyrðis til að halda verðinu uppi. Keypt upp allt 101 svæðið. Þá byggju þar engir. Þetta væri eins og Kalli er einn í heiminum.

Svo, þá geta þeir gefið þessi hús sem hluta af starfslokasamningum. Eða, þeir geta gefið góðu starfsfólki þau. "Vinnið hjá okkur í yfir 10 ár, og fáið hús!" verður nýtt slagorð KB. Það er ég viss um að margir eru til í að vinna á taxta verkalýðsfélaganna, ef á móti kemur frítt húnæði. það er góður díll.

Svo ég segi það: í framtíðinni munu einungis bankamenn og gamalmenni búa í Borg Óttans. Gamalmennin því þau bjuggu þar fyrir, hinir af þeim ástæðum sem ég gaf upp. Börn bankamanna munu sjá um að sópa göturnar. Vinnuskólinn, sko. Allir aðrir munu búa í Keflavík, Sandgerði og Vogum.

Árið 2050 megiði grafa þennan póst upp og sjá hvort ég hef ekki haft rétt fyrir mér.

Dagur 52 ár 4 (dagur 1147, færzla nr. 543):

Ég var að velta fyrir mér hvað það kostar að byggja í Borg Óttans. Við gefum okkur að maður vilji byggja einbýlishús. Gott, þá þarf lóð. Borgarstjórn er ánægð að selja okkur eina á okurverði, eða 11 milljónir. Í eyjum er hægt að fá hús fyrir það. Hús á lóð. Og bíl. Í Ólafsfirði er hægt að fá götu með nokkrum húsum. Kannski líka bíl.

Nú, mér skilst á auglýsingum sem ég hef fengið frá bankanum, að ég geti fengið lán með 5% vöxtum.

Allt í lagi, 5% vextir af 11 millum er 550.000 á ári. Það gerir 45.900 kall á mánuði, bara vextirnir. Segjum sléttar 50.000, og þá borgast höfuðstóllinn upp á... 183 árum. Eða aldrei, semsagt. Svo við þurfum að borga 60K á mánuði minnst, bara til að eiga lóð, og búa í tjaldi á henni. En sniðugt.

Launin sem maður þarf að vera á þá eru: 60K fyrir lóð, eða 720K á ári, 200 fyrir bíl, eða 60 fyrir strætó (og mæta þá kvefaður og of seint í vinnuna - OG heim!), 20-50K fyrir mat, og hvað meira? Áttu börn? 2000 kall á dag, stykkið. Sleppum þeim, ég held ég eignist engin svoleiðis hvort eð er.

Talan er: 800-970K á ári fyrir barnlausan einstaking í tjaldi. Þá verður viðkomandi að þéna 67-81K á mánuði eftir skatt til að standa á sléttu. Sem er bara ekkert gaman. Það er alveg hægt, en þetta er bara lóð, munið?

Og ef þú vilt hús ofaná lóðina?

Hvað kostar hús? 50 fermetra kofi er svona 4-5 millur, 185 fm hús er á um 10-11 (sjá link - snjóhús, hin gerpin eru ekki með verðlista.). Þá þarf að punga út öðrum 60 K á á mánuði, sýnist mér.

Sko: raunsætt verð fyrir almennilegt hús (sem manni verður svo bannað að smíða því þakið á því lekur ekki, eða það er ekki nógu ljótt og fellur því ekki inn í götumyndina, eða einhverjum hjá borginni er illa við þig því þú ert ekki í flokknum, eða hefur engar vörtur á nefinu eða eitthvað) er svona 15 milljónir, tilbúið til búsetu.

11+15= 26, sem þýðir 109K á mánuði bara í vexti. Þetta verða líklegast 150.000 á mánuði þá. ARG!

Og launin sem maður þarf þá að hafa eru: 150 á mánuði í húsnæði, eða 1800K plús 240-600 í mat og 200 í bíl á ári = 2.1 - 2.6 millur á ári = 175 - 220 á mánuði, eftir skatt.

Sko, í álverinu fær maður alveg 175K á mánuði, en hey! Fær maður aldrei að fara í frí? Aldrei bíó, aldrei neitt. Og ef þú átt krakka... suss. Þú munt fara á hausinn. Nema þú farir að vinna í KB banka sem einhvert númer.

Það var líka að renna upp fyrir mér að maður verður að vera á eldgömlum bíl, og húsgögnin verða að vera gefins/stolin.

Það er engin furða að fólk búi frekar í Hafnarfirði, Garðabæ eða í Keflavík. Það svarar kostnaði að keyra. Þá gefst líka meiri tími til að hlusta á Motorhed...

(við skulum svo gera okkur grein fyrir því að þetta stendur og fellur með því að maður geti fengið lán með 5% vöxtum. Gangi ykkur vel með það.)

Dagur 51 ár 4 (dagur 1146, færzla nr. 542):

Hve langt er þangað til nammi verður bannað? það mun byrja með merkingum á gúmmíköllunum: "Gúmmíkallar drepa" & "Gúmmíkallar innihalda sykur, sem er ávanabindandi fíkniefni," & "sykursýki getur valdið missi útlima" meðfylgjandi verður mynd af manni með staurfót. Á hækjum. Með sorgarsvip.

Auðvitað valda gúmmíkallar ekki sykursýki, en haldiði í alvöru að liðið sem boðar og bannar hafi einhvern áhuga á sannleika?

Forræðishyggjumaður: "Sjáðu! Ef við sprengjum 5 kíló af TNT á stuðaranum á þessum bíl er það alveg eins og ef hann klessir á vegg á 150!"
Fréttamenn: "Ú! A!"
Forræðishyggjumaður: "Allir sem aka á meira en löglegum hraða eru hryðjuerkamenn!"
Fréttamenn: "Ha?"
Forræðishyggjumaður: "TNT!"

Aha... ef þú ekur á 150 kílómetra hraða... þá munu þeir setja TNT á bílinn þinn... ??? Hvar eru svo þessi slys sem orsökuðust af of hröðum akstri? Það hefur enginn sagt það ennþá. Hvorki mér né öðrum.

(Reyndar hefur Reynir Helgi bent á að þegar kemur að slysum, er allur hraði of mikill. Það er nefnilega svo, að 2 kyrrstæðir hlutir munu aldrei snertast, sem er alger forsenda árekstra. En ekki dugir okkur að sitja bara kjur og gera ekkert. það væri verra en öll slys.)

Það eru líka skuggalega margir orðnir hryðjuverkamenn núorðið: eiturlyfjasalar, vegfarendur, flugfarþegar...

Næsta skref er fólk sem fær sér nammi. Þú borðar gúmmíbirni, ergo, þú ert terroristi. Vegna þess að feitt fólk fær sér oft gúmmíbirni/kalla.

Við þurfum nauðsynlega að róa að því öllum árum að manneldisráð fái aldrei völd. Þeir urðu fúlir þegar verð á gosi lækkaði með annarri neyzluvöru hér um daginn. Þótti það ótækt. Vildu beita neyzlustýringu, sem hefir að mér virðist alltaf virkað þannig að þegar óhollar vörur sem fólk vill hækka í verði hættir fólk að neyta þeirra hollu vara sem það þó neytir til þess að eiga fyrir óhollustunni. Sem er mjög hollt, að sjálfsögðu.

Og það mun verða beitt refsingum með tímanum: fyrst eru menn sektaðir fyrir að borða gúmmíkalla á almannafæri, svo verður fólki stungið inn fyrir að smygla inn pepsíi, og mjög feitt fólk verður skikkað í megrun.

Fiskur og salat í öll mál, því það er svo hollt. Svo fáum við öll niðurgang vegna E-kólí í salatinu og þungmálmaeitrun og orma úr fiskinum.

Rakst á sögu með þessu plotti.

Svei! Á móti kemur, að þá verður mannát alveg góð hugmynd: fullt af hægfara og sljóum grænmetisætum, þjáðum af B-vítamín og sykurskorti.

Svo kemur löggan. Það verður heimins skemmtilegasta umsátur. Maður tilkynnir bara reglulega að maður ætli að gefast upp, og hleypir þannig löggunum inn í hollum. Svo er bara lokað, og ekki gefist upp aftur fyrr en sá skammtur er búinn. Allt voðalega fit fólk, að sjálfsögðu.

Zeró sykur, alger greindarskerðing. Maður þarf kolvetnin til að hugsa. Og kjöt.

Verum frjáls, verum hryðjuverkamenn. Fáum okkur gúmmíkall. Og Kók, því það fer svo í taugarnar á manneldisráði. Og það er gott fyrir heilann.

Dagur 50 ár 4 (dagur 1145, færzla nr. 541):

Sá um daginn - held örugglega á miðvikudaginn - þessa bjána í umferðarforræðinu sprengja þennan Volvo í loft upp. 5 kíló af TNT. Ekki beint öflugasta sprengiefni í heimi, en hey... all in good fun.

Og nú vitum við hvað gerist ef maður lendir í því að teroristi setur 5 kíló af TNT á stuðarann á Volvónum manns og detinetar það þegar bílnum er lagt fast upp við steinvegg.

Við þurftum öll að vita það.

Nú þurfum við bara að komast að hvað gerist ef Volvo 244 er ekið á steinvegg á 150 kílómetra hraða. Ég þori að veðja að útkoman mun verða áberandi öðruvísi. Og flott. Alveg virkilega flott.

Jæja: Hér er verið að misþyrma Toyotu Auris með bunka af álþynnum, staur, og svo frv. Árekstur við téðar þynnur á um 50 km/h.

Víetnam-bíll vs. steinveggur á... hraða? var ekki 60 standardinn þá? Mér sýnist þetta vera meira í lýkingu við 150... úff!

Trukkur á 100 kmh vs röð af bílum.

Volga vs. álþynnur á 64 km/h.

Fjör!

Ljósastaur vs. Fiesta

Já. Þetta var skemmtilegt. Ekkert TNT þó. Ekkert lýkt því einusinni.

Dagur 47 ár 4 (dagur 1142, færzla nr. 540):

Var úti að keyra í gær. Fyrri það fæ ég víst greitt. Ók framhjá þessu ljósi aftur. það blikkaði mig, og það kom mynd af fílukalli. Jamm, ljósið birti mér fílukall. Dásamlegt. Ég man að ég ók þarna einusinni framhjá miklu hraðar, og fékk fílukall þá líka. Reyndar man ég ekki til þess að hafa fengið annað en fílu, sama hve hratt ég hef ekið.

Nú er illt í efni, því bíllinn kemst ekki hraðar en 100, kannski 120, og ég veit ekki hve hratt þarf að aka til að fá broskall. Og þessi bíll er nú enginn Ferrari.

Svo ég segi: Fokk Jú fílukall. Blikkaðu bara. Mér er sama. Jájá, sýndu bara Steingríms J eftirhermuna þína. Helvítis kryppildi, alltaf í fílu, sama hvað. Tek ekki mark á svona löguðu.

Dagur 46 ár 4 (dagur 1141, færzla nr. 539):

Það styttist í kosningar. Rétt up hönd sem halda að þær fari öðruvísi en venjulega. Rétt upp hönd sem halda að það séu einhverjir hægri flokkar á íslandi.

Sko, það eru Kommar, það eru Fasistar, og það eru Frjálslyndir Demókratar.

Svo ég útskýri:

VG eru kommar. Þeirra helsti vandi er að Sovétið er hrunið, og sendir þeim ekki lengur stefnumálin beint frá Kreml. Ég held ég hafi sagt það áður. Bófar og landráðamenn, alltsaman.

Samfylkingin er Fasískur flokkur: Til að vera fasisti þarf maður að vera sósíalisti: tékk. Til að vera fasisti þarf maður að eiga óvinnandi óvin: tékk. Til að vera fasisti þarf maður að vilja sterkan Foringja: tékk.

Þeir hafa það allt: þetta eru vissulega sósíalistar; hlustið bara á allt þetta röfl um að fjölga barnaheimilum og það eigi að gefa öryrkjum alla peningana okkar.
Þau eiga líka fullt af óvinum, í gegnum kvennalistann alla karlmenn (ég sagði ekkert um að óvinurinn yrði að vera 1: til í alvöru, eða 2: einhver óvinur þeirra), Sjálfstæðismenn, og örugglega fleyri.
Og þau vilja sterkan Foringja: Ítalía hafði sinn Mússólíni, hann gerði ekkert marktækt; Júgóslavía hafði sinn Tító bandídó - viðurnefnið segir allt sem segja þarf; og Portúgal hafði sinn Szalazar. (Þið hélduð að ég myndi nefna einhvern annan! Hah!)

Já já já, ég veit þið viljið ekkert vera bendluð við Fasista, en það orð hefur bara verið notað sem blótsyrði svo lengi, að það veit enginn hvað það þýðir. Lærið, fíflin ykkar.

Mitt á milli S & VG er Framsóknarflokkurinn. Þeir eru Lénsræðismenn. Það verður best útskýrt með kvótakerfinu: Yfirvaldið á kvótann, og útdeilir honum til lénsherranna, sem selja hann til bændanna. Þeir sem eru ekki bændur fá ekki neitt. Þjóðareign? Jæja...
Svo er mjólkurkvóti, takmörk á fjölda leigubíla, það má ekki smíða hvað sem er á eigin lóð og svo framvegis. Þetta er lénsræði. Feudal system.

Sjálfstæðisflokkurinn er líberal-demókrataflokkur. Svolítið þjófóttir eins og kommarnir, (ég þekki persónulega mann sem hefur átt í vandræðum með land, og það eru víst fleiri) og svolítið gjarnir á að stjórna eins og feudalistarnir, (Ekki leggja þeir niður kvótakerfið, eða RÚV) með sterkan leiðtoga alveg eins og Fasistar, en þessi blanda er samt bara dæet útgáfan af öllu hinu.

En Fasistarnir vilja ekki kjósa þá því þeir smíða ekki nógu mörg barnaheimili, Framsóknarmenn vilja þá ekki því þeir afsala sér of miklum völdum til manna sem eru ekki í ríkinu (það var nú eitthvað reynt að taka fyrir það, en það var orðið of seint) og kommarnir vilja ekki sjá þá því þeir leyfa mönnum að komast upp með það nær refsilaust að eiga ekki bara eignir, heldur hafa tekjur líka. Sem er náttúrlega skandall.

Hinn Frjálslyndi sósíalistaflokkurinn er Frjálslyndi flokkurinn. Þeir eru alveg eins nema hafa eitthvað á móti kvótakerfinu.

Og þar sem Íslendingar eru allir fasistar, nema þessi 10% sem eiga pening inní banka og eru því frálshyggjumenn, og þessi 10% sem öfunda þá og eru því Kommar, þá kjósa flestir yfir sig Sjálfstæðisflokk, Samfylkingu og Framsókn. Allir aðrir munu fá samanlagt 15% fylgi, sem skiftir engu máli. Kannski 5-6 menn inn.

Ég tek ekkert mark á skoðanakönnunum.

Dagur 43 ár 4 (dagur 1138, færzla nr. 538):

Þá er þetta blogg búið að vera til í 1138 daga. Ekkert um það að segja svosem. En mér þótti talan kunnugleg - svo ég gúglaði henni, og fann þessa mynd. Auglýsing fyrir "THX-1138", eftir Georg Lúkas. Það var afar slæm mynd. Ekki horfa á hana nema ykkur hafi fundist "2001" eitthvað góð.

Um daginn fór ég í Stúdentakjallarann að horfa á bíó. Náði seinni hluta einhverrar myndar um gæja sem er í Kúbu þegar kommarnir eru að taka völdin. Enginn hasar eða neitt, bara fleyri skriðdrekar úti á götu. Svo voru kommarnir með einhvern fund, og þeir töluðu mikið, en það var allt bara röfl. Byggt á sannsögulegum atburðum semsagt.

Seinni myndin var "Weekend", eftir einn af þessum gaurum sem komu slæmu orði á franskar kvikmyndir. Það var verulega slæm mynd. Plottið er nokkurnveginn svona: fólk hoppar upp í bíl og ekur út í sveit. Þar virðast 10% af vegfarendum hafa farist í umferðarslysum. Veit ekki hvað það þýðir, en mig grunar að leikstjórinn hafi hreinsað alla bílakirkjugarða í frakklandi upp fyrir gerð myndarinnar.

Það voru nákvæmlega engin stönt. Þetta er bara settið. Mynnir reyndar svolítið á Mad Max myndirnar.

Svo loksins enduðu þau úti í skógi, þar var Napóleon, einhver gæji með trommusett og einhver leiðinleg kelling sem fór með þulur. Þau kveiktu í henni. Þá hittu þau mannæturnar sem voru alltaf að röfla um hve hræðilegt það væri að vera smáborgari, á milli þess sem þeir lifðu á túristum og spiluðu á trommur.

Aha... er ekki viss um hver meiningin er, en ef valið stæði milli þess að vera smáborgari eða mannæta úti í skógi, þá myndi ég velja að vera smáborgari. Það er ekkert gott að vera úti í skógi.

Já... eftir þetta er nýjasti ópus Tony Scott ekki sem verstur.

***

Fór og kíkti á rústirnar í gær. Bleh. Ekki mikið að sjá. Horfði á fréttirnar um daginn. Veit ekki hvað menn eru að grenja ufir þessum kofum. Mér sýndust þetta vera mestu hreysi, sem ég veitti samt ekkert sérstaka athygli. Hvað var það sem var svo merkilegt sem fór þarna fram? Fyrst þetta var svo mikil gersemi, afhverju var þá bara einhver hallæris-bar þarna?

Og svo vilja þeir endurbyggja þetta? Huh? Af hverju? Afhverju má ekki skella upp stærra húsi þarna? Svona 3 hæðir. Ég mæli með að það líti svona út:

Stórt, en á sama tíma virkilega flott. Og það er vatnshalli, einar 45°, fullt af gluggum, margar hæðir...

Og tók ekki nema 10 mínútur að krota upp í MS-Paint.

Dagur 40 ár 4 (dagur 1135, færzla nr. 537):

Og í gær var ég angraður með stórfrétt um einhvern jólasvein sem hafði rölt inn í herbergi og skotið fullt af fólki.

Í Bandaríkjunum. Annan hvern mánuð gerist eitthvað svona. Sem fær mig til að hugsa: Það er verið að ljúga að mér. Það er alltaf verið að segja að það sé allt fullt af byssum í USA, og þar sé súper auðvelt að verða sér úti um byssu, og öll menningin gengur út á byssur; hinn venjulegi kani er með byssu í hvorum vasa, eins og Lord Byron.

Og svo kemur einhver með byssur, og labbar um og nær að drepa 30 manns. Hvar voru allar þessar byssur? Undir rúmi? Ekki voru þessir 30 með neina, það er nokkuð ljóst.

Nei, mig er farið að gruna að bandaríkjamenn eigi ekkert margar byssur. Þetta séu bara einhverjir sérvitringar sem eigi allar þessar byssur, og aldrei er skotið á þá. Því þeir hafa byssur. Maður sér aldrei neinn ráðast á Charlton Heston, er það? Það skaut heldur aldrei neinn á Lord Byron, og þó var hann ljóðskáld.

Það eru enn innan við 10 ár síðan ég frétti að það væru fleiri morð framin í Svíþjóð en USA. Per 100.000, sko. Þeir nota sko axir. Því þeir eru ekki framar á merinni en það.

Mér virðist sem 45% af fréttum sé lygi, 45% sé rangtúlkun á sannleikanum og 10% sé uppfyllingarefni. Pöndur og svona.

Dagur 37 ár 4 (dagur 1132, færzla nr. 536):

Það fór fram smá drykkja í gær. Líður enn hálf-ferlega eftir það. Það mun batna, fæ mér kók á eftir, kannski hamborgara eða eitthvað.

***

Nissan Patrol eru örugglega mest hægfara ökutæki sem völ er á. Ég er viss um að kranabíll tæki Patról í spyrnu. Ég meina, man einhver eftir að hafa verið stunginn af á einhverjum á Patról? Svo er þessum farartækjum aldrei ekið öðruvísi en með hægri fótinn fast við gólfið, með tilheyrandi reyk og hávaða.

Ég var á eftir einum í gær, helvítið hafði ekki í við lengri gerðina af Ford Transit með kæliboxi, og ég var ekkert sérstaklega að þenja bílinn. Fór aldrei yfir 3000 snúninga. Djöfulsins druslur. Og þetta kaupa menn viljandi, fyrir pening? Svei!

Ég veit alveg hvernig þessir bílar virka, ég sé það núna:

Nissan Patról er settur í gang, í gír, og svo er hann staðinn flatur. Þá fer bíllinn svo hægt, hægar en allt sem hægt er, hægar jafnvel en kjurt. Svo hægt að hann ferðast aftur í tímann. Sem er náttúrlega alveg bannað, og þá taka tíma-púkarnir við sér, svo bíllinn endi ekki á Napóleonstímanum, og þeir raða sér umhverfis hann, og bera hann á milli sín á leiðarenda, á meðan einn þeirra sér um að rúlla kílómetramælinum. Þess vegna virðis bíllinn hreyfast um í rúmi. En þetta eru mjög þung farartæki, svo púkarnir okkar komast ekki mjög hratt, sem er ástæðan fyrir þessu slóri. Þeta er líka ástæðan fyrir lágri bilanatíðni í þessu.

Svo eru hinar rollurnar, sem fá sér Landcrusher jeppa, sem eru lítillega öflugri, og eru því næstum jafn snöggir og skriðjöklar. Það er vegna þess að þeir eru jafn þungir og slíkir.

Svo renna menn um á þessum traktorum sínum, fyrir hvar sem þeir fara.

Ég veit ekki hvað þetta lið er að spá. Í alvöru. Að kaupa sér ekki almennilegan bíl, ef þeir hafa efni á því. En nei! Þeir vilja jeppa með snerpu á við plöturek með akstureiginleika steypubíls. Eða Pajero, sem er eins og Toyota Hi Ace í akstri.

Það eru nokkrir jeppar þarna úti sem eru alveg í lagi - Range Rover til dæmis. Svo er Suzuki Jimni, sem er þeirrar náttúru að komast um öll fjöll að mestu óbreyttur, eða bara Porsche Cayenne, sem er sportbíll dulbúinn sem jeppi.

***

Talandi um bíla; ég las það einhversstaðar að það væru uppi hugmyndir um að vera með ókeypis bílastæði fyrir umhverfisvæna bíla.

Hmm... hvað sem það þýðir. Til dæmis, þegar öll kurl eru komin til grafar, þá er Ford F-350 umhverfisvænni en Toyota Prius. Jamm. Toyotan eyðir aðeins minna - skuggalega miklu samt miðað við alla tæknina sem er í gangi - en: það fer gífurleg orka í að smíða hana, þessi léttu plastefni, þessar tvær vélar með öllum þessum speis-efnum og svo náttúrlega rafgeymarnir. Við framleiðslu á einum Prius losnar meira koldíoxíð en við framleiðzlu á Ford F-350 og akstur á þeim bíl í einhverja 2-300.000 kílómetra. Og það versnar, því Priusinn endist víst ekki nema 150.000 kílómetra.

Fæ ég þá frítt stæði fyrir F-350 bílinn sem ég fæ mér þegar orkukreppan skellur á?

Dagur 33 ár 4 (dagur 1128, færzla nr. 535):

Fyrst það var nú frí fór ég út á Reykjanes og skoðaði Wilson Muga. Dallurinn er lengst uppi í landi, við stofugluggann hjá liðinu þarna í Hvalsnesi. Mjög tilkomumikið að sjá, og mikil tilbreyting frá hinu venjulega útsýni þar: sjó.

En hey, þetta lið er mjög hrifið af sjó. Helst myndi það vilja horfa á ekkert annað, og reyndar er þetta sléttasti parturinn af Reykjanesinu, þarna er nákvæmlega ekkert svo langt sem augað eygir.

Mig grunar að þessu fólki sem þarna býr séu eigin hús mikill þyrnir í augum, þar sem þau standa uppúr auðninni, en óheppileg nauðsyn, því án þeirra gætu þau ekki notið sléttlendisins. Eða hvað það eiginlega er sem fær það til að heimta þennan dall í burtu.

Hvernig þeim tíkst að koma bátnum svona rækilega á land veit ég ekki. Það hlýtur að hafa verið háflæði þá. Þegar ég kom að þessu voru 10 metrar af stefninu á lofti, svo sá undir. Að aftan er bara 1/3 af skrúfunni á kafi. Merkilegt alveg.

Ef þetta skip væri látið í friði myndi það líklega brotna í sundur á innan við 10 árum, en samt yrði nóg eftir til að laða að sunnudagsrúntara. Þetta gæti orðið mikil lyftistöng fyrir hamborgarasjoppuna í Sandgerði. Þeir á Hvalsnesi gætu opnað kaffihús til að kapitalisera á þessu. Því með mynnismerki sem breytist stöðugt, þá er alltaf eitthvað nýtt að sjá, alltaf sama fólkið úr Keflavík, hafnarfirði og Rkv að mæta að skoða hvað hefur breyst.

En... þeir munu draga bátinn út, þar sem hann mun sökkva.

Dagur 27 ár 4 (dagur 1122, færzla nr. 534):

Himnarnir hafa ekki hrunið ennþá. Tékkum aftur á morgun.

***

Skildist það á fréttum um daginn að þó búið sé að samþykkja það að ekki megi stækka álverið í straumsvík sé samt svigrúm fyrir þá til að stækka álverið - eða réttara sagt, gera það afkastameira án þess að gera það umfangsmeira.

Sko, álverið átti nefnilega að verða talsvert plássfrekt. Átti að ná yfir veginn, og langt inn á geymslusvæði. En í staðinn geta þeir bara pakkað meira álframleiðzludóti á það svæði sem til er. Snilld. Það verður náttúrlega ekki alveg eins afkastamikið og það hefði orðið, en samt meira. Og mun spúa meiri eiturefnum í loftið.

Þetta er nefnilega mjög einfalt: Báxít fer inn, Flúor fer inn: ál, flúor og brennisteinn og eitthvað meira fer út. Eða það skilst mér.

Það skal samt enginn gera sér vonir um að minna álver með minni útblæstri sé eitthvað betri fyrir Hafnarfjörð. Jú, það er kannski minni mengun, en það er á sama tímalítillega minni pening að hafa út úr því, sem mun hefta vöxt á svæðinu. Hafnarfjörður er ekkert að fara á hausinn alveg strax, en þeir misstu af smá meiri pening. Þetta er eins og munurinn á að bjóðast vinna í ruslinu fyrir 300.000 kall á mánuði (með yfirvinnu) eða þægilegt 9-5 skriftsofustarf fyrir 180 á mánuði. Maður kemur ekki heim illa lyktandi, en á móti þá hefur maður ekki efni á glæsilegri 4 hæða höll með sundlaug á toppnum og krana fyrir bjór við hliðina á vatnskrananum í eldhúsinu, 17 salernum og hvaðeina, svo ég ýki lítillega.

***

Það á að búa til veag af gufunesinu, þar sem öskuhaugarnir voru, og upp í sundahöfn. Það á að heita sundabraut. Og Sundahafnir eiga að fjármagna þetta, því ríkið vill ekki fjármagna þetta.

Sem vekur upp tvær spurningar:

1: Á ekki Ríkið einmitt að fjármagna vegaframkvæmdir? Ég meina, það er það sem veggjaldið fer í. Við borgum það öll hvort sem okkur líkar betur eða verr, fleyri milljarða á ári, og það óbeint hvort sem við eigum bíl eða ekki.

2: Eru ekki sundahafnir ríkisfyrirtæki? Hér er eitthvað svindl í gangi.

***

Þetta er Cessna Skyhawk. Svona rella kemst svona 1200 kílómetra á tankinum, sem er 200 lítrar að stærð (svons circa), sem þýðir að hún eyðir líklega um 16 á hundraðið. Hún hefur 160 hestafla mótor og er vanalega flogið á 180-200 km/h.

Veit ekki hvort það er gott eða slæmt. Hvað var aftur Dornier að eyða? Lítra á kílómetrann? En það er náttúrlega miklu stærri og þyngri vél, með 2 hreyfla. Svo þarf þetta dót að tolla á lofti einhvernveginn, og það er ekki beint best í heimi að þurfa að knýjast áfram í gegnum loft. Betra væri ef það væri kapall þarna sem þetta gæti fikrað sig eftir - uppá eyðsluna. Það bara stendur ekki til boða.

Jæja.

Dagur 24 ár 4 (dagur 1119, færzla nr. 533):

Kosningum um stækkun álversins lauk með 88 atkvæða mun. 88 af 16.000. Frábært. Það er jafnt. 76% kjörsókn... heh. Hvað svo? Ekki fer álverið. Það kostar. Nema það virkilega svari kostnaði að rífa þetta og byggja annað annarsstaðar.

Nú mæli ég með að fólk í Þorlákshöfn og nágrenni byrji að rabba aðeins við alcan. Bjóða þeim pláss fyrir svona mlljón tonna álver. Það er góður staður, Þorlákshöfn. Það er náttúrlega höfn, nánast enginn gróður sökum saltroks, og fullt af söndum þar sem býr enginn svo langt sem augað eygir.

Og: það er stutt í rafmagn.

Reynir var að tjá sig um rafmagn áðan - hann á nú að þekkja það, verandi rafvirki, og hafandi unnið í álveri og orkuveri - og samkvæmt honum menga svona hverarafstöðvar bara ekkert lítið. Þær pumpa sko upp brennisteinsoxíði. Sem myndar súrt regn.

Hann hefur miklar áhyggjur af komandi ísöld.

Já, við vitum að það hafa verið ísaldir - þ.e. þau okkar sem hafa fylgst með, horft á fræðsluþættina á rúv og Discovery - eða Ísöld - en hvað eigum við að gera við því?

Ja... við gætum tekið okkur til og rifið hvarfakútana undan bílunum okkar. Þá menga þeir minna - nema við ökum þeim mun meira. (Þeir virka ekki fyrr en bíllinn er orðinn heitur, og það bara gerist ekkert í Reykjavík - hvað þá í Eyjum). Það er svona prómill af útblæstrinum. Við gætum sökkt öllum beljum landsins í Kárhnjúkalón. Þær menga, þessar beljur. Reyndar allir grasbítar. Svo sökkvum rollunum líka, og fólki á makróbíótísku fæði, til öryggis. (Eða við getum borðað þetta allt, haldið svona stórt karnival, áður en við förum öll að borða fiska sem við höfum veitt úr næstu á eða sjónum).

Við getum hætt að anda. Allir vita að andardráttur losar fullt af kolmónoxíði, sem er jafn skaðlegt umhverfinu og það er gott fyrir það. Ef maður gerir það hættir maður náttúrlega fljótt að hafa áhyggjur af losun gróðurhúsalofttegunda.

Allt saman mjög uppbyggilegar hugmyndir.

Já. Ísöld. Þá getum við öll búið í snjóhúsum eins og einhverjir eskimóar.

Dagur 19 ár 4 (dagur 1114, færzla nr. 532):

Fór í fermingarveizlu um daginn, í Forgarði Helvítis, held ég. Allavega var eitthvert evil-symbol á fortjaldinu, og veggirnir voru svartir og rauðir. Að auki var nokkuð heitt. En maturinn var fínn. Ég fann áðan smá keim af marsipani síðan þá.

Þarna voru náttúrlega 200 manns sem ég kunni lítil deili á.

Hvað meira?

Já, ég var að kynna mér það um daginn, að eitt af einkennum koffeineitrunar er niðurgangur. Þannig, að ef þú drekkur voða mikið kaffi, og færð niðurgang í framhaldinu, er ráðlegt að ræða við lækni. Eða það stendur amk á internetinu.

Amfetamín getur valdið sömu einkennum, en þau teljast þá ekki til eitrunar. Svo, ef þú tekur amfetamín og færð niðurgang, þá er það ekkert mál; þetta á að vera svona. Hinsvegar getur það stöff valdið hjartsláttartruflunum, sem geta verið sérlega varasamar ef maður er með einhverja meðfædda galla.

Og ef maður fær sér að drekka mjöð úr vissum mexíkönskum kaktusum gæti maður komið auga á nokkra karólínska míníscula... uppi á borði... spilandi á hljóðfæri, syngjandi og dansandi...





Hallelúja.

Dagur 16 ár 4 (dagur 1111, færzla nr. 531):



Nú er að koma sumar, og þá fara að koma allskyns langar, dýrar og afar slæmar myndir í bíó. Margar þeirra eru gerðar af Bruckheimer og í þeim er Nicholas Cage. Fyrir þá sem ekki vita hver það er, þá er það gæjinn með langa andlitið sem var í "the Rock" og "Con Air" og mörgu öðru.



Reyndar hef ég skoðað þetta mál aðeins, og mér hefur sýnst að sá náungi sé í flestum sumarmyndum sem ganga eitthvað. Fáir vita til dæmis að Nicholas Cage var í bæði "ID 4" og "Pirates of the caribbean". Það vita það nefnilega fáir, en Keira Knightly er í raun bara karakter sem er leikinn af Nicholas Cage. Og í ID 4 lék hann dauða geimveru, enda er sú dauða geimvera lang-eftirmynnilegasti karakterinn í þeirri mynd.



En hvað um það. Ef það er svo, þá er örugg leið til að gera sumar-blokböster bara að láta Bruckheimer ráða Nicholas Cage, og gera svo kvikmynd með fullt af sprengingum og almennu kjaftæði.



Til dæmis Godzilla! Já, ég veit að það er búið að gera ameríska útgáfu af því. En ekki með Nicholas Cage, þess vegna var sú mynd líka hálfgert klúður. Þeir eiga náttúrlega að ráða gæjann sem leikur Godzilla venjulega, og koma svo með eitthvað orginal plott... með Nicholas Cage að sjálfsögðu.



Nicholas Cage vs. Godzilla!

Nicholas Cage stígur á land einhversstaðar, upp úr sjónum, og byrjar að sparka í nokkur háhýsi úr pappa og gifsi.

Godzilla er heima hjá sér, með bjór í hendinni að horfa á sjónvarpið.



Herinn reynir að ráða niðurlögum Nicholas Cage með ýmsum ráðum, til dæmis með því að skjóta á hann CGI eldflaugum, en þegar það dugir ekki þá hringja þeir í Godzilla.

Bardagi aldarinnar upphefst. Fullt af húsum hrynja. Sprengingar, læti, harðfiskur. Þið þekkið þetta. Svo kemur Súpermann inní þetta einhvernvegin, og alheimurinn springur í loft upp. Gott stöff, það.



Ég ætla að fara að gera eitthvað uppbyggilegt núna.

Dagur 13 ár 4 (dagur 1108, færzla nr. 530):

Ah...

Ég fékk miða frá skattinum í morgun. Jamm. Í morgun. Þar stóð allskonar drasl um hvernig ég gæti skoðað skattskýrzluna á netinu. Svo ég fór á netið og kíkti á þetta. Netið bauð mér að fylla út skattskýrzluna á netinu. Nennti því ekki, hugsaði að ég fengi eyðiblað með pósti á endanum.

Svo fór ég til ömmu, til að tala aðeins við hana, horfa á fréttir og svona - því hún býst jú við mér.

Þá heyri ég að það eigi að skila framtalinu í dag. Þá fyrst. Og ég er ekki búinn að fá neitt framtal í þessum skrifuðum orðum.

Svo ég stökk upp í bókhlöðu. Jújú, það er hægt að skila þessu öllu á netinu, segir netið. Svo ég geri tilraun til þess:

Tilraun 1: netið segir mér að það sé villa í framtalinu. Það mun vera rétt, en það mun að auki ekki vera fræðilegur möguleiki að leiðrétta það, svo ég hugsa: ég er að gera þetta vitlaust.

Tilraun 2: ég skoða netið betur og finn einfalt, aðeins of einfalt form sem ég get fyllt út. Svo ég geri það. Þá vill netið vita á hvaða reikning það getur sent mér endurgreiðzluna. Huh? Eithvað er ekki rétt, en til að vita hvað er á seyði næ ég í veflykilinn til að sjá hvað gerist.

Í millitíðinni lokar bókhlaðan - hún lokar sko 22:00. Svo ég skoða þetta í annarri tölvu... og sé ég þá ekki að ég var þarna næstum búinn að svíkja stórfé út úr ríkinu. Flott mál. Geri það næst. Flý svo úr landi. Til Mexíkó eða eitthvað.

Allavega þá komst ég að því að það er ekki vinnandi vegur að skila framtalinu á vefnum, svo ég prentaði þetta bara út og skutlaði því innum lúguna hjá þeim. get alltaf stolið af þeim pening á næsta ári.

Rafræn skil? Helvítis kjaftæði!

Dagur 12 ár 4 (dagur 1107, færzla nr. 529):

Það hefur sína kosti og sinn afar sérkennilega galla að vera á Corollu. Allt í lagi, þetta apparat eyðir ekki nema rétt um 9 á hundraðið. En á móti týni ég honum alltaf á stæðinu, og þarf að leita. Það er svosem ekkert nýtt, hinn bíllinn er silfurgrár, og það er svona eins og að leita að glærum bíl að leita að svoleiðis.

Var að keyra áðan, og tók eftir því að jafnvel litlir bílar eins og Golf gnæfa yfir mér eins og einhverjir bergþursar. Það var ekki þannig. Neibb. Og: ef ég hefði lent í árekstri á Cherokee hefði það ekki kostað mig mjög mikið að gera við það. Reyndar var sá bíll alveg klesstur: steypudæla hafði lent á bílstjórahurðinni þegar Reynir átti hann, Kristín Bassa bakkaði á frambrettið, og örugglega eitthvað meira sem engin ummerki sáust eftir.

Dodgeinn tók út VW og Skoda, og þar áður eitthvað annað. Það var alltaf snúið uppá bílstjórahurðina á honum, svo sást út. Hann þoldi þetta allt.

Sem fær mig til að hugsa: kannski er þetta ekki nógur málmur? Ef ég keyri á, þá er það bara búið; þarf að finna annan bíl.

Eða: ég get fiffað þennan aðeins til...

Sko, ég bolta stífur í framendann, bý til svona grind umhverfis vélina svo hún verði ekki fyrir óþarfa hnjaski, með krossstífum og hvaðeina, svo er gott að útbúa veltibúr inni svone eins og á Rallýbíl - gæti komið sér vel, hver veit? Gera þetta svolítið rammgert. Skifta kannski sætinu út fyrir rallý-sæti, með 4 eða 5 púnta belti. Veitir ekki af í umferðinni hérna.

En þá ræður hin auma 1300 vél ekki við að bifa bílnum. Kannski spurning að redda einni 2 lítra úr Carinu? Eða bara 460 Ford frá Reyni? Það ætti sko að hreyfa bílinn úr stað! Hvar ætti ég nú að koma henni fyrir... í farþegasætinu auðvitað! Hah! Ef það passar ekki undir húddið...

Væri flott mál. Skoða þetta á eftir.

Dagur 10 ár 4 (dagur 1105, færzla nr. 528):

Bankaði uppá hjá Reyni í gær. Mér sýndist hann vera við. Var að spá í að ræða við hann, fara svo niður og borða kjúklingaáleggið sem ég átti síðan... einhverntíman. Var farinn að verða svolítið svangur eftir að hafa hangið yfir einhverju verkefni með einhverju fólki í um 3 klukkutíma, og svo hjálpað pabba að setja ísskáp uppá bíl og ná í hjólhýsi.

Ég held ég myndi frekar kjósa húsbíl - miklu minna vesen að flytja.

En hvað um það. Hjá Reyni var einhver kunningi hans sem þið þekkið örugglega ekki en ég hef hitt áður. Var sá ný-mættur á svæðið. Ég hafði varla sest niður þegar dyrabjallan glumdi, og annar kunningi Reynis kom í heimsókn.

Það var Portúgali, Georg að nafni, skilst mér.

Nú, við sátum þarna um stund, og ræddum um ísbirni. Þá mundi Reynir allt í einu eftir því að hann átti Krónhjört inn í ísskáp, sem hann hafði ekki komist í að snæða - og nú var þessi portúgali í heimsókn, sem er víst mikill listakokkur...

Hvað um það, Reynir fékk gæjann til að elda krónhjörtinn, og bauð einum til viðbótar - sá heitir Árni, og býr rétt hjá - er víst eitthvað skildur mér. Hann kom með flösku af víni, sem kom ágætlega út með þessu villidýri. Náunginn á víst gott safn heima hjá sér.

Það var svosem ágætt að fá að borða. Krónhjört? Það er ágætt kvikyndi á bragðið. Fínn laugardagsmatur. Rennur ágætlega niður með smá Baron de Ley.

Dagur 8 ár 4 (dagur 1103, færzla nr. 527):



Þetta er Mauser 98. Illugi á einn svona, fékk hann fyrir slikk einhversstaðar. Alveg hörkugræja, gæti hitt eitthvað með þessu. Nazistarnir voru með þetta út stríðið. Sem þýðir að það á að vera til slatti af þessu ennþá hér og þar.

Það er allt fullt af misvísandi merkingum útum allt: nazista lógó á öllu, og Júgóslava lógó hér og þar líka - þetta kom úr herfangi sem Júgarnir stálu af nazistum í heimstyrrjöldinni.

Við vorum um daginn að bera þennan riffil saman við annan riffil sem hann á, Mosin-Nagant. Það er smá munur: Mauserinn hittir það sem honum er miðað á, Mosin-Nagant hittir það ef það er lengst í fjarska, annars þarf að miða allnokkuð fyrir neðan skotmarkið.

Mosin-Nagant slær eins og .22. Mauser 98 slær eins og... ja, það kemur eitthvað högg sem maður verður aðeins var við. Við getum borið það saman við Tikka, sem slær nokkuð hressilega. Það venst samt.

Þetta er náttúrlega tækni síðan 1898, svo þetta er pínulítið flóknara allt en það þarf að vera - en það virkar fullkomlega ennþá. Svona rifflar hafa almennt ekkert breyst síðan 1950. Þá var bolta-mekanisminn fullkomnaður. Skotvopn hafa almennt ekkert þróast neitt mikið síðan þá. Enda svosem ekki mikið til að endurbæta. Svona eins og blýantar; þarf mikið að eiga við þá hönnun?

Dagur 5 ár 4 (dagur 1100, færzla nr. 526):

Ég var að hlusta á einhvern gæja tjá sig um klámmyndir í útvarpinu um daginn. Hann laug því að hann hefði verið að stúdera fyrirbærið.

Þetta voru allt voða ofbeldisfullar klámmyndir sem hann var að horfa á. Allt. Undantekningarlaust. Voða kinký stöff greinilega.

Nú verð ég að viðurkenna að ég hef ekki séð voða margar klámmyndir - og finnst hin týpíska íslenska kvikmynd bara yfirdrifið nógu klámfengin - man ekki til þess að hafa séð heila löggilta klámmynd reyndar. Man ekki eftir neinum ofbeldisverkum í því sem ég hef séð. Hlýt að hafa misst af þeim pörtum.

Ég hélt að það væri til klámmynd fyrir hverja perversjón; dýraklám, barnaklám, homma/lessuklám.... meira að segja tilfinningaklám - en það er aftur á móti alltaf sýnt í sjónvarpinu á prime-time.

Það er ég viss um að það er fullt af fólki þarna úti sem finnst klámið ekki fullkomnað fyrr en einhver er kýld/ur, en það geta varla verið allir, er það? Þá hlítur að vera tl slatti af mjög óofbeldisfullu klámi.

En að ætla að horfa á einungis klámmyndir þar sem verið er að stunda barsmíðar, og alhæfa út frá því um alla línuna... það er eins og að segja að allar teiknimyndir séu um Mikka mús.

Hvar var Mikki Mús í Fred Flintstone þáttunum?

Um daginn heyrði ég vísað til athyglisverðrar rannsóknar: fólk var látið horfa á 3 mismunandi senur í sjónvarpi, og atferli þess og líðan mælt á eftir. Þetta var eitt atriði með ofbeldi og líkamsmeiðingum, ástarsena, og eitthvað passíft stöff - alþingi eða dýralífsþáttur eða eitthvað ámóta.

Jújú - fólk mældist marktækt árásargjarnara og pirrað eftir að hafa horft á... ástarlíf. Hitt virkaði víst lítið til breytinga.